嘆撈

Open Now

Now Closed

十年都唔入一次屯門嘅我，難得今日入來做義工，順便嘆個甜品！屯門的朋友帶我來一間甜品屋，佢話呢度嘅窩夫好食，師傅畫公仔又一流，今日就等我去見識下，大開眼界😋😳雖然舖頭細細，但尚算整潔，老闆，老闆娘應該係好中意貓貓🐱，店內好多貓貓嘅裝飾，圖畫。先黎個小食併盤先，有炸燒賣，魚蛋，薯條。我平時除了燒嘢食食炸燒賣外，我今次都係第一次响街食炸燒賣。煙煙un un 幾得意喎又！抹茶麻糬紅豆窩夫我第一個反應係。。。。。嘩！真係好靚畫得！貓貓，全部都是貓咪🐱點解可以咁短時間就畫起一個？個碟唔係畫定雪定嘅，係師傅即場畫！真係好西利！佩服佩服！焙茶珍珠窩夫好特別，珍珠除了落在奶茶度，仲可以用來做窩夫，呢個idea又幾創新👍🏻講返個窩夫先，外皮好脆，好有雞蛋仔味，裡面麻糬煙煙un un好有口感。宇治浮島係用京都綠茶粉打落去，再配綠茶雪榚配紅豆，仲有小丸子加西米。Oreo奶昔奶好香滑，唔算甜。特濃朱古力沙冰朱古力味好濃郁，唔算好多沙冰，唔會成口冰碎。小小甜品店，賣相靚之餘，用料豐富，精心。價錢亦十分合理，值得推介👍🏻👍🏻👍🏻

得閒會同朋友過黎虹橋呢邊食糖水，每次嘆甜品外面都一定有好多人等緊位！今日都唔例外，我同朋友等緊大概20分中先至入得😭😭今次叫咗佢嘅窩夫，窩夫就好好香嘅蛋味而且好脆，可惜嘅係佢執邊提供嘅cream太浠。不過值得一讚嘅係佢用朱古力或出嚟嘅花真係好靚好特別！ ！

紅橋的好食甜品，他的窩夫不錯，伴碟有畫花，令甜品錦上添花。這次吃了黑糖珍珠窩夫，實在太好吃。把珍珠奶茶融合在窩夫裏，窩夫即叫即整，熱辣辣上碟，很好吃！最開心是可以外加配料，叫了芋圓，真係好吃，值得推介！

以前讀大學嗰時成日黎嘆甜品食佢個窩夫，除左窩夫本身整得好食之外，最重要係師傅會喺隻碟度畫唔同嘅貓貓🐱圖案。每個人都唔同嘅款，每次黎都唔一樣，睇得出師傅好有心機，最近去番食甜品，真係好懷念以前呀😂😂😂😂

今晚即興去呢間甜品鋪，叫個佢地主打既珍珠奶茶味窩夫加黑芝麻雪糕球，俾錢個時個90後女收銀收左我錢但係無俾番張單我，咁可能無乜人叫外賣所以我估佢會記得我叫乜掛，隔一排個90後女收銀出黎，將個外賣俾一位女客，我望見個女客檢查一陣就話唔係佢既，我就上前問下個甜品係乜黎，原來就係我叫個樣, 之後佢好似知衰即時閃番入鋪，我就覺得佢好攪野，無記性你咪收左錢後俾番張單我囉，方便記嘛，衰在又驚人鬧咁即時閃人，唔好意思都無句，咁你呢位90後收銀就唔好扮記性好啦。 講完佢，都要提番佢既窩夫係好味既，拿番屋企食都重脆，佢地又會俾多d奶茶味既金cream，雖然$60貴d但係好味，都值！ 最後，望間鋪個老板睇實d個位90後女收銀，唔好再俾佢懶有記性了

嘆甜品由一開張到現在，都沒有令我失望過已經來過這裡無數次如果食飯時間就有排等位，所以今次我地今次星期六下晝六點左右來到，就立即位紫薯窩夫一直都是我最愛即叫叫整，窩夫熱辣辣送到。雪糕球可自選味道，窩夫脆卜卜，配紫薯cream 紫薯脆片，再加上一粒粒紫薯，有不同口感，不會太甜，絕對可以再encore另外試了伯爵味心太軟，切開真係好流心淡淡的伯爵茶味道，感覺沒有平日朱古力心太軟那種膩，十分醒神。順便一題，每碟甜品都會有一隻獨一無二的貓貓公仔，十分有心思呢

見Instagram 有人介紹黎間甜品餐廳, 比佢嘅紫薯窩夫吸引左,所以要專程遠道而黎. 星期日的下午4:30pm, 一開門就入去食. 咁就可以唔洗等位啦. 叫左一個紫薯窩夫加麻糬同一個焦糖脆脆花生醬甜奶鮮忌廉窩夫. 焦糖脆脆花生醬甜奶鮮忌廉窩夫店員一拎出黎個刻, 真係有少少震撼. 因為真係好大個窩夫. 花生醬好香. 窩夫餅好好食. 濕度岩岩好. 唔會太乾. 焦糖脆脆係岩岩好, 唔會有煮耐左嘅苦味. (曾經係其他鋪頭食過苦味, 有陰影>___<) 最值得讚嘅地方: 佢個花生醬係熱嫁!!咁提升左個香氣同口感好配合. 再加埋少少雪糕, 唔會覺得口好乾/漿住個口咁. 紫薯窩夫佢嘅賣點當然係成個紫色!上面有紫薯脆片, 海量紫薯忌廉同切左嘅日式小甜薯. 可能因為食左紫薯脆同小甜薯, 所以忌廉其實我只係食忌廉味, 不過幾好係口感好滑同埋就算食晒成個窩夫唔會太濟, 不過真係飽左. 麻糬就係窩夫餅入面, 會咬到一粒粒幾有咬口. 兩款我都好鐘意, 如果再返黎食. 我會encore 紫薯窩夫, 畢竟出面唔多餐廳有得食.五十幾蚊食到好味又有心機嘅窩夫，真心覺得性價比好高！ 令我最開心嘅係佢每

紅橋嘅甜品店雖然唔少，不過我最中意都係班戟館同埋嘆甜品😙前幾日真係勁黑仔，出去食飯要咩冇咩，諗住番屋企前同男朋友嚟食甜品，點知等位又等好耐，一入到去又勁多人埋單走，冇人等位🤷🏻‍♀曲奇雪糕又賣晒😭全日嘅黑仔令我黑住面食甜品🌚#焙茶珍珠窩夫 ($58)😋好味指數：(7.5/10)每碟窩夫都畫咗隻貓貓係到就唔使講㗎喇😎幾中意嚟呢到食窩夫因為每次嚟食都係熱辣辣，食落去側邊脆脆地，又唔會烘得太過乾😛好大堆焙茶醬係到，甜甜地有小小茶味🤓珍珠份量都幾多，雖然冇平時飲啲黑糖珍珠咁超級煙韌🤣不過都唔差咖☝🏻

係屯門行完山，即刻想食返啲甜野補充體力。不過大商場裡面既甜品店價錢偏貴，所以係openrice揾到哩間嘆甜品，雖然位置離市中心偏遠，大概走十幾分鐘，但價錢比起大商場真係平廿幾至三十蚊，所以都值得既。小食拼盤份量都好多，雖然味道好普通冇咩特別，不過勝左即點即炸，所以都好熱好脆。哩到窩夫種類都幾多。不過見到有個限定推出既烘焙黑糖珍珠窩夫賣相都唔錯，所以就揀左。個窩夫份量都係好多，絕對可以當正餐食。碟上面用朱古力醬畫左啲圖案，都幾有心思幾得意架。哩個窩夫味道真係好好，軟硬適中，不過最正就係佢個烘焙醬，好香茶味，食落唔膩唔會好甜。哩款窩夫我覺得配綠茶雪糕係最夾，可能大家都係茶味掛。

天氣凍就自然想食嘅甜品，咁就去食嘆甜品嘅窩夫啦。雖然呢間鋪頭細細，但係成日都大排長龍架，所以我哋今次就係8:30鐘就入去食嘢啦。坐得雖然迫啲但係都幾舒服架。今日食咗必食嘅士多啤梨味窩夫，用士多啤梨既酸味中和返甜味，咁就冇咁膩啦。每一份窩夫都有點樣親手畫嘅圖案，畫工都非常之好。不過今日食嘅窩夫就略嫌唔夠熱啦，可能係天氣凍咗。不過啲cream仍然都係好幼滑，好似食緊棉花咁，窩夫蛋味好濃，真材實料。為咗解膩嗌咗一杯蘋果玫瑰沙冰，都有玫瑰味嘅，不過就甜咗啲啦。同埋係冬天飲沙冰感覺都係差咁啲。

雖然間鋪細細間，又坐得唔係話好舒服，帶小朋友去都坐得麻麻地，但係食物好用心做，出面依個價錢根本食唔到咁有水準既東西！我地一家人間唔中都會尊登山長水遠坐車去食！不論咸食定甜食、都非常好👍🏻好想讚下依間店用心做食物既員工同老闆！

每次係附近跳完舞就會同班dance crew去呢間野度食宵夜。佢真係好famous，每次去都好多人係度等。加上佢地方細呢！不過都好值得。因為佢個waffle超好食。d小食就麻麻地。但waffle已經值得令我等位入去！

其實黎食呢間「嘆甜品」食過好多次！主要係多款好食仲好可愛🐱🐱呢間甜品鋪並無真貓貓 但碟上會出現喵喵圖案，每隻碟都係店員親手畫，每碟都唔同！So far 食過禁多次都無見過同款，少啲創意都唔得！窩夫類既甜品會附上可愛貓圖案🐱如果心情唔好食甜品見到呢啲，心情會好治癒！窩夫味道都試過幾款，蛋味濃郁，配料豐富！炸燒賣，基本每次黎都會叫既食物！炸到外表脆卜卜，加上椒鹽粉及酸辣醬！正👍🏽每次同朋友黎食都必叫！但要小心既係，每次都係新鮮炸起，要小心熱喔😃瑞士雞翼食過兩次，都好入味！連條骨都入埋味👍🏽又唔會好咸，調味剛好🤤🤤加上肉質好軟淋，無雪藏味！讚飲品都做得好出色，飲左oreo曲奇奶昔！不得不讚😂曲奇味濃！鐘意cream 既人士會好鐘意呢杯野！仲叫左芒果小丸子！小丸子煙韌有咬口😋將芒果打成蓉奇埋芒果粒，成個甜品好濃既芒果味😋食得好開心😃整體黎講，食物係好好食，唔係我都唔會食禁多次啦😏只係環境有待改善，我明白香港寸金尺土，但坐位真係好逼近，呢方面不太好之外，店員都好友善！有次生日同朋友慶祝食甜品就黎左呢間，明明阻住左收鋪都無趕我地走仲好友善禁招呼！呢種待客之道唔係度度地方都有👍🏽👍🏽👍🏽👍🏽

夜晚起虹橋食完飯，就睇下附近有冇甜品食。之前聽我男朋友推介過呢間甜品舖的窩夫好好食，大件夾抵食，於是就入左去食。我地點左個焦糖脆脆香蕉鮮忌廉窩夫。廚師仲好有心機咁用朱古力醬畫左隻貓起個碟度，真係食得又睇得。味道方面，香蕉同朱古力雪糕味道好夾，唔會太甜。窩夫應該係即整的，口感香脆鬆軟！好新鮮的感覺。價錢方面簡直超值！我地兩個share食都夠哂，所以如果一大班人黎食叫多幾個仲開心！整體來說，十分推薦，會再次光臨！

嘆甜品嘆一嘆甜品之前聽朋友介紹一間喺屯門好好食嘅窩夫 終於有時間嚟試吓啦 因為平時想食好食嘅窩夫 食親嗰啲都係軟身嘅同埋唔係好厚實囉 我叫咗baileys朱古力醬鮮忌廉窩夫再加兩球芝麻味同豆腐味雪糕 係超級超級超級好食因為佢外脆內軟同埋最緊要嘅係好厚身 baileys味都唔淡 本身好鍾意食芝麻芝麻味好濃 好正好正極力推介大家嚟食呢度嘅窩夫 正啊佢哋個心太軟都好出多 不過果窩夫都食到好滯所以下次再試啦👅