正斗粥麵專家 (ELEMENTS圓方)

Open Now

Now Closed

一直好中意食廣東的食物, 因為覺得每款食物其實都博大精深, 看似簡單, 其實背後的學問絕不簡單啊~ 我很喜歡吃粥, 而且很喜歡正斗的粥~ 通常人家去正斗都是吃雲吞麵, 但是其實正斗的粥絕不差的~ 叫了一個豬潤粥~ 粥底很綿, 不會水水的~ 最怕水水稀稀的粥了~ 再加豬潤很滿足呢~ 配粥最好是再叫一碟炸兩~ 就是腸粉皮包著油炸鬼~ 估不到正斗的炸兩也做得這麼出色. 腸粉皮很薄很滑, 油炸鬼很脆也不油膩. 滑嫩加上脆口感真的太美好了~ 

今日同朋友來到圓方行街, 諗住是但搵間食下, 朋友話想食麵, 就揀左呢間正斗. 正斗依稀記得好似係出名食雲吞麵既, 但我自己就未食過喇~ 一入到去發覺地方都幾闊落, 而且好企理, 同平時食雲吞麵既地方好唔同, 當然價錢都貴少少~我地一人叫左一個"細蓉", 即細既雲吞麵~ 黎到又真係幾細架WOR~ 不過好似人地傳統個d係咁既~ 雲吞麵就放係麵既底部~ 第一啖都幾IMPRESSIVE, 因為D麵真係好爽口彈牙, 而且冇乜枧水味~ 又真係幾好味wor~ 雲吞size亦較細, 是一口雲吞, 但口感不錯~ 概括雖然貴少少, 但咁有質素係值得去食既~

呢間正斗，主打粥粉麵飯，點心小炒，每樣出品都耳熟能詳。《韓非子》有云：畫鬼最易，畫犬最難，因為人盡皆知犬為何物，畫得唔好，必然被人識穿。所以平凡出品先可以見真功夫。 荔灣艇仔粥$58材料比其他店舖豐富得多。除必備嘅碎牛、魷魚、肉絲之外，仲有鮮魚片同海蜇絲，味鮮粥綿，配合炸花生同葱花，口感豐富，收$58一碗的確有道理。 瑤柱真料裹蒸糭$72夠膽叫真料，材料的確係豐富。主打有原粒瑤柱、原粒蓮子、冬菇、肥豬肉、鹹蛋黃同雞髀肉，瑤柱蒸得夠腍，但雞髀肉嫩滑，鹹蛋黃起沙蓮子鬆化，糭本身糯米綠豆比例適中，夠鬆化，整體嚟講係高水準。 鮮蝦腐皮卷$38呢樣點心間間酒樓都有，但未必有呢度咁好食。上枱時三條腐皮卷都開二，六件中每件都有一隻迫爆腐皮嘅大蝦，新鮮爽甜，腐皮炸得乾淨無多餘油份，無花巧，但手法高明。 鹹魚雞粒炒飯$128材料都不外乎字面見到嗰幾樣嘢，精彩之處在於手工。鹹魚肉同雞肉剁得細碎，令味道更平均。飯粒乾爽企身，而且每粒都沾滿老抽，加入少量薑茸同炒，增添香氣之餘，令炒飯更有層次，粒粒分明，亦無多餘油份，小小一碟炒飯，可見師傅功夫。呢度消費比之同類餐

聖誕到處到訪不同商場，為的是小朋友一個笑容；但圓方今年走人偶路線，雖有幾分高貴，但總凝住佢地半夜係會郁的，跟兩位小朋友同來都嗌走，還是卡通的比較適合。看過聖誕裝置，又是晚飯時間，帶著小孩通常都不會到太精緻的中西菜，場內相宜的沒有太多選擇，正斗是其一，位置也方便大家。入座時只是六時多，燉湯竟然只剩下一款西洋菜陳腎，看來店方在冬日要多預數量，七時再叫多盅已經全部售罄，不是味兒。數量還數量，味道歸味道，足料得來，味道盡出，難怪檯檯都點。鵝掌入味軟腍，膠質重，冬菇肉厚得很，作為一個小吃也不錯。咕嚕蝦球 - 數量比預期多，件頭大又爽彈，這味菜已足夠拌上兩碗飯。而魚子醬要求的「脆卜卜炒麵」一樣火喉到家，出奇地放了一段時間後再夾，麵底依然脆，大人小朋友吃得滋味。紅豆沙稠密如紅豆糊，雖然極幼滑版並非個人所好，但無可否認論味道是出色的出品，陳皮味甚出，蓮子也有不少。

上個月尾我做同左幾個瑞信嘅朋友去左圓方午膳，因為佢地係ICC做野，所以貪方便我地就去左正斗粥粉麵，入到舖內，地方挺寛落，我地就叫左碟乾炒牛河，價錢都唔平，過百蚊，心稔應該不同凡響，滿心其待，但一試就有D失望，河粉炒得好油，未炒均，牛肉尚可，牛味挺香，唔靭;之後再叫左碟南乳豬手，南乳汁太濃，有D咸，豬手有D靱，炆得時間唔夠，整體尚算可以，但可能午饍關係，食物水準有D下降，但收得呢D價錢，卻未有應有水準，略失望

與他到圓方睇戲前先搵間餐廳食晚餐，而圓方的餐廳價錢大多數都偏向中高價，想搵間較便宜的不多，最後揀左正斗，餐廳有提供雲吞麵、點心類和小菜類等，價錢算是比較易接受!.看完餐牌後，便決定以點心作為晚餐，這裡的點心款式不算多，都是較常看到的點心款式，價錢約$3x/籠。.晶瑩鮮蝦餃 $38蝦餃比平時食到的會細一點，蝦餃皮富彈性，食落足料啖啖蝦肉，如果外皮可以在薄一點會更好。.蛋煎蝦米腸粉 $65第一次試這款腸粉，在蛋漿上放了蝦米腸粉一同煎熟，可配埋甜醬和芝麻醬一齊食，既可食到煎蛋的香，又可食到煎到香口的腸粉，兩者配搭幾過癮，岩晒兩樣都鍾意食的小妹。.流汁叉燒飽 $34喜歡這裡的叉燒飽，內餡足料之餘，那蜜汁叉燒的餡料是滿有驚喜的，那蠔油汁所製的半肥瘦叉燒相當入味，又不會乾爭爭，好食!.黃金流沙飽 $34這流沙包食落帶很重的蛋黃香，味道香甜，一次過食一籠不是問題啊，相當邪惡! 但要記得食這包時要小心一點，避免被那熱辣辣的流沙餡爆出而燙到!.翡翠菜苗餃 $35每隻菜苗餃內都有大大隻蝦肉，味道不錯，但就覺得菜苗不夠多，小妹還是喜愛整隻都充滿菜苗的菜苗餃。.爽脆薑蔥鯇魚皮 $55這鯇魚皮食落相當爽脆沒有腥

正斗的雲吞麵條，依然使用傳統的竹昇麵，雲吞餡則選用新鮮河蝦和半肥瘦豬肉，爽得宜，缺一不可，蝦肉、瘦肉、肥肉及配料份量配合得宜，火候掌握到恰到好處, 加上選用大地魚、豬骨、蝦籽等材料，每日新鮮熬煮三小時的湯底，香濃味美。麵條彈牙之餘完全沒有鹼水味，這確實是一碗上乘雲吞麵可取之處，雲吞部分一口一粒，雲吞皮雖薄，卻沒掩蓋蝦肉的鮮以及豬肉的爽，整體上是非常值得推薦的細蓉。

　我們愛吃點心。偶爾在晚上，亦會心思思想來一盅兩件。但供應夜茶的茶樓不算多。想吃點心時，反而會想起一些港式小餐廳。其中分店不少的「正斗粥麵專家」是其中一個最常想起的地方。除了雲吞麵和粥品，正斗有全日供應的點心食品及其他菜色。最近常外出看聖誕禮物和飾物，在圓方逛街逛得餓了，附近剛好有正斗分店。　圓方的店舖，格局比較時尚和瑰麗。這間正斗分店亦不例外，黑、白、紫、金的襯色，格調不錯。店內環境不算大，一邊是卡位，另一邊是圓桌。當日十分旺場。坐低後，先來兩杯凍豆漿解解渴。甜度適中，豆味亦算不俗。那時候，天氣尚未轉寒，對走得累了的人來說，是一杯清涼的及時雨。　我們對雲吞麵和粥品都有興趣。不過為了留肚吃點心，所以只點了小份的「正斗鮮蝦雲吞麵」。點心方面，點了「香煎蘿蔔糕」和「翡翠菜苗餃」。　雲吞麵，是正斗的招牌之一。這份「細蓉」共有四粒鮮蝦雲吞，一口一個大小，撐得漲卜卜的，材料幾乎都蝦肉，豬肉比例較少，入口彈牙；配上爽口的麵條，鮮甜的湯頭，水準不錯。　每次飲茶，蘿蔔糕都是我們桌上的常客。今次我們亦點了「煎蘿蔔糕」，一碟六件，附上甜醬及麻醬供選擇。蘿蔔糕味道夠濃，若蘿蔔絲再豐富一點、分布平均一點，會更

正所謂平有平食，貴有貴食，正斗就喺粥麵店嘅後者，對上一次幫襯就晌中環國金店，同大佬東嘅午餐小聚；今次同朋友嚟到尖沙咀圓方店，原來已經相隔好幾年之後嘅事 。我哋嚟得早，所以客人唔多。既然開得晌圓方，就唔喺一般平常粥麵店，裝修一環就唔會太過失禮。當然，價錢方面亦又有番咁上下高消費額。雖然正斗以粥麵專家自居，其實，除粥麵，佢仲有唔同嘅小食、點心、撚手小菜、精選炒粉麵、甜品……等等 。 漂爽檳城海蜇皮 $75 唔知點檳城法，所以，好奇點一客，賣相無話好標奇立異，都喺好傳統個樣。雖然啲海蜇皮切得較粗身，但無損其口感清爽帶點柔韌，帶點麻油香。 香辣京都炸醬麵 $54 雖然賣到$54一客，但無論麵還是肉，份量都算足秤。麵條入口幾爽，而味道辛香而唔太辣，非常惹味，幾啖麵，一啖上湯，食完碟麵真喺幾飽。 瑤柱魚翅淨水餃 $60 友人非大食型，一碗淨水餃就夠晒數，依碗水餃貴氣在用料矜貴，既瑤柱，又魚翅 ，味道亦確喺唔錯，餃皮滑溜 ，而且，包得飽滿挺身。 椰汁紅豆糕 $30 本來喺打算叫椰汁桂花糕，點知啱啱賣晒，問我哋要唔要椰汁紅豆糕，照殺。椰汁糕部份有少少判，但幾香椰汁味，而紅豆

一直想來正斗試試除了雲吞麵之外的美食，這次終於有機會了。恰巧好友公司附近有間正斗，那就二話不說，與好友相約在正斗共度午餐時刻。咕嚕蝦球用醋、紅糖、山楂等原料配上特製糖醋，酸酸的味道甚是刺激醒胃，蝦球餡料使用的是新鮮的大海蝦，其鮮味突出，彈牙爽口，加上炸到夠脆外層，讓人一試就停不了口。蝦餃皮薄，聽侍應說師傅每天都會現場拍，難怪總覺得特別的嫩滑，用特製醬料醃過的新鮮海蝦，要蒸得好（據耐性的侍應的解說），先會食落去薄得嚟唔會粘口，確實口感與侍應描素的沒落差，蝦味鮮香，帶點Q彈，細細的鮮蝦汁流於口腔，徘徊的時間還蠻長呢~

是日來到正斗圓方分店吃午餐，據說正斗的乾炒牛河製作過程每一個步驟都鉅細靡遺，絲毫都不馬虎，首先是自家制河粉，為了不讓河粉黏在一起，師傅都會用人手一條條把它分開 ，這樣才能確保炒的時候，每條河粉都能均勻地沾上自製醬油，而牛肉方面選用的是牛肉最嫩的部位，說的，當然就是牛臀部位的牛冧肉，牛肉全經過特製方法醃製，特別入味，再加上火候十足的翻炒，才能成就出一道色香味俱佳的乾炒牛河。河粉入口不油膩，也不腍，果然是條條分明，細看之下，醬油完全佈滿每一條河粉，鑊氣十足。牛肉部分則帶些許軟腍，有嚼勁卻不煙韌，而且還很入味，果真屬高水準之作。

當我寫這篇食評的時候，已經在歐洲住了十多天，放假的感受雖然自由自在，但這幾十天，我最想念的還是香港的美食。特別是西班牙的日子，除了tapas外，全也是麵包和乾到不得了的食物，係乾到不行的美食，葡萄牙的正宗葡菜，也是乾乾的馬介休和炒飯，湯都好少有得飲，特別係如現在身處的少女峰，冰天雪地都只是吃麵包和朱古力，這刻我特別想念的是一碗熱騰騰的雲呑麵。幸好，十多天上機前，睇完早場的假期時間，我知道我會想念這個中國式的古早味，於是，本身和Y相約的下午茶短聚便來到吃一吃雲呑麵。當然，要high一個好tea，我們來到的不是麥乜麥乜的老店，我們去的是位於貴婦勝地element的正斗。我非常想以一些香港有的美味來餞行，打邊爐，日本菜，雲呑麵，眾多選擇中我選了雲呑麵，貪的是那種細膩的中國古早味是歐洲沒有的。當然，地方不同，格局也不同，這間正斗的裝潢和外觀也特別亮麗，貴婦吃下午茶不一定要層層乾乾的麵包三文治甜點，這些不是我們，男士的下午茶可以是另一種的浪漫。來一杯豆漿，唔知點解呢個中國人智慧係雲呑麵店的必點項目，君不見間間雲呑店都差不多會有豆漿供應，這裡的不算特別甜，但冷冷的豆漿為還是夏天的十一尾冰凍了夏天。

 上星期我我地去左正斗粥麵專家 (圓方) 聚一聚雖然係食粥麵既地方但環境都吾錯,坐得好舒服呀!!我地先泥每人一碗鮮蝦雲吞麵(小)雲吞SIZE幾好一口一隻，聞起嚟真係幾香，麵我覺得好多呀而且夠爽口最重要冇鹼水味。正斗香妃雞(半隻)雞肉都好滑, 雞味好出!!!而家食係外面食既雞好小咁有雞味,而且唔會太肥,最怕食到滿口雞油,但冇咩肉薑汁炒芥籣薑汁味好重，炒得好爽口呀！流汁叉燒包送到泥仲係熱辡辡架,應該係剛剛蒸好，而且裡面皮薄餡唔會膩叉燒吾會一pat pat ~黃金流沙包流沙包又係要上台熱騰騰即食,因為凍左就會冇左流沙架喇!!!正斗既流沙包皮薄,而且仲好流沙TIM, 餡唔會膩鮑魚雞三絲粥粥底都算幾綿，裡面真係好足料啖啖鮑魚絲和雞絲架！香油條腸粉炸兩炸兩一定要新鮮整起熱食架,凍左就會淋喇!! 平時係出面食既炸兩都係放凍左淋身的, 但「正斗」的炸兩是脆卜卜的!!!!乾炒牛河「正斗」河粉夾起吾會碎最重要吾會一疊疊,夾起係一條條河粉，鑊氣好夠,而且河粉吾會太油,牛肉好嫩!!杞子桂花糕最後甜品桂花糕係糖糖最鍾意平時係出面食既桂花糕裡面有既雪耳都會因為浸得不夠而好硬,D款係好爽口,勁加分呀!!!

圓方這個位於西鐵線九龍站上蓋的商場，場內大部分店舖售賣的都是各國名牌，說它是一個給有錢人行街購物的商場，相信不會有多少人反對。幸好，在這商場內為數極多的食肆當中，並非全部都是售賣貴價菜式的地方，在這兒吃東西絕對是豐儉由人，想豪氣地吃一頓貴價菜的，選擇固然不少，要是想吃一頓較為經濟相宜的午餐或晚飯，除了光顧連鎖快餐店或超市內的 Food Court外，「正斗」也算是個不錯的選擇。這兒最有名的，是它的「雲吞麵」，這天我吃的，是細碗的「細蓉」，而非較為大碗的「大蓉」，四顆的骰小巧的雲吞，餡料雖覺新鮮，水準並不算太突出，我較喜歡的反而是湯，湯味清甜自然，配以幼細的銀絲麵條，還不錯。童年時與家人在大牌檔或中菜小館常吃的家人下酒恩物「薑蔥魚腩」，這天在餐牌上看見後便心思思想吃，叫來一吃之後，發覺這魚腩雖然與兒時所吃的相比始終稍欠鑊氣，但味道得宜，肉多骨少，魚皮香脆，魚肉質地結實，香口度接近滿分的魚腩仍然讓自己吃得不亦樂乎。這天我與友人雖沒喝酒，也叫來另一道我與友人都喜歡吃的「蜆芥鯪魚球」。這兒的炸鯪魚球就做得好了，鯪魚球炸得色澤誘人，一看便知外層炸得十分之脆，而且離遠已聞到陣陣陳皮香，趁熱蘸點吃炸

Elements的餐廳, 大部份價位也偏貴, 但正斗粥麵專家會是個例外, 其實在ifc跟Elements想吃得經濟一點, 正斗也會是個好選擇. 這晚再次來到Elements的正斗, 環境不俗, 而且商場空間很多, 小晴晴四處遊玩也無問題呢.精選套餐 $288先來一客精選套餐, $288包括點心拚盤, 皮蛋瘦肉粥, 叉燒腸粉, 干炒牛河, 以及翠綠郊外油菜, 份量十足.點心拚盤的陣容分別有蝦餃, 菜苗餃以及叉燒包, 愛吃包包的小晴晴最開心, 吃過不停. 其實蝦餃跟菜苗餃也有水準, 特別是皮薄, 肉質爽口的蝦餃, 值得推介.粥品選來皮蛋瘦肉粥, 下火一流, 粥也夠綿, 來到正斗, 當然要吃碗粥才滿足.至於叉燒腸粉是我的心頭好, CEO真有心, 其實這裡的招牌是炸両呢, 且看您會喜歡吃叉燒腸粉還是炸両了.少不了的是另一招牌, 干炒牛河是也. 炒得幾有鑊氣, 但不油膩, 如果能夠乾身一點會更好.套餐還包括一客翠綠郊外油菜, CEO差不多一個人獨吞一整碟菜心!正斗鮮蝦雲吞麵 $40細蓉是正斗的另一經典, 散尾雲吞有水準, 蝦肉鮮爽, 麵條沒有鹼水味的痕跡, 湯底清甜, 懂吃的, 來到正斗, 還是