Tapas Brew (Mikiki)

Open Now

Now Closed

今晚友人帶我到此新蒲崗商場食西班牙菜式，若不是友人揸車接我到此處，我真係甚少走到過嚟呢頭食飯。友人帶我從商場內走出商場外圍，原來向內街外邊有數間食肆林立，客人可以選擇坐室外或者室內，當晚眼見坐室外客以”飲野傾計‘’，我哋食晚飯既就選擇了坐室內。今晚雖然是平日，但是7:30pm過後已再沒有空枱了。我俩一坐下店員隨即遞上餐牌，傳統西班牙食品都可供選擇。我哋先order左兩個湯，今晚是粟米忌廉南瓜湯，配上脆脆熱辣辣蒜蓉包，佐湯一流Romaine Vegetable with wrapped beef steak - 牛扒大約煮到三成熟，玻璃杯內所提供既生菜品種，我都是第一次食，咬落好爽脆好甜，應該是溫室種植那種。Seafood Paella 西班牙炒飯，海鮮滿滿德國咸豬手，兩個芥辣醬汁都好好味，跟埋酸菜及薯仔沙律

今日同個friend行完山，嚟咗呢度食西班牙餐成間舖頭唔算好大但係坐得都鬆動嘅，有露天位叫咗佢個燒乳豬🐷🐷同埋蝦意粉🍝🍝， 仲叫多咗兩杯hoegarden! 個乳豬應該即叫即做, 個皮呀超鬆脆呀同埋呢佢個脂肪唔算好肥膩, 真係你都要叫阿, 188蚊真係好高質❤️ 兩個人夠曬頭喉呀！！ 佢乳豬配嗰個黑椒汁呢都好好味好惹味！！另外個蝦意粉有四隻蝦， 又有啲蒜香， 個意粉質地好好食， 唔會過林又唔會過硬呀！兩杯hoegaarden 都好大杯夠曬飲🍻鍾意飲啤酒呢呢度有好多選擇， 普通啤酒又有，紅酒又有，又有奶昔，真係一個聚腳好地方💕💕食完呢度啲嘢完全唔覺得口渴， 應該冇味精侍應嘅服務都好好😆😆， 整體嚟講成間舖頭好乾淨，唔怪得之間舖頭都幾full!

因為疫情關係，已經很久沒有跟朋友一起食飯。今天，專程約了一個年幾也沒有見面的朋友，下午吃一頓午餐。難得機會，當然要選一間較特別的餐廳啦！😋 我家附近有一間專門提供西班牙特式的食品餐廳。我們一進去便叫了個乳豬來吃，同時又叫了個小牛排。乳豬🐖跟中菜式的，全不一樣，沒有紅紅的外皮，也不是全隻乳豬上盤，否則，全隻乳豬就太肥膩，兩個人根本吃不下的。這個西班牙乳豬，主要是後腿最滑嫩的部份，再加豬身的一部份。原本我都擔心兩個女生食不下那麽多，誰知我們兩個很快就食完了，一個” 美人照鏡 “。哈哈。因為此乳豬我個人認為，一點都不油膩，而且廚師也花了點心思，除了有個棕色的伴汁，還有蘋果蓉，併在一起吃，沒有油膩感。而且蘋果蓉和伴汁的味道都是淡淡的。絕不會奪走乳豬的肉味。配合得恰到好處。👍還有，皮非常簿脆，沒有中式乳豬的皮下豬膏，所以，非常美味，難怪是全店首選菜式。小牛排🐮味道也很好，賣相吸引，一口一口小牛排。因為我是牛魔王，所以，逢牛都愛的。這個小牛排，廚師鋪排上，加了生菜，也有一個伴汁，肉上面加了一些小配菜。我時常跟大家說，廚師放在碟上的，都是廚師想過才配搭出來的。所以，我先按廚師的心思，將一口牛排放生菜

約左舊朋友聚舊，朋友搵左間位於新浦崗嘅西班牙餐廳，餐廳位於商場Mikiki地下樓層，而商場其他樓層都有好多其他餐廳地下樓層嘅戶外長廊有好幾間食店，全部都有戶外嘅位置用餐，加上長長嘅燈式配搭，仿如置身於蘇豪區。🍹Pineapple Sunset類似沙冰嘅凍飲，口感好smooth，入邊仲有好多菠蘿果肉，仲飲倒一陣陣忌廉香味，甜度唔太強，小小酸，非常好飲又消滯嘅飲品。🍹Juice Drink (kiwi)奇異果汁，濃濃嘅奇異果味道，飲完一定補充左好多維他命Ｃ😁🥢燒比目魚併原隻大蝦比目魚塊魚皮燒到金金黃黃好脆口，食落仲帶有好強烈嘅油花浸出，充斥整個味蕾，魚肉非常之嫩滑，近乎入口即溶蝦亦燒得好焦香，燒過嘅蝦肉亦唔會太乾，蝦頭嘅膏唔算太多，但仍有甘香味道👍🏻而配菜用左西蘭花同椰菜花，底部仲有大量薯蓉，薯蓉唔會打到爛晒，簡中會咬到薯粒，增加口感之餘又唔會覺得好滯😇🥢西班牙海鮮飯二人份量都唔小，海鮮都好多飯入邊仲有青椒粒、紅椒粒、洋蔥粒、仲有咸咸香香嘅橄欖粒，飯底索晒海鮮嘅精華，啖啖都充滿鲜香；海鮮中最鍾意係墨魚，爽口又鮮甜，魚塊非常嫩滑，放些小檸檬汁，更加好味☺️

近年新蒲崗越嚟越多美食，前幾日經過Mikiki時，見到一間食西班牙菜嘅特色餐廳，就決定同朋友去試吓～呢間餐廳有好多傳統西班牙菜式可以選擇，由於朋友食魚素，我哋就「自製」左一個西班牙式海鮮大餐🇪🇸🐟🌟地道蒜片辣椒橄欖油蝦跟脆包粒（$148）西班牙文「Tapas」嘅意思係蓋，亦都係西班牙傳統小食嘅統稱，即份量比較小嘅下酒菜。而今次我同朋友就揀咗西班牙餐廳必有嘅菜式——惹味嘅橄欖油蝦🤩蝦肉非常爽口彈牙，而且唔細隻🦐蒜頭同辣椒嘅香味完全滲入晒啲蝦肉裏面，但係並唔辣，送酒簡直Perfect🧄🍺脆包粒焗製得外脆內軟，再蘸上已經充滿蝦味、蒜香嘅橄欖油裏面，完全令我地食唔停口🥖🌟西班牙海鮮飯 兩人份 （$188）眾所周知，Paella係西班牙嘅名菜之一。而依度呢度嘅Paella非常足料😍份量多到我同朋友兩個女仔食唔晒🙈🙈飯上面鋪滿大蝦、青口、蜆、墨魚仔、魚，非常豐富，令成個海鮮飯有唔同口感👍下面嘅飯就吸收晒d鮮味，再加上甜椒、番茄、洋蔥、橄欖等食材，更錦上添花😋 Paella落左Saffron，令賣相變得金黃同吸引。米飯亦煮得軟硬適中，鑊底仲有香脆嘅飯焦，增添風味😜🌟Draught Beer（Happ

新浦崗 Mikiki 商場不同嘅餐廳食肆好多，中、西、日式比比旨是，今晚同朋友選擇一間另類啲嘅西班牙餐廳 Tapas Brew，餐廳係地下樓層，有室內同戶外兩個區域，戶外除左有４人餐枱外，仲有長長嘅吧桌，三五知己放左工黎happy hour就係最爽🤗；室內每張枱亦有防疫隔板圍住，隔板都寫上安心用餐提示，非常貼心。一路行去餐廳果時，見到餐廳嘅廣告燈箱介紹西班牙海鮮炒飯同特色烤乳豬，相信必是招牌菜色。🥘西班牙海鮮飯，好靚又傳統嘅西班牙式焗飯擺盤，面頭鋪上滿滿嘅海鮮，大蝦🦐、魚柳、蜆、青口、仲有墨魚仔🐙，整體海鮮部份非常新鮮，再講飯底，飯嘅軟度好適中，每粒飯好飽滿地吸收晒海鮮嘅鮮味，個汁剛剛好包住啲飯粒，唔會over， 味道亦balance得好好，唔會有滯溜感。🍴燒比目魚併原隻大蝦🦐，蝦身同蝦頭緊緊連接住，可見非常新鮮，蝦燒得非常焦香，有炭燒嘅味道，蝦肉爽脆彈牙，原條蝦肉放入口，口感非常滿足充實；比目魚魚皮部份燒得甘香，入口仲卜卜脆添，魚身非常咁滑，肉嫩鮮香；底部仲鋪滿薯蓉，口感好creamy，側邊嘅醬汁係用新鮮蕃茄蓉打成，用最原本嘅蕃味提升海鮮嘅鮮味 prefect👍🏻。

Mola Holiday，Hola Workday，放咗幾日假，就同做咗好耐運動一樣，一停止就周身冇力兼酸痛，跌打酒都冇用，食好西振奮一下應該仲可以連假幾日都冇得去旅行，唯有嗌大大兜海鮮飯，令自己感覺更似置身西班牙。呢鑊飯質感好好，醬料好平均，海鮮夠晒多，加啲檸檬汁仲醒神咁樣食蒜蓉包同薯條都幾特別，開頭以為齋麵包，咬落先知內有蒜香。芝士爆棚，其實連茄汁都唔係好使點用雖然人不在海岸邊，但飲住巨巨的沙冰，水冰沙幼，淡淡芒果清香，飲住彷彿海浪聲猶在耳邊呢度居然有好台式嘅芝士奶蓋綠茶，太神奇喇如果唔食餐好，又點捱埋跟住兩日呢？

雖然新蒲崗嘅地理位置相對格攝但就有好多唔同國家嘅美食，西班牙菜咁耐以來都未試過今日就喺呢間位於Mikiki地下嘅西班牙餐廳試吓地方雖然唔太大，但舖頭都盡力隔板去分隔開枱面餐牌設計得亦都十分之好，勁多圖片一場嚟到就梗係要試吓佢西班牙最出名嘅菜式就係特色烤乳豬乳豬嘅份量望落去都唔少炸得非常之香脆可口，肉質好多汁，配埋佢個蘋果蓉汁烤乳豬非常之好食除咗呢一個餸之外，我仲叫咗一個羅馬生菜包牛小排肉質都非常之多汁，配上生菜食口感爽得來幾解肥膩個辣汁亦都整得相當之好食另外仲有一個炸吞拿魚拌芒果莎莎，入口芒果非常之清新，配埋吞拿魚呢個咁低脂嘅選擇，減肥食多兩啖都可以分量上可能唔算係太多，但兩個人食都夠飽有機會會再試吓佢嘅特色飲品

今日又去開mikki食tea，今次食經過見到呢間幾有特色既西班牙餐廳。内裏裝修有異國風情，佢有埋户外area 天氣唔熱坐岀面都有另一番風味，又可以帶狗狗散步！食物方面叫左特色烤乳豬，由於即叫即整，服務員都預先捉醒需候15分鐘左右。上碟熱辣辣，賣相不錯，可見乳豬外皮烤得香脆，切開肉質鮮嫩，油脂均勻，份量做tea剛好，沾上燒烤汁，更帶岀肉既層次。另一小食要左炸油魚圈配蛋黃醬，魷魚新鮮炸起，外皮香脆，配上蛋黃醬加手工啤酒一流！好少餐廳有得飲手工啤酒，呢間有多款選擇，岩哂啤酒控。對happy hour 來講，是不錯既選擇，下次再試吓其他主菜！

今日嚟到新蒲崗嘅西班牙餐廳 🇪🇸餐廳有室內同室外座位～見天氣未算太熱，夜晚燈飾又幾有feel，我哋就坐出面😬室外座位都係寵物友善，不過唯一就係隔離檯食煙會聞到好大陣味😣我哋叫咗呢度招牌西班牙乳豬😍乳豬個皮脆卜卜，肉質嫩滑加埋啲油脂位，放入口超滿足😽😽另外仲有跟埋蘋果蓉上，酸酸甜甜咁～亦可以淋蘑菇汁食😆之後就叫咗個黑毛豬風乾火腿野菌闊條麵，食落好creamy，麵唔會夠硬過淋😬火腿都算幾足料～飲品方面就叫咗比較fresh嘅kiwi juice🥳想飲酒嘅朋友亦有好多選擇，如果happy hour嚟仲抵😆😆總括而言呢度都坐得幾舒服，啱晒同朋友夜晚嚟chill一chill😎😎

食物質量普通無味前菜：從來沒有食過又韌又喫牙的炸魷魚圈，1kg 青口個汁又稀又淡哞哞，牛小排就好多根，只有香腸拼盤似樣。主菜： 烤伊比利亞帶骨扒又乾無調味，完全沒有覺得是伊比利亞豬。露絲瑪莉燒雞一點香草味道都沒有，唯獨是雞烤得挺嫩。烤特色乳豬還算可以，只是溫度有點涼，而配的蘑菇鴨肉燴飯就比不上KFC的磨菇飯味道。西班牙海鮮飯4人份味道算中規中矩，一般使用剝咗殼的蝦但他們用了硬殼蝦。最可笑的是：女侍應上菜時候明明是豬排，她就豬羊不分！ ，說了3次那份是羊扒，根本顏色都不像！

今日和朋友逛完Mikiki，見到一間室外有燈飾的西班牙餐廳，就決定讓自己重拾西班牙旅遊的感覺吧！😍😍😍😍原來這餐廳除了室外燈飾座位外，都有室內座位，有冷氣，符合朋友一邊吃一邊閒聊的要求，so chill~ 室內有2排卡位，不要以為面積小小，可是空間感十足，裝潢有心思，配合望返出去的燈飾，加杯啤酒，都確是爽！😍😍😍😍😍多有西班牙馬德里的風情！說起啤酒，我坐下二話不說當然叫了1杯黑啤，上層泡沫綿密，正！搭配食物非常適合。食物方面，朋友喝了一個南瓜湯，配一片蒜茸包，不得不讚這蒜茸包，正到冇得頂！海鮮方面我們今次嗌了椒蝦不得了呀！蝦都大大隻，本身以為好細份量，但原來唔係㗎。麵包粒入口非常鬆脆🌳🌳🌳吞拿魚真係好回味！搭芒果&沙律非常開胃，超正👍👍講返重點食物先，當然就係…乳豬！真係冇得頂呀🤓🤓，皮脆肉嫩juicy！ ！！搭個gravy 同蘋果蓉，質素好好，真係幾好食，喜出望外🥰

上個星期日，同屋企人去左新蒲崗食西班牙菜。環境都幾好嘅，有分室外室內，都叫有啲街景望吓。不過嗰日天氣都幾凍，怕啲嘢食吹到凍哂，所以都係去咗室內坐卡位。我哋叫咗都幾多嘢食，三個人五樣嘢：有乳豬、西班牙海鮮飯、八爪魚黑醋沙律、南瓜湯同蒜蓉橄欖蝦。西班牙海鮮飯份量十足，不過味道比較單一，可能係想強調返海鮮嘅原汁原味掛。乳豬就唔錯，安琪烤得好香脆，而肉汁keep住係到。雖然餐廳主力推介嘅係西班牙海鮮飯同乳豬，不過其實我自己最鍾意食蒜蓉橄欖蝦。啲橄欖油吸晒蒜蓉嘅味道，非常香，配上切好咗偏硬身嘅法包，簡直係一絕。不過留意番，餐廳係冇水提供㗎，大家如果口渴可以叫返少少嘢飲，佢哋都有幾多唔同嘅手工啤、雞尾酒，都可以試吓。

今晚豬仔和男朋友約了出去拍拍拖但又不太想走太遠的我們想起MIKIKI 外邊的一列餐廳環境氣氛不錯 於是便過來看看和男朋友決定了試試這一間西班牙餐廳特色烤乳豬皮脆肉嫩 肥瘦適中 皮烤到整個十分香脆 光看就就能聞到香氣咬下去有脆脆的聲音刀叉切下去肉質就能撕開 很軟嫩肉汁飽滿但不油膩藍青口青口大大隻 肉質鮮嫩口感creamy 白酒忌廉煮起湯汁已滲滿青口青口煮得怡到好處 能輕易取出青口肉 寶石的藍殼裡裝著鮮甜肥美的青口肉每一口都充滿海洋的鮮味 這道菜值得推介加了麵包配藍青口的醬汁 口感特別 味道不錯Das Bier Lager這款德國Lager格外口感清新冷冽帶著清香啤酒花和麥芽風味我就是喜歡清新口感配上美食就是完美

今天約了住咗喺Mikiki的朋友先係佢屋企玩 晚飯時間決定出去食還是在喜愛在外圍嘅餐廳今晚揀咗這一間 — Tapas Brew和朋友一起喝喝酒聊聊天 吃頓晚餐晚市餐牌有套餐 價錢更優惠餐廳有室外和室內的座位室外的環境氣氛真的不錯可惜今天有點熱的關係我們選擇了室內的位置特色烤乳豬配香菇鴨肉燴飯特色烤乳豬乳豬外皮香脆 烤得脆卜卜而且肉質也很鮮嫩 西班牙乳豬無論口感和味道方面也和中式的烤乳豬有點不一樣富有兩種獨特的醬汁點上乳豬味道微酸微甜 不錯不錯香菇鴨肉燴飯燴飯份量也不少 吃下去帶奶油香配上鴨肉和香菇 這個配搭真是第一次試想不到味道也很搭 整碗不知不覺就吃光了Das Bier Lager來這裏當然要點啤酒一杯大大杯 味道清新帶麥香來配這一餐就最夾 正