樂家蒸籠料理 (Closed)

同老婆仔去APM睇戲食飯,見到間新野叫樂家入去試下,叫左個牛肉蒸籠,咖哩炸雞烏冬,燒牛舌,燒雞翼,曼魚串,燒牛仔骨,老婆仔話牛肉蒸籠好啱食,因近排要KEEP FIT,冇落油同有蔬菜,咖哩烏冬湯好好味,有咖哩香味但不太辣,老婆仔都飲到話OK,串燒都幾平,食到飽飽,$195蚊埋單,下次去APM一定再去食過去!!!!!!!!!!!!!

第一次去食, meun 無乜得揀, 啲 A,B,C,D 餐要成$60-$80一個, 見佢招牌sale蒸籠, 所以就叫咗個E餐, 即係牛肉豆腐蒸籠飯呢個飯, 淡而無味, 又無汁, 即係乾食個白飯, 而啲牛肉我就唔知有咩特別, 普普通通咁好似平時食嘅日式煮法囉, 而豆腐, 你都唔好諗會好好味啦, 始終豆腐唔係要食好入味嘅.我食完, 好似食咗個淡水飯咁, 食唔到蒸籠嘅特別味道, 連蒸籠嘅竹味都無, 唔會唔飽, 不過食完後個口淡到好似飲完5升水一樣, 之後我要去買返杯coffee試下我啲味蕾有冇問題添~~~成$68仲要加一, 呢個價錢, 去牛陣食到飽死都得喇!就算唔去牛陣, 吉野家可以用一半以下嘅價錢, 但就一定可以食到好食過佢好幾倍嘅牛肉飯! 仲有, 去吉野家都有杯可樂飲, 呢間嘢連茶都無, 得水飲咋!

元氣要等差唔多一百個籌,,上去睇下有咩其他野食,,見冇嘜人等位,,新開,,即管入去試下..門口有兩個WAITER請我地入去,,以為服務OK,,但點知入到去冇人理我地,,連水都冇杯,,見到個MENU得幾樣野食,,烏冬,,蒸籠同飯,,冇嘜選擇..我地叫左--豬頸肉飯:不知所謂!!!!!!!食豬頸肉都係想爽口,,.但佢比舊好似煲完湯GE肉比我地食,,林到冇牙都食倒...--咖哩炸雞烏冬:個炸雞都OK,,但個鳥冬其實係闊扁麵,,有D失望~--串燒(蝦,,雞翼,,豆腐):個豆腐冇汁,,勁乾,,冇嘜味.....蝦都唔係好掂....食唔哂個飯,,想拎走,,叫WAITER比個盒我地,,點知個WAITER話依度冇外賣盒,,只有保鮮袋(即係超市唔洗錢果D!!)簡直係經典!!!!我未試過一間餐廳連盒都冇,,,仲要收加一,,之後都唔洗指意我去幫襯...

見新開~~去試一試先~2個人~一試就奶哂野~真係頂你丫huffyhuffy咖哩海鮮烏冬~~58蚊有蝦有青口有尤魚有帶子仔~~烏冬~~淋既~衰過係街買個d~~蝦~~~晦既~~~湯~~咸左d~~真係叫救命~~惟一安慰既就係個2塊仔既尤魚仔都尚算彈牙~~sad見到個籠仔蒸好似幾正~又叫左一個啦~~蒸什麼牛肩跟什麼豬豚肉~78蚊~叫左先知原來冇飯既~加埋個飯同個面豉湯~多謝12蚊~即係90蚊~一黎到~~喔~真係眼前一亮~~d肉就係張相見個幾條~每樣6小塊~~下底個~唔洗講~大量椰材加少少菇huffyhuffyhuffywa~珍殊米~大家都知好野黎既~彈牙既~竟然可以煲到爛爛地~真係唔講得笑~~惟一想講既~d牛唔錯~~但係d豬~~真係冇咩發表~普通到不得了~~最後~我至愛燒尤魚~呵呵呵~~28蚊~~咪以為我笑得咁開心係食到好野呀~~其實~~~都係奶野~~一上碟~影相~~影完就食~~一落口~~凍既~~阿師父仔~我都知你已經恰熟左~~但係可唔可以燒熱少少先上台呢~~ 2公婆一路食一路話比人呃~陰公~~最後仲有加一服務~~~埋單195.6~~~錢唔係多~~不過呢一餐真係食到個人嬲嬲地~~huffyhu

味道不算差， 但所有食物、裝修、招呼，樣樣都差D，感覺是“扮日本菜”的餐廳。　餐牌很大，選擇很少；選了一個“牛脷飯”，只有幾小片牛脷，而且質感有D似雞腎，有些伴菜，飯是乾乾的，有點寒酸；沙律很怪，有些生的冬菇和金菇、有D滑san san 的魷魚，吃完就肚痛了。最奇怪的是－－七味粉的樽是舊的S&B，但沒有招紙，而且只有辣味沒有香味，你話係唔係冒牌？絕無下次。　

行到咁上下, 見到lee間食日本野, 一個烏冬/飯 + 小食 50蚊有找(實際係幾多就唔記得喇...)叫左蕃茄豚肉烏冬, 帶子串燒, 燒栗米, 燒雞肉咖哩烏冬蕃茄豚肉烏冬 - 蕃茄湯底ok, 有d酸, 扁烏冬好食, 整體味道都唔錯帶子串燒 - 一般燒栗米 - 問佢要牛油....竟然比鮮油我地....正燒雞肉咖哩烏冬 - 燒雞肉好食, 咖哩味普通係apm黎講. lee個係一個唔錯ge下午茶選擇

見佢寫住「蒸籠料理」好似幾過癮咁...但坐低見到menu已經想走...總括而然得三樣野食，就係烏冬．飯．蒸籠料理而蒸籠料理係無飯既，另加$5先有麵豉湯，$12有飯同麵豉湯(喂我想要飯但唔想要湯喎....=,=) 心感完全搵笨…而蒸籠料理...其實就係將d肉…蒸佢…哈三個人叫左牛排、雞肉、豚肉豚肉最好食可能因為有肥肉，雞肉最難食因為好鞋不過個味都ok既，呢個價錢係份量少d囉…試一次見識過就夠了，聽講下午茶抵食d，睇下仲有無緣啦。呢個價錢，係apm甚或觀塘有好多更加好既選擇。

9:30PM 後入座已經冇晒蒸籠料理, 唯有食爈端燒和扁烏冬我點了咖喱牛肉烏冬, 係所以食品之中唯一可取的食物.友人點了蕃茄海鮮烏冬, 蕃茄湯底好淡和稀, 蝦又好梅... 唔掂!!!!!! 但最差係爐端燒, 我們點了多春魚, 牛仔骨, 帶子, 蠔, 牛舌. 全部都唔熱!! 凍凍地.大佬, 我食爐端燒, 唔係食前菜/冷盆... 牛仔骨勁生, 紅卜卜, 多春魚的魚皮好似冇燒過咁蠔又唔熱, 我不如去食生蠔帶子好唔新鮮牛舌的味道最正常, 可惜係凍囉我和友人都不能接受. 堅決下次唔會再幫襯!!!平時係OPENRICE 齋睇唔寫食評. 但呢間野差到我唔出手唔得!!!!

:chopstic叫左個招牌菜-雞肉蒸籠料理(48元)加12蚊先跟面豉湯和白飯一碗.跟水一杯(口好寡,如果送杯日本茶來飲就好喇)雞肉都幾淡味,但附有兩個醬汁(蒜和辣汁)可以點,都ok喇.最欣賞係肉下邊有勁多的菇和菜.出街食好少可以食到咁多菜,因一向食飯都有散叫菜,呢度叫個蒸籠料理都夠晒菜囉.d雞肉切到好薄,如果係食肉獸應會唔夠喉.日本的定食或用餐份量真係幾健康.份量咁多就咁多,係好事呢.食得健康,呢間係唔錯的選擇.我食到好飽呀食嘢唔每個人口味都唔同,我諗最重要欣賞整食物者的付出和心血.天氣咁鬼熱,呢期都收爐唔煮出街食囉.日本重要熱死左成百六人.做香港人好幸福,想食咩菜都有.下次會再試吓佢地個扁烏冬和枝豆

日本蒸飯。。。樂之家。一句講晒，未聽過又未試過。。。佢既［代言人］係一隻雞仔同豬仔。好Ｑ呵～ 我同匱SIR一睇個Menu見到一盆盆［生野］，以為係［打邊爐］添？！１。羊肉蒸飯（上）：超好味！！！！因為Ｄ羊肉係放係Ｄ椰菜上面蒸熟，Ｄ肉汁流晒落去Ｄ菜到，Ｄ菜都好好味。另有２個汁比你去［點］Ｄ羊肉食，各有千秋。好都好味好味好味！２。牛舌飯（下）：都係好好味！！！個燒汁冇得頂！如果可以再多Ｄ加係Ｄ飯度就完美啦～ 每個餐都有跟湯同小食。夠飽。美中不足。只有飯餐，冇小食。希望遲Ｄ有啦～

七月二十一日 (星期三)是晚和老公仔做完gym,老公仔提議到觀塘apm吃新開的蒸籠料理身為因為食組組長,我當然舉手讚成去到比較遲了,近排多野做!已經要等位,不過很多人都等了一會就走了...所以等了半個小時都有位牛小排蒸籠料理牛小排味道不錯切得薄,牛味十足飯是珍珠米,有口感,彈牙,香海鮮咖喱烏冬+飯團原來這裡的烏冬很幼,是扁烏冬我不太喜歡這類型的烏冬而且咖哩味不太濃,很淡飯團沒有味的可以期望大,失望大未必會再試了因為這裡的烏冬不是我杯茶

這天跟朋友約了吃飯，見這所餐廳沒試過、也不用等，便進去了。來的是水不是茶，很奇怪看餐牌才發覺，選擇不多呀，也不見得精...@@我要了個咖哩牛肉烏冬，烏冬有點特別，像河粉般；但咖哩真的很咸= ="""""另外朋友要了個靖魚飯，好像不錯螺肉，不怎麼樣煎餃子，小小的，很可愛，但味道一般芝士年糕，甜甜的總體來說，有點失望，雖然價錢合理，但不會再來了。

下午茶餐$32唔包飲品，我另加$10要了原味波子汽水，連加一服務收費要43，這個下午茶吃完之後，感覺還未飽呢 帆立貝燒 - 味道唔錯 迷你燒牛肉丼 - 燒牛肉味道唔錯,只嫌牛肉un了一點

之前原店o既和花亭已經比尖消咀店差諗唔到改頭換面之後o既料理更差......我食o既係雞肉蒸籠咖哩湯烏冬不知所謂佢個蒸籠料理係標榜輕怡, 雞無油, 但唔應該去到無味囉......烏冬係扁型, 無烏冬咬口, 十足河粉.....咖哩湯唔係濃湯.....個set有飯團跟個飯團夠膽死一d味都無, 連壽司飯o既醋味都無......呢個咁o既set加10%收人$8x蚊絕對好過搶我發誓, 呢問野無下次, 請都唔去.......

見到APM開在幾間新野，所以試一試！七點幾，嘩！好多人等緊！好彩唔係等好來就有！兩個人竟然比四人枱！！見到個餐牌，見到啲廚師推介！所以叫了個【豚腩香丼】$56元及【咖哩海鮮烏冬】$58元先講個【豚腩香丼】，都值得一試D豚腩唔算肥，但個麵豉湯好鹹！【咖哩海鮮烏冬】，個扁烏冬食落唔係幾係烏冬，但啲烏冬都ok！但個咖哩湯底可能d咖哩粉太多太粉至於個飯糰無味架。埋單加一$125.4元。送兩把得意的「地頭雞」及「甘薯豬」扇中等，個飯可以再試，烏冬勉強。下次試下個蒸籠料理睇下咩味先！哈哈！