拉麵達人 (Closed)

而家興懷舊，連拉麵店都唔例外。呢間位於佐敦既拉麵店，下面舖面既拉麵店同一般無異，但裡面另有乾坤。一件件懷舊既小擺設，彷彿回到氏從前一樣。W達人拉麵 - 鏗魚豚骨湯     $90拉麵軟硬度適中，湯底有好濃既魚味，但又唔會太咸。而且豚肉又好大塊，又唔會太多肥既部份。溏心蛋保持到水準，好味。櫻花蝦達人   $95呢碗櫻花蝦達人拉麵既4湯底好重蝦味，但味道濃而不咸。而且材料勁多，有炸蝦、帶子、溏心蛋、粟米同埋蟹棒。隻炸蝦肉質鮮甜，得1隻真係唔多夠喉 >< 黑椒炸雞軟骨     $25香口既雞軟骨，新鮮炸起，黎到仲好熱辣辣，再配舊檸檬俾你加落去，好味

達人拉麵 $78 (濃厚豚骨湯)櫻花蝦遲人 $95 (濃蝦醬油)+$20 豬軟骨飯/牛肉飯好耐無食拉麵, 今日特登來到佐敦試下呢間op cmt 唔錯既拉麵店🙈🙈 可惜又一次名過其實, 豚骨湯底唔香濃, 似出前一丁湯底咁, 紫菜一上來已經淋哂😞櫻花蝦湯底同豚骨湯基本上一樣, 只有好微弱既蝦味... 😂😂上面得一隻蝦同帆立貝, 但都係冰鮮貨色所以無咩味整體2碗麵無咩可取由於太太肚餓👹👹, order 時加$40 追加左2碗飯👻朋友話牛肉飯同吉家差唔多(我諗可能會比呀吉入味味小小既, 但無咩汁dry 左d lol)豬軟骨個人覺得比牛肉好d😜 煮得夠淋都夠入味既, 但2碗相對飯多過餸好多😶 最後剩左大半碗飯總體飯比拉麵優勝d (可能因為我對拉麵要求高d) 但唔值得特登來試, 佐敦大把餐廳選擇

之前已經和朋友食過一次拉麵達人，今日和男友在佐敦晚飯，又想起這兒。店子地方小，座位不多，不過坐得都算舒適，裝修帶點懷舊日本風。點了達人拉麵($78)，既以店名作招牌，想必是招牌作。湯底濃厚豚骨湯，味道濃郁又不咸，據稱每日用超過60公斤豬骨熬10小時新鮮而成。面頭的叉燒瘦肉部分較多，如果有多少少肥就更好。另外一碗櫻花蝦達人拉麵($95)湯底較濃稠，用上濃蝦醬油湯底，但同樣濃而不咸，吃完不會口乾，值得一讚。海鮮都頗為多樣化，有大蝦，帆立貝，粟米，蟹棒等等，材料豐富。拉麵質感尚算爽彈有咬口，煙靭得來掛湯度亦不錯。如果溏心蛋可以流心多些就更好。價錢親民，間中經過都會再來。

浦一進店，很有日本家鄉風味，小小的玩具擺設更添親切感。店的尾尾小是廚房，還有一個小小玻璃窗可以窺探一下內在的激烈戰場。設備簡潔得來還是很齊全的。可愛小風扇，好啱我地啲港女呀"W"達人（鰹魚豚骨湯） ＄90厚燒叉燒呀！！！又厚肉又大件！！！肉味很強，把叉燒外層的脂肪輕灸成小焦令叉燒多了一陣香烤味道。（補充，太心急咬左一大口叉燒先記得影相）湯偏甜亦鮮，可能是以鰹魚餚製再加上豚骨底的香濃。麵，是幼面，充滿旦香和彈牙黑蒜達人（黑蒜豚骨湯）＄88黑蒜是近年興起的健康食品之一，拉麵都要趕上潮流，黑黑的豚骨湯帶着小許的蒜香和豚骨的肥沃，每住拉麵都沾得上，也愛它跟的芽菜，令原本的濃味帶出清新別有一番風味，而絲絲的芽菜size和幼身拉麵也相當合拍，還有炸蒜脆口和甘香。重點還有叉燒，一點都不肥膩，小小焦的核心外圍加埋嫩滑的核心內圍叉燒口感形成對比，肉香，大愛！！！吉烈煙肉菠菜餅 ＄25一上場，勁香！！夾落還感覺到麵包糠的脆，咬落shot shot 聲，外層勁香和鬆脆，中間很柔軟。味道方面，小顆粒的煙肉是很香，菠菜撈薯蓉亦很夾味和清新....結論是外脆內嫩又香又fresh！！！！加埋沙律醬又增添滋潤感和奶脂

早排老婆大人話想食拉麵，上openrice見到呢間都吾錯，米試下羅，食完覺得都吾錯可以介紹下比大家今次叫二碗招牌濃湯豬骨拉麵，再加一客雞軟骨餃子，同埋燒墨魚丸，都係誠惠154個大洋渣，我覺得真係好抵食同正！豬骨湯濃但吾會好咸同油個溏心做得吾錯，蛋黃流心同有滷水味個麵底爽爽地同叉燒三大塊(張相看到，比d湯浸住)，都滷得吾錯

垃面達人喎，當然食垃面，裝修日本風未，枱好小，得十零張，舖也不算大，來垃面舖當然食垃面，又睇佢有乜好野嘩，都成九條野一碗，左敦區喎，賣尖沙咀價錢，點搞，唉，都要食架啦，五通走咩，好，上菜話係魚骨湯既垃面，湯冇乜魚未，如果真係用魚骨煲既就一定食得出，但色澤未道都不是個回事，叉燒得個大塊，冇乜叉燒未，好明顯係外購野，好一般，配菜都係個的，老實呢碗野賣成九條野真係癡線，五條就合理，太過份了

忘記了從何時開始，香港便捲起了一股拉麵熱潮，拉麵店開完一間又一間，而自命達人的，這可算是第一店了，所以今天便約了朋友一起來一試究竟！店舖位於佐敦吳松街，老實說環境是有點雜的，無論你是男生或是女生，也是不建議你單獨一人來惠顧的，除非醉翁之意不在…這碗拉麵？你懂的但是找來三五知己來臨，你會感受到這店的誠意所在。這店比較小, 所以假如在午/晚飯時間到來, 應該要等一陣子才可以安排座位, 幸好今天是下雨天, 所以我大約18:00來到, 也不用等位 (約18:40, 店子便被爆滿了)店子的裝潢十分日本, 走進食店後, 假如身旁的客人、店員不是說廣東話, 而是說日語的話, 你會忘記了自己是身處繁忙的香港, 而誤會了自己是在悠閒的沖繩呢在店舖的旁邊放有10個強力的電風扇, 應該是預備了給排隊的客人的, 激讚另外在每枱也有擺放了一壺有lemon的水, 調味料, 和蒜頭~再看一看餐牌, 有10款麵既選擇, 以拉麵店來說都算幾多, 而小食亦有10多款, 值得留意的是, 他們有一個套餐價, 可以加$28, 跟多一碗飯俾你, 加$8, 就有埋飲品, 岩哂情侶黎食。今次我同朋友就叫佐2碗比較特別既拉麵加1個小食

前日巳經約定個朋友係佐敦買d野,先食飯後買野,約左係依個日本餐野先!入到餐廳,地方不算大,裝修以曰本風為主,我點左元祖拉麵食,食落味道比較淡,蕩底欠左dd,拉麵咬口不彈牙,林左dd,煮得太耐了,而肉質方面份量正常,食落肉味唔特出,只有小小味可言,整體可以講不合格!

朋友要到裕華買野，約左出黎食下野，記得之前食過拉麵達人覺得個豬骨湯好正，朋友又係拉麵控，一於就食佢啦。上次食過元祖嘅豬骨湯底叉燒拉麵好正，推介朋友點呢款，湯底果然超濃，厚身但不過咸，入口順滑，朋友飲哂成碗滑吖。自己點左黑蒜口味的，湯底同樣濃濃的豬骨味，仲帶有蒜香，飲完個咀唇會黏住 湯底好正呀。叉燒有數片，薄切，肥瘦適中，入口口感不錯。有半隻溏心蛋，蛋心綿滑，蛋味香濃，正。麵身係白色幼麵，沒要求都係偏硬身，很對胃，而且掛湯能力不俗，每一口麵都吸滿濃湯，好食。追加了一客餃子，日式餃子皮薄，煎得香脆，點少少餃子醋已經好好味。拉麵有好多款揀，仲有涼麵，飯類等主食，小食除左餃子同炸雞，仲有煎餅，小丸子，沙律等，真係勁多選擇。現在有優惠叫一碗拉麵加28蚊有碗飯，真係超抵喎，唔怪得咁多人排隊。

在香港一樣可以食到出色拉麵，有各款不同材料配搭，總有一款你會喜歡的，我個人就喜歡以海鮮類為主打。入到餐廳，好有曰本風格，侍應亦以曰本服裝打扮，增添了曰風味道。雞軟骨餃子，餃子皮薄薄，煎得很香脆口，內裏雞軟骨爽口、雜茶、肉碎等，材料豐富，咬一口，即感到口豐富，肉汁滲出來，配上一杯檸檬茶，淨食都停唔到口。櫻花蝦拉麵，是我首選海鮮拉麵之一，拉麵口感滑滑，櫻花蝦新鮮大大隻，咬落鮮甜爽口，豬骨湯底濃郁，沒加味精，再配上玉米粒，紫菜，流心蛋，夠嫰滑，使湯底增加豐富，用上精緻湯麵碗盛著，賣相已吸引了，還能增加食慾。

這天同朋友午飯時間行經佐敦這間拉麵小館，看見有人排隊等位，心想不坊一試，反正又不是太肚餓，等等位也沒有相干吧。小店內擺放了不少別緻可愛的小擺設，增添不少東瀛氣氛。朋友點了一碗“菜達人拉麵”~ $68, 而我不想吃太飽，看到可以加$28 換購套餐飯一客(跟拉麵套餐)，份量啱晒我 ，對正值減肥時期的我們就最適合不過了！每款拉麵都有三種湯底選擇，拉麵粗幼，軟硬程度亦可隨意選擇。“菜達人”顧名思義是純蔬菜，用料豐富，麵質爽口微彈，湯底濃淡適中，果然是“拉麵達人”加$28換購的“和風牛肉飯”亦有一定質素。牛肉肉軟嫰滑，淋上惹味醬汁令人回味！試了特別的“雞軟骨餃子”~ $38 ，第一次吃有骨的餃子感覺新鮮，有咬口感，不坊一試。值得一提的是店員哥哥親切殷勤的服務，再為小店加分。

在凡忙的鬧市中，特別佐敦，人多車又多，偶然遇見一間滿有日式風味的餐廳，確是難得！怎不能去試下呢？在進入餐廳之前，望望餐廳的裝修也幾有趣，有日本的特色，跟電視劇個種日式拉麵館差不多，像似去到日本般一樣。進了店內，四周擺切了具有代表性的日本玩具和食物作為裝飾，非常有趣。隨了品嚐食物外，也是一個機會認識下日本文化。環境舒服程度也可接受，但坐位較少，客人可能要稍等一會。坐低後，服務員特別推介櫻花蝦達人拉麵，肚餓的我，當然立即品嚐櫻花蝦先啦，蝦肉鮮美，爽甜多肉，非常好味。可惜，每碗拉麵只得一隻鮮蝦品嚐，若能增添多一隻會更好。另外，拉麵口感爽口微彈，廚師加入了帶子，蟹樓作為襯托，味道不錯，加上豬骨濃湯的配合真是剛剛好！

早排成日都去佐敦間醫院到探病，食醫院餐廳食到好悶。有一日上午家姐話帶我去食間好好味嘅拉麵，於是就帶咗我去拉麵達人。佢推介我叫W拉麵，而我見到Menu入面都有推介呢款，所以就叫咗呢個W嘅湯頭味道都幾濃，但係唔會太咸，似加湯後嘅沾汁味道！麵嘅硬度剛剛好個叉燒入口即溶，應該係用慢煮方式去整嘅！食食下就忍唔住飲晒d湯，勁滿足價錢方面就同一般人氣嘅拉麵店差不多，都值呢個價嘅，好好食，會再嚟

有幾次行過公司附近呢間拉麵店，見佢好似好日式傳統風格咁，今晚一於去試下先！我同朋友都叫左佢最傳統果款達人拉麵個湯底好濃呀！食落好重豬骨味！拉麵比較幼身，好彈牙！叉燒煮得好淋！肥肉同瘦肉分佈得好平均！而我最欣賞係個溏心蛋除左係好流心之外，仲煮得好入味！咸咸地，好好味！另外我地仲叫左2個小食share食雞軟骨餃子餃子皮好薄煎到脆脆地，點埋個酸酸地o既餃子汁食，好正！八爪魚丸估唔到佢整得咁好食喎！個皮脆卜卜o既！入面個餡又軟淋淋！個味甜甜咸咸咁！好有驚喜呀！呢間拉麵店除左食物好食之外，服務都好好！唔似一d出名o既連鎖拉麵店咁成日趕人走！

作為拉麵控我今日食下拉麵達人先! 哩個地方唔太! 但係裝修好日式!有d 擺設好得意! 好采早黎呀! 好快就好多客人喇! 我order左鰹魚豚肉湯達人拉麵同埋濃蝦醬油櫻花蝦達人拉麵!鰹魚豚肉湯達人拉麵鰹魚湯超級濃! 好味呀! 而佢既豚肉係勁大塊! 唔會覺得好肥!而拉麵爽口! 正呀!!埋濃蝦醬油櫻花蝦達人拉麵! 同樣拉麵彈牙爽口! 拉麵既料都好多呀! 有大大隻蝦、仲有蟹柳、扇貝! 仲有流心蛋! 湯濃味美!店舖都會好細心捉及湯會比軟濃! 如果想淡d就提早講!另外個人喜歡拉麵既軟硬度都預先講定呀!最後我地點左個炒野菜!好大碟! 炒得啱啱好! 唔會太腍身! 好味呀! 下次會黎試下其他拉麵!