稻香漁港市集 (雅蘭中心)

Open Now

Now Closed

好耐無去過稻香，以前感覺一般，覺得可以再去，依家感覺係差。環境其實都算係咁，唔會太逼，感覺光猛、乾淨。但一家酒樓最重要始終係食物，而呢家酒樓係食都無得食！一家咁大家既酒樓，我無諗過依家連一本餐牌都無，得d紙仔。而有得揀既餸少到連茶餐廳都唔止。唔計海鮮，小菜得大約十個選擇，大佬，酒樓呀！ 兩餸飯d外賣都唔止咁少選擇啦！款少，諗住質素會好，貴精不貴多，點知又唔係。燒鵝得個肥字，咕嚕肉粉多，金銀蛋莧菜唔夠鹹蛋皮蛋味。最抵得隻1蚊雞 (星期六$38) 。全晚d姐姐不停剰係介紹食海鮮，海鮮我就一樣都無叫，應該中少個伏。如果可以黎剰食一蚊雞，我唔介意俾茶位錢黎食，否則不了！

今日食評有✍🏻稻香@雅蘭試食指數⭐️⭐️⭐店舖衛生⭐️⭐️⭐️侍應態度⭐️⭐️⭐((每項5⭐️為滿分)) · 今日點咗1️⃣山竹牛肉球⭐/5牛肉球太鬆散狀態似翻蒸嘅感覺唔係咁新鮮2️⃣酥皮叉燒包⭐️⭐️⭐/5酥皮唔錯包內叉燒份量少而且太甜整體一般3️⃣雞蛋豬腳薑 ⭐️⭐️⭐/5雞蛋冇實的的，好味豬腳炆得夠腍，細細件易入口薑卻是最有驚喜，嫩薑，炆到好酥軟4️⃣蒸腸粉⭐️⭐️⭐️⭐️⭐/5全枱最好味係佢夠熱混醬比例剛好5️⃣乾燒伊麵⭐️⭐️⭐/5濕濕地身嘅伊麵啱我要食乾身啲就應該唔啱你口味了·二人承惠202·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·

難得星期四明天又放假，朋友就特地拉我來雅蘭中心的稻香漁港品嘗一蚊燒乳鴿。可能即將會放假的關係，６點１８分一去度就已經人滿為患，有好幾十人在排隊輪候，最後等了剛好一個小時就有位了。無需仔細思考，直接就order左3隻燒乳鴿、一個上湯波士頓龍蝦伊面和３碗湯。基本上好像全場每一個客人都叫了一隻燒乳鴿（每人限叫一隻）大約左過左十分鐘，先有侍應來說湯賣晒啦，沒有湯，然後就走了。這一點，差評！之後又過左十至十五分鐘，３隻燒乳鴿就上桌了！燒乳鴿的味道不錯！肉質鮮嫩，燒得恰到好處，雖然一個晚上燒了應該有幾百隻，但廚師的火候仍然控制得很准確，外脆內軟，非常好味！對於一蚊的價錢來說，簡直是超級抵！忍不住要俾一個讚！至於上湯波士頓龍蝦伊面的味道中規中矩，份量也足夠三個女孩子吃，正常不錯！

今日食評有✍🏻稻香@雅蘭商場試食指數⭐️⭐️⭐️店舖衛生⭐️⭐️侍應態度⭐️⭐️⭐⭐((每項5⭐️為滿分)) ·午餐飲茶🫖大部分都係一盅兩件又或者叫『孖寶餐』全體員工都好落力sell午市餐·不過唔好意思啦我真係比較想一盅兩件😆✌🏻·點心份量好足味道中規中矩落單自助式不過真係唔試姐姐都會網開一面俾你用紙mark code·二人前叫到成枱加埋茶錢平均100/位·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

上星期六没有心情煮食，约家姐和姐夫食晚飯，因為知道稻香做緊晚市優惠，便去一試。從来都知旺角雅蘭的稻香特别旺場，所以準時6点到達，一坐下即点一個羊腩煲，姊夫叫了一個煆仁炒蛋，再加一個芥蘭炒臘味。先來羊腩煲很大個，價錢只是98元，比平日貴10元，但很多羊腩配料也很多，没有將貨就價；其餘2款小菜亦非常抵食，最後還要加一個椰皇燉燕窝，整個晚飯實在很满足。唯一美中不足是那個煆仁炒蛋，它不是炒蛋，而是用蛋包煆，幸好它的煆仁很大隻很新鲜，扺消了那少少瑕疵。

話說朋友介紹我食稻香既阿拉斯加長腳蟹真係又平又抵食！另外有個酸菜龍躉成條都係98蚊去邊搵啊食物質素唔差好好食！ 服務態度都唔差我見好多食評話差 可能我兩次都好彩啦 我係食晚餐既整體感覺都好良好！

襯住周末放假就去飲下茶 食個包 relax一下今次哩間茶樓非常特別每台隔離都有一個自動熱水壺會自動煲水之餘 仲會自動加水完全唔怕等極都冇姐姐加水啊~食物方面呢 我自己最鐘意哩度嘅炸鮮竹卷餡多之餘 仲超級無敵勁juicy黎食野嘅朋友真係一定要試一試！燕窩椰皇燉蛋白係另一樣推介食品我對燕窩就冇咩特別感覺但係燉蛋白真係非常好味 滑過bb仔嘅面珠燈yumyum：）

兩人前晚收工見佢有98一樣食物 優惠點餐紙，點知最好食加低食既係98，4隻鮑魚（無影相）其次係炸蝦片，食落去係岩岩炸起香脆冇油益味（$22）👍個湯算不過不失但 咖哩雞完全唔得，d肉又梅又無味之後到 酸菜魚簡直令我非常失望蓮藕得兩嚿魚肉又硬仲要有個發泡膠😢呢餐成為四百幾。。。唔會再去

稻香一蚊雞，前個排好多人討論，所以決定試一試。雖然是一蚊雞，但其實水準都唔錯，雞皮燒得十分香脆，而且雞肉本身都十分入味，唔係求其燒左就比客人，應該都醃得好足料。希望市面上再多D呢種咁抵既優惠益下市民

垃圾稻香市集 旺角雅蘭中心3樓 鋪如其名 市集 唔係歧視內地人 呢間舖嘅所有樓面 服務態度勁差 嘢食勁差 喺呢度食嘢 簡直不知所謂 打電話嚟問嘅時候 話收12點 點知十一點到趕客走 問佢哋佢哋話 係收十一點嘅 我話我打電話嚟呢間問嘅時候 係 佢哋同事講話收12點 跟住幾個樓面走過嚟圍住我哋張枱講我哋係收十一點嘅 十二點你過對面嗰間啦 🤬🤬🤬越講越嬲 一句到尾 間嘢垃圾 夥記叉嘢食差服務態度更差 簡直不知所謂🤬🤬🤬🤬🤬

1蚊雞再次回歸啦!😍晚市「一蚊雞」優惠！! 於星期一至五（公眾假期除外）晚上6時至8時30分供應，但需要2人同行才可以1元優惠購烤雞一隻（原隻不斬件上）我地選擇了星期五來食，順便提早慶祝父親節由於優惠吸引，稻香門口已經大排長龍。幸好我們一早已經打電話book定位，否則都唔知要排幾耐了想食的朋友們，記得預先打電話book位或使用「The Gulu」app去book👍🏻我們一行共四位，選擇了「2位餐」$488 再加 2隻「一蚊雞」一蚊雞起初以為隻燒雞會好細隻，點知原來份量咁大😍稻香仲好貼心提供手套比我地👍🏻燒雞表皮燒得好香脆，咬落去雞肉唔會乾身及唔韌，仲帶有少少油脂一開頭，奇怪為何沒有比醬料，但當我食落去終於明白了，燒雞醃得十分味，根本不需要再添加任何醬料 我們都食得十分滋味$1蚊既價錢，燒雞做到皮脆肉嫩，性價比極高!!!!👍🏻👍🏻👍🏻👍🏻👍🏻高湯焗波龍伊底芝士同龍蝦絕對係最佳配搭，爽脆鮮甜的龍蝦，加上芝士，口感無懈可擊。龍蝦啖啖肉，肉質彈牙，伊麵吸晒湯汁精華，回味無窮😋原個大冬瓜盅天氣太熱了，冬瓜盅可以清熱、降火、消暑。一上菜，嘩!份量十足入面就有豐富材料蒸製。蝦、豬瘦肉、帶子、蟹柳等等

經濟唔好，稻香嘅一蚊雞就會出，我都唔執輸，去左食一蚊雞每兩個人可以叫一隻，我同呀爸呀媽細佬四個人，可以叫兩隻，另外仲叫左三個小菜。主角一蚊雞 $1隻雞係原隻上，每人俾左對即棄手套我地，雞燒得好正，皮好薄好脆，皮下脂肪唔多👍肉汁鮮嫩，但四個人叫兩隻真係有啲多，我地有啲雞胸肉都食唔落🥺咁點都要幫襯下其他野食，所以叫左菠蘿咕嚕肉$108個咕嚕肉外皮香脆，入面舊肉好淋，唔鞋口，最正係格黎有啲鮮菠蘿🍍好清甜花膠魚香茄子煲$118茄子略嫌唔夠淋，面頭嘅茄子唔夠入味，但底嗰啲就好好味，另外入面有啲花膠碎，花膠因為好吸味，所以有少少咸，跟飯食可能會好啲，不過因為隻雞已經好飽，所以我哋都冇叫飯例牌乳豬$158因為媽咪話好耐冇食乳豬，所以叫咗，其實都幾細碟，乳豬皮夠脆，不過158黎講就份量偏少, 食得太快相都無影到總共食左$552,抵食👍👍👍👍👍

見到稻香做緊優惠，每兩個人就可以以一蚊嘅價錢叫隻雞，咁抵，冇理由唔去叫下雞啩！🐥環境：稻香雖然唔係啲咩嘢高級食府，但其實位於旺角嘅分店裝修都唔差，同嗰啲自稱高級食堂其實唔大分別，而且因為疫情關係臺與臺嘅距離好闊，坐得都真係幾舒服！食物：做得優惠，當然每臺都會叫一蚊雞啦，當晚見廚房不停一車車燒雞推出嚟，每一隻嘅賣相都唔差㗎，連個盤都係一隻雞嘅裝飾，幾吸睛！1蚊燒雞：起初見到做一蚊優惠，仲以為好細隻，但係點知份量真係唔細，講真兩個人食都真係幾飽。當晚我哋四個人叫咗兩隻，燒雞都燒得幾香脆，但又唔會太油膩，而且雞肉都唔韌，帶住手套撕開嚟食都幾過癮，正呀！菠蘿咕嚕肉：呢個菠蘿咕嚕肉都幾高質，而且仲真係有一細舊新鮮冰凍菠蘿做配搭，幾正！咕嚕肉嚟講都算炸得幾香脆，而且因為係用腩排嘅關係，夠曬肥又唔會有渣，做咕嚕肉一流！ 可惜美中不足係佢嘅醬汁上得一般，醬汁比較傑，唔夠乾身。魚香茄子花膠煲：呢個菜賣相一流，聞落都有好香嘅魚香味， 份量亦都大份，不過好可惜食落味道略嫌不足，雖然睇落好似好多醬汁，但食落其實冇乜味道，比較淡。但食物整體口感都唔錯！乳豬：乳豬外皮都燒得好脆，脆卜卜食落都幾正， 不過略嫌味道唔

最近稻香又做一蚊雞，因為屋企人好中意食稻香，所以平日都食唔少，幾個星期前一蚊雞岩岩出，我地唔記得訂位就上左去，結果等左90分鐘先有位，最嬲唔係等得耐，最嬲係叫左我地張飛，入到去張枱比左其他人，要我地出番去等另一張，無人同我地道歉，淨係叫我地等，知客同部長服務態度不知所謂！今次屋企人又話要去食，因為做左會員，所以預先訂左位，今日訂枱時間只有17:45同埋19:45，我地Book左17:45，因為落雨所以17:30就上左去，已經超多人等緊位，訂左枱既一去到就安排入座，等到6點先會開茶落單，小插曲係坐左十幾廿枱客，有個侍應鬧啲客點解坐入黎，叫全世界出番去等，然後全世界一齊話係部長叫我地入黎，佢先出去同帶位既溝通，稻香既服務態度真係世界級。今次例牌要叫1蚊雞，上面既蝦片好好味，雞都炸得好脆，味道都幾香。唯一要吐槽既係個容器係唔平衡既，我地要另外搵碟再裝起隻雞，呢個造型真係好有創意，哈。另外$18一盅既冬瓜湯，佢改左個好長既名，但其實味道就係冬瓜盅果啲味，18蚊無咩要求。魚香花膠茄子煲，呢個係值得讚既，好香，茄子都好甜好新鮮芝士大蝦烏冬，個芝士汁好香，可惜烏冬煮林左啲，大蝦都新鮮爽口彈牙既。呢到

疫情之下外出晚膳，真係步步為營，朋友揀咗食中菜，最後選擇左喺雅蘭中心嘅呢間稻香，我哋食小菜，但身邊有好多人喺度打邊爐，都有少少擔心。叫咗幾個家常小菜，價錢唔算平，五個人埋單，都要成七百幾蚊。艇家煮珍珠躉加咗啲銀魚仔同魷魚乾去蒸嘅一條魚，魚肉老實說蒸得很嫩滑，但是銀魚仔同魷魚乾沒有帶來畫龍點睛的效果，味道未能融合在魚肉中，就當作是裝飾吧滋補花膠雜菜煲分量足夠，湯底亦都夠濃郁，但最大的問題是，標榜着滋補花膠一個小菜，最後應該是一塊花膠也沒有，對於一間集團的酒樓來說，這樣有點過分吧秘汁扣元蹄元蹄肉質軟綿綿，多肉少骨，配上應該是蠔油獻汁，夠入味芝士大蝦球伊麵這個伊麪售價$168 ，由標榜的大蝦球換上了普通蝦仁，以蝦仁的份量亦很少，芝士汁煮得味道較為單調，除了死鹹的味道，吃不出芝士的香味，可以不吃餐廳比我的感覺，是很多菜式名嘩眾取寵，想像同實際原來是有一段距離而最恐怖的事，臨離開去洗手間的時候，洗手間的自動番梘泡，噴出來的是像水一樣的東西，客人還沒有所謂，但這裏的廚師，侍應，應該都是用同一部機吧疫情之下，作為一間食肆，衛生意識很重要呢