嘆撈

Open Now

Now Closed

第一次黎既時候，發覺份量又多，又美味。打算今日過黎encore，點知今日食，發覺份量嚴重縮水，可可雪山的綿花糖痴埋一齊，仲有連原先圖片的朱古力可可蜂巢形脆脆，都變成縮到超迷你脆脆，根本就係貨不對版。

食了午餐後感覺未飽得晒，就打算食啲甜品中和一下，見到餐牌唔同了，是全新的和縮細本了同埋加咗價，於是叫了個紅豆綠茶麻薯窩夫配芝麻雪糕，waffle冇變一樣外脆內軟又有麻薯好彈口，紅豆好味，煉奶其實可不須，因為紅豆已夠晒甜味，雪糕都係keep住勁凍勁硬，可以驚放落waffle上會太多浴，所以雪到咁硬上枱。總括嚟講味道和質素依然保持到水準，可推介比朋友，同埋比起市區價錢平10蚊以上，提提大家如想食得舒服最好一開舖4點半後來幫襯 ^ ^ 😋😀👍👍

我已幫襯了幾次，由於太耐冇嚟所以好掛住佢個waffle，叫了個焦糖脆脆waffle配曲奇雪糕，食落依然保持水準外脆內軟仲要價錢抵食，出面市區這價錢這級數係食唔到，這間甜品舖值得推介比朋友 ^ ^ 😋😀👍👍

屯門紅橋不嬲都出名多隱世美食，但係我就唔係好清楚個頭有咩好食，生日個陣我朋友就話帶我去個邊一試一間好多人食嘅甜品店一去到門口，簡直就比佢嘅顧客人數嚇親我地去到個陣已經係深夜一兩點，但係d人竟然係多到坐哂出門口，我地仲要等位添！！不過好彩老闆見我地等咗一陣，都好好人咁幫我地開咗張枱我地個日唔知點解超級想食心太軟同窩夫！！！！而我地兩個又好鍾意食芒果，所以就叫咗芒果窩夫同綠茶心太軟個窩夫超級鬆軟，芒果又甜而且佢地個伴碟仲好得意添啊

是日係屯門行左個靚菠蘿山🍍之後一直好想食返啲甜野滿足返身體既疲倦🤪係屯門既話我就鍾情於呢間嘆甜品啦~搭輕鐵到新墟行一陣就到了。店子不大，大約有7,8張枱，每次來到都不少人呢！ 好彩唔洗等位窩夫6種水果令睇下來色彩繽紛，店員親自用朱古力醬為每一碟窩夫都畫圖案架，畫出既非常仔細漂亮！所有水果都唔酸好正，尤其係士多啤梨🍓💕窩夫又脆喎，性價比高呀！不得不說呢度既雪糕係好完整既圓形雪糕，唔會鬆鬆散散咁得一細嚿架😍一開始食到雪糕同甜甜既芒果，之後融合雪糕一齊食奶味愈來愈出🤪 大力一不個底係好多好多紫米！一個人食到飽飽🤤同頭先一樣係紫米露，只係加左芋圓，芋圓超彈，係去到少硬個種，所以幾巧牙力，不過我既朋友就好鍾意！

其實之前都食過好幾次，但實在因為真係太高質，所以每次想食甜品，都會忍唔住自動自覺咁過黎食。🤦🏾‍♀️鋪面細細，所以如果想一大班人過黎食，要有心理準備要排好耐。今次就友人嗌左兩個甜品，一中一西。首先，係我每次黎都必嗌嘅岩鹽拖肥Oreo鮮忌廉窩夫。呢度嘅窩夫整到勁輕，誇張啲講，輕到有少少似忌廉，所以係必食。加埋岩鹽、拖肥同Oreo，全部都係我鍾意嘅野，超邪惡但勁like👍👍薑汁三色芋圓。芋圓份量大方，有好多粒，都各自食到芋頭、番薯、紫薯嘅味。不過略嫌薑汁太甜，唔夠薑味。總括黎講，價錢合理，質素高，特別係窩夫，係值得我一再回頭嘅甜品鋪。

原本對屯門呢間嘆甜品冇乜期望 見到其他foodies介紹過就去試吓 點知好有驚喜! 岩鹽拖肥oreo鮮忌廉窩夫脆脆地 個cream竟然都好出色 唔似平時死甜或者冇味😚 揀左朱古力味雪糕唔易融而且好圓🤣🤣錯重點添芒味既沙冰都唔錯呀 有啲爆珠幾有口感地理位置可能人流冇咁多 但係好多學生都識食揾到這間高質小店！

焦糖脆脆香蕉鮮忌廉窩夫 配雪糕 $50很有心機的伴碟圖案🐱每一隻于上的貓咪圖案都是不一樣的👍🏻熱辣辣窩夫配上忌廉 creamy程度爆燈😋焦糖脆脆口感豐富 與香蕉一併享用出奇地配合🤗甜甜的焦糖與本來淡身的香蕉互補不足但要注意排隊時間比較長哦！

係網上忽然見到好多人介紹呢間野,，男朋友知港女通常都鐘意食紫薯，專程入去試下呢間野。如果怕等位既，可能唔太適合你，我前後去左兩次，平均都等１５分鐘或以上。但如果你等得既，絕對值得嫁！我揀左「紫薯窩夫」，男朋友就食「焦糖脆脆花生醬甜奶鮮忌廉窩夫」，兩個都冇令人失望。紫薯窩夫口味比較清淡，我最欣賞佢上面Ｄ紫薯薄片，增加口感之餘，味道亦比較出色。鐘意食紫薯既不妨一試。至於焦糖脆脆花生醬甜奶鮮忌廉窩夫，好甜，佢好甜，真係好甜。（好重要所以講３次）男朋友一食就停唔到口，因為佢好鐘意食格仔餅，冇錯，佢個味同格仔餅真係好似，但佢比格仔餅更甜更脆。焦糖脆脆份量好多，配埋花生醬，食完要減好耐肥先得。如果好鐘意甜野，一定要叫呢個，絕對令你食到好飽好滿足！總括黎講，呢次甜品係我近來食過覺得最好食既，價錢雖然唔平，但係好值得！

佢地整既窩夫超脆超香蛋味。一入鋪頭已經聞到蛋香味，牆身有幾幅以貓貓做主題既畫。今次人多，叫左4款窩夫(每款$50-56)，紅豆沙，小食拼盤。焙茶麻糬鮮忌廉窩夫(配自選雪糕)($56)，款款窩夫既賣相非常靚，每個碟都會用朱古力筆畫上公仔，eg貓/minions。每件窩夫入面真係有麻糬，啖啖都食到有，整得夠脆，抹茶味濃。配有煉奶，紅豆，忌廉，加左之後就甜甜地，不過焙茶味仲係到，唔會蓋過。Baileys朱古力醬鮮忌廉窩夫(配雪糕)($52)，脆身窩夫配上baileys朱古力醬，甜而不膩，就咁食或者加醬都一樣好味。窩夫入面唔會只係得空氣，係實心既，所以有飽足感。焦糖脆脆花生醬甜奶鮮忌廉窩夫(配雪糕)($52)，一上枱就好震撼，望落食落都飽。d忌廉多到滿，基本上塗滿每件之後，仲有好多cream剩低，唔怕膩既可以塗哂。d焦糖脆脆好好食，平時好少係甜品鋪會食到，仲要落左好多。d花生醬出奇地同窩夫如好夾。如果叫尼款窩夫，有cream"吱"左上去，窩夫會相對軟少少。焦糖脆脆香蕉鮮忌廉窩夫(配雪糕)($50)，尼個既份量同花生醬甜奶鮮忌廉窩夫既一樣大，只係花生醬變香蕉。但係，d蛋漿好似落埋香蕉咁，食落口好

記得好耐之前係屯門搵食時，見到‘歎甜品’有我很愛吃既窩夫，而且試過味道亦頗為滿意，所以今次見吾系太多人，就又來食下先！😋入到店未坐低已經可以聞到好香既窩夫味道 👀 然後睇一睇餐牌，花多眼亂嘅款式令我每樣都好想試！還記得以前食粟子味👍🏻但原來已經⋯冇左。咁唯有試下紫薯味啦🤔製作需時即叫即整，淡淡的窩夫香味令我好心急想快啲食。等左大約10分鐘，終於上碟🌞紫薯窩夫配榴槤味雪糕 $56+$2好可愛的貓咪見得出餐廳好有心機去製作♥️窩夫食入口沒有太香濃的蛋味，但卻有點兒外脆內軟的口感🤤至於cream分量剛好，可以每口都吃到！再配上偏硬身的紫薯片和半口軟軟的迷你紫薯，絕對滿足到味覺的享受👅另外好少甜品店會有榴槤味雪糕配搭👍🏻👍🏻值得一讚PS：由於餐廳顧客頗多及店面位置不太大，所以未必可以有時間坐低慢慢傾吓計！

嚟嘆甜品好多人都係食窩夫😆今次一坐底就見到有張冬日限定嘅menu有心太軟😚係呢期好hit嘅紅絲絨呀🍂.#紅絲絨嘢會心太軟 ($46)😋好味指數：(7/10)可以揀唔同口味嘅雪糕😳當然係十年不變又揀曲奇味🍪舊雪糕雪到勁硬🤣🤣一嚟到見到成舊紅色都幾特別😆仲要好流心添👍🏻個人覺得紅絲絨嘅味道其實有啲似士多啤梨🤔最特別係心太軟入面竟然有2片士多啤梨喺度🍓😱😆

係屯門附近食完飯，當然要滿足一下第二個胃，咁啱搵到依間嘆甜品~ 雖然鋪頭細細地，不過野食嘅種類都叫多，有傳統糖水、新式啲嘅糖水，同埋出哂名嘅窩夫！我地叫咗2個窩夫。焦糖脆脆花生醬甜奶鮮忌廉窩夫，顧名思義，窩夫上面有焦糖脆脆、花生醬同忌廉，仲有雪糕球，首先佢依到啲窩夫外脆內軟，而且係成塊上，啲花生醬夠多夠濃，基本上係可以每一細塊嘅窩夫都可以沾滿花生醬，真係估唔到窩夫同花生醬又幾夾，平時好少食到依種味道嘅窩夫。士多啤梨鮮忌廉窩夫，士多啤梨份量多，真係好滿足。睇得出好有心思，因為每個碟都會有隻用朱古力醬畫嘅貓咪，真係睇得又食得！

景峰越黎越多甜品店，今次就去左朋友介紹嘅呢間嘆甜品，可能係撞正飯後時間去好多人，等左差唔多半粒鐘先有位終於拎到位坐底，本來諗住要叫最近大熱嘅紫薯窩夫，後來發現推出左焙茶甜品系到於是最後叫左焙茶麻糬忌廉窩夫焙茶麻糬忌廉窩夫窩夫外脆內軟而且中間夾雜麻糬煙煙韌韌好有口感，忌廉夠香夠滑，重點係個焙茶醬好出色，焙茶味香但唔會過濃，甜度亦都啱啱好，美中不足嘅係個雪糕食落似雀巢但係焙茶窩夫太好食最後叫多左份哈哈發現原來隻貓次次都畫唔同樣

晚飯過後時間尚早，想食甜品就去井財街，難得去到門口見到唔駛等位，即刻狗衝去食。想試窩夫但又怕太飽，同事推介呢度嘅法式焦糖燉蛋，原來仲配雪糕手，岩晒我同亞女share!好快就有得食，焦糖燉蛋睇得出厚厚一層焦糖，一敲即碎，好治癒，但個人覺得焦糖略多，而燉蛋口感順滑而且味道較淡，一啖食落去重重甜味但就食唔到蛋香，感覺被焦糖完全霸佔味覺。自選雪糕揀左朱古力味，好圓好實淨，配有忌廉同焦糖脆脆，肥到極緻，反正我冇食過呢個雪糕就俾大小姐鯨吞左。食完接近晚上9點，店舖內開始多人幫襯，門口亦開有人等位，奉勸各位想食就要早少少喇。