茶木‧台式休閒餐廳 (Closed)

非人的生活尚未完結 已經過了好多個搭的士的晚上 每天的生活都是工作工作和工作 實在身心皆疲是晚決定放鬆一下 和男友共晉晚餐 噹噹辣子雞$52雞件用了雞翼部分一開四 一口一件用上了很多辣椒乾和花椒去炒 香口是香口 但是味道偏濃 吃一點就停手了紅燒牛肉麵$56滿滿的一大碗麵 有四件牛肉 紅蘿蔔和白蘿蔔各一湯底略嫌過鹹 但麵條帶點煙韌有彈性 非常得我歡心而牛肉大大件 炆得軟稔 好吃海鱸魚手作意大利麵$72鱸魚份量下得很慷慨 一大塊的把整個麵蓋著 味道不過不失而麵條和牛肉麵的相似 原來用西式的煮法也很美味 滿意士多啤梨招牌蜜糖磚塊$68雖然看過身邊不少朋友對此的分享 但其上桌的一刻仍覺非常耀眼和興奮三層烘得金黃的多士 配上一大球士多啤梨雪糕 再淋上士多啤梨醬和忌廉沒有驚為天人的美味 但那有不好吃的理由（個人認為偶爾會吃到煙韌的棉花糖更是錦上添花）窩在沙發上坐著坐著 居然萌生了濃濃的睡意也許近來真的太累了 是時候起程歸家去 明天繼續努力總結店子選擇多元 味道不錯 價錢合理 有機會會再臨

一食就令人比較咖啡弄就比較一下水果茶，咖啡弄勝，因為茶木細杯加上水果唔夠fresh 食物，茶木比較多選擇，主要台食較多牛肉面好好食，好林既牛肉鹵肉飯都唔肥，值得試甜品面包加雪糕好飽，唔食野應該更好食，太飽食唔落重點唔洗等成幾粒鐘，坐很個半鐘，趕住食，未坐低就急好唔自在，咖啡弄食一次，茶木可以再食

蜜糖磚塊，終有機會一試!是日星期六下午，等候人數不多，20分鐘左右便有位!由於還沒有吃午飯，先點了一個紅燒牛肉麵，這個味道很濃，很惹味，牛肉很淋，只是咸了一點…另外，是在openrice 印的coupon,送珍珠奶茶!初時還以為一張coupon只送一杯，原來有兩杯!普普通通的珍珠奶茶，奶味比較重，忘記叫少甜…偏甜…最後，就是這藍莓蜜糖磚塊!第一次食，不知如何下手呢!雪糕配上蜜糖多士，多士夠脆口，好味!不過份量很多，兩個人食了碗面，再加這個真的超飽!

原本打算跟妹妹去瀰月屋吃日式甜品，怎知去到竟然沒有開，轉戰同區另一間想吃很久的茶木。依稀記得大約一年前在社交網站上曾一度被四層的磚塊吐司洗版，非常吸引，但因當時還在留學未能試吃，慢慢便淡忘了這件事。最近突然想起磚塊吐司，一經查問原來是台式食店茶木的出品。想不到今次試不到日式甜品，卻因此試到磚塊吐司呢。平日的下午茶時段來到，可幸不用排隊，被安排在牆邊的二人位置。據妹妹說上次她在旺角店要排半小時，所以這次十分幸運。店內的環境不錯，以簡約休閒風為主題，旁邊的位置更掛有類似明信片，很寫意的生活態度。妹妹也說這間環境較旺角店好，不會太擁擠。年輕的店員送上餐牌，一貫台式咖啡店的風格，餐牌設計精緻，如色彩斑斕的雜誌般將各種各樣特式食品，上至台式麵食、下至甜品都清晰地展現出來。封面用上最有名的磚塊吐司，提醒客人不要忘記點這個必吃甜品。我們當然點了磚塊吐司，選了最安全的巧克力香草磚塊蜜糖吐司＄６８。第一次見到實物，所以來到時也嚇了一跳，果然是啅頭十足的甜品。主體由四塊蜜糖吐司構成，中間的吐司已切好成小塊，方便食用。頂層插有寫上ＴＷ的巧克力牌和香草，有巧克力雪糕、棉花糖粒、草莓，亦灑有巧克力醬和奶油，十分

今日初三,琴日上左佢facebook睇今日開返,決定黎呢度食lunch!一上到去唔洗等太好啦!坐低,今日都幾多人播!環境幾好,休閒cafe feel,不過略嫌人太多,比較嘈吵,唔能夠安靜傾計!叫左醫肚野食先!我要左炸雞扒肉燥飯,女朋友要左排骨麪~上菜啦!我呢個雞扒飯好正呀!D雞扒大大塊,皮脆肉嫩~最鍾意就係台式ge雞扒,又大又做得入味,百吃不厭!下面有隻蛋同梅菜類物體,配搭得都唔錯ge!隻蛋仲幾好食tim~初初覺得D飯根似唔係好多,不過食落又ok,可能D雞扒令到個飯又有D油,仲要有隻蛋,再加上初一初二食左唔少野!不過我覺得肚餓ge人一定唔夠!女朋友呢個排骨麪ge麪條粗粗地,令我留下幾深刻ge印象,而佢ge質感幾好,有趙頭,軟硬度適中!排骨都炸得好好味,當然我覺得我個雞扒會好食D啦!之後叫甜品食...其實我發覺呢個先係主菜,無論係茶木定抑或係呢餐!由於我鍾意食朱古力,所以叫左巧克力香草蜜糖磚塊!好正呀!雖然等左ok耐,不過黎到都係忍唔住哇一聲~~呢個甜品都幾高下,一個人應該未必食得晒(你當佢係正餐咁食另計)其實都唔知從何入手食,所以將最上層加雪糕搬落黎先!佢D磚塊即係吐司,有D雪糕同cr

從前有仙跡岩和仙林鬥個你死我活曾經有一段時間台式Cafe極之風光，四處都可以見到仙字頭的蹤影有一天卻突然沒落，使得仙字頭在時代中消失，無人知曉原因不知何時，台式Cafe再度在港風行起來，好像野火燒不盡，春風吹又生一樣繁衍出新一代兩大巨頭：茶木 VS 咖啡弄。在咖啡弄，因只有一間，動輒便要排上兩小時你以為茶木有三數間，應該不用排多久吧？那可大錯特錯了張誇就傻傻的以為不用排隊，結果還是羊群地排了一個半小時為的就只是想吃個簡單的午飯呢。由於眼見人群好像無限輪迴一樣，於是便提前在門前已看好餐單原來午餐的價錢因有套餐的關係，會比下午茶散叫平上一截呢！^Menu與咖啡弄同樣走玩味的路線，咖啡弄是報紙，而茶木則是雜誌。^由於人多的關係，即使坐位不太擠逼，可是仍像置身於旺角街頭當中。人實在太多，縱使已提早在門口看好餐牌，坐下即時order食物可是食物和飲品仍要等上半小時才有得食，而等候期間就只見侍應們不停在店內奔馳。^綜合水果茶：沒咖啡弄酸，卻比咖啡弄的淡（無論是果味還是茶味）有一種死甜，就像喝一杯勉強加糖水的水果茶一樣，不太好。^肉燥牛肉麵：是次唯一好吃的東西。湯分開上貌似是不讓麵浸太久/沖走肉燥

今日係人日，人人生日，一大班朋友係尖沙咀一間餐廳暢飲一番，可能食得太多肉和啤酒，口乾乾，好想食下甜品，於是去到厚福街一帶覓食，誰知，間間甜品店都擁滿人群，所以轉去茶木碰碰運氣。未上去之前，我心諗，起碼要等半個鐘吧! 以上次去銅鑼灣分店既經歷，應該很多人，去到門口，出乎意料，唔太多人，我們一行7人等了不夠5分鐘就可以進去，進去未坐定，友人已經心急地問有冇吐司，幸好還有，店員細心安排好座位後，我們就開始今晚既甜品大餐:這餐甜品食得很飽足，吐司差點多得吃不完，在朋友暢談間，不經不覺店舖已經打烊了，期待下一次再來臨時，試下其他款式甜品與熱食。

自一月初變泰回來，間中外出用餐都會繼續回味泰菜，不過最近未知是否為二月台北之旅而興奮，無獨有偶，我倆外出晚飯都選吃台式料理，繼上次到老牌飯店後，這次就到較為新派的茶木呢！茶木裝修以白色﹑綠色及木為主，簡約且帶東洋風，吸引很多年輕人光顧。餐牌印刷精美，猶如一本飲食/旅遊雜誌，頭幾頁已是讓女生雙眼發光的甜品及台式飲品，吸睛指數極高，差點讓人忘了點菜。食物份量不算大，定價不算太高，大部份都是50多元起。點吃可直接叫食物號碼，我們一行四人就像發瘋似的點了多樣，(其實主要是夫妻我倆失控)，包括：1. 香脆大雞排~調味很不錯，有台灣吃時的味道，不過雞扒好像更薄，口感不夠。2. 土豆絲炸蝦卷~賣相不錯，但蝦沒鮮味﹑肉軟軟的欠口感，薯絲也沒有味道，整體麻麻。3. 黑蒜白肉~我的最愛，腩片薄薄的彷彿能透光，調味剛好，不太辣，正！4. 紅油抄手~這個調味跟白肉差不多，內有肉﹑白菜及葱，所以我沒吃，老公及朋友說一流！5. 酥炸蚵嗲~其實即是炸蠔餅，這個份量很大，蠔餅煎得不錯，味道正常。6. 秘制麻油雞~份量細細，小煲連燭台上，未吃先提高食慾，可能我認錯它為雞酒，所以吃起來沒想像的味道，感覺一般。7. 凱撒沙

在上班的日子裡，會有很多機會出外工作，讓在下有因利成便出外午膳的機會。就像今天到尖沙咀工作，就順道在這區開餐。偶然間看到茶木休閒餐廳在加拿芬廣場的二樓，就毫不客氣地走上來看看環境，畢竟在旺角分店卻大排長龍，導致上次未能進入，幸好在午餐時間並沒有預期的多人排隊。侍者安排了二人座位。縱使是迫狹，而且近窗口有四人卡座，但是依然坐下來。環看四周圍環境，都給在下一個舒適的感覺，有著淺木的裝飾，在下頭上有一個時鐘。當進入餐的時候，有著一個蛋糕櫃，內裡放滿了各款的蛋糕，也有一些花花草草和仿古的擺設，有著一種台式休閒的茶座感覺。當在下手執餐牌，赫然就像一本雜誌的餐牌，內容介紹了各款的特飲，麵食，甜品等等，而且內頁的第一版卻說明了各項食品的頁數，可見餐牌確實是花了心思。說實在的當在下打開餐牌的最後一頁的甜品，甚麼磚塊，甚麼甜品，掀起了在下的甜魔癮，可是還是抑止了。點來了一個麵的套餐，有小食主食有麵和飲品，不過始於都敵不過自己，點來一個蛋糕。涼伴麻辣豬耳朵說實在的，豬耳甚少吃的，不過今次吃個麻辣，雖然有辣度，卻至至於真的辣到麻卑那種，而且涼枕枕的，又幾爽口的，都幾好吃。台式肉躁麵肉躁飯就吃得多了，把飯轉換

同朋友一齊唻呢度食tea，覺得環境幾開揚，坐得幾舒服，服務都幾好。自己叫左個普通既熱珍珠奶茶，兩人再share個藍莓吐司磚。珍珠奶茶太水，有D失望。不過個吐司磚果然好正，料好足，D包亦有輕微toast過既香味，賣相同實物一樣咁靚。一定要兩個人食，好大份！兩個女仔都未必食得晒。如果三人或以下，記得要到齊先可以入座。總括都係非常良好既感覺，有機會一定會再唻或者去其他分店再試下佢地其他野食！

食物樣靚，味道，口感差已點封面食品，真失望，吐司無里味道，好似硬食三塊無味厚多士，加一球雪糕。坐了一小時，沒有聽過一句：好好味！三杯雞全用雞翼，很流，完全食唔出台灣風味。

睇戲前己揀好食teawood！因為食過咖啡弄！更加想試其他的選擇！上到去有玻璃窗位，一路食一路可以望下街景，吹下水！古古力冰池淋蜜糖多士，超讚，估唔到連麵包皮都烤過有蜜糖。真係全部食清光！飲品有水果茶同古古力曲奇冰沙。仲有牛肉麵！好有台灣feel！慢慢hea！又可以上網。

過了PEAK HOUR,2:30到達,唔使等位!!目標清晰,鎖定麵包類甜品,但正餐未食,點都要食D咸野先!!食物:1. 紅燒牛肉麵($55)一直大愛台灣牛肉麵,帶少少藥材味既湯底,加筋多淋滑牛肉,配小彈性麵質的麵,諗起都流口水!!茶木牛肉麵有牛三大件,牛肉淋滑,麵質偏硬身,所以較彈牙,略賺麵的份量太少!若果突然牛肉麵癮起,去茶木都可以一解對牛肉麵既思念掛?!2.脆皮草莓蜜糖磚($62)重點來了,微溫厚厚既蜜糖吐司上加上士多啤梨雪糕(有粒粒士多啤梨在內!!誠意呀!!),配上手打忌廉,士多啤梨醬同埋新鮮士多啤梨及藍莓,呢個價錢,我要來多幾次!!食完呢個甜品,食法都已經可以出教學(!!)建議食法係,可以先將吐司上既配料及雪糕等移開,方便刀切開麵包,豬扒首領就趁微暖時品嚐脆皮外層,配合雪糕,幸福的味道啊!!再來係最甜既蜜糖麵包磚,一咬落去好juicy既蜜糖,正!!最後當然係清哂隻碟環境方面:佈置舒適(可能係2:30的關係),有多張二人枱,適合情侶

呢一日出左去早野, 做完野就放工, 約左男友o係尖沙咀等, 見時間尚早, 決定去茶木食。之前去過旺角食過一次, 之後見尖沙咀開左又黎過一次, 不過上次係星期五o既8點鐘, 上到黎人山人海差d連lift都出唔到, 所以最後係冇食到o既。今日可能因為係平日, 而且6點幾比較早dd, 所以唔駛排隊就入得去(等我仲叫男友行快兩步, 如果唔係又要排隊)。叫左個dinner set o既古早味三杯雞, 要左跟酸梅冰同沙律。初時以為酸梅冰係真係打碎左o既冰, 不過原來只係酸梅水。古早味三杯雞都ok, 個味都腌得唔錯, 送飯一流~我地特登兩個人share一個dinner就係為左食呢個甜品!上次食過蜜糖磚塊幾好食, 今次叫左藍莓心太軟磚塊試下~呢個藍莓心太軟磚塊比較漏! 因為入面係齋麵包, 唔似上次個蜜糖磚塊用蜜糖煎香左又冇咁漏!我覺得上次個蜜糖磚塊好味d o者...

其實呢間＜茶木＞係我12年去旺角瓊華笑笑時見到已經幾想去，不過睇當時的Menu，食Dinner又好似冇野啱我食，直到同老友去完台灣食過雪糕磚塊，想回味下喎，所以先有機會去試下。呢晚我地４人係1930上到去都頗多人，等到1940開始入座，Menu設計用上而家好興用的雜誌形式，照片排版都幾好，睇得舒服真是好緊要。雖然餐牌上的食品唔算有好多選擇，但因為有晚市套餐，我地幾個知慳識儉的計吓怎樣點餐最好，這樣都足以令我們揀了10分鐘才點好以下菜式大家Share食：Dinner Set ①②③ + A/B (白飯、飲品及沙律一份($30))① 沙茶牛小排 ($56) + A (白飯、綜合水果茶(+$11)、沙律) $56 + $30 + $11=$97② 古早味三杯雞 ($56) + A (白飯、柚子冰、沙律) $56 + $30=$86③ 台南肉躁扒時菜 ($52) + B (白飯、黑糖姜母茶、芒果奶油蛋糕) $56 + $30=$86④ 香草大蝦沙律($56)⑤ 紅油抄手($48)⑥ 土豆絲炸蝦卷($48)⑦ 巧克力香草蜜糖磚塊 ($68)10% Service Charge Total = $