茶木‧台式休閒餐廳 (MegaBox) (Closed)

太太到九龍灣接我下班，然後在Megabox逛了一會兒，累了當然要找餐廳食晚飯，太太想吃台灣菜，於是便來到了茶木位置（8/10）：Megabox本身位置不算方便，幸好有接駁巴士來往德福花園，而茶木就在地下，接駁巴士到站上一層扶手電梯再往前走30秒就到環境（9/10）：商場舖環境當然不差，餐廳樓底高面積大，用上大量的華麗吊燈，加上座位寛闊、空調充足，環境很不錯服務（8/10）：入座後侍應會奉上清水，下單則是掃QR碼，上菜收拾算快，侍應亦有禮貌，服務不差食物（8/10）：認識茶木的朋友也知道是主打台灣菜，各式台式小食及主食都有，而且更有大量台式飲品選擇因為我們都是喜歡嘗新，所以便點注視新餐牌上的推介，本來想試試麻辣牛腩拌麵，但太好賣沽清，轉而點了另外兩款拌麵豬三寶拌麵 ～ $70首先是有豬大腸、腩肉及豬耳的豬三寶拌麵，麵較寛身及有咬口，用台式滷水汁拌過入味；大腸、腩肉及豬耳用台式滷水醃製過，鮮香入味，而大腸夠稔豬耳夠爽，有不同的口感；加上伴碟的半隻半熟蛋、梅菜、豬紅及台式滷豆腐，味道豐富而份量充足牛三寶拌麵 ～ $78另一款是牛腱、牛肚及牛筋的拌麵，同樣用滷水汁伴寛身的麵條；牛腱夠稔夠滑、牛

豬三寶拌麵 豬大腸 豬紅 滷肉 豬耳 滷蛋 酸菜台式湯都走湯版本,改以拌麵食法食之前拌勻酸菜,湯汁醬汁,麵條彈牙煙韌滷五花腩好入味好肥嫩又甘香滷蛋好入味,好香好濃蛋味豬腸好煙韌,好有韌性,滷得好咸香帶點肥豬紅夠入味,口感好軟綿,豬耳脆爽 牛三寶拌麵 滷牛腱 牛肚 牛筋 同樣伴以滷豆腐,豬紅,滷蛋一款6種配料,牛腱肉片好厚好大片滷到好軟淋入味,牛肉味濃郁!牛肚爽口粗彈,口感爽脆 牛筋滷到好軟嫩檸檬愛玉 愛玉口感好滑溜檸檬冰沙好冰好凍,打成冰碎酸酸甜甜鮮果冰紅茶/綜合鮮果茶 $42鮮果切片配果茶,好香好甜好順口消費$300 評分8/10Shop 4-6, G/F, Megabox, 38 Wang Chiu Road, Kowloon Bay九龍灣宏照道38號MegaBox地下4-6 號舖

食台灣菜一定會諗起茶木，以前都係九龍灣德福食，最近先發現原來Ｍegabox 都有茶木，而且感覺大間舒服啲，晚市去都唔駛等位，座位舒服又多卡位，適合一家大細或者朋友聚餐。豬三寶拌麵 $70有豬大腸、腩肉、豬耳，腩肉大大塊，不過咁啱我果豌嘅腩肉都係肥豬肉☹️豬耳同豬大腸都係我最喜愛嘅小食，拌麵味香又濃郁，份量剛剛好，呢一豌麵滿足晒我三個願望🌟黑糖珍珠鮮奶瀑布 $43個人覺得少甜味道剛剛好，有啲似某動物堂嘅黑糖珍珠鮮奶，甜甜嘅鮮奶搭配奶蓋係最好配搭，珍珠亦都好爽口彈牙。芒果冰沙 $42可惜錯過咗愛文芒當造季節，不過呢杯芒果冰沙都唔錯，唔會凍到眉毛痛，而且食到甜甜嘅芒果味。

假日3點左右，剛到megabox即刻入茶木下午茶，毋須排隊🤩，同老公點左1杯黑咖啡（$36），1份鐵板麵包布丁 （$50）需時30分鐘，職員同我地講即叫即整，自己點了1杯西瓜柳蘆薈（$42）. 西瓜柳丁蘆薈，西瓜沙冰打成，面蓋上粒粒既蘆薈肉粒個底係柳丁，🤪味道清新酸甜 。黑咖啡忘記影，正常既味道不太酸。鐵板麵包布丁剛焗出泥好香，唔會太甜，味道適中（本人唔太好甜品，但依個ok），2個人食都飽🤣環境清潔, 職員有善。

好耐冇食teawood (都有6年)估唔到佢個menu完全換過曬感覺之前多好多野食 記得之前連佢個蜜糖磚塊都有5-6款 今次食lunch menu 比起以前亦少咗好多款同份量主要係湯麵 餸就有紅燒牛肉 鹽酥炸雞／排骨 津菜餃 等見佢最新款係 紅蔥醬燒豬軟骨麵當然要試吓套餐包飲品 如果要特飲就補差價份量的確細咗好多 麵比較少 同埋佢轉咗麵款以前係好似刀削麵咁 依家變咗幼麵味道上就冇乜分別 都係咁濃味😋湯底好入味 仲落咗啲雪菜同少量荽茜 幾香 係油少少 不過可接受麵雖然幼咗 但係都仲好彈牙煙韌👍🏻果然係手打工麵 同埋佢都好索汁 已經染啡了如果多啲就好啦 唔夠我食 :/紅蔥醬燒豬軟骨出奇地好食 份量相對多 因為一碗有三大舊！每舊都好厚身特別於佢瘦肉位肉好稔 可以食到一條條肉之後肥膏位好軟淋淋軟骨透明位就好似啫喱咁 所以一舊肉可以食到三種唔同口感 非常有層次感❤️同樣地非常濃味 充滿台式風味呢個酸梅汁係唔洗加錢嘅不過味道麻麻 味道遍淡 同埋一啲都唔酸！又冇梅甘甘地嘅味唯一好係唔甜 但係唔太推介🤭另外可以加錢叫小食 加咗溏心蛋 味道一般 不過賣相有待改善 佢得一隻蛋 但係用個咁大嘅碗 令人覺得份量

今日和同事在九龍灣工作完後經過茶木, 被佢門口既山渣話梅春雞所吸引而入咗去, 估唔到有意外驚喜!! 依個$58春雞真係不得了! 食完後我就情不自禁立即要打依篇食評. 味道好似豉油雞不過多一份話梅酸味, 雞肉非常嫩滑加上份量亦都好多, 性價比極高, 絕對值得推介! 就算唔堂食,買返去加餸都一流! 此外我地亦叫左豬三寶拌麵,

一開波門口攞飛menu位就見到有隻細曱甴喺度飛🥶叫咗個炸雞扒肉燥飯 同一個牛腩牛筋拌麵 食晚市（非套餐）埋單160蚊左右（加一後）個人覺得少少偏貴所有食物質素都比較 唯一比較好食係雞排 但係佢就只係暖 唔係熱飯係爛（？）食唔出一粒粒嘅質地 份量尚算可接受（朋友：拌麵幾好食 但份量少 飲水飽）落單唔夠5分鐘就上咗雞排飯 好快睇菜單見到要加一服務費但唯一嘅服務就係斟咗杯水過嚟🤣如果只係想喺一個靚環境食飯 唔太在意食物質素 可以試下 因為入面係真係幾靚不過我比較在意食物 所以應該冇下次了

這個甜品-愛文芒椰汁芒果河粉，完全唔掂！椰汁唔夠濃，芒果連皮有啲怪，究竟整時有否洗乾淨？芒果皮又唔食得，為何會連皮上？ 河粉- 以為是蒟蒻粉做的，點解好似真河粉咁厚，又唔爽。呢個配搭真心唔得呀！竽圓涼粉豆花，竽圓大粒但完全係粉多無竽頭味、無蕃薯味攞。自己係屋企整都好食過佢喎！完全無誠意的甜品，令今晚的晚餐欠了一個完美嘅句號！

來到megabox，云云食店中，我選了台灣食物，所以去到茶木。首先，叫了主食，牛三寶拌麵 $78牛肚，牛筋，牛腱，三個部分，三個口感，適合喜歡牛的人。全部都吸收了醬汁，非常惹味。麵好彈力，煙韌，果然是手工麵。😃太口渴了，所以點了愛文芒沙冰 $44這是季節限定。大概因為芒果是夏天的當造水果。這杯好冰涼，適合炎熱的天氣解熱。愛文芒也甜甜的，令這餐飯變得開胃。😍最後，點了一個甜品，芒果香草蜜糖磚塊$70，奶油好香滑，上面一粒粒棉花糖色彩的點綴，配上特大雪糕球，一啖雪糕一啖吐司，好完美的組合。♥️茶木·台式休閒餐廳地址： 九龍灣宏照道38號megabox地下4-6號舖

炎炎夏日行完街都總想搵點特色開胃嘢食，所以就選了這休閒清新的茶木台式餐廳。這裡裝潢時尚舒適，真是一個休閒、約會、聚餐的好地方。茶木近來新出了全新食品：台式伴麵、燒春雞等...睇見介紹麵非常吸引。高山凍頂烏龍奶蓋入口冰涼清新，茶味香濃，更有種回甘味道，配上綿滑輕盈奶蓋，香滑馥郁而不膩。麻辣牛腩拌麵牛腩加入了麻辣醬汁，食起來非常惹味，在這炎炎夏日食這拌麵就最好不過。豬三寳拌麵豬三寳中已有豬大腸、腩肉、豬耳，每樣都非常入味，拌麵麵質彈牙，爽口十足。山楂話梅春雞炎炎夏日真係令人無乜胃口，見到現在做緊山楂、話梅，醃制嘅春雞當錯都要叫番隻，而且價錢只需$58，相當抵食。山楂話梅春雞味道酸酸甜甜，厚身多肉，霎時令人胃口大增。

真的好一陣無黎Megabox，原來地下間老麥已經換左做茶木，新店裝修用上古銅色，望落幾有氣勢，哈哈。時間尚早唔多人，一黎到就有枱，坐低後店員就送上餐牌同餐具，睇下食咩先。點左一份呢個黐係枱面嘅近期推介山渣話梅春雞，$58份都幾抵食喎，真係有一隻雞。春雞雖然係bb size，但勝在肉嫩，滷得幾入味。一人雞半隻雞都幾漏，可能今餐叫得太多肉。個山渣話梅汁酸酸甜甜幾好味，不過盛雞個碟太淺唔方便倒晒上去，唯有放件雞落去浸啦，哈哈。睇完餐牌就想食呢個伴麵，叫左牛三寶伴麵，賣相幾靚呀。牛三寶有牛腱，牛肚同牛筋，全部都好淋好入味，尤其鍾意牛筋果個入口溶化黏口的口感。麵條略微淋了點，加上吸飽了滷水汁顯得有點鹹。朋友同樣想叫伴麵，佢就揀左豬三寶話可以交換食，賣相好似有點亂？但感覺好多餸。豬三寶有豬腩肉，豬大腸同豬耳，一樣滷得咁好味，大腸好肥正呀。兩碗麵仲有幾款共同配料，滷蛋，滷豆腐，鴨血同鹹菜，真係餸仲多過麵十分豐富。另外仲加左飲品，朋友叫左蜂蜜白苦瓜汁，佢話台灣特式野想試下喎，自己就叫左草莓櫻姬，覺得個名好靚所以叫左，哈哈。杯草莓櫻姬其實就係士多啤梨沙冰，酸酸甜甜幾好飲，仲附上一支可以食嘅士多啤梨味飲管

陪朋友去開Megabox 逛街街，夜晚想食個飯，朋友見到佢哋有新出嘅菜式，同埋有個特價優惠$58 梅子鷄，即刻入去試。雞肉食落有口感，而且份量唔細之餘仲充滿著梅子香味，肉汁鮮嫩。有一碟梅子汁，唔夠可以再點多啲㗎🤣價錢其實幾抵，值得一試 😋其實我哋都試咗佢哋個新嘅菜式，就係豬三寶同牛三寶拌麵個人比較喜歡豬三寶撈麵，感覺用料多d，有我喜歡的台式豬大腸，食得出佢哋嘅面係自己做，非常彈牙。因為當日其實天氣非常炎熱，同朋友二話不說叫咗佢哋嘅凍飲，見到旁邊有好多人都有嗌，於是試吓佢哋嘅茶凍水果茶🍹同士多草莓櫻姬沙沙冰🍧其實個人推介水果茶，好好飲，你feel到係有用新鮮果汁放落去，而且仲有好多水果，但如果個水果茶再大杯啲就好啦🙇🏻（ 可能嗰日好熱好口乾）朋友嗰杯草莓沙冰，其實賣相好靚，我都忍唔住用嚟打卡😂

今日放咗工去咗九龍灣，行到咁上下肚餓，見到茶木，又唔使點等位😂😂就簡左佢食個早飯🥣呢間新裝修，木系風格，同佢個名好襯🤣坐位舒服😌夠寬敞。一睇Menu見到佢有個⭐️新登場⭐️既伴麵🥢啱晒又唔想食湯麵🍜又唔想食飯嘅我🤣。🐮牛三寶拌麵 有金錢肚、牛筋、牛腱，全部都好入滷水味，唔會太鹹，滷水流心蛋都做得唔錯👍🏻個拌麵真係好彈牙、好有咬口😚。🌶麻辣牛腩拌麵 牛腩份量好足，不過overcook左少少🤏少鞋，但個面底好煙韌彈牙，加埋佢個麻辣醬唔算太over，成件事好夾😝。🍓草莓櫻姫濃濃嘅士多啤梨味🍓加上香滑嘅cream，涼浸浸嘅沙冰喺夏天飲最啱🏖。🫖紅棗枸杞桂圓生薑茶好大壺，入面嘅紅棗、枸杞、桂圓都好足料🤣啱晒手腳冰冷嘅我，補補佢🧡

今日探完朋友黎左emax搵野食，我本身都無咩preference,但真係好肚餓嘅關係就係G/F搵野餐廳醫肚，咁我地就入左茶木坐低左。呢間茶木裝修好靚好大間，樓底又夠高，個feel好好。我同朋友見到佢新出拌麵就叫左2款拌麵同一杯野飲，款款都想推薦俾大家😀- 麻辣牛腩拌麵 （佢麻辣但又唔太辣，我唔食得辣都食到👍🏻）- 牛三寶拌麵 （麵質爽口彈牙，好多料👍🏻）- 愛文芒珍珠鮮奶（fresh而唔死甜🥰）

很多年沒吃茶木， 記得以前中學時代黎到茶木一定會食佢地既招牌蜜糖磚塊甜品。今日經過見到茶木不需要排隊等位，就決定係茶木食午餐 。今次就叫左三杯中卷+自家製椒麻拌麵+麻辣鴨血併素鴨。糖心蛋好入味，拌麵既麵質吾錯，很煙韌彈牙，而且不太辣，岩曬吾食得辣既我。三杯中卷係以三杯雞既做法去煮鮮魷魚，魷魚一定吾韌好爽口，口感很好。小食方面， 有一件麻辣鴨血及一件素鵝，素鵝比較一般，不夠脆口。