Tartes & Pop

Open Now

Now Closed

以前食過同事係呢間舖頭買嘅散水餅，今日特登去左上環再買黎食。今次揀左四隻味，order左黑芝麻抹茶撻、熱情果榛子撻、士多啤梨忌廉撻同埋覆盆子朱古力撻。我鐘意食呢個撻嘅餅底，好脆、甜甜地。每件撻嘅層次感都好豐富，feel到餅師非常用心去設計每個撻!鐘意綠茶味，或者唔鐘意太甜嘅人，一定要試下黑芝麻綠茶撻。呢兩種元素好夾!兩種唔太甜嘅材料再加甜甜地嘅餅底，成件事岩岩好!☺☺☺熱情果榛子撻又係另一個食落唔太甜嘅選擇。食得出有好重嘅榛子味。面頭嘅熱情果醬酸酸甜甜、好開胃。呢個撻嘅combination都好出色，我like!士多啤梨撻係大路嘅combination，鐘意食甜野嘅人會like，再加埋面頭嘅士多啤梨碎同士多啤梨醬，成件事好滿足呀😊😊最後， 覆盆子朱古力撻用嘅可能係黑朱古力，冇想像中甘甜。加埋面頭開胃酸甜嘅覆盆醬， 成個撻一啲都唔膩。

上環真係好多潮店,我同朋友慶生,女仔食唔到太多CAKE,所以冇買整個CAKE,想有心意D,就叫左4個PASTIRES啦!可以滿足到唔同人不同既好味,GOOD GOOD!我係網上預訂左,一去到就可以拎啦!我叫左橙伯爵茶,上面有新鮮既橙,伯爵茶味道濃郁,同橙既味出奇地夾,打破左我以為橙只同朱古力夾既想像呀!第2件係熱情果榛子TART,熱情果既酸甜好正,MOJITO TART好清新,令我諗起呢種飲品,芝麻MATCHA非常夾,黑芝麻好似炭咁,好好味,MATCHA有認證,好高級咁既款,上面係MATCHA 慕思。我地SHARE黎食,食到唔同既味。最欣賞係個包裝,每件都係獨立,又包得照靚,散水最岩,不過要儘快放係FRIDGE.

只賣法式甜點撻的店，這麼專門一定有其厲害之處！Tartes & Pop 位於上環西港城對面，店內不提供座位，提供精美的提盒可以帶回家吃或買去辦公室開party。各種精緻的撻價格由 HK$45 - 50 不等，除了招牌口味之外也會定期推出季節限定款。塔批不會太大個，可以輕易拿在手上就口吃，刀叉也不用很方便啊~這次吃了四款口味，我最喜歡的是超香濃朱古力，每一口都濃情化不開！另外很驚喜的還有香橙伯爵茶，甜點控們一定不能錯過這間專注做好一件事的小店！小店就在西港城對面，超級容易找！店內不設座位，現場可以買的撻不一定齊款啊，有特別想吃的建議預先上網訂好，再到店內取貨比較安心。店內有宇治抹茶証明書，抹茶撻一定不是用便宜的綠茶假扮。每個撻都有獨立包裝，分派給朋友也很方便，也不容易碰來碰去撞壞。不過撻的內餡放太久會溶，建議盡快吃掉或盡快放冰箱保存。 Passionfruit Hazel nut Tarte 熱情果榛子撻 HK$45我覺得這家的撻皮做得很好吃，脆度和甜度都很剛好，吃起來就是療癒。這款中間裝滿榛子醬，堅果味不算太濃，淡淡在舌頭上蔓延，配上熱情果酸酸甜甜很有趣。 Sesame Matcha

今日行過上環，經過呢間甜品店，門口好光鮮！店面冇得坐低慢慢食，店鋪空間細細，店長係一個法國人，TARTE既料全部都係法國入口，100%人手製造！ 法式撻有十款味道可以揀，款款都賣相吸引，選擇困難症又發作！最終要左4款tarts試下！ 張卡仔教我地食果時要用手拎起個撻，直接咬落去，唔使用刀叉食。1.檸檬榛子朱古力撻榛子朱古力非常夾，檸檬酸酸地，好開胃！2. 三重荔枝撻：最上面嗰層係荔枝嘅酸甜苦，味道清新得黎，唔會太甜，食完唔會太濟，仲有ｄ荔枝肉係面可以食，配合裡面既口感軟滑既mousse, 結實嘅餅底，一啖放落口真係好多層次。3. 薄荷青檸撻：很清新的一款，青檸味好出，慕絲口感好creamy但絕對不膩。4. 本人至愛的是黑芝麻抹茶tart，佢嘅綠茶係用宇治綠茶粉做嘅，微苦抹茶配上微甜黑芝麻，加上抹茶慕絲帶點回甘的！這款最好吃啊，十分推介！

今日難得經過上環，知道西寶城附近有間好食法式tarts! 咁我一於買返屋企試試！一去到店舖都較細，橙色招牌好顯眼，不過tarts款式都好多，樣樣都好吸引！听講係由兩位法藉甜品師經營，100%人手製作，價錢定位大約$45一件，但用料毫不吝嗇。今次自己要左四款，每件tart都有獨立包裝盒等佢會爛，好貼心！首先試左Orange Earl Grey tarte ，本身幾鍾意飲伯爵茶,撻係用左杏仁餅底,配伯爵茶mousse同橙嘅jam! 配搭一流！要左個Coffee Crème Brûlée tarte，一食落口好濃好濃既咖啡味，而且口感好creamy，加埋撻底酥脆既口感真係一流，咖啡帶甘所以整體唔會過甜！Raspberry Chocolate 濃濃既黑朱古力味，喜歡覆盆子帶有的酸酸甜甜，可以跟朱古力中和一下不會很膩！仲有strawberry vanilla tart, 杏仁脆餅底，中間係雲呢嗱mousse配新鮮青檸皮，最面有士多啤梨醬,微酸好開胃，配雲呢嗱mousse口感順滑!

今日嚟到上環，去到呢間店買了四件甜品,慶祝生日。（代替買一個大蛋糕😆）有九樣選擇，款款都賣相吸引，選擇困難症又發作。最後我哋要依四款。包裝非常精美！返到屋企擺靚靚，再同家人分享💕覆盆子巧克力撻：朋友係朱古力控，依款有濃郁朱古力，加上酸酸地的Raspberry，朱古力的甜味更突出。黑芝麻抹茶撻：去到間店先知到佢哋有抹茶認證，所以我哋對依款有好大期望，最終亦冇失望。抹茶同黑芝麻互相帶出各自的香味，出奇地夾，絕對唔可以錯過。另外兩款：士多啤梨忌廉撻：士多啤梨酸酸甜甜，配合埋優滑嘅忌廉，唔鍾意食掛甜嘅人應該覺得呢個唔會太甜又好新鮮。法式咖啡忌廉布丁撻：傳統creme brulee 配上咖啡味，非常好味雖然價錢比其他地方感覺偏貴，但係食落去口感細滑，應該用料好純，而且新鮮製作。呢間店舖絕對值得支持！

The cakes are very delicious and the services are excellent! Highly recommended! They were able to fulfill a big order (over 400 cakes) within a short notice period (4 days)! A variety of flavors is offered. Delivery was on time and all the cakes arrived in perfect condition.

今日路經上環落大雨，見到呢間食撻嘅餅店入去避一避雨！店內環境，少少歐美風之後睇睇佢d撻又好似幾吸引就買咗幾件試試有好多唔同口味！9件對我黎講又太多，所以小試牛刀買住4件先終於翻到屋企一開 佢係獨立包裝咁都幾好，好方便！而且好貼心每個獨立包裝會有個數字貼紙分跟張指事卡上面就知咩味，仲有右邊係提示點樣開個盒同埋提示 必須用手拎住食 x3次 重要野原因係因為個餅底！我一食落去就師傅明白！！！先黎一個蘋果焦糖撻呢個味係好似Apple crumble味，但冇咩肉桂粉味我個人都幾鐘意，酸酸甜甜咁！不過呢個焦糖味唔算好出！但個蘋果果d餡料做得幾好而個撻嘅底真係好脆好似食緊曲奇咁！（讚撻底X1）香橙伯爵撻（利申）呢個我媽咪食，我唔多評論，但從佢口中佢都係讚佢個底好脆（讚個底X2)，其他味道都ok！法式咖啡忌廉布丁撻呢個好濃咖啡味，由拎上手果下都會聞到！食落都比較苦，如果唔好咖啡嘅人黎講！我就覺得ok 而且佢係好creamy嘅 入面！都係果句 個底好正 (讚個底X3)士多啤梨忌廉撻最後呢個好似cheese cake 嘅味要，夾埋最頂頂果層類似係士啤果醬一齊食就會覺得好正都係好creamy!味道係偏甜但我

同朋友慶祝生日，上網搵左呢一間賣撻嘅小店。自己一口氣買咗四個！覆盆子朱古力撻 : 唔會好甜唔會好膩入邊有覆盆子流心醬朱古力餅底好實 好好食黑芝麻抹茶撻: 好有驚喜芝麻同抹茶嘅配搭好夾抹茶帶苦味上面嘅抹茶好滑身士多啤梨忌廉撻 :上面有新鮮嘅士多啤梨果肉下面忌廉部份唔會過甜而且好滑身餅底亦都做到好實 同個忌廉好夾入面亦都有流心士多啤梨醬檸檬榛子朱古力撻:檸檬唔會好酸反而偏甜同榛子味道非常夾 檸檬同榛子都唔會搶走左對方嘅味道上面仲有啲果皮混合嘅檸檬醬

成日經過都比佢吸引住，今日終於買黎試左，買咗香橙白爵茶撻、法式咖啡忌廉布丁撻、 檸檬榛子朱古力撻。法式咖啡忌廉撻有適量嘅咖啡味配襯忌廉嘅甜味。 好味，我好鍾意呢個撻。抹茶黑芝麻撻 有淡淡嘅綠茶味同埋黑芝麻味兩樣嘢夾埋一啲都唔苦，仲有淡淡嘅甜味，啱晒啲唔鍾意甜嘢嘅人。蛋糕有三四層，一層係抹茶cream, 兩層蛋糕，一層脆餅，係心機之作呀😋香橙白爵茶撻係我第二鐘意食嘅撻。佢有一大塊橙肉係頂。面頭有一層薄薄嘅啫喱，下面係白爵茶cream。呢個係微甜、fresh嘅選擇!😋😋檸檬榛子朱古力撻有榛子醬係面，中間有薄薄嘅啫喱，下面有檸檬味濃郁嘅cream同脆脆餅。順帶一提，蛋糕嘅包裝好靚好適合用嚟送禮。395蚊有16件迷你撻。每件細啲平啲，可以試多啲味。👍👍

自從上次有同事派完呢間蛋糕舖嘅散水餅後，我都心思思想買幾件返屋企食!想返轉頭食，係因為我好鍾意佢脆脆地甜甜地嘅餅底。尋日係細妹嘅生日，的起心肝去咗買。 佢嘅位置其實幾方面對出係上環叮叮站總站轉個彎亦都有上環地鐵站。餐廳入面有好香嘅牛油味，櫃檯擺咗好多小蛋糕。 另外隔離有張抹茶宇治證書，證明佢用料上乘，用日本嘅綠茶粉 難怪咁多人 覺得佢嘅 黑芝麻抹茶撻 好食 我即刻買咗一個個蛋糕係幾好食，有淡淡嘅綠茶味，唔會太甜，綠茶粉同啲黑芝麻味好夾，再加埋個脆脆地甜甜地嘅餅底，正!我哋仲叫咗盆覆子巧克力撻，熱情果榛子撻，三重荔枝撻。盆覆子朱古力撻有好重嘅朱古力味，面頭啲盆覆子醬嘅酸味中和左淡淡嘅朱古力甜味。黑朱古力控可試下呢個撻。熱情果榛子撻嘅榛子味比熱情果味更加突出，鍾意食榛子醬嘅人可以試下!三重荔枝撻面頭真係有舊荔枝肉!

最近物色緊買散水餅既好地方，就嚟咗呢間償還嘅專賣法式卡嘅店舖。佢嘅好地方食細細，但就裝飾得好又去法國嘅感覺。今次我就是買咗四個你試吓。黑芝麻綠茶撻最有驚喜嘅係佢嘅綠茶味非常濃郁，微微嘅苦澀綠茶味，配上嘅芝麻內餡，同埋佢結實嘅餅底，層次感豐富，非常美味。值得一題的是，佢嘅綠茶係用宇治綠茶粉做嘅，唔怪得知得綠茶味咁有日本食到既一樣。檸檬榛子朱古力撻如果鍾意食酸甜嘅甜品，就一定好鍾意食呢一款。佢嘅表面係檸檬嘅酸甜，配合好似金沙裏便嘅榛子cream一樣，都出奇地夾。加上結實嘅餅底，層次豐富。本性在配搭夠新穎，酸甜嘅配搭非常平均。三重荔枝撻最上面嗰層係荔枝嘅酸甜苦，味道清新得黎，唔會太甜。配合裡面既口感軟滑既moouse, 結實嘅餅底，一啖放落口真係好多層次。適合夏天食。薄荷青檸撻第一口既感覺就係覺得好清新，佢嘅層次包括上邊青檸味嘅moouse, 裏邊嘅啫喱同埋餅底家沖左層次。最值得一提嘅係薄荷嘅味道提升左成個餅嘅層次，味道非常突出，加上表面既李子粒，成舊食真係好有夏天嘅感覺。very refreshingConclusion: 整體來講，呢一間鋪頭整既cake非常注重層次，同埋口感，所以佢哋會

一場嚟開上環信德中心就去西港城 嗰一面行下臨走時見到呢間小店就入去睇下呢間小店位於西港城旁邊對面橙色招牌都幾鬼搶眼入到去見到一個一個精緻的撻我就忍唔住買咗四個返屋企試下首先推介嘅係熱情果榛子撻, 熱情果甜甜酸酸 剛熟的熱情果最好味， 配上榛子醬混合得美的和諧。即叫即整咬落心先好味。之後就要咗個檸檬榛子朱古力撻檸檬味道偏酸的 幸好朱古力中和咗酸味咬落撻底鬆化， 好味醒胃之後就輪到薄荷青檸撻薄荷青檸 清新可口 用嚟high tea就最啱喇最後就黑芝麻抹茶撻 呢度啲抹茶有抹茶認證證書抹茶味 恰當好處 配反黑芝麻剛好甜喎下次來到還會再嚟幫襯

早前同事訂法式撻做散水餅大獲好評當日品嚐的朱古力味極濃心癢癢想試埋其他口味上官網手滑咁就訂左一盒一般西式糕點重奶重油以忌廉與蛋糕作主體酥皮類則非常香口但較乾喉而法式撻既精髓在於齊集各種甜品的特色層層疊的藏於小小個子中Fresh Lychee TarteMenu中有數種清爽系的水果撻荔枝輕微糖漬 加上金箔貴氣盡現果肉仍然保持新鮮荔枝果香紅色荔枝啫喱層味道會很化學? 沒有~底下忌廉層奶味輕薄不會蓋過果香吃盡整個甜品也沒有需喝茶的意慾多吃幾個也不膩Passionfruit Hazelnut Tarte試過不少熱情果甜品口味過於濃烈熱情果的酸十分霸道於是人們總喜歡用大量糖掩蓋果酸這個小撻捨棄這個方法選以吉士醬和榛子的nutty flavour調和這款口味層次分明 (共有7層)賜予 酸 甜 香 脆 滑 濃 的味道想起要組合這甜品所花費的功夫就頭痛了最頂有: 榛子粒，焦糖杏仁脆，吉士醬中層: 榛子慕絲，以及薄啫喱保持濕潤底層: 熱情果忌廉，牛油蛋糕外層: 牛油脆撻皮Sesame Matcha Tarte聽說是店方的皇牌款式Cashier旁豎立所採用的宇治抹茶證書毫不吝嗇灑上抹茶粉茶味突出濃而不苦細

又到散水餅時間 咁岩同事就請食tartes&pop先唔講味道 就講包裝已經嬴哂一盒9個 上面有張卡仔講係咩味道每個小盒都有個number 貼紙 指示係咩味道唔洗人一盒盒咁打開今次我食左法式咖啡忌廉布丁撻&士多啤梨忌廉撻咖啡味好濃 面頭上有一層焦糖是脆焦糖片咬下去就食埋軟布丁 再咬到低就是硬身餅底層次感好好 食出不同口感士多啤梨撻 外形設計比咖啡撻好面頭有甜嘅士多啤梨再加士多啤梨果凍一層層 再落是濃味忌廉層 有奶香又滑再咬到底都是脆餅撻底食後 味道仲停留在口中 正最後 點會回收大紙盒並給予優惠卷 $25支持埋環境 是一間有心思的店鋪 要一讚再讚