稻香 (Closed)

今晚同屋企人食晚飯， 喺旺角真係好多嘢食,但係突然之間好想食稻香， 走進它的新裝修的環境，真的同以前不一樣！ 我們一共四個人，叫了三個菜， 每個菜都會令我很回味！1. 上湯蒜子浸豆苗 估唔到八十幾蚊， 都可以有咁大碟，質素亦都唔錯，都尚算抵食！2. 柚子肉排 肉排非常之琳, 柚子汁酸甜度剛剛好, 與肉排放在一起真的回味無窮!😘😘😘3. 柚子龍躉斑球 一嚟到真係估唔到呢個菜係炸的！ 上面啲擺設亦都好靚 搞到我食慾大增！ 食落去后又唔油膩仲啖啖 班球！ 勁抵食！ 如果我係稻香會員中只係108蚊！ 下次會一定再嚟食！

今日去左旺角稻香食飯，叫左個海鮮套餐498，套餐可揀3款餸~我地揀左美國大生蠔，花膠什藥煲同白勺蝦美國生蠔6大隻，可以揀清蒸或so炸,我們揀清蒸，冇咁熱氣味道其實係可以的，但我們2人吃6大隻，會有點多，真係估唔到會咁大隻花膠什菜煲這個好好食裏面有埋粉絲，湯底又好飲白勺蝦這個味道一般份量亦都比較小，好快就食完蝦肉可以彈牙d甜品拼盤椰汁糕好好吃其它糕點就不太夠魚膠粉，好易散開服務態度有善，食物一般性價比都可以

晚上6點開門就進來入座，此時還沒有什麼人。入座後點了一些點心，等到七點也沒有單據給我們。催了服務員後才把單據丟到我們桌上，態度非常差。後來一直到八點半直接找櫃檯去催才等到，但是也沒有全部上齊，最後不想要了就結帳了。從到店到出店共三小時，等了兩個半小時吃東西半小時。總的來說真的很差，不會再來也不會建議朋友來。

記得以前稻香係散叫邊爐為主，而家轉左放題形式，任飲任食，感覺抵左，至少可以吸納到我地啲大胃王嘅客路！座位多，好快有得入座，但都好迫夾！好快填定湯底同配料就俾阿侍應姐姐落單，侍應姐姐俾個好大嘅心理準備我地，manage定我地expectation：”唔好諗住快，唔夠人手！”等等等，再等等等，配料到但煱都未到考驗耐性嘅時候。。。到有鍋，但配料完全唔齊，原來部分丸同菜要自己移玉步出去夾，無人同我地講過囉！如果自助，就唔好俾人填紙揀啦！我地填嘅野食到啲唔到啲，佢啲牛肉豚肉係三催四請先有(諗住用啲平價嘢塞飽食客個胃咁)，結果填左3次配料紙先叫得齊！佢係叫人無人，完全零服務，啲餐具仲要勁污糟(唔通諗住我地一定搵滾水淥一淥佢？)我地仲見到窗上面有隻小昆蟲除左蝦新鮮少少同堅係甜粟之外，味道就無咩特別，全雪藏嘢，肥牛勁肥，麻辣煱得個咸字，二百幾仲要加一完全唔值，唔會再幫襯！依個價錢嘅火鍋出面大把選擇！個人覺得快餐店嘅一人邊爐比佢好勁多

因為之前幸福輪抽中了乳豬全體所以故地重遊！眼見單價便宜，不期然點了很多道菜！燉盅內充斥着粗壯的菜膽，將所有湯料夾起後，雞湯所餘無幾。珍珠龍躉仔蒸得剛好，肉質鮮嫩！花膠雜菜粉絲煲不錯薑蔥炒麵包蟹感覺有點不配，醬汁很快凝固。。。當中的勁蔥熱雞鍋雖然是特價，但味道不錯！脆皮吊燒鷄味道不錯，不會燒得太趕清炒油麥菜夠爽臘味糯米飯已經上市，入秋主食自選！最後便是我贏得的那乳豬全體，比想像中小很多最後點了爆珠豆豆楊枝甘露略嫌不倫不類，畫蛇添足建議早點到，因為很多特價菜式很快就會售罄！

今日黎到旺角睇牙，一朝早睇完就打算飲茶，懶得行，黎到荷李活中心發現有稻香就入左去。位於廣場3樓全層，上到發現好多公公婆婆等位，有d擔心太多人有排等，但都只係等左15至20分鐘。佢所有茶客都需要撘枱，可能上午係繁忙時間，人手又不夠，安排座位上比較混亂入到去經理帶住我四處搵位，最後安排上一張大枱，但眼見枱上的東西都未執好，有點污穢，而且見到其他枱有空位可以坐的。最後店員過黎換餐布比餐具，令人廢解的是佢居然覺得我個忽無污衊，但其實係好污穢。最後枱上面有3枱食客包括我。餐具污穢，仲有d食物殘留係碗上食物選擇不算多，比起其他酒樓，佢只提供蝦餃燒賣叉燒包等傳統點心🥧早茶時段11點前落order 12點前埋有全單半價優惠🔶馬拉糕 中點 $22 評分6/10有別於其他酒樓，佢嘅奶皇涵比較少，食到最尾先有奶皇的香味。糕點的質地濕潤，但味道上有待改善🔶蝦餃 特點 評分6.5/10皮薄，蝦🦐的size正常，一粒大概有1.5粒蝦。爽口彈牙。 每次飲茶必食的選擇🔶奶皇包 小點 6.5/10可能不是流心的關係，打開沒有流出的感覺，是傳統小時候食到的感覺。蒸得好熱，包身軟林，但略微蛋黃不夠，沒有起沙感覺。可能要叫流

細個好中意同屋企人去稻香食宵夜時段既邊爐，因為食物質素好高價錢又抵！所以推出左任食邊爐之後，我都有再幫襯。今晚又再去食九點半後既特價任食邊爐，可能係平日既關係，未夠鐘姐姐都已經俾我地入去。野食都係大路款，另外餐廳仲設有自助區，可以拎野飲，醬料，菜類，丸同麵食。肥牛分別有牛小排同美國肥牛，圖中所見既係牛小排，比較有牛味同肥瘦均勻。海鮮都有唔小選擇，好似海蝦，廣島蠔同蜆。海蝦夠哂大隻又爽，必叫今期仲做緊優惠，每檯都會送一口牛拼盤，兩個人已經送一碟，拼盤有一口牛同肥牛，不過一口牛質素就麻麻，大部份都好明顯係雪左好耐，不過食落好腍都有牛味既。其實都食過幾次，不過今次覺得食物質素差左都小左野食☹️同埋衛生情況越黎越差啊！但一大班人食飯的話，都依然係一個唔錯既選擇。

說真的平時對稻香晚市&邊爐興趣唔大， 但我個friend極力推介旺角呢間稻香任打邊爐，真係同其他分店好唔同一定要試啊! 好啦本來我都抱住冇期望去聚會，點知真係令我意想不到嘅係呢間真係好多任食海鮮選擇，例如有海蝦生蠔蜆等等，而且啲海鮮係好新鮮， 尤其是啲蜆好鮮甜同埋冇沙嘅，本地生蠔都ok size架，最緊要嘅係任食得黎要幾多碟佢都真係冇漏單咁先係家嘛想食多D菜嘅又有自助蔬菜bar，仲有多款罐裝飲品揀，我就揀飲蔘蜜潤下喉。 食得滿意又開心，不枉此行。😁

今日七點左右黎到，呢間稻香都幾大喎一邊是吃火鍋，一邊是食晚飯小菜的，跟住安排左二人檯叫左玩味大B豬，全隻因為半隻邊夠喉架$168，一黎到賣相好掂喎一食，Um,個皮又薄又脆，好正呀有D就得肥肉，有D就癡住少少肉甘不過大B豬真係幾好食既惹味手捕蝦 $68 ， 嘩，超大碟呀，估唔到，我以為甘平求其比隻細碟你好有驚喜呀！有炸蒜，花椒粒呀，有栗米片之類，好香好惹味呀，D蝦都好多又大隻，抵食！魚香茄子花膠煲，越食越鹹哈哈，花膠細細舊甘咕嚕肉賣相同味道都係一般，D咕嚕肉幾Un,又唔夠酸甘！不太好食今晚埋單$492 ,食得好滿足呀

今天要到旺角上課，平常比較少過來這邊，中午不知吃甚麼好，由於人數比較多，而且想坐久一點，於是便隨意找了一家最近課室的酒樓稻香就是價錢比較經濟，不能有甚麼太高的要求。我們點了一個龍蝦伊麵加上湯時蔬的孖寶再加一些小食及點心。味道當然一如以往的一般，填飽肚子就可以了我最想跟大家分享的其實是埋單後發生的事情。。。由於本人比較精打細算，當然爭取做簽咭的角色，務求賺盡信用咭積分。精采的事情就在此時發生！原來吃滿五百元可以贏得一次轉幸運輪盤的機會！我就隨便轉了一下，怎料中了最窄的部分，那是皇子金豬全體！然後很多待應走出來湊熱鬧，說我贏了最高價值的禮品！我親愛的同事們當然是在一旁笑到我面黃啦！

我其實成日都去呢間，嘢食唔錯，小菜同火鍋都幾好，比雅蘭果間好，夜咗去食火鍋都唔會乜都話冇－－好多間稻香都係咁。有次我漏咗個電話喺果度，阿姐接電話都肯幫我去搵，搵到之後幫我keep住第二日去攞－－以稻香嚟講，服務真係好好了。

喺旺角想搵間唔駛等位又坐得舒服的餐廳真係唔容易，見稻香新出左個火舞蒜烤雞同古法蒸青斑仔，唔駛唸啦，就去試下。各大連鎖式酒樓，晩市例牌都會推出幾款特價小菜，例必有一味係雞，什麼頭抽走地雞、客家蒸雞，所以對一般晚飯小菜，我都唔敢抱太大期望。上菜時，侍應除左放低隻竪起的燒雞，仲會按人頭比獨立包裝嘅手套同一把雞骨交剪，奇怪地侍應問我哋準備好未，原來佢準備淋酒放火，真係明乎其實的「火」舞蒜烤雞，無唸過一間普通酒樓都有表演睇，仲以為去左高級餐廳食火焰雪山，呢$58真係比得值👏🏻！個古法蒸青斑仔係用白蘿蔔絲墊底、開邊蒸，所以條斑同個豉油係甜甜地，味道清甜，唔錯👍🏻，只係細條左d，最多得10両，但話晒只係$68，算抵食嘅。另外仲點左黑椒扣豬膝配籠仔粗糧糕($68)，但醬汁太濃，味道太咸，配甜甜地的粗糧糕，怪怪的👎🏻。

稻香常常有特價菜式作招來最為人熟悉嘅有$1雞稻香成日喺地鐵站有廣告燈箱，眼球都會俾佢吸引左一下以前試過$1雞，今次再去試食雞，但唔係$1雞咁簡單今次食☆☆☆火舞蒜香雞☆☆☆原隻雞上枱，侍應仲會淋上料酒然後點火都幾過癮嘅不過燒一燒就好吹熄d火喇，因為會燒燶味道唔錯架，係一隻火焰炸子雞價錢都好正星期一至四$48星期五六日$58絕對抵食其他菜式唔係重點，所以唔寫喇不過去親稻香不論早午茶晚市，都唔使旨意有好嘅service人手極少次次去親都要劃好菜單寫埋枱號自己行去搵侍應落單不慣者真係要諗清楚，唔好咁高要求

9點半宵夜火鍋咩都無脆鯇無， 廣島蠔無，墨魚滑無， 尤魚無，鯪魚球無， 鵝腸無。 無係唔緊要， 之都會早早通知， 最多去第度。 宜家通知都唔通知囉。 叫部長去問下， 好似財到光棍手咁， 一去就無回頭。 無野食又無服務，失望。

好耐都未去過旺角稻香飲茶，想起上一次去已是大半年前。今日中午上到酒樓，仍然是這麼多人等位，我們等了大概半小時就有位，比想像中還要快。正值中午時段是沒有優惠，點心款式多，而且合適，味道不錯，下次可以再來啦！