港星餐廳 (Closed)

想喺旺角食個晚餐 平平哋有飯有湯有嘢飲 又唔係外賣拎走 我諗你冇乜選擇.喺旺角街市附近 呢間港星餐廳可能係唯一選擇.我第一次 嚟呢度 見到有客飯嗌, 決定入去試下.第一味 餸 叫咗個用水蒸水蛋， 蒸水蛋都算蒸得幾滑溜， 有少少肉碎吊下味。食落 個蛋味 都幾新鮮好味， 配上豉油調味 住家菜 的感覺。第二味我 就叫咗 蟲草花蒸雞。 完碟上 有好多蟲草花 經過高溫 蒸 蟲草花的香味 混合上雞肉味。 青 新健康的感覺， 雞肉好滑溜。 配上少少豉油調味 呢個價錢 勝價比 算係非常高！

前排同男朋友因為晏晝先出街，所以出到去都已經有得食下午餐，我估可能係因為呢家因為疫情的關係，餐廳其實唔算多人，唔知係因為防疫情的關係，還是其他原因吧，每個餐桌上係無自己的一份menu，而餐廳職員只會掉低一句睇後面，意思係後面貼左的meun，睇得客人(我)有啲辛苦。我叫左個沙嗲牛麵跟奶茶，味道算正常，都ok，不過不失。都有聽到呢間舖頭有啲熟客幫襯，但係如果員工可上態度好一些，以及員工之間關係好點，應該會更好，始終客人是會見到的，亦唔好浪費廚師的食物。以下評分以5⭐️為滿分⭐️

我食豉汁豆卜蒸排骨，等左20幾分鐘都未有，催左兩次，最後上左，食左兩啖廚房話未熟，原因無講，距就拎番走，唔洗睇清楚先上嬲，埋單未我要唔要轉其他，我話唔需要，距照樣收💰，第一次食成咁。

今日天氣十分熱。在街上行兩步已經冒汗，還要外出工作。中午時份，我在旺角花園街心想不如找間食店吃飯然後再繼續行程。見「港星餐廳」門外餐牌的午市套餐價錢大眾化，至於是否物有所值？就要品嚐過才知道。入餐廳後，我按侍應指示位置坐下然後點餐。我點了粟米汁吉烈豬扒飯及熱奶茶。等了超過二十五分鐘，豬扒飯還沒送上枱，我向侍應追單......他說:很快就到。態度方面，明顯有點不友善。仍然要多等五分鐘，總共等了半小時。粟米吉烈豬扒飯有吉烈豬扒，太陽蛋及白飯。上枱時，熱辣辣的。賣相不錯。吉烈豬扒是新鮮炸起。外面沾滿了炸得爽脆的麵包糠，脆卜卜，內𥚃好腍滑，好爽軟。不過，原來豬扒實際上好細件，只是炸麵包糠令到豬扒看來好像好大塊。太陽蛋有兩隻，味道不俗，好香蛋黃味。粟米汁，開首用來撈白飯吃時有點辣味。之後，漸漸地不覺得味道辣。白飯，口感不太好，有點粗糙。用來撈粟米汁有味道之餘，更易入口。熱奶茶，暖暖地。紅茶及淡奶不合比例，味道過淡。總括來說，等半小時才有得吃，相信不是每個食客會接受得到。吉烈豬扒飯豬扒份量又不多，有點物非所值。

星期六lunch 時去食飯午餐無野岩食,唯有散叫明明無嗌野飲個伙記同我落埋杯凍檸水我發現張單有問題,向伙記b 講,b 同落錯單個伙記講,我聽到佢叫伙記b 到時照擺杯野落去,佢無得唔要.之後我見伙記a 行過,問佢使唔使改返張單,佢話唔使,我覺得佢又想屈我埋單時俾埋杯野飲錢

由於之前食過覺得他們嘅小菜同小炒出品都幾好，所以我們今晚去咗旺角道嘅「港星餐廳」買外賣自取返屋企食！我們買咗豉汁黃立䱽嘅肉質好鮮味嫩滑，至於豆豉方面更早前亦講過他們係特意將豆豉炒過，令到豆豉嘅香味更加提升，而且味道唔會好鹹！西芹腰果炒蝦球嘅西芹好清甜爽脆，蝦球好爽甜彈牙，腰果亦好香脆，唔會過咗火而變到好腍身！黑椒牛柳絲炒烏冬嘅牛柳絲好鬆軟嫩滑，而且份量都幾多，烏冬麵質好煙煙韌韌，黑椒汁非常香辣惹味，而且相當均勻咁沾滿每條烏冬！香辣炒米炒得好夠鑊氣，材料亦好豐富，平日通常都係食星洲炒米，係用咖哩粉炒，但今次食呢個香辣炒米係用鮮辣椒炒，所以味道更加鮮味，真係好正呀！

如題，到最後梗係無等啦，不知所謂等左四個字都知唔對路，侍應係噤話得，黎緊黎緊，又唔係咩繁忙時間，咪又等下囉。半小時後真係覺得唔對路走人侍應無野既，服務叫好既，起碼我杯野佢無收我錢，多謝囉

今晚我們再去咗旺角道嘅「港星餐廳」食晚飯！我們叫咗上次外賣自取食過覺得幾好嘅黯然銷魂飯，由於我們今次係堂食嘅關係，所以賣相更加吸引，叉燒嘅肉質好鬆化，蜜汁嘅味道相當香甜！菠蘿咕嚕魚嘅外層炸粉祇係薄薄一層，唔會好厚身，入面魚肉肉質好軟滑，而且份量都幾多！黑椒牛柳絲炒烏冬嘅烏冬好煙韌彈牙，牛柳絲嘅肉質相當鬆軟，肉味亦好濃郁，香辣嘅黑椒汁，令到味道更加惹味醒胃！鹹檸檬蒸黃花魚嘅肉質好嫩滑，鹹檸檬嘅份量唔會太多，而且令到鮮味更加提升！辣辣的牛肉炒飯炒得非常乾身同鑊氣十足，米飯嘅質感好煙煙韌韌，加入香辣嘅辣椒一齊炒，更加味道更加惹味，而且唔會有好油膩嘅感覺，真係超正呀！

Came here with a colleague on lunch break. He ordered fried rice which came 20 minutes later. Other diners that came in well after us got their fried rice before him.I ordered sweet and sour pork with 1 bowl of steamed rice and after 30 mins had to give up and go back to the office as it never arrived. When asking the staff for updates they would proceed to go to the kitchen and not tell me anything. They just didn't care - awful attitude.Another diner who came in sat opposite me and got his dis

由於之前食過覺得都幾好，所以今晚我們再去咗旺角道嘅「港星餐廳」食晚飯，但今次我們係買外賣自取返屋企食！喺點餐嗰陣我們見到個黯然銷魂飯，所以我們就叫咗嚟食，出嚟嘅賣相好吸引，叉燒唔係好肥，但肉質好鬆軟，蜜汁嘅味道好香甜，鷄蛋一隻係太陽蛋，一隻荷包蛋，而且煎得有啲啲燶邊，食落感覺都幾香口，米飯亦好軟熟！上次嚟食嗰陣，店員同我們講話所有魚都係他們每日喺凌晨3點鐘親自去街市買返嚟，真係相當新鮮！所以今次我們就叫咗豉汁蒸烏頭同豉汁蒸倉魚，蒸嘅時間火候控制得啱啱好，肉質非常鮮味嫩滑，而且唔會有泥味！

今晚我們行完旺角花墟之後，行經過旺角道間叫「港星餐廳」，見到他們店外擺放咗餐牌價目表嘅價錢相當相宜，而且店員好親切有禮咁叫我們試吓，所以我們就入咗去食晚飯！喺我們諗緊叫咩食嗰陣，店員就同我們推介他們嘅秘製招牌手撕鷄「半隻」嘅份量真係好足料，鷄肉嘅肉質非常嫩滑，就算係鷄胸都一樣咁滑，唔會有「嚡」嘅感覺，而且放咗大量嘅芝麻，令到味道更加芳香！沙嗲金菇肥牛煲嘅肥牛肥瘦度適中，唔會過肥，肉味亦好香濃，沙嗲汁嘅味道好惹味，而且唔會過鹹！豉汁蒸烏頭嘅烏頭好新鮮肥美，肉質相當鮮味嫩滑，他們嘅豆豉同平日食開嘅唔同，店員話他們將豆豉炒過，食落唔會好鹹，而且更加帶出豆豉嘅香味！和風一口牛嘅牛肉粒肉質相當鬆軟，肉味非常濃郁，醬汁嘅味道好香濃惹味，而且份量超多，真係幾抵食！