正斗粥麵專家 (Closed)

到九龍灣Shopping, 見到商場尾有間正斗, 之前聽過跑馬地嗰間好食, 所以試一試.我們二人叫了個雲吞撈麵和炸漿撈麵食, 因為見到張餐紙介紹雲吞麵好似黃枝記介紹一大輪. 我相應冇死錯.雲吞撈麵 - 麵彈牙, 湯有大地魚和蝦子香, 雲吞蝦和豬肉比例OK, 好食.炸漿撈麵 - 炸漿麵較甜, 麻麻地.不過股務好, 我朋友出了去一陣. 有個服務員主動問, 需不需用蓋盖上以免凍了, 抵讚! 但價錢就貴其他麵鋪成個Double, 但麵方麵, 劉森記好食過去, 到係二＋幾元, 你話.總結 : 麵和湯底出色, 整體質數平均, 但價錢要貴同類一倍, 叫做試過都冇壞.

今晚想食得清dd, 因為呢排太瘋狂la~~~同時又唔知自己發咩神經走左去食一間一隻粽都要成$45 ge "正斗"食飯.可能想知道究竟點解咁普通ge野要咁貴la!薑粒蛋白炒飯 ($60) - 幾好食, 不過薑同蔥炒ge飯好少會賴野ge!灼菜心 ($22) - 唔駛介紹, 未就係就咁灼菜心 law. 炸兩 ($28) 皮蛋瘦肉粥 ($30) - 牛頭角下邨好食好多.呢間野GE食物唔係唔好食, 但係唔物有所值. 但係唯一我幾欣賞個辣椒醬.

今日同o左女友來呢間店食下午茶,呢間店裝修好靚,將舊o既中式裝潢融合落新式o既中式裝潢入面,視覺效果唔錯.d小二好有禮貌,仲好主動幫我地影相,值得一讚.我地叫o左一碗雲吞麫,一碗牛腩麫,碗雲吞麫d湯雖然係有d淡,但肯定佢冇落味精,有大量蝦子,仲有大地魚香,肯定足料,d麫好彈牙,好爽,做得好好,d雲吞一般,冇乜特別;牛腩麫o既湯d味o岩o岩好,唔太濃,d牛腩超淋,做得好,d麪亦好彈牙.不過碗雲吞麫上菜o既時候,比我見到有隻蚊o係碗湯入面,好彩未飲.冇客人會接受收三十蚊一碗麫,都竟然仲會有昆蟲o係碗湯入面,呢樣野真係唔係講笑.

4人前，點了：白粥，蝦米腸粉。炸醬撈濕炒牛河艇仔粥 + 雲吞麵大抱住試試看的心態，一行四人去吃午餐。粥底麵，蝦米腸粉亦十分有誠意，蝦米大大粒。粥底雖好，不過向來的平民艇仔都不會有魚片，這個就是畫蛇添足，而且又腥又多骨。炸醬撈實屬行貨，汁偏甜，肉絲柴頭，唯獨麵底十分出色，爽而帶嚼勁。雲吞細粒，不過大碗($30)有6粒。裡面有蝦肉，但胡椒粉味極重，本人懷疑其用料的新鮮程度。老實說，佐敦細細碗的麥文記? 和北角鐵路站附近的麵檔都比它好吃多了。湯底本來還可以，不過吃完就渴得要命，奉勸怕味精的人絕對不要試。濕炒牛河的賣相十分好，碟上沒有太多油，河粉顏色亦均勻，牛肉和配菜都有足夠份量。不過吃的時候，發現一陣"羅"味。不，那不是一般鑊氣的香，因為入口時，就能感覺到粉的水份甚重，好像剛剛川燙完一樣，最後同事只把菜和肉吃掉。順帶一提，在我的雲吞麵裡，有頭髮一條(若2cm)和茶葉一支。炸兩$28!?!? 我想天掉下來的炸兩也只是粉皮和油炸鬼，這個開價實在令人卻步。結果搭臺的點了，份量少得可憐，賣相一般到極點。服務：出菜快，有專人倒茶，不過也有一兩個黑著口面的侍應生。結論： 物非所值，冇下次。

一大早來到德褔廣場的大型傢俱店買東西，十一時半完成購物任務，要找地方醫醫肚。有意一試的「正斗粥麵專家」剛好開門大吉，便入內一試。裝潢看得出是花了本，如果食物質素和服務如裝修般下心機，貴一點絕對沒有問題，因明白「羊毛出自羊身上」的道理。眼看樓面服務員有三位、傳菜員兩位、收銀員一位、男女經理各一，不過女的是不會下單及添茶，只會帶位或收款。餐牌內食物種類豐富，粥、粉、麵、飯、點心樣樣佳有，我們只有二人，不想吃得太飽，所以點了以下食品︰1. 正斗鮮蝦雲吞麵 (小) ($25.00) - 吃慣「麥奀記」的我們，當然要比較一番。此處的湯較厚身及濃，個人較喜愛「麥奀」。麵就比「麥奀」的彈牙，而麵香兩者都差不多。兩者的雲吞體積相近，用料也新鮮，以餡料來說，此處的較重味。整體來說，還是喜歡「麥奀」多一點。2. 靚皮蛋鮮牛肉粥 ($36.00) - 標明是「靚皮蛋」，我一相情願地幻想，是可與永樂街「順興行」溏心皮蛋匹敵的貨色，但原來只是一般水準而已。再說說牛肉，與名字相符，夠新鮮亦有牛肉味，沒有雪得過久的後遺症。粥底反而頗欣賞，夠綿夠滑夠濃，就算用來煮完牛肉，仍然沒有水份出來。這裡看不到廚房是怎樣烹調，

上星期日去九龍灣德福廣場, 見正斗好多人等位, 就試吓啦. 我同門口位侍應小姐講咗3次3位, 佢先比張飛仔我! 佢仲要不停打乞嗤, 又唔帶口罩!等咗20分鐘有臺, 唔算耐. 我哋叫咗:-田雞蒸飯 - 味道一般 叉燒撈麵 - 麵暖暖哋, 叉燒凍冰冰, 好似橫屍街頭咁分佈係麵上. 蝦餃 - 又係暖暖哋, 味道一般 春卷 - ok 鮮竹卷 - 出奇地唔錯 服務方面真係好差, 完全唔夠人手. 問要碗仔, 話未有 =.=! (可能仲係廚房洗緊) 咁你叫我點比個小朋友食麵? 叫幾次先有人斟茶, 如果已經唔夠人, 就索性買d茶壺, 等客人自己斟. Menu上嘅食物一啲都唔平, 絕對係貴價粥麵舖格局. 但出品就連水準都講唔上, 好失望, 冇下次!

有幸起九龍灣返工,可以成日幫襯正斗,因第一次食過呢道嘅粥,真係好好食.粥底杰身,好味,食半個鐘都唔會變晒水,好有傳統靚粥嘅STYLE .但略兼及第粥的粉腸不是新鮮豬粉腸,而係生腸,好怪! 其他料如豬肚等可以有改善空間.然後講吓蒸腸粉,鮮蝦腸嘅蝦好爽,好大隻,腸粉夠滑,同埋拉得好靓,水準高過一般酒樓.豉油皇炒麵及干炒牛河水準亦非常高.而雲吞麵就一般,湯底唔係特別靚,麵質OK啦,不是雜誌所描述的那麼正.總括黎講價錢係貴一些,但值得再幫襯!

香港最出名的其中一種食物就是雲吞麵，雲吞要皮薄涵靚不是一件簡單的事，坊間很多的雲吞麵店都只是機械式生產，不太美味。最初都以為正斗的雲吞都是這樣，除了因它的裝修很摩登干淨，服務是機械式的禮貌外，正斗分店很多也惹人懷疑到每一間分店質素會否差距很遠。今晚很夜才吃飯，想了想才決定到正斗一試，皮蛋瘦肉粥（３０）和雲吞麵（２５），價錢很昂貴，不是一般雲吞麵店的價錢。皮蛋瘦肉粥是一般的質素，粥底都算很綿，唔錯的了。雲吞麵水準很高，除了雲吞味度很鮮外，最出色的是麵，爽口彈牙又不會太大的楝水味，配合清澈的湯底，很美味。雖然價錢很貴，但美味的東西應該要一試。http://icuteee.mysinablog.com/index.php?op=ViewArticle&articleId=1456715

自從九龍灣有正斗之後..我都算心思思會想再去..原因我真係覺得佢地D粥真係好正.上星期睇完戲之後又來食宵夜,因為睇完出來都成10時多,所以我地都係食少少野自回家啦.2個人叫左炸両, 滑蛋牛粥同2個腸粉煎蛋.其實3樣野都一樣咁好味, 個炸両都仲帶少少脆都唔錯, 當中最欣賞係個腸粉煎蛋d膠粉好滑加埋d煎蛋好好味, 仲有個粥真係用隻生蛋打落去食果時有d蛋黃汁真係一流.

ordered 3 items:炸兩 - 油炸鬼 seems overnight and not crispy..... 牛肉粥 - beef is tasteness..... 豉油王炒麵 - just so so but costs $55 may visit again... but not within year 2008!

上星期同阿媽去宜家睇傢俬, 咁o岩過見到開左間新野, 又有少少肚餓, 於是入去一試.下午茶時間, 人不多, 比左個卡位我地兩母子, 唔錯唔錯.跟住一睇個menu, 嘩鞋, 三十幾蚊碗雲吞面, 都唔平喎. 不過諗起翡翠水晶都係咁上下價, 個心好似舒服d.叫左雲吞面(大)水餃面各一. 頃刻, 兩碗面送上, 嘩咁大(細!)碗既? 係翡翠既一半size到啦, 即時有被呃錢既感覺.再講味道, 水餃好難食, 有陣怪味, d料又"煤煤"地, 唔掂. 至於雲吞就ok, 未至於好好食.唯一可取就係面底, 好難遇到d咁有質素既面底, 煙銀彈牙, 又唔會好快比d湯浸淋, good!總結: 真係好細碗(我兩啖就爬晒d面), 唔抵食, 亦唔係好好食 － 物非所值!

九月廿三日(星期二)掛了八號波了,人來人往的德福廣場....很多店舖已經關了...!市民都趕快地回家...而我們卻是急步到正斗吃雲吞麵呢!最初以為已經關門,原來還在做生意呢!真好!店舖乾淨整齊...而且我坐的是卡位很舒服呢!我們點了一個大的雲吞麵以及一個水餃河!大的雲吞麵不要想像是真係很大,是普通size而已!.....大與小的差5元,我相信叫大的會化算呢...因為可能小的十分的骰呢...雲吞麵彈牙,算是中上貨色呢!最好是湯底加了蝦籽...很香呢,老公更把整個湯底飲了!雲吞比較小的,但是鮮蝦都好吃呢!...有5粒左右!而老公的水餃河也做得出色呢!....水餃不錯,但是我們都覺得雲吞是比較出色呢!河粉也相當的滑!可以一試的雲吞麵店呢!!

第一次入去這間店, 地方環境真的是不錯食的東西好似平凡, 但味道又真的是與別不同首先講吓個淨雲吞................... 個湯好香.. 雲吞皮好有蛋香 不過好細粒呀... 另外我重試左個魚腩粥, 個粥好足料.. 貴都是值得的..

早上星期又去了德福, 同朋友仔一齊睇完戲再次食雲吞麵, 上次食過一次, 好好味, 介紹朋友仔去食, 入到去人流不算多( 可能是下午荼時段啦~ )叫左個雲吞麵同一個撈麵, 雲吞麵入面既雲吞既蝦好大粒, 好新鮮, 四粒真係唔夠呢~~湯又正~之後個撈麵( 忘記名字叫咩~)只係記得幾辣下~不過D汁好好味~下次又再食過^^服務還算可以, 不過不見了上次一位男侍應, 服務超好, 唔知叫咩, 但身型少許肥胖,比今次服務我們的侍應好好多, 客人最喜歡的除了餐廳的食品還有服務, 仲有比我見到一位帶眼鏡, 少許肥胖, 著西裝 ( 應該是經理, 制服不同 )用粗口罵一位員工, 用粗口罵人已經衰啦仲要比客聽到, 駛唔駛罵人媽媽呀, 別人媽媽又無得罪你, 真無品, 呢個員工真係慘~老闆應該要好好管教下屬, 唔係經理就大晒

早兩日試了這間新開的食店，下午五時，無特價下午茶。裝修中式化，與食物配合，但個人不欣賞。接待的侍應站在一個角落的細枱旁，說話，但示意我坐那裡。一種很差的股務態度。要了一碗牛腩伊麵〈改伊麵加四元〉，賣相OK。但細看下牛腩全是瘦肉，入口很〈鞋〉。伊麵很淋及有些碎。單價$34另加一。價格比中環羅富記的貴近倍，但比羅富記差很遠，牛腩也比同商場的池記差。應該會再幫襯。