定食8 (Closed)

第二次食定食8，感覺仍不錯。雖然唔同分店，不過，質素大致上都算可以。今次是食午餐，不用等位，叫左豬軟骨烏冬定食（包5件壽司）、什錦刺身定食。都是跟麵豉湯及沙律。餐牌第一頁有教客人落order的程序。水、芥辣、豉油是自助式，就在出菜位旁。什錦刺身定食咪道不錯，算是幾有醒味，無乜雪味，有吞拿魚蓉、三文魚、帶子、蛋、青瓜，份量剛剛好。豬軟骨烏冬就是細細份，因為仲有5份壽司，有三文魚、鰻魚、蝦、蟹肉同埋帶子壽司，都是唔錯的配搭。麵豉湯不會太咸，唯一麻麻地是沙律，汁偏酸，量很少。埋單$117，算幾抵。

誤打誤撞來了新蒲崗mikiki晚飯時間，外面下著雨，於是在商場內隨意找個地方吃晚飯。走到地庫一田超市的旁邊，有好幾間餐廳，於是逐間看看餐牌.來到這間定食，鯖魚定食套餐38 ，迷你叉燒烏冬+壽司餐58，omg ! 我沒有看錯吧，我相信午餐也不會這麼平。餐廳裏也有很多人，所以決定一試。鯖魚定食$38滑蛋芝士豬扒定食$48定食均配有麵豉湯 有海帶沙律 白飯鯖魚是汁燒的，本身喜歡較乾身的，但其實味道很不錯。吉列豬扒中有一層芝士，豬扒下有洋蔥蛋，下飯一流，$48來就算是很好了雞軟骨多春魚$22炸雞軟骨只有幾粒，普普通通。半價菠蘿特飲 $9兩個人晚飯也不用$130，份量正常，味道不錯茶記價錢，但日本料理的食物！

定食８係爭鮮旗下一個日系快餐品牌，以平食作招來，「8」係解定食價錢全都係8字做尾，不過食物選擇唔算多，勝在夠平，有海鮮丼、蒲燒鯖魚、天婦羅等等，仲有規定15分鐘內會為客人送上餐點，真係既快靚正🤣－－－－－－赤蝦海景丼 $58 8/10定食附送漬物、味增湯和甜點，仲有自助無限白飯﹑味增湯﹑椰菜絲可以REFILL，椰菜絲可以加沙律醬，絕對夠飽，赤蝦海景丼包括左有赤蝦、蟹子、三文魚、三文魚腩、希靈魚，我幾鍾意食三文魚腩🥰厚切同埋新鮮，呢個價錢係其他地方真係好難搵到，物超所值炸餃子 $18 7.5/10一客有五隻，炸餃子脆卜卜熱辣辣，唔算太多油，味道香口，幾抵食😋

Tea Set Menu 選擇配搭算多，我選了迷你曼飯，6件三文魚小卷，兩件炸雞，一杯熱柚子茶。$44的日式tea set份量不多，味道不過不失，我可能應該多付$20-$40選其他定食set會較引起我的興趣，留待下次吧😌

第一次光顧定食8，我們三人點了三款定食：鰻魚蛋包飯、海鮮天婦羅和叉燒拉麵😀餐前小食是檸檬汁柚子海苔，酸酸的，夏天吃得開胃如果喜歡吃鰻魚的一定要點鰻魚蛋包飯，那鰻魚比手掌還要長😱本來滿心期待的海鮮天婦羅，竟然不是鮮炸😤上碟已不熱，炸粉已變硬，十分失望，慶幸的是天婦羅種類尚算多，有蝦、魚、秋葵、南瓜和茄子😁叉燒烏冬湯底不夠日式，但叉燒燒得頗香好食😋水、wasabi 和豉油是自助的，如果食物可以再熱一點會加分的😌

餐廳性價比高日本餐廳黎講 算好抵食等位時間約10分鐘 唔算特別耐野食都好快送到魚生飯魚生唔算新鮮 而且飯份量少男仔可能會唔夠食芝士豬扒蛋飯 芝士味唔多 但以甘既價錢黎講 算係唔錯最有驚喜係帆立貝 牛油味好香 又足料總括黎講 茶餐廳價錢以外既晚餐選擇 當平常晚餐都唔錯 會再食

定食8 #新蒲崗其實已經開咗好多年係好多地方都有分店，之前都有朋友講過真係好抵食，但一直都未有機會試，今次終於有機會驗證下🤪星鰻赤蝦海景丼 $48$48 來講真係好抵食，除咗有星鰻、赤蝦之外，仲有帶子、三文魚、北寄貝、甜蝦，全部質素都唔錯。除咗魚生薄少少、飯比起一般嘅魚生飯少咗啲之外，其餘同平時百幾蚊嘅魚生飯都差唔多，另外仲配有一碟沙律同埋一碗味增湯，真心覺得抵食！味道: 4.1/5性價比: 4.7/5足半兩安格斯肉眼海鮮相撲鍋$98自從罷食吉野家之後都好耐冇再食過呢啲一人邊爐。揀咗呢一款最貴嘅相撲鍋，有齊晒牛肉同埋海鮮，如果齋牛肉或者海鮮嘅話就$68都已經有得食。肉眼比起一般肥牛脂肪少啲，但依然唔韌，重點係半兩嘅肉眼真係好多，食極都仲有肉！另外仲要有埋青口、帶子、蜆、蟹柳，都咪話唔抵食！另外仲配埋成個烏冬，烏冬係需要冷藏嘅嗰一種，絕對唔係嗰啲平價烏冬，非常彈牙，食完真係飽到上心口，超滿足！味道: 4.3/5性價比: 4.8/5朋友推介嘅呢一間日本平價餐廳真係冇得頂，好抵食又好味，絕對係會想不停再食嘅餐廳！定食8 (新蒲崗)新蒲崗太子道東638號Mikiki LG5號舖

我同女朋友 7點半鐘入庭食左我人生食過最難食既日本料理我地食左一半就走我因為依餐飯特登開依個ac 希望世人唔好犯我既錯正題女朋友叫左   明太子雞飯set我叫左   天婦羅飯set女朋友果個到先個飯係暖身 完全唔熱 而且好難食舊雞係暖身完全唔熱 但味道可以個明太子就唔熱唔暖 味道可以 整體而言 完全分唔到係食緊熱食定冷食 最大問題係飯係唔熱 我果個個飯一上我就知中伏個天婦羅係 做.錯.左.個粉唔貼身 顏色暗黃明顯係做既時候上粉無做好 所以炸既部分同蝦分離 而且擺左好耐所以變暗黃但我抱住希望自己搞錯既心去試食一下結果我錯了唔單之以上問題, 仲有炸完無隔油 擺得耐所以d油整林左個粉點解我會知因為個粉又係唔熱仲要係林架 又煙韌 好似食緊包緊 我絕對無誇張而個飯同明太子雞飯一樣完全唔熱我食左兩啖已經想走女朋友都係所以我地試埋個有既野 包括 味噌湯 海帶配菜同跟餐加錢買既熱柚子茶味噌湯係超級咸而海帶配菜 唔知點解要落檸汁 酸到痴線最後機會一個機會--柚子茶一飲.. 完全未搞過一飲就知 前面水,後面甜我從來未食過食評但我今次真係好嬲食物水準係完全無道德無一樣野熱唔想阻止大家食 可能個火鍋好食但真係

記得幾年前真係好鍾意食定食8，因為佢啲餐真係超平，又有得任裝麵豉湯，感覺真係好扺食。今日咁岩經過新蒲崗，就決定喺度食lunch。睇餐牌見佢多左幾款新嘅餐，我哋就嗌左兩個赤蝦海景丼飯，上面有兩隻赤蝦、三片三文魚、兩片赤貝、兩片希靈魚同埋蟹籽。赤蝦好大隻，兩隻都有好多膏，其他刺身都好新鮮，好好食，$58嚟講真係超抵。不過坐低之後先發現冇咗任裝麵豉湯，變咗跟餐有一碗，感覺有啲可惜，因為啲湯真係好足料，好好飲。

午餐同同事去咗定食8，今次係第二次食，仲好食過第一次，雖然貨仔唔同高級壽司店，但哩個價錢係絕對無得彈。（上圖係我偷食咗壽司飯）左邊係係黑蒜豬軟骨烏冬，個蛋令人印象深刻，仲係流心，無煮過龍，烏冬唔會淋哂，豬軟骨份量好足，味道唔錯。左上有個煮過嘅海苔（有啲好似膠，透明，但唔好誤會😂），我將佢放咗落三文魚麵豉湯裡面焗熱，去到最後再飲都仲好熱，滿意。壽司最後先食蛋會比較好，海鮮都好新鮮，切得唔薄，三文魚唔瘦，近腩，好好食。帶子大大啖，口厚好好，個蛋係雪過嘅，最後食就無咁凍啦。哩個係同事叫嘅鰻魚飯，燒得比較焦（半條個皮係黑色）但佢話味道唔錯，食到一半佢已經開始飽，最後食哂條魚。最後講下餐廳環境，燈光比較暗，人手同屯門分店一樣都係少，出面會比較慢，衛生當然都唔係特別好。

今日在新蒲崗工作，同同事在商場搵嘢食，落到最底層見到有一間食日本餐廳咁就決定去試一試，鋪頭都比較大都容易搵位，餐廳都好特別主要都是自形式比較多，見到有下午茶餐都比較抵食，有其他小食選擇，我哋叫咗餃子。

間野喺Mikiki 一田隔離2:30-5:30有下午茶食 價錢大約22-26蚊左右 配嘢飲有熱蘆薈茶或熱柚子茶揀 加10蚊有烏冬或者公仔麵我哋叫咗一個天婦羅餐一個壽司餐 一個加$10配公仔麵 一個加$10陪撈烏冬呢個係黑蒜油豬骨湯公仔麵 大約有半個公仔麵份量 細細碗 上面有幾舊豬腩肉份量預咗比較細 而面就比較淋少少 但整體都ok 天婦羅有兩條炸蝦 一個炸茄子 一個炸蟹柳一個炸南瓜兩條炸蝦非常之大而且炸得好鬆脆 炸茄子有一啲太油 炸蟹柳同炸南瓜都幾好食之後個壽司餐有六件壽司 26蚊 配熱柚子蜜加咗$10陪撈烏冬六件壽司不過不失白色嗰舊魷魚壽司最好食 26蚊 配埋嘢飲算好抵個撈烏冬我個人覺得味道比較淡 可以再多啲醬

經開mikiki見到呢間比較抵食就試一試啦！結果有驚喜喎！男朋友嗌咗個原條星鰻炸蝦天婦羅丼$48一黎到 好 大 碗好抵食呀！！$48又有蝦又有星鰻魚！！但炸粉比較多而且個前菜同湯都好一般前菜係普通海帶但佢落得太少柚子醋搞到無味而個湯d麵豉醬個味都有少少怪同出面既唔同！我寧願佢減咗呢兩樣再平多少少或加少少錢做好d而我係迷係豬軟骨烏冬加五件壽司$48望落到好吸引呀五件壽司都好食呀！！分別係三文魚 帆立貝 北寄貝 鰻魚 玉子唔會因爲價錢而唔新鮮！都鮮甜架而豬軟骨烏冬都好食！只係個湯係味精湯不過咁既價錢都無乜要求了大家樂都貴過佢了呢個明太子燒玉子不得了只係$20但係係熱辣辣架！即整！而且明太子醬都唔姑寒！好重明太子味！只不過係壓得太實口感一般不過都係個句！好抵食！呢間定食8我一定會再黎架！好好食稱唔上但食物質素絕對對得住個價錢服務都無乜架啦哈哈後來上網搵一搵原來呢間餐廳係爭鮮集團難怪做到咁抵既價錢下次試埋其他先！！

Price is very reasonable. Great quality. The picture should explains itself! Self serve Japanese wheat tea!Sushi was well made with fresh ingredients comes with udon! Very satisfied with such priceSomething random but worth mentioning is their egg! It’s half solid and the yolk is also very sweet! I was so surprised by it, that was probably one of the high light of the whole meal set!

叫左個餐，烏冬加壽司，由1252落單等到1315，因為返工關係，要十分鐘內食曬，食得好趕，咩味道都食唔出，只想當快餐咁盡快填飽肚，應該係廚房出左事，好心啲管理層比多少少錢，請多一個人幫輕下啲樓面員工