Tapas Brew (Mikiki)

Open Now

Now Closed

朋友係啟德番工，放工就約食晚餐就去位置Mikiki 的西班牙餐廳🇪🇸 餐廳環保其實走廊吾係好闊，但有卡座都坐得舒服，環境裝修都充滿著西班牙風味及特色🥰溶岩芝士麵包及薯條Racketeering cheese with French fries & bread $88好邪惡的芝士配上麵包和薯條🍟熱辣辣溶溶地的芝士果然可口美味，配上薯條更是美味，麵包質感鬆脆美味可口特色烤乳豬Tapas brew roasted Suckling pig 168份即烤即食外皮超級香脆，厚肉又juicy，而且豬油味香濃，份量唔多，兩個人食都很足夠

餐廳地方唔係好大，所以人少少都可以好熱鬧。坐出面嘅飲下啤酒嘅話好似都幾chill。 第一次食呢間餐廳，所以決定叫番一啲佢地嘅招牌菜，本身都喺西班牙海鮮飯同燒乳豬之間諗緊，後尾決定試下比較係街比較少見嘅燒乳豬。 通常食燒乳豬都淨係會諗起去飲嘅時候嘅，但係呢度嘅燒乳豬係同中式嘅一啲都唔同，表皮非常薄，切落去係有好清脆嘅聲音，十足ASMR甘，食落去好似薯片咁，油脂感好豐盈，驚膩嘅話可以點埋下面好清甜嘅蘋果蓉，如果可以比多少少就好啦。除咗蘋果蓉之外佢仲有另外一個汁你點，食落有淡淡嘅黑松露味同蒜蓉味，配埋乳豬一齊食會多咗一份鹹香。燒乳豬燒得好脆 連啲骨都係用刀切開 但係就要食嘅時候就要小心，唔好食到啲碎骨啦。另外仲叫咗個熔岩芝士麵包及薯條, 即係前排好hit嘅Raclette cheese，雖然佢唔會即場表演倒芝士嗰下，不過送到上黎芝士都仲有拉芝效果架！薯條同麵包新鮮焗起，上面嘅芝士味好香濃，有種有層次嘅咸香味，唔係 一般片裝芝士嗰種芝士味。將薯條點落乳豬個黑松露醬又有別有一番風味，高熱量嘅食物真係好啱攞嚟送送啤酒。餐廳食物質素唔錯，服務又好，難怪座無虛席，期待下次再試下佢其他西班牙小菜。

今日我同事last day 要farewell 佢 決定要同佢食好野🥰🥳我地公司都近新蒲崗，見到同事話想試新野，就決定黎下Mikiki 行下 🤩行行下見到呢間西班牙飯店💛氣氛睇落好舒服同埋環境好chill決定食呢間😋如果唔係因為天氣太熱 我地應該會坐出面😭但我地都怕熱 所以都係坐室內啦！室內都of好舒服的感覺！☺️睇左餐牌 都想試下西班牙招牌既海鮮飯，仲叫左黑松露薯條同羅馬生菜包牛小排😆薯條好快上，d 黑松露味好濃👍🏻仲有點埋個醬 很yum👏🏻另外值得一提佢地d 碟好靚 忍唔住要影多張相係佢個碟😂😂😂呢度d 野食都上得好快 呢個西班牙海鮮飯好多料 睇落都好出色😍我地落左少少檸檬汁撈埋黎食！我覺得最好食係d 飯 因為入晒味 好有蝦、青口等等既海鮮味入晒落d 飯到😋最後就係呢個羅馬生菜包牛小排，我覺得呢個感覺有d 似韓式菜包豬肉既感覺😆黎到又真係有d 似，又有醬、有菜同有牛肉！呢個菜係羅馬生菜，點埋d 醬加牛小排咁包埋一齊食 又真係幾有風味😁估唔到西班牙菜都有呢種食法！因為我地6點黎，所以都好快有位，上菜速度都好快☺️我同同事都食得好滿足，會番黎encore ❤️最後，當然我請客啦😁😁😁

去Mikiki行街，見到商場地下嘅西班牙餐廳好吸引，便同朋友入去坐下食下野，順便補祝生日飯。而餐廳推薦嘅特色烤乳豬，試過之後，非常難忘，不得不為佢寫番篇食評。餐廳有室外同埋室內嘅座位可以選擇，不過今日有啲熱，所以我都係選擇返坐室內。室內嘅空間感都好夠，坐得非常舒服。餐廳比較推薦兩樣主打嘅菜式，一個係特色烤乳豬，而另一個係西班牙海鮮飯。餐飲嘅種類亦都有好多種，有紅酒、白酒、啤酒或者cocktail都有，另外非酒精類有果茶，亦都有smoothies。先嚟即叫即炸嘅黑松露薯條，薯條份量都幾多，配埋特色沙律醬，仲有淡淡嘅松露味，入口脆脆地，好好食。主角特色烤乳豬出場，用木餐板盛着，由於係即叫即烤，所以非常之新鮮熱辣辣。用刀切下去，乳豬的油脂溢出。乳豬皮非常薄，而且我覺得極為香脆，香脆嘅乳豬皮下，就係一層薄薄的油脂，然後就是高質素的豬腩肉。一層一層的豬腩肉，醃得非常之入味，味道帶點兒鹹香，而且都好厚肉，烤得外脆內嫩，而且仲好juicy，非常好食。Mocha Smoothie好大杯，帶有淡香咖啡味，入口冰涼。餐廳除咗食物質素高之外，而且仲好有情調，氣氛吾錯，好適合同朋友放工之後嚟聚餐。另外值得一讚

今日朋友話帶我去食西班牙菜,一來到見度個名就係叫西班牙餐廳喇，仲諗住我連個名都唔識讀,真係方便又易記喇一入到去坐低感覺環境舒服典雅,仲有一個好大裝滿名紅酒和白酒既大柜，好可惜，今日揸車唔飲得我就叫左一杯朱古力沙冰,估唔到佢比想像中冇咁甜,岩晒,因為太甜既話就唔太好飲囉我令外朋友就叫左杯清啤，佢都話好味夠滑首先我地叫左半打生蠔,真係好食,佢鮮得來,海水味重我鍾意, 大細適中,呢度食蠔既級數確係不同之後再點個蜆肉,呢個蜆肉我覺得真係出面係好小食得到,佢隻隻都係超級肥美厚肉,食落去好飽滿既感覺,食落味道鮮甜,酒味冇搶到蜆本身個味之後再點個蜆肉,呢個蜆肉我覺得真係出面係好小食得到,佢隻隻都係超級肥美厚肉,食落去好飽滿既感覺,食落味道鮮甜,酒味冇搶到蜆本身個味一口燒肉,佢個汁又係出眾, 皮脆肉嫩,唔鞋爽口呢隻邪惡豬手,佢有三隻汁， 有鹹蛋黃,芥辣,甜酸醬,想講佢個 鹹蛋黃醬好正,隻豬手肉質爽, 皮脆再叫羊架,熟既情度岩岩好,唔會over ,肉質嫩滑,唔so,佢所用既白料配搭好好味,再配用薄荷醬汁,的確一流再來我既至愛牛排,我點左5成熟,咬口好,牛排級數中上,呢d咪叫牛排囉,10安士度,一個字正乳

食西班牙菜最鍾意就係食西班牙乳豬或者豬手。喺二選一之下，揀咗西班牙燒乳豬！因為叫哂兩樣就會好飽！飲品叫咗peach 🍑 green tea and pear 🍐 green tea, 咁啱是日無芝士奶蓋～前菜tapas揀咗八爪魚甜椒，味道都幾好。想食腸，揀咗個腸拼盆。有芥辣醬及茄汁。4條細腸，1條大長腸。仲有酸菜同薯條。呢度嘅燒乳豬即時整，所以要等一陣。乳豬燒得幾靚，切開皮卜卜脆！一啖啖豬油，好邪惡！豬肉肥肥地幾好食😋 兩個人食，一人食啲，就唔怕太油膩～

呢個商場有唔少餐廳，呢間餐廳有室內有室外。室外大部份人都係飲酒🍻我哋食晚餐，揀咗坐室內。呢度基本上食西班牙菜，豬手、乳豬、意粉、香腸、等等都有。▶️傳統醃八爪魚配香檳醋甜椒🫑$115呢個前菜酸酸地，都幾多八爪魚薄片。另外仲好多甜椒🫑、洋蔥湯等等。▶️特色烤乳豬$188¼隻烤乳豬，賣相唔錯。呢隻乳豬仔相當肥美、面上乳豬皮烤得香脆，入邊有好多肥美嘅肥膏，肉質幾林，有豬香味。▶️德國香腸拼盤$162兩個人食已經相當夠。有辣腸、芝士腸香草腸等。配有薯條、酸菜。薯條香脆，腸都幾多元化。

今次都係我地第一次發掘呢個位於新蒲崗嘅大型商場Mikiki。原來有幾間幾有情調嘅西餐廳，有一啲戶外位畀人飲下酒食下野，個vibe幾好~不過由於呢排太熱，我地都係選擇左坐室內。室內有封畫係好似西班牙嘅大街。牆身嘅設計亦都好有異國風情。餐牌上推介嘅主菜有特色烤乳豬及西班牙海鮮飯。另外亦有更多嘅主菜及小食，款式唔算多。飲品連芝士奶蓋茶都有賣？西班牙辣肉炒蛋配脆馬鈴薯絲。辣肉嘅鹹味令到個蛋同薯絲更惹味，不過薯絲唔脆。西班牙海鮮飯嘅分量夠，海鮮亦足料，可惜整體鹹左啲。特色烤乳豬反而幾惹味，配上醬汁同好似係蘋果蓉，甜甜的，而且乳豬皮夠脆。Mocha smoothie Chocolate smoothie兩杯smoothie超大杯。鍾意呢度環境闊落舒適，食物質素ok。乳豬可以再食~

朋友約我去哩間Tapas Brew 食晚飯，傾吓偈～ 星期一晚上七點半左右都差唔多full 曬，好旺場👍🏻 餐廳食德國菜，好多人都會飲返兩杯🍻 Tapas Brew 特色烤乳豬 $188製作時間需要20分鐘，乳豬份量唔算多，外皮香脆🤤 肉好嫩滑，又入味，正👍🏻😋 唔洗點醬汁都好好味👍🏻 西班牙黑毛豬風乾火腿野菌闊條麵 $138風乾火腿同野菌都好味，闊條麵好creamy! 每一條都沾上醬汁，好味👍🏻整體來講，餐廳食物質素同服務都唔錯，值得一試👍🏻

次次經過哩間餐廳都好想試吓，今晚有機會喇～ 餐廳係食德國菜，唔係好肚餓，叫咗兩樣嘢食試下～面班牙海鮮飯 $188二人份量的海鮮飯都幾大份👍🏻 而且好足料，有蝦、青口、魚柳、峴、八爪魚仔🤤 全部海鮮都唔錯😋 飯的味道帶酸，幾開胃～黑松露醬配炸粗薯條 $68份量都多，薯條好香脆，配上黑松露醬，味道好好，食唔停口，傾吓偈，飲返杯，一流🍻👍🏻尼度最啱放工夜晚離飲下酒，chill下見到德國咸豬手同腸都好正，下次會再去～

假日想行商場，就黎到Mikiki，行到咁上下食lunch，見到呢度chill chill地，我地就決定試試呢間西班牙餐廳！Menu都有好多特色嘢食，價錢都okay☺️ 我地就叫咗兩樣嘢share～西班牙海鮮飯食西班牙菜最有特色當然系 seafood paella，海鮮飯份量十足，好多海鮮之余，飯都煮得剛剛好，食落好有去咗西班牙既感覺☺️醃八爪魚八爪魚配上特色香檳醬汁好野味，八爪魚唔會話好un ，好好味！下次會再黎食晚飯😊

星期五晚上朋友請我食生日飯，3個人黎到mikiki 搵左e間餐廳食dinner。有室內和室外，夏天甘熱，我地就緊係選室內涼冷氣。首先叫左3杯mango smoothie, 大杯好飲。叫左2個小食，分別係炸魷魚圈同埋西班牙辣肉腸炒蛋配菜馬鈴薯絲， 魷魚圈炸得比較硬，炒蛋好食。另外要左個西班牙海鮮飯。份量都算多，海鮮份量都足，青口同魚好好味。之後仲有香腸拼盤，都好好味，有5款香腸，各有特式。酸菜絲同薯條都好吸引😄

嗰日同女朋友去新蒲崗行街，見行到攰攰地，同埋有啲肚餓， 想搵間餐廳坐下同埋食下野。當我企系Mikiki門口食煙時，見到間西班牙餐廳，埋去睇一睇個餐牌，啲食物都好吸引所以入咗去試。話時話我都第一次喺香港食西班牙野。睇住個餐牌都想試好多嘢，所以叫咗好多唔同嘢食。- 傳統醃八爪魚配香檳醋甜椒口感好爽，味道酸酸甜甜地，好開胃。- 西班牙燴蜆伴檸檬橄欖油呢碟真係不得了，每一粒蜆啲肉都肥肥大大又新鮮，出邊從來未食過。正！- 鹹蛋黃豬手呢個豬手好特別，配埋呢個鹹蛋味道，食落去冇得頂。- 特色烤乳豬乳豬啲皮夠趣，佢配埋啲汁真係一流。加上有三個唔同嘅配汁，好特別！- 燒比目魚配原隻大蝦呢碟最緊要係啲汁，配新鮮大蝦同魚，連啲配料都食晒！- 安格斯牛扒牛扒夠新鮮，廚師都煮到我哋要求嘅成熟度，加埋啲配汁就更加好食。鍾意飲啤酒的人，就最正，因為呢度有好多唔同嘅啤酒，紅酒，白酒等。呢度啲服務都唔錯，感覺親切，下次會再帶朋友嚟食！

姐一向喜歡西班牙菜，今天和朋友吃飯當然要吃西班牙菜啦！西班牙海鮮飯海鮮很足料，大蝦超大隻肥厚，啖啖肉。其他海鮮還有青口、魚、墨魚仔、蜆等等。味道比較淡，用檸檬汁調味後就能帶出食材的鮮味。烤吞拿魚伴芒果莎莎 吞拿魚包了一層芝麻，口感外脆內軟，而且芝麻的香味和吞拿魚的咸香很夾。芒果很甜，和吞拿魚配來吃，味道層次很豐富。羅馬生菜包牛小排 這道菜是我的最愛，牛小排煎得半生熟剛剛好，口感很軟，牛味香濃，就咁食都好好味。加醬汁包在生菜中，又是另一種風味。醬汁味道像韓式醬，甜甜咸咸的。生菜脆脆的，包牛小排就令整體口感更多層次。

喺Mikiki 上面，買完餸，拎住一袋二袋諗住搵個地方歇下，休息吓......見到樓下有間食西班牙菜嘅，平時行過見到好多人喺度chill 緊🌞 同三五知己飲番杯啤酒 🍻 談笑風生咁!!!! 佢出邊有啲outdoor 位，如果秋涼嘅時候或者有冬天太陽嘅日子過嚟坐吓，應該超正!!!!! 不過最近咁熱，喺條街棋一陣都出晒汗，就真係咪搞我😆 ...... 我都係坐返indoor 算!!! 其實I am not an alcoholic person..... 就算見到隔離一個二個叫晒啤酒喺度chill，我都冇意欲叫返杯🍺 我最後都係安守本分要咗兩個小食，衣下個肚仔算🤣🤣🤣話晒呢間都叫做係西班牙餐廳，我叫咗個豬手試試佢!!!! 坦白講，個豬手份量的確有啲細....打咗個特😆 食完都真係唔係好夠喉...... 可能呢間餐廳係重質不重量!!!! 個豬手肉質真心鬆化👍🏻 而且個皮超級薄，唔會好似出邊食開嗰啲皮咁，韌到咬都咬唔開!!!! 又薄又脆，係正嘅🥳 食完個豬手，忍唔住再叫多碟小食，叫咗個上面係scrambled egg，下面係鋪咗啲薯仔薄脆，幾light，唔錯，拎嚟過吓口人都幾好!!!!!