正斗粥麵專家 (太古城中心)

Open Now

Now Closed

正斗一直堅持全手工製作麵條和雲吞，並增加點心、小炒、糖水等多元菜式，店鋪設計、傳統味道與現代舒適環境相結合。雖然佢哋出名雲吞麵，但今日想吃燒味喔🤭一於入去叫左個燒味雙拼（燒鵝+燒腩）燒鵝皮脆有光澤，肉汁多而唔腥味，肥瘦均勻，肉質鮮美，且有嚼勁、不黏牙，搭配梅子醬，腦海中只有「好食」2個字。燒腩仔嘅豬皮份外鬆化，入口肥膏香、肉軟熟、無豬臊味，入口仲清楚聽到清脆的卜卜脆聲。好食還好食，見到埋單個價錢嚇親下🤣

「飲茶」是香港特色的飲食文化，過往要感受飲茶文化，一般都是上茶樓或酒樓，最近發現以雲吞麵聞名的「正斗」也可以品嚐地道的點心，而且是由師傅每日人手製作，即叫即蒸。源於1946年的雲吞麵世家「正斗」多年來堅持傳統製麵手藝，同時加入創新意念，除了有別於傳統粥店，店舖設計得時尚雅致，更推出粥品、點心、小炒，連續多年獲得《米芝蓮指南》🏅@michelinguide 評審推介，被評為具質素且經濟實惠的美食，分店偏及香港、內地及海外。❥ 正斗鮮蝦雲吞麵 (S) ($54)🍜 🦐必食！一口大小的鮮蝦雲吞皮薄滑順，粒粒飽滿爽彈。全蛋麵幼爽彈牙，湯底以蝦籽和大地魚熬製，鮮甜清濃。❥ 羊城荔灣艇仔粥 ($78)🥣 粥底軟滑綿綢，豐富的魷魚、肉碎、豬皮、花生等食材，讓人吃上一碗就很飽足。❥ 鵪鶉蛋燒賣 ($52)🥚將蒸熟鵪鶉蛋放入燒賣皮中間，加入燒賣餡料，用手抓出紋路及壓實，賣相飽滿吸引，整粒放入口中，鵪鶉蛋被鮮香肉饀圍繞，豐富多層次的口感令人一試愛上。❥ 香煎蘿蔔糕 ($52)🥕蘿蔔糕煎至色澤金黃，四邊香脆，加入冬菇、蝦米、臘腸等配料，帶來外脆內軟的滋味。❥ 懷舊千層糕 ($52)🍰說到懷舊香港點心，不能不

今天晚飯去正斗叫了 豉椒排骨炒河和雲吞麵. 雲吞面正常. 但河粉了約半小時後. 來到的河粉微溫部份凍的.排骨一舊微溫一舊凍, 青椒就生的. 同職員返影. 收回. 再等的15分鐘. 再送上來的是完先那碟返熱. 我佢絕了. 職員同意取消. 然後要我埋單. 正斗收這炒河$148, 再加茶錢再加上10%共約要$180一碟. 質素越來越差. 職員完全不打算改善服務. 給我的感受是客人不滿意就不要來.當我說取消這碟河粉. 職員向收銀大叫取消河粉埋單. 正斗這品牌到今時今日. 價錢越收越貴. 但品質每放越下. 性價不會合比例. 可能我們作為客人要細心思考是否再光顧.

陪媽咪去整完牙，見媽咪無咩胃口就陪佢去太古城斗記食碗粥。叫了一碗皮蛋瘦肉粥俾媽咪，碗粥啲米煲得幾綿，媽咪覺得好味。鮮蝦腸粉，腸粉個皮好滑、蝦大隻新鮮。豆苗餃，媽咪鍾意食，蝦餃皮厚度適，蒸出嚟熱辣辣細細粒一啖食落口。好肚餓鮮竹蒸牛肉，牛肉剛剛好，有咬口。總括而言，所有嘢都幾好食，但係以呢個味道嚟講，價錢稍微有啲貴，如果平少少應該會更多人幫襯

昨日同啲朋友去咗呢間正斗食早餐，叫咗一碗泥鯭粥、兩個皮蛋瘦肉粥、一碟豉油王炒麵、一碗蒸蘿蔔糕，埋單要成五百幾蚊。正斗價錢貴就知㗎啦，但係又俾唔到相對應嘅食物質素，性價比價值非常低。皮蛋瘦肉粥，肉絲寥寥可見，啲皮蛋碎濕濕又唔靚，粥底煲得稀冇乜米咁，咁都收成差唔多$80碗。豉油王炒麵普通道爆，都要收過百元。蒸蘿蔔糕又整得好難食，整到一pat pat，口感超削，又冇乜蘿蔔味。呢啲咁差質素嘅食物，又要收到咁貴，真係唔會再幫襯。

今日下午同老婆大人係太古城中心行街街睇戲拍下拖。下午有D肚仔餓。老婆話想食粥。见倒有間正斗。立即入咗食啦！老婆大人叫咗碗 肉丸粥。我就梗係叫咗我最愛又出名嘅<雲吞麵>啦。餐枱上嘅枱墊,上面寫咗有關 香港 雲吞麵嘅歷史... 上面寫 雲吞麵四大家族， 有(何家）洪記，(陳家.）釗記，(麥家)池記， ( 區家) 筷子記。 基本上四間大多数人都係香港食過。 呢四間基本上我都 成日去。因為我覺得香港嘅<雲吞麵>真係頂呱呱。 只會係香港先食得到呢種特別嘅味道。好快，我老婆碗肉卷粥已經到。粥底非常滑_.. 肉丸彈牙, 唔怕太鹹, 好香肉 味. 完全唔覺有味精. 再講雲吞麵..麵質 爽滑 鬆軟彈牙 ， 湯底香濃鮮味完全冇味精唔會過鹹！ 鮮蝦雲吞， 一咬落去感覺， 好新鮮， 香甜好食。 一食落去就不停咁食停唔到！ 我食雲吞麵有種習慣， 食到最後一定要用紅醋。 放喺匙羹度食最後一啖， 咁食法可以感受得到 一種 清新感覺。 即時 可以隨時食第二碗。 今日我冇 食第二碗， 因為雲吞麵同埋啲粥我哋兩公 當係個 下午茶. 如果 有遊客 問我香港美食 有啲乜嘢 , 我一定會介紹佢哋

大年初一 訓醒就同屋企人落街行個大運搵啲好野食下呢間唔算便宜 但真心好食佢個雲吞麵 暫時係我心目中排名第一👍🏻麵爽滑彈牙 鮮甜嘅大地魚湯底雲吞細細粒 但內餡新鮮 雲吞皮好滑 諗起都想食😋豬手係QQ嘅個種 但都夠入味 👍🏻帶少甜嘅炸醬麵 就正正常常啦 但要讚佢配菜嘅個條菜芯非常正 腸粉皮又薄又滑 餡料嘅叉燒係新鮮架同普通酒樓個啲唔一樣囉可能係佢本身有賣燒腊的關係啦鵪鶉蛋燒賣 老公話好耐無食過 都唔錯 個燒賣都彈牙 唔會係好多肥肉個種總括黎講 食物高質座位舒適服務態度唔錯

其實漏單就係同人客講漏咗再次做過就冇問題。我話前面張凳遲我十分鐘叫乾炒牛河但竟然佢先有過我。請追吓。問題來了 ，回頭同我講一邊爐壞咗所以要等等。真係嬲咗。吾通邊個爐煮邊張枱特定咗凡事都係講實情好啲吧！

再一次嘅team lunch，呢到嘅好處我諗係好易滿足到所有人嘅要求，因為佢有粉麵飯同點心‼️同埋其實我第一次嚟呢間食🤭 最令我驚喜嘅絕對係五柳醬酥炸雲吞 $132/12粒，係迷你版嘅炸雲吞，係用平時叫湯麵嗰啲雲吞整，即係真材實料🤤加埋個醬熱辣辣真係好正😋 第二樣有驚喜嘅應該係香辣京都炒醬麵$68，我平時都唔會嗌呢類嘅，但因為share，所以有機會試到，雖然我唔係好食辣，但食落撈好嘅感覺真係幾正🤗 另外仲嗌咗香油條腸粉$55、蟹子棉花雞$45同香煎蘿蔔糕$48，形容為不過不失，無乜特別🤔不過如果唔係幾個人一齊嚟，我應該未必會再嚟食😂

正斗是我一直喜愛的餐廳，雖然價錢偏貴但係無論小菜粥麵都保持水準，但今次坐卡位，食完頕天望地至發現頭上燈罩啲塵實在多到嚇死人，希望餐廳能注意食物碗碟員工衛生外，都記得掃埋個燈罩。

雙拼粥， 豬腰只有三塊，以及小的瘦肉肉絲😨 同意以下的留言，價錢特別貴，份量特別小。 而且男女經理們態度很晦氣。不知道如果經理自己是叫這份外賣的客人，看到這個情況會有什麼反應？

不嬲幫襯開跑馬地嗰間正斗正店，價錢不嬲都係偏貴但係水準同份量一流。既然價錢貴份量都唔可以太少。今日路過諗住幫襯太古城呢間，大感失望。價錢貴份量比跑馬地嗰間差一半。下次一定唔會再幫襯！

同屋企人食飯，踫啱父親節，食肆唔易揾位，去太古城正斗試試，意外大把位。呢度晏晝多人外賣，嚟食過炒粉麵，幾有穫氣，但唔平。晚市平均百六蚊個菜 白灼牛肉先到牛肉灼得剛剛好，入口鮮嫩粟米斑塊就好唔掂，斑塊炸得又乾又柴，重係最貴嘅勝瓜面舖滿炸過同未炸嘅蒜頭同蒸，下面粉絲墊底，比較清新嘅菜式，好在勝瓜都幾新鮮。真心講幾個普通小菜，性價比不高，埋單就要差不多五百蚊，感覺唔值，唔怪得無乜人幫襯。

其他的正斗，小菜也ok,但今日點了$118的椒鹽墨魚，卻令人非常失望。Potion非常細，墨魚好似魷魚鬚，甚至比魷魚鬚更细條。最難受的是，完全沒有墨魚味，粉漿比墨魚更厚；另外一種非常重的雪藏味道，需要用大量的喼汁，才能掩蓋很重的雪藏味道。CP值非常低，建議千萬不要再點這個餸菜。另外，星期日竟沒有油條，再叫人失望！未食過質素這樣差的一間正斗。😡😡😡

第五波來勢汹汹，疫情嚴重，已經好耐無出去揾食🍱聽人講，呢度啲嘢幾好食，外賣有八折，就買餐外賣返屋企嘆下呢度食物都幾多元化，除咗粥粉飯麪、點心等，小菜都有，外賣喺即叫即整，保證新鮮熱辣疫情下，堂食小猫三倆，唔少人等外賣。留意下午茶外賣喺無八折肉絲炒麵＋兩個點心，外賣等咗廿分鐘，返到屋企重熱嘅，兩個人分甘同味炒麵有穫氣，麵好鬆脆，肉絲同冬菇絲芽菜芡汁分開盒裝，唔會整淋陳皮馬蹄牛肉球，馬蹄爽，牛肉鮮，帶有陳皮香，產生嘅化學作用係超好食，令本來無乜興趣食牛肉球嘅我忍唔住食多粒另外鮮蝦菜苗餃，餃皮厚薄適中，煙煙靭靱，餡亦好足料總結：呢度收費唔平，細碗雲吞麵$50，大就要$67，點心呢蝦餃就$50，蝦腸$72，炒粉麵$128，連茶錢同加一，閒閒地幾百蚊出門口。不過，食物係真材實料同新鮮，環境同裝修都唔錯，已經有一班住太古城嘅長者做捧埸客！