稻香 (天瑞商場) (Closed)

見到廣告，$1雞，就試一試佢。兩公婆就咁叫一隻雞，原來係炸子雞，再叫兩個白飯，另外再叫多個湯，超級飽，盛惠$128。雞都算大隻，都夠味，可能連埋湯，所以兩個人都食唔哂；湯就望落好足料，但味道唔算好濃，亦都有味精整體黎講係好平既，不過如果味道黎講，就唔會有下次啦

細個嘅時候，好鐘意食稻香，原因係食物同服務都好好，最有印象係佢嘅燉湯，每次我都會叫。稻香嘅沒落，真係要從食物開始，今次來媽媽節來食，其中一道豉椒炒蜆，完全冇炒過，煮熟個蜆淋個茨就當係，咁你不如唔好話自己炒蜆啦仲有氣鍋雞湯，清水咁，最離譜嘅係乳香一字骨(見圖)，真係得過舊骨，八分骨一分肉，我俾我隻狗食嘅骨，啲肉都多過佢。好難食。再講服務，我真係想講完全係自助模式，一坐低啲餐具就咁擺係枱，要自己分，我叫佢兩個碗仔，過左十五鐘都冇人拿來，卒之頂唔順自己拿，叫完餸，我叫沙薑雞，你來脆皮雞，其實你賣晒同我講改成脆皮雞我一定冇問題，但你唔講，直接上菜，咁算點？仲要係兩次，我叫蒜香骨，你來乳香骨。其他就唔講啦，都係唔够人手嘅問題，但對稻香真係好失望。

適逄今天母親佳節相約母親到稻香吃晚餐點了個二人套餐+炒通菜19:00落單 大概19:05來了第一個菜,然後來了一碟半隻燒雞以為是套餐,所以照食後面埋單時發現竟然是店員在19:05 幫我加單點了半隻燒雞,算,只怪自己沒好好看清楚。然後一直等到20:15 也沒有再上第二道菜,及後追單才慢慢上菜上來的菜是凍的,炒硯有沙,還有些未炒熟到20:30 那個炒通菜還是沒上來環觀四圍的食客也是不停的催促上菜沒有一桌客人滿意。最後埋單取消了那個通菜。本來只想好好食一頓母親節飯,結果一肚子火。今天的體驗真的是十分差。

母親節諗住同媽咪兩個中午去飲茶，十一點取飛，等到差不多十一點九才有位，不過母親節人多都，都預咗要等。碗碟很污糟，有油、殘留的菜也有，疫情期間也如此不衛生…食物方面統傳蒸點心選擇不多，比較多小食款式的。兩個人嗌了四個點心，唔使點等，食物都算快嚟，剛落單不夠5分鐘，燒賣就上枱，不是即叫即蒸，而且點蒸過籠，其他點心亦都好快到。叫做唔使點等。食物味道一般，但服務態度其差。因為我哋兩個人的關係，酒樓一定要搭，這個也體諒，但熱水要跟同枱的一齊share用，酒樓侍應態度很差的表示不會另外再提供。張枱本身已不大，搭枱後其實不太夠位，點知侍應完全不肯收起已吃完的蒸籠、碟等，更大聲呼喝我們，話佢好忙唔好再叫佢執野。傳菜姐姐上完點心，要係點心紙度給印，佢自己拎咗搭枱的點心紙，反而鬧我哋亂咁拎人哋既點心紙，我已張自己的點心紙放到我茶杯旁，係佢走去較遠的位置拎另一張點心紙，自己做錯反而仲指責我地，我都明人多有時會比較燥，但都唔好發洩晒係我哋身上，都唔係要求話要好好的服務，但去飲茶不停比酒樓職員呼喝真係第一次。貼錢買難受，冇下次。

疫情下好耐冇黎飲茶揀左稻香，閒日下午1點半黎到，不用等位。坐低後用手機掃code落單。食物質素令人滿意 雖然等得比較耐 但勝在每碟點心都新鮮出爐 唯獨蘿蔔糕味道麻麻。所有點心都17元一碟。兩人合共115.5元 抵食

2020年12月21日(一) 冬至做冬團年飯到稻香預訂了一個5人用的小龍皇盆菜小龍皇盆菜有16款食材-蒜香小龍蝦、原隻鮑魚、日本瑤柱、珍品海參、蠔皇大花菇、蠔皇扣鴨掌、香菇貢丸、黃金蛋餃、滷水鵝、貴妃雞、豬手、豬皮、炸枝竹、芋頭件、蓮藕件、白背木耳盆菜味道及食物都是OK的，大時大節為免家人掃興，所以都掩蓋左呢個盆菜份量有問題嘅事實，好彩當晚只有4人做節，如果有5人鮑魚及瑤柱就唔夠分，第二日向稻香-顧客服務部反應了以下問題：1.盆菜內的鮑魚及瑤柱各有4件，並不是貴公司的宣傳單張描述中的每樣五件。2.成個盆菜內只有小小份量的芋頭粉團，見不到任何一件芋頭。3.購買時已選麻辣汁, 提取盆菜時再三提醒要麻辣汁, 服務員才告知只有原味, 沒有麻辣供應。4.成個盆菜都是凍冰冰, 明顯由雪櫃取出, 一定不是貴公司的宣傳單張描述中的當日下午3時分店現場制作。5.報紙刊登「親自到店或電話訂餐」致電貴店，貴店要求本人親身到分店付全費才可預訂，此舉甚為不便，本人願意付全費，但係可否有其他付款方式呢！12月23日稻香-顧客服務部回覆，只說會跟進及改善分店問題，會送我一張$50消費劵，本人再三追問，都沒有解釋本人

好耐冇飲過下午茶，今日有機會同屋企人黎稻香嘆嘆，點知稻香食物質素差了很多。本人對食物要求不高，但今次呢餐下午茶唔單只味道比一般更一般，更食到未蒸熟嘅點心，十分離譜酒樓好像見唔到經理，已向侍應反映，唔知反映成點？希望唔會肚痛

今晚娘親有飯局唔煮飯，所以老豆話同我落樓下稻香打邊爐攞咗飛等位，等咗成四十分鐘成間酒樓full晒，爆晒棚，幾乎冇座位剩因為依家仲做緊一蚊雞優惠，所以有九成人入嚟都係為咗食一蚊雞。得嗰兩三台打邊爐， 其中一台就係我哋一坐低即點餐， 因為兩父女真係超級肚餓，佢嗌咗兩支啤酒，做緊優惠$30/2支~抵飲啲。我就飲可樂，叫完嘢飲，梗係第一時間梗係嗌碟安格斯肥牛啦！爸爸嗌咗碟羊肉同埋菜，因為佢想食得清淡。而我就嗌多一碟美國肥牛、墨丸我哋一如以往地揀咗個豬骨湯底墨丸好大粒，爽口彈牙， 正呀安格斯肥牛，肥瘦均勻入口即溶，成碟機乎我自己一個食晒咁濟羊肉我就麻麻地， 淨係食咗一片，淨低嗰碟美國肥牛，我同爸爸就一人一半食埋佢啲湯底，吸晒蘿蔔，粟米，豬骨嘅香味所以變晒做精華， 我見爸爸食啲豬骨，食到停唔到口， 係咁話好好味最後我哋連啲粟米、蘿蔔都食光光，因為實在係太肚餓啦今晚呢餐好滿足，食肥牛都食飽飽，加埋茶位之後，盛惠 $8xx

因為住喺附近 所以好多時都會去呢間酒樓用饍 但係職員既態度真係好差 由其係接待同收銀 希望佢地明白 顧客係去消費 唔係去受氣😤😤😤另外關於衛生問題 啲碗碟真係污糟到不得了 太恐怖了😨😨😨

稻香酒樓嘅一蚊雞優惠又返嚟啦！實在係太吸引，真係一蚊一隻雞咁抵！所以今晚同屋企人，一齊落去樓下嘅稻香酒樓食飯由於一蚊雞嘅威力，實在係太強大！所以酒樓外面，一早已經排滿晒人，排長龍啊！好彩我媽咪4:30pm左右，已經嚟到酒樓外面排隊攞飛如果唔係再夜啲嚟嘅話，連位都冇。一蚊一隻雞咁抵，梗係多人排隊啦！我哋一家三口叫咗四樣餸+1隻一蚊雞有魚有菜又有肉，幾豐富下嗰道《碧綠炒雙蚌片》好好食炒得好有鑊氣，夠晒火候好味到我食到停唔到，拎黎送飯都食咗我半碗飯至於條魚都幾新鮮嘅，肉質鮮嫩，唯一要挑剔嘅就係味道太淡唔夠鹹～啱啱好夠我哋三個人食。咕嚕肉都好好味，好脆呀！同埋佢啲菠蘿好新鮮&好甜，一啲都唔酸。拎嚟送飯一流呀！唯獨是嗰道～通菜炒魷魚我覺得有啲難食囉最後一道餸～隻一蚊雞好遲先上菜，等到我哋一家三口有啲火滾因為都就嚟食完佢都仲未上菜，後尾問一問先知，原來廚房冇落到單，真係激死不過好彩，道一蚊雞夠晒大隻，好脆卜卜而且又香，好好味，所以我哋都冇咁激氣咁大隻雞都只係一蚊！真係又平又靚又正本身冇抱着太大期望，點知喜出望外冇諗過隻雞會咁好味，而且肉質鮮嫩又多汁喎，最重要係佢啲雞係即叫即烤，所以一上台，啲雞皮脆

疫症下，唔敢去到好遠食lunch，於是一家三口就決定去酒樓食點心。由於疫症所以無人等位之餘即刻有位，還被安排坐梳化卡位，不過枱隔離有個櫃，櫃上面係放左其他食客洗完杯碗既小筒，再加上張枱布好似唔係太乾淨，感覺麻麻地。但係都係食野啫，費事調黎調去喇，點知之後會變左要食快餐呢見到枱上有張做梗點心大特價既傳單，每款點心都係17大元，仔細d睇細字，係話指定點心至可以有此優惠。不過應該係全部都係17元，因為我們點左9款唔同價錢既點心，埋單時全部都係17元，除非咁啱我們的全部都係指定落單唔使5分鐘，已經有點心到。首先到的三款是唔熱的點心，都唔知點解咁求其我地費事叫佢地整番熱，因為疫症下唔知會唔會加料咸水角 ~ 唔熱，不過皮脆菠蘿义燒包 ~ 微暖，义燒淋，外面個菠蘿包都算 ok，如果熱仲好紅油炒手 ~ 微暖，皮既味道怪怪的，可能唔夠熱， 帶唔出個麻辣味唔使幾耐，熱辣辣既蒸點心到，大家諗住可以慢慢食慢慢嘆之際，原來已經有幾隻烏蠅仔係附近俯視著。我地起筷時，有兩隻已急不及待，係食物上盤旋梗，我地趕佢地時，另外兩隻已經飛到個

上星期六，天水圍稻香酒樓，168元斤長腳蟹，揀左之後，蒸了一個鐘（估計佢要在雪櫃揾貨) ,煮出黎一食就知是自助餐急凍長腳蟹,不只我哋枱係咁,全心欺騙。之後佢有認錯，不過不可以原諒，一心想換我哋隻蟹。

之前去稻香打邊爐，見隔離枱食隻帝皇蟹好似好吸引，望望張海報，$136斤，比起之前喺另一間酒樓食既價錢仲平，就諗住遲下去試，今日終於有機會啦。6點零去食頭圍，一坐底阿姐都提我地去揀左蟹先，因為要蒸成半個鐘，過度去見到有好多蟹，揀左隻4斤4，我地4個大2小差唔多啦，之後再叫個晚餐三寶，有半隻雞、炒班片同海鮮雜菜煲。一路等見到都有幾枱食帝皇蟹，我諗應該都唔差先咁多人叫。隻蟹係完隻上，有d酒樓會喺隔離幫你剪埋，我就鐘意自己黎，酒樓有提供較剪同膠手套，算係貼心。，但其實膠手套作用唔大。隻蟹好好食，小小海水既咸味，又有蟹膏，剪完一隻腳，d蟹肉多到飯碗都裝唔哂咁劑。熟既程度我覺得岩岩好，其餘三寶質素都唔差，加多2個白飯埋單$1100左右，隻蟹未計加一就$576，個個睇到張單都話抵，絕對可以encore。

見報章報導有特價，一家四口一於去食餐好，打電話去問話要留蟹及落訂500, 我冇留蟹及落訂，早d落嚟食，有就有冇就食其他，坐低見周圍都好多人叫， 真係完全為咗佢而嚟，叫咗一隻重5斤12兩帝皇蟹，另叫咗一碟瑤柱蛋白炒飯，三個小菜，睇住個姐姐從魚缸捉隻蟹上嚟、喺你面前磅重寫枱號。主角嚟啦，皇帝蟹肥美多肉鲜甜，d爪好大隻，好滿足，另外叫咗碟脆皮燒鵝但皮唔脆，菠蘿咕嚕肉冇骨好食，蟹籽蝦球粉絲一般啦，食晒已經好飽好滿足，服務麻麻，有姐姐嚟幫手換碟但人手不足，坐近門口冷氣不夠，門口叫飛姐姐態度欠佳，須改善。

星期五晚上是奶奶的無煮飯日。多數在附近吃。稻香在樓下，是常到的一間餐廳。一行五人，叫了4餸一湯。飽魚燉湯 - 有鮑魚、雞件、杞子。清甜、入味，飽魚亦不會鞋。飛天通菜煲 - 炒得很香很入味。乳豬一隻 - 這個非吃不可，價錢不算貴，像吃片皮鴨，用麵粉皮句住，夾上青瓜，點上特制醬吃，有4色麵皮，共12塊，橙、白、綠、黃，其實吃下去好像差不多味，個人認為黃色是南瓜皮😂，味道都不錯就是！主角乳豬香脆，老爺還大口大口吃豬頭，證明豬頭有很多肉。龍躉兩吃 - 一個是蕃茄湯龍躉，一致認為不好吃，龍躉真的和蕃茄不是太配。另一個是麵豉醬蒸龍躉，這個其實配搭不錯，就是吃上來有泥味，可能特價的$1xx兩味，用的是比較差的龍躉吧！