Tapas Brew (Mikiki)

Open Now

Now Closed

同事介紹新蒲崗譽港灣Mikiki地舖有間Tapas Brew西班牙菜餐廳好出名；約埋表妹遊覧屯馬線後到啟徳地鐵站出口慢步行去對面新蒲崗譽港灣Mikiki shopping和試吓西班牙菜。簡約設計的Tapas Brew餐廳天花掛上特色的燈飾，樸實無華的裝潢，雖然地方唔算大，但勝在戶外設有數張檯和吧椅，可一邊摸著酒杯底傾計，一邊品嚐西班牙菜式。招牌特食烤乳豬，外皮香脆，肉質腍嫩不乾柴，蘸點蘋果蓉醬和秘制醬汁同吃，另有一番滋味！烤吞拿魚伴芒果莎莎，上層鋪了翠綠中華沙律和黑白芝麻，中間一層是粉紅嬌嫩的烤吞拿魚、薦底是黃色鮮甜芒果肉，旁邊伴一小撮羅馬沙律菜，不但色彩繽紛更是不折不扣的健康菜式！

今時今日食西餐，除左食物，環境同服務都好重要，呢間位於新蒲崗mikiki嘅tapas brew就有晒呢幾樣，真係食物，環境，服務都好丫！同老公拍拖去食好西，呢間係門面已經裝飾佈置得好靚，好多燈令人很浪漫嘅感覺，所以都有吾少人選擇戶外坐位，想涼冷氣就坐入面。食物選擇都幾多，有乳豬，豬手，牛扒，意粉，生蠔都有，仲有好多小食，德國腸，薯仔等等，飲品都種類吾少，真係樣樣都想試。最後點左特色烤乳豬，同西班牙生菜包牛小扒。先講乳豬，真係好好食！上碟熱辣辣，應該係即刻整嘅，皮好脆，肉質仲好嫩，而且服瘦適中，超級好食！1人份量都夠食有餘，不知道係咪每次都會有乳豬脾，我食的是脾位，特別好食！之後呢個牛小扒又係勁正！每舊香煎左外皮，入面仲keep住紅肉同肉汁，牛味濃，另外有生菜配住食，都好食，點左佢嘅醬，中和返肉膩感，兩種食法都好食！最後都已經很飽，本來仲想食件cake都食不下了，見到旁邊食西班牙海鮮飯都好吸引，下次再試！吾錯！

之前係外國旅行食過一次西班牙菜，一直都好想再食返，甘岩係Mikiki行街經過見到有間西班菜，見到餐牌都唔錯，於是就入去試一試佢！是日餐湯蕃茄湯配意大利麵包餐湯蕃茄味十分濃郁，係一個有口感飽肚的湯，仲帶點龍蝦味，再配上外脆內軟的麵包，不錯不錯！西班牙海鮮飯2人份量黎到西班牙餐廳當然要試試海鮮飯！外表絕對吸引人食慾，份量亦超足夠！鋪係底的飯吸收哂海鮮的精華，而海鮮包括大蝦魷魚蜆青口同魚，海鮮多到可以一口一啖飯一啖海鮮，絕對物超所值！Peach green tea 飲品好清新解渴，甜度適中，唯一美中不足係甘岩冇哂奶蓋，如果唔係飲落應該會更加有層次！

放假諗住發掘下新商場行下，於是就去左Mikiki潮聖，行完商場諗住走的時候，見到間西班牙餐廳感覺好chill好relax，於是乎就入去諗住飲下野食下野！餐廳有分室內同室外，感覺都幾外國！燒吞拿魚配芒果莎莎前菜十分開胃，芒果酸酸甜甜，旁邊亦附上黑醋汁的沙律菜，燒吞拿魚外圍有一層芝麻，半生熟的吞拿魚好有厚度口感，伴隨住芒果一起食，好清新開胃！西班牙燴蜆伴檸檬橄欖油湯底係充滿住濃濃的清酒同檸檬味道，蜆肉十分肥美多汁，好鮮甜新鮮，好推薦食呢道菜，因為可以食到停唔到口，份量亦岩岩好！飲品叫左strawberry Fantasy，超級大杯，完全可以share 2個人飲，佢有一種雪糕的感覺，沙冰會慢慢溶化，就感覺飲極都仲有甘，味道亦相當不錯，不太甜，超夏日！

昨天去工聯會順道去果頭搵食點知比我搵到食"西班牙菜式"餐廳基本上屋村地方及大型商場都唔一定有加上疫情都一段時間都好耐冇係外面飲吓酒啦係咁熱嘅天氣吓👉🏻更係啤一啤啦🍻就係咁吸引咗去啦🤣#先睇吓餐牌我地倆個人最後揀咗呢d 更係叫呢間餐廳出名菜式"特色烤乳豬"🐷外脆內軟仲好juicy 😋👍🏻"羅馬生菜小牛排"🐃🐃外面煎得好香口內面好腍同juicy 係大熱天時更係加杯啤酒啦🍺🍺都有好多選擇

Mikiki地面那層的外圍有不同的外國餐廳，看到這家充滿異國風情的西班牙餐廳，就決定在這裡吃晚飯。相信牆身的裝飾都來自當地吧？比起紅酒，我和男友更愛喝生啤，這裡有十款選擇，好多呢。餐牌的選擇貴精不貴多，必點之選是特色烤乳豬和西班牙海鮮飯，但我們只有兩人吃不到太多，所以只能兩選一再配個小食。我選的生啤是Erdinger Weissbier。知道w字頭這字是白啤的意思，所以它的顏色淡金，麥味不算很重，反而有馥郁的花香。入口到吞下都是微甜又清爽的感覺，相當易入口，深得我心。羅馬生菜包小牛扒是我們的"前菜"。上菜時才香道，啊是要自己包著吃的，就像泰菜的生菜包般。小牛扒煎得約五成熟，鎖住了豐富的肉汁，每片都厚切，一定啖啖肉。羅馬生菜十分爽脆，味道清甜，跟香軟的小小牛扒一起吃，相得益彰、口感豐富。那醬汁看起來像辣的，其實是鹹香的，挺有驚喜。然後就到主菜，我們還是忍不住海鮮的誘惑，選了西班牙海鮮飯。兩人份量來說這很大盤，海鮮都舖滿表面了，好不豐富。墨魚仔、藍青口、大蜆、蝦和魚塊都大大件，肉量多。最喜歡大蜆，鮮味十足。飯充滿蕃茄和青檸的味道，縱使飯粒比較溼口，但有綿綿的口感。加上清新的酸味，會想一匙接

去左mikiki食晚餐，呢間Tapas Brew絕對值得推介！因為樣樣都好食，服務環境又舒服，令人relax心情大好！呢間可以有室內室外坐位，外面晚上坐都好chill，今次揀左室內坐先，餐廳入面環境好歐陸風，幾靚，又有大電視同大酒櫃幾吸引嘅，店員服務又好，又有禮貌，加了不少分！特別想讚一下 羅馬生菜包牛小扒，好味！5成熟左右吧，仲保留肉汁，切到粒粒又方便食，就咁食已經好好味，又可以包生菜咁食，加埋特備醬汁，又一新口感，冇咁漏而且都好食！重點係價錢吾貴，絕對推介！再要特別讚一下 西班牙黑毛豬風乾火腿野菌闊條麵，原本諗住一般西餐廳，但都很優勝，上碟很香野菌忌廉的味道，熱辣辣即嗌即整，而且闊條麵條條都沾上了汁，很滑而且又有咬口，幾正，另外黑毛豬火腿好食，食落有很香味道的！食得出靚貨，用心之作，絕不馬虎！好丫！滿意！另外點了strawberry smoothie, 好大杯丫！味道好岩我口味，不會太甜，但又好香士多啤梨味，靚靚嘅，吾錯，今晚食得很滿足，好開心，會再幫襯，值得推介！

新蒲崗俾我既印象係一啲比較傳統嘅餅舖、糖水舖、茶樓，今日跟住個朋友仔行到去Mikiki，原來有一對有露天茶座嘅西餐廳，好似去咗旅行咁🥳🥳🥳點指兵兵入咗呢間西班牙餐廳，落地玻璃，嘆住冷氣又可以望到街景，正啊！😎話明食西班牙嘢，梗係要點返一個西班牙海鮮飯啦🥰🥰好豐富呀！🥳🥳本身顏色同埋食材嘅配搭已經非常吸引，啲海鮮好鬼新鮮，個鮮魷魚同個匙羹一樣咁大，仲好有口感添😋😋😋其實我好鍾意食西班牙海鮮飯，佢個飯嘅質感好煙韌，又索晒海鮮嘅味道，少少濕濕地，加埋檸檬汁，絕配！🥁另外我哋點左一個迷你漢堡，有驚喜！😍個包焗到少少脆口，個牛肉好多汁，配埋裏面嗰個類似沙律醬嘅source, 我忍唔住爭食咗兩個😬😬😬話時話，佢個薯條都炸得幾好味，唔會乾爭爭👍🏻👍🏻👍🏻Oh, 仲有啊，佢啲餐碟好鬼靚，我嗰隻碟仲要係紅色心心圖案，喜歡到爆炸😍😍😍😍非常享受今次lunch 來西班牙走咗一轉😉

去到鑽石山買啲嘢，可以去新蒲崗行埋，呢度附近都多餐廳。食呢間西班牙餐廳，坐戶外幾有氣氛。如果想有氣氛啲，坐室內都得。款式都算多特色烤乳豬，188元，皮係好脆，肥膏同肉比例係唔錯，下面有啲梨汁，食落都幾refresh。而點嘅汁係蘑菇燒汁，個人覺得唔點都ok，原本乳豬都幾juicy。俾大家睇個分佈羅馬生菜包牛小扒，98元，一口牛size剛好。小小炭燒唔錯，包菜加啲辣汁，令我想起旅行去韓國。西班牙辣肉腸炒蛋配脆馬鈴薯絲，88元，幾特別，辣肉腸唔錯，炒蛋夠滑，一啖有齊三款食先係最啱。

成日經過新蒲崗呢一頭都會見到呢幾間餐廳好靚，又有戶外嘅座位。今日終於試咗其中一間西班牙餐廳！餐廳裝橫都幾靚，有西班牙特色啊！一開始叫咗餐湯同埋蒜蓉包餐湯都幾濃，配埋熱辣辣好新鮮嘅蒜蓉包，做starter暖暖胃都唔錯。西班牙海鮮飯西班牙海鮮飯份量唔少 而且海鮮份量都幾多 上枱嘅時候亦都幾熱 烤雞烤雞係原隻咁樣上，本身唔算太入味，配上酸酸甜甜嘅醬汁，會變得好夾。餐廳整體環境都唔錯， 下次有機會會坐戶外位置同朋友飲下啤酒！

尋晚同女朋友仔行過鑽石山，經過mikiki商場，甩到地鋪有間餐廳，叫左tapas brew，我地比較小食西班牙餐廳，見到環境幾靚，又有晒酒櫃咁，就入去試下。店內坐位唔算好多，不過都幾多人，Keep住走左一台又入一台，生意都幾好。入黎望到每台都有叫個海鮮飯同乳豬，我地當然都唔執輸，都叫左一份試下。海鮮飯好有西班牙特色，有蝦有魷魚有青口，都算足料，份量都幾多，都幾好食既。特別係個墨魚，仔都煮得啱啱好，咬落去好彈牙好軟熟，非常新鮮。另外乳豬就一定係必叫，因為真係好脆好嫩，十分抵食。

西班牙傳統既前菜十分得意，醃八爪魚配香檳醋甜椒配搭特別，估不到入口八爪魚有甜甜酸酸既醬汁，好惹味，八爪魚小小一口，入口不會太硬，開胃小食另一道小食，地中海式炸魷魚圈配檸檬蒜香黃，這個魷魚圈大小厚度剛好，炸得香口脆身，不油膩，入口魷魚鮮味十足，點了特別的沙律醬，酸酸的，好美味西班牙海鮮飯用一個金屬鑊載著，新鮮熱辣，陪著不同的海鮮，色彩繽紛，賣相十分吸引。軟軟的飯粒分明，入口包含了海鮮的香味，十分入味但不糊口。海鮮份量十足，海蝦爽身，青口及貝類鮮甜，魷魚味鮮，魚柳魚味十足，厚肉嫩口。Tapas Brew 特色烤乳豬早已吸引我，在餐廳外海報有介紹，嘩，在碟上的乳豬外皮光澤十足，切開pop pop 聲，外皮十分脆，乳豬肉十分嫩口，肉嫩皮脆真的好好味，食過會encore

今日來到位於mikiki的西班牙餐廳Tapas Brew。餐牌食物款式多，多款西班牙小食，主菜。是日餐湯是蘑菇湯質地濃稠，用料十足，保持幼滑的質感之外又可以吃到一粒粒的蘑菇粒，口感豐富。附上的麵包是烘過的，外脆內軟。西班牙乳豬外皮燒得香脆，而內層的肉質嫩滑又充滿咸香味，肉味濃郁，帶點脂肪，雖然有少量的蘋果蓉，如果可以配以酸菜去減低油膩感更好。特製的黑松露燒汁令乳豬有另一番味道。食物質數不錯，但以這個價格來說份量是有點少。

今日終於可以出街食下晚飯輕鬆下。今晚係嘆西班牙菜式，好耐都無食過了。有前菜既傳統醃八爪魚配香檳醋甜椒，味道有少少甜帶濃醋酸味，感覺係開胃口，八爪魚煙煙韌韌，加上甜椒粒點綴，2個字開胃。地中海式炸魷魚圈配檸檬蒜香黃醬，就係炸魷魚，外層麵粉炸得剛剛好而且厚度適中，魷魚肉煙韌加配搭黃醬，味道就似千島感覺，幾好味道。特色烤乳豬，一上到枱，香噴噴撲鼻，乳豬燒得非常香脆，肉質肥美。一切開見到好多肉汁即時流出來。內層肉質嫩滑，而且肉汁不斷流出來，燒功一流，加上乳豬仔既肉質特別好味道。西班牙海鮮飯，呢道菜式原來真係幾大碟，真係有好多人先可點大盤。好足料，有蝦、蜆肉、墨魚仔、魚、青口。還有，西班牙飯既精粹當然係飯粒，飯炒得好香，飯已把香濃既海鮮味重重包圍住，味道不濃，剛剛好，飯粒軟硬適中。想食正宗就要點呢道菜喇。

今次黎到位於鑽石山新蒲崗的tapas brews，tapas brews係近期好紅的MIKIKI商場隔離，地鋪位置都幾好，裝修好靚，有室內同室外位置，如果天氣唔太熱，其實夜晚坐室外位都幾有feel，不過近排太熱，所以我地都坐左係室內位置。Tapas brew係西班牙餐廳，乳豬同海鮮飯係佢地招牌拿手菜，所以當然一定要叫啦。乳豬個皮十分鬆脆，食落卡卡聲，超有水準，肉質都好好，唔會太干，十分推介。我地另外仲叫左個雞翼，蒜汁加上蜜糖，十分惹味，推介大家一定要試。其實賣單都唔係太貴，如果附近朋友都suggest黎試下。