茶木‧台式休閒餐廳 (MegaBox) (Closed)

睇icon都知我有幾愛小丸子啦! 難得茶木同小丸子cross over，作為小丸子fans既我立即同朋友過黎打打卡。淨係見到裝修同menu已經好心心眼~ 到食物方面，知道mega box 分店限定呢個蕃茄肉燥鰻魚飯，當然要試下。貌相真係超可愛，上面既大大個小丸子頭其實係一塊糖皮，老實講真係唔建議食，但影相真係一流。講番個飯，肉燥加左蕃茄之後無咁油，酸酸地好開胃。而鰻魚亦好嫩滑，同肉燥飯好夾。另外亦要左個沙茶大蔥牛小排做餸，牛小排好淋，沙茶醬亦好惹味，岩哂送飯。飲品方面，我要左杯小丸子櫻桃西瓜橙汁，又係好可愛既小丸子杯，加上粉紅粉橙色既果汁，真係好靚。而味道亦好夾，西瓜味會偏重，如果夏天飲會透心涼。朋友就要杯玫瑰咖啡latte，個杯係用左花輪同學圖案，而且入面咖啡、奶、同玫瑰醬，一層層好靚，味道方面就係正常latte味，都幾好飲。總結，茶木味道有質素保證，小丸子fans必到打卡點!

水準低到我覺得如果可以5俾錢 真系5想俾 。d面得個辣。d咖啡d氮氣去左邊 ！咖啡好酸根本過嗮鐘。d炸花枝韌的 …逼駛我寫呢篇嘢5系責任亦都5系愛系有蚊滋 …絕無回頭。超伏

早排見到網上都佈滿小丸子Crossover茶木的消息，就已經好想去(小丸子陪伴我長大架)！本身諗住去屋企附近個間茶木食，點知先發現唔係每間都有小丸子的主題，係得銅鑼灣、旺角、九龍灣先有得食⋯ 所以就專登約左閨蜜一起去跳舞前先醫醫肚。餐廳環境裝飾得幾可愛，除了有牆/玻璃窗上的大貼紙外，仲有小丸子及爺爺的3D公仔架！就連Menu都加入小丸子的元素。限定的餐點中，只有三款主食、一款甜品及四款飲品。另外仲會有個地方限定的茶式：九龍灣就係茶木的Signature吐司盒。先上菜的係兩杯大大杯的飲品，左邊係爺爺抹茶歐蕾，即係近排大熱的抹茶牛奶，綠茶及牛奶味幾Balance，唔會比任何一個味太嗆。右邊個杯係充滿浪漫感覺的花輪玫瑰咖啡拿鐵，味道比一般咖啡店Mild，係咖啡中滲透微微的玫塊味，感覺也不錯。為左留肚食吐司盒，所以主食我們只係叫左一份小丸子蕃茄肉燥鰻魚飯。食肉燥飯最要的係飯同肉燥的份量要岩岩好，若果太多肉燥就有機會過咸、太多飯又會太Dry。茶木係份量上預得幾好，每啖飯都有食到香濃肉燥的味，又食到飯香。鰻魚雖然唔算好厚肉，不過都燒得幾香口。十萬年無食過菜脯蛋，所以都叫左一份食。餐廳的菜脯蛋用鐵板

還記得小時候的我，一放學就趕著回家看櫻桃小丸子，卡通裡的小丸子永遠都是小學三年級，但看卡通的我們都長大了，最近茶木‧台式休閒餐廳三間分店變身成期間限定小丸子主題餐廳，上星期我就來到以草原場景為題的九龍灣MegaBox分店。三間分店同時獨家供應不同款式的小丸子美食，與小丸子精靈一起尋找美食秘寶。這天星期日全場滿座，需要等位，不過排得很快，只需5分鐘就可入座，店內樓底夠高，頗有空間感。九龍灣MegaBox以親情為主題的分店變身禮物盒，店內店外都有很多小丸子佈置，童心滿瀉。這裡還有小丸子精靈與爺爺精靈真人1：1比例的立體公仔，最適合各小丸子迷影相打卡。還可以轉動齊集小丸子一家六口的旋轉摩天輪禮物圓盒，當日見到不少小朋友玩得不亦樂乎。另外還有發售一系列小丸子的限量主題精品，消費滿指定金額或購買指定精品更有機會獲贈小丸子限量禮品。就連全套餐牌都換上小丸子主題，可愛到一個點呢！更有一本茶木 x 小丸子漫畫，製作相當認真。沙茶大蔥帶骨牛小排 $74一上枱已飄來陣陣香氣，不過牛小排骨位較大，整碟份量似乎少了點。牛柳肉質嫩滑，咬下去肉汁鎖在裏面而不流失，不會過於乾韌，加上沙茶提味，惹味得很。小丸子番茄肉

小丸子,相信大人小朋友都唔會陌生,之後佢係台灣日本都開過cafe,終於到香港啦😍順便去ikea買野,就揀左megabox分店,餐廳都幾大間,店舖內外都放滿小丸子既裝飾,好正難得食一次,就全部都叫晒小丸子😛餐牌都係再整過,入面有小丸子架!小丸子鰻魚飯同小丸子吐司都係呢度限定,所以叫左,另外叫左個菜脯煎蛋同2杯飲品鰻魚雖然睇落得4件,但其實好大塊!超肥美入口即溶!本來都怕蕃茄配肉燥會好奇怪,但原來好夾,咸咸地既肉燥加蕃茄微酸,減少左油膩感,個碟好靚好想要😂菜脯煎蛋唔同平時食開,佢炸到好厚身香口,菜脯份量不少,用鐵pan裝所以上菜時已經聞到好香,好惹味茶木一開始最hit既就係甜品,所以我都叫左小丸子版本既吐司盒,麵包盒內裝滿一口size既吐司,粒粒都焗到金黃超脆,曲奇雪糕好多曲奇,我好鍾意😆另外叫左2杯飲品,爺爺同花輪,好大杯而且好硬淨,我拎左返屋企用抹茶歐蕾,淡淡既抹茶味岩岩好玫瑰咖啡拿鐵,我無試😆好滿足,另外待應都好有禮貌,會主動收碟斟水

由細到大都好鍾意小丸子，難得有用佢來做主題嘅餐廳梗係要來試吓😻四處都可以見到小丸子嘅蹤影🥰而且仲播住小丸子嘅主題曲🤣👍🏻唔同餐廳會有唔同嘅限定嘢食，megaBox呢間就係有限定吐司🍞價錢同平時嘅茶木都係差唔多，不過就多咗小丸子呢個特色😽爺爺抹茶歐蕾🍵$38其實綠茶牛奶，淡淡的綠茶香，配上奶滑嘅牛奶🥛仲有杯墊送tim🙆🏻‍♀️花輪玫瑰咖啡☕️$38好重好香嘅玫瑰味，溝埋咖啡一齊飲，另有一番風味♥️小丸子蕃茄肉燥鰻魚飯$128鰻魚大大件，燒得幾香，肉質都算滑至於用蕃茄肉燥撈飯，香口好味😋鐵板香草菜脯煎蛋$60煎得好香，菜脯好爽口，啖啖蛋香小丸子吐司禮物盒🍞$82有個好可愛嘅小丸子頭喺吐司上面，吐司一如以往嘅超好食！脆卜卜嘅蜜糖外層，軟林林熱辣辣嘅麵包，在點上cream同曲奇雪糕食，果然係茶木嘅招牌菜式🤤👍🏻

其實我個人好少食以卡通公仔為主題的餐廳，因為覺得主題餐廳會花好多心思係主題公仔的printing 或宣傳上，往往會忽略野食嘅重要性! 不過依間確實令我改觀。 今日同老公去九龍灣買吓家品， 諗住醫下肚就去食台灣野，點知原來茶木今次有玩主題:小丸子！本身諗住唔好食，不過我老公話試下啦！ 可能你會改觀呢！ 結果我入到去，我好快受落咗！ 因為環境整得好靚menu 嘅菜式好吸引！ 我忍唔住瘋狂叫野食（因為我太肚餓） 心諗都入咗嚟，就俾個機會試下主題野食啦！叫咗兩杯野飲: 小丸子西瓜柳橙汁 （無加糖，純果汁🍹，好大杯，好Fresh ) 野口仙草奶茶 ( 超多仙草，好足本！ 奶茶偏甜) 外形仲係小丸子同野口， 只係果杯我都想keep 鰻魚飯真心正，好入味， 鰻魚大大舊，唔輸日本菜式，好驚喜好意外依個牛小排，肉質好淋，易咬口，每塊都大大塊！ 幾夠食！ 我老公話依個菜式可以叫多幾碗都得！ 食台灣野點可以無鹽酥雞， 每塊大大舊，好入味，而且唔會只食到炸粉！ 推薦推薦食茶木點可以唔叫甜品，依個又一個無令我失望嘅野食，唔會死甜， 每舊多士都係好脆咖！ 好啦！ 今次依一餐真係無令我失望，而且對主題餐廳改觀啦！

今日去MegaBox見到櫻桃小丸子主題餐廳，勁開心！😍細細個就開始睇呢圖卡通片所以一定要幫襯！😆☝🏻餐廳都好有心思門口擺放左好多可以打卡影相嘅小丸子牌如果有埋大大個嘅figure 公仔，就更正！😆好少睇餐牌睇得咁開心因為每一頁都有小丸子公仔特別係爺爺頭像嘅餐牌真係勁鍾意！如果餐廳可以送俾顧客就更好！🤣餐廳都有小丸子嘅精品可以購買架！👍🏻☝🏻小丸子櫻桃西瓜柳丁汁☝🏻野口竹炭仙草奶茶兩個杯都有小丸子公仔，加埋小丸子杯墊，真係愛不釋手，每一啖都特別過癮🤣我特別喜歡西瓜柳丁汁，味道帶點酸！非常清新嘅味道，其他地方未試過！☝🏻小丸子番茄肉燥鰻魚飯小丸子嘅嘜頭原來係用糖來做，所以可以食得，都幾得意！鰻魚都大件，加埋肉燥汁就更加惹味！☝🏻沙茶大蔥牛小排牛肉非常軟身入味，如果大蔥多啲就更加好！☝🏻小丸子吐司禮物盒賣相極吸引！見到小丸子個樣真係好興奮！好鍾意吐司焗得好香脆，有濃郁奶油味！如果鍾意小丸子，一定不容錯過！真係食得好開心！侍應招呼亦有禮貌，值得欣賞👍🏻✨

小丸子係好多人既童年回憶，本小姐我當然都要黎潮拜下呢2杯飲品，分別係green tea mocha同rose latte，個杯好靚不在話下啦 重點係飲品既味道俾我想像中好飲，無諗過茶木除左台式飲品，咖啡系列一樣似模似樣590沙茶大蔥牛小排，爆蔥香口，牛肉juicy唔會乾，重點係送飯食，絕配小丸子蕃茄肉燥鰻魚飯，呢碟鰻魚飯真係好可愛，最特別既係蕃茄同肉燥既配搭，未試過原來呢2樣野係可以加埋一齊食 另外，我覺得佢地飯既份量對於女仔黎講，岩岩好 唔會太多小丸子吐司禮物盒，曲奇餅雪糕球加多士粒 少少糖漿，脆脆的，正賣單都只係每人200蚊有找 仲可以不停打卡影相以上開飯食評，只係本小姐個人食後感

如果你身邊有一個小丸子迷，你就一定避唔過要陪佢食茶木同小丸子呢個crossover見到門口個餐牌都夠吸引，真係好多小丸子item童年回憶啊⋯⋯晚飯時間已經好多人排緊隊等入座，我地都唔執輸即刻排埋一份，不過好快就有位啦！讚一讚啲員工們都好快手，仲幾有禮貌添啊！啲餐牌都好靚好精緻，我本身唔係特別中意小丸子都覺得好吸引啊！個感覺真係好夢幻，好似準備食兒童餐咁小丸子蕃茄肉燥鰻魚飯好得意啊鰻魚好淋身、好入味，入口即溶。蕃茄肉燥有啲似平時食肉醬意粉既味道，但好明顯會食到一舊舊既肉燥，少少酸甜、好惹味！提一提，大頭小丸子係米紙來的，可以食埋！不過我地唔捨得食金黃鹽酥雞見到野口同學個樣真係笑咗，好可愛鹽酥雞份量好多，炸到好乾身但雞肉一啲都唔嚡口，襯埋九層塔食，香口好多。鐵板香草菜脯煎蛋同樣份量都算多，成塊蛋餅好厚身，啲料多到啖啖都有菜脯+九層塔，讚！個人認為味道少少偏咸，有得送白飯食就岩晒喇（笑）小丸子吐司禮物盒到甜品啦！同樣好精緻，好欣賞佢啲cream唔係出面普通既cream，口感好creamy，吉士既味道。整體兩個人食份量剛剛好，非常滿足。

話說呢期成日見到ig有人打卡茶木做緊同小丸子既crossover ！！！呢d童年回憶真係一定要搵返個舊朋友去！約左勁耐到到呢日，特登走咗入megabox呢間茶木，貪佢地方大可以慢慢坐慢慢傾！！！一入到去，成間茶木既每一個地點每一個角落都見到小丸子同佢d朋友！真係好有心思！陣回憶返晒黎！落左單無耐嘢飲就到！我地叫左抹茶牛奶同埋玫瑰咖啡，我杯抹茶牛奶好濃郁！而朋友就話咖啡好重花味，幾特別。侍應仲細細聲同我地講叫我地唔駛用個杯墊，可以當紀念品咁話！鐵板烘蛋係半熟既，切開有一絲絲蛋汁仲叫咗鰻魚飯好大個小丸子呀，仲要食得架！！！會唔會太有heart！最尾上碟既厚多士，order既時候侍應已經提醒我地需要20分鐘，上碟既時間熱辣辣果然係即叫即做！呃like一流之餘，𥚃面仲要係好窩心咁切開一粒粒，2個女仔食完全係好貼心一啖一粒！好滿足，無限回憶嘅一晚

今日收早相約朋友食飯撐下枱腳，為左就佢放工時間比較遲所以決定係佢工作既地方食晚。眼見依家有好多餐廳都慢慢改為主題餐廳，於是即興相約佢係附近既mega box試下小丸子主題餐廳。佢係茶木延伸既小丸子主題餐廳，由於友人係一名小丸子既粉絲一直都叫我帶佢去試下，所以今日就有機會去試一試佢。我大約八點半去到，眼前一光，見到餐廳佈置好可愛，周圍貼晒小丸子既裝飾同擺設，好靚，小丸子粉打卡朝聖好地方。今晚好好彩唔使排隊即刻入到，入面都貼滿小丸子裝飾，好有心思本menu都係小丸子封面，食物種類有好多仲有一張係小丸子限定，朋友見到即刻心心眼。最後我地叫左：小丸子肉燥鰻魚飯、鐵板菜脯煎蛋、花輪玫瑰咖啡拿鐵同爺爺抹茶歐蕾。個杯好得意😎花輪同學個杯好重玫瑰味。爺爺個杯第一淡飲落去似抹茶牛奶，濃濃既抹茶味溝埋牛奶，好味。兩杯第一淡即飲覺得好濃，等一等啲冰溶左少少再飲就恰到好處，一杯飲品有兩個層次。先黎個小丸子肉燥鰻魚飯，小丸子造型飯好獨特，肉燥甜甜地有濃濃番茄味，好開胃。再加燒鰻魚既小小烤濃味同燒汁，令成個肉燥飯變為不平凡既好味。再黎鐵板菜膊煎蛋，上菜個時仲岀緊煙，好明顯係即叫即整濃濃既蛋香加上脆卜卜既菜脯，今到

係好耐好耐以前，很多人話我似花輪同學，我就對小丸子已經有種情意結，原以為小丸子只會活在公仔箱，想不到今日跳出來，竟然成為茶木的主題餐廳，因為肚仔打鼓的關係，下午五點半左右，我就帶著問題天天都多的心情去找茶木，本來以為還是下午茶時段，不過，可能經理見到我的樣子與花輪同學有幾分相似的關係，所以可以讓我們叫晚餐，Hey Baby，真乖。我們點了：小丸子蕃茄肉燥鰻魚飯$128：整碟菜式由伸手只見四指的四塊鰻魚，再用數塊花瓣裝飾襯托，然後環邊蕃茄肉藻，剛好是個陳圓圓，另加小丸子形狀的飯團所組成(內裡的意思是否告訴你小丸子實情是舊飯?)，就連兩邊髮尾形狀都能清晰看見，賣相的確十分討喜。我含羞嗒嗒地地問過經理，究竟飯上的小丸子是否可以吃，他答我是可以的，因為本身用糖膠造成的，但最終我還是沒有吃到小丸子，為甚麼?因為我怕衰十一被人斷正(如果靜雞雞地吃就話者)，所以，小丸子還是被我晾在一邊，就讓她靜靜地望住我吧，反正我也慣了被人暗戀...至於口感方面，印象中，很少蕃茄肉醬會配鰻魚，表面微焦、油脂流出、魚肉鮮美，再整件夾起放入口才是最佳享受，是那一種肥膩美，只是對一向追求健康的我而言，是油膩了多少，不過不

好耐無食過茶木，一間已經係香港興起左好耐既台灣菜餐廳，有三間做大家都中意既可愛小丸子主題，拉埋朋友去打下卡！環境唔止係野食有用小丸子做主題，連成間餐廳都貼上小丸子牆紙，仲有好多道具比你影相，好有心思，不過留意返得旺角、銅鑼灣同埋九龍灣呢三間有小丸子主題，而且每一間都有唔同小丸子食物供應。每枱都會送一本小丸子小冊子，入面仲有漫畫睇！餐牌都係成本小丸子！鐵板香草菜脯煎蛋 $60上枱時仲起熱泡泡，上面灑左啲芫茜，好足料，蛋夠哂厚身，菜脯唔辣夠爽口，味道亦岩岩好唔會太咸，不過就因為煎蛋怕癡低，落左好多油，太油，用吸油紙墊低會更好。小丸子蕃茄肉燥鰻魚飯 $128重頭戲小丸子，呢間供應既係蕃茄肉燥鰻魚飯，份量正常，舖左個小丸子係飯上面，應該係米紙整成，以為冇味，原來食落都甜甜地，而蕃茄肉燥整得唔錯，酸酸甜甜夠多肉碎，佐飯一流，至於鰻魚就中規中矩。小丸子吐司禮物盒 $82第二重頭戲小丸子吐司！份量係食開茶木吐司應有既大小，上面舖左又係舖左小丸子，今次小丸子頭飾就淺色啲，配上曲奇雪糕同吉士忌廉，亦有士多啤梨同藍莓做配料，最好既一點就係用吉士忌廉而唔係普通cream，岩我呢啲唔中意食普通忌廉既人，佢既多

細細個就已經好鍾意睇小丸子，今日行經過MegaBox，竟然比我見到茶木呢一期用小丸子做主題餐廳，見到真心興奮，唔使講即刻入去食返個lunch。成間餐廳都係用左小丸子做主題，無論係門口嘅擺設、玻璃嘅牆身、侍應圍裙、連餐廳嘅音樂、定係menu，都係同小丸子有關，最驚喜嘅係佢有小丸子嘅Pops時，可以俾人無限影相。先叫左個小丸子蕃茄肉操鰻魚飯飯既上面鋪左小丸子既糖紙，一開始以為係普通紙一張，不過原來唔係，糖紙唔算好甜，撈埋飯食味道都唔錯。整個飯碟都鋪滿了番茄肉燥汁，蕃茄汁甜中帶小小酸味，食落非常開胃。鰻魚大大片，而且一d骨同腥味都無，岩哂小朋友食👍🏾👍🏾之後叫左個鐵板香草菜脯煎蛋煎好既菜脯蛋放熱辣辣既鐵板，非常新鮮。蛋唔會煎得太老，除左面頭有莞茜外，蛋入面都充滿莞茜。菜脯蛋加入左莞茜後，香氣十足，岩哂莞茜控既朋友。小丸子吐司禮物盒茶木既甜品一向都唔差，呢個仲要有小丸子樣，更加要加分。多左又厚又香牛油味，而且烘得趣卜卜。配埋cream、棉花糖、曲奇蛋糕，不會太甜，但味道很夾。生果（藍莓、士多啤梨）都是非常新鮮的。花倫玫瑰咖啡拿鐵爺爺抹茶歐蕾用爺爺同花倫同學做杯已經夠哂吸睛了。杯子真的好美。無諗