鉄火堂 (登打士街) (Closed)

朋友想食魚生飯，就嚟咗呢度食lunch。餐廳喺登打士街，油麻地站行過嚟會比旺角站近少少。Lunch既餐牌有2版，1版係魚生飯配料，揀4款餸$59、5款餸就$69，之後再加既話每款$14。可以揀白飯/魚生飯，唔夠食仲可以免費添。餐牌既第2版係小食、沙律、飲品等等。跟飯有個麵豉湯送，味道唔錯，唔會過咸。嗌咗個5款餸既飯，但因為本身唔太鍾意食魚生，所以當中有3款都係熟食: 碎蟹肉、火灸三文魚腩、自家製甜蛋 (即係玉子燒)；生既就有三文魚同帆立貝。2種三文魚都好食、夠油份；碎蟹肉夠香，唔會有蟹殻碎；玉子燒就其實每碗都會送1舊寫住餐廳名既，但因為實在太鍾意食，都係另外嗌咗，印有餐廳名嗰舊比另外嗌既2舊細同埋乾身，始終都係送既冇咁好食；最後帆立貝夠鮮甜，總括嚟講所有餸都好味

之前係尖沙咀食過，見旺角有，即有去，感覺好似尖沙咀分店d餸比較多d咁呢間都係放工約人食飯之選，我最鍾意就係可以自己剔丼飯餸，夠自己同埋佢有幾個飯底可以揀，好特別除左壽司醋飯，仲有三文魚飯同菇飯，我都食過，覺得好好食，冇咁dry唔同刺身都有唔同價錢，一個飯至少配三個餸價錢方面我覺得都略貴，正常咁食個飯，都有$7x-$8x，包埋個味噌湯同埋成個飯整體份量都偏少，好似吉野家細牛飯份量，所以未必夠飽如果唔太餓，食呢個就岩岩好

又係我最愛既自選丼🍚Lunch時黎時好抵，可以係$59/4款，$69/5款，配料超過30款。可以揀白飯或壽司飯，唔洗特別加錢架，仲有味噌湯！火灸左口魚邊、珍寶帶子、甜蝦丼、三文魚1️⃣左口魚入口即溶，好好味🤤🤤火灸效果魚邊小小脆口，讚👍2️⃣帶子比預期大粒，勁厚身，大愛❤️3️⃣甜蝦有2隻，多肉，絕對唔係奀支支袖珍仔🦐4️⃣三文魚，新鮮鮮甜，帶有少少油脂🐟，可惜俾d蝦遮住左🙈依個價錢，性價比高，值得一試😋

大受歡迎嘅丼，食材每日新鮮到港，刺身都係厚切，非常鮮美。而且可以免費添加白飯或者壽司飯，而家做優惠只要讚好「鉄火堂」Facebook，就可以半價價錢享用到壽司🍣拼盤。·築地極上海鮮飯$158厚切五式藍鰭吞拿魚飯$158芥辣八爪魚$18櫻花蝦玉子燒$22

四色山葵醬油漬魚生丼 $118用醬油及山葵醃製三文魚、油甘魚、藍鰭吞拿魚、帆立貝，配上壽司醋飯。每款魚生都有3片，厚薄適中，份量剛好。三文魚顏色鮮亮，油份充足，肥美油潤。油甘魚鮮味甘香，肉質細膩，令人回味。藍鰭吞拿魚最正，肉質柔軟，魚味重且鮮美甘甜，用醬油山葵醃過，味道岩岩好。帆立貝嫩滑味鮮，配微酸醋飯同醬油山葵，味道好夾又開胃。味噌湯溫和味道唔太咸，飲完好舒服，有滑豆腐粒同海帶，飲完仲想添。餐廳仲有自選魚生的丼飯，可以按個人口味配搭出喜愛口味。環境裝潢同氣氛都帶有日系風格，服務亦服心有禮。

今日黎到旺角獨食！行行下發覺呢間網紅店竟然無人排隊喎 甘梗係入去試下啦😁😁😁😁坐位分佈比較枱貼枱 男仔大隻少少應該會坐得有啲迫 不過值得一讚 便地有係椅底預備膠籃俾客人放隨身物品 晤係攬住自己啲野 細心加分🥰🥰🥰🥰🥰坐底一陣店員有過黎介紹佢地當晚推介同埋有啲like facebook既優惠 部分壽司拼盤半價 好扺食 不過我自己一個人 應該食晤哂 所以都係叫番丼飯先😀叫左厚切五式藍鮨吞拿魚丼黎到賣相好靚 好似好細碗有啲少飯 不過晤洗擔心 呢到係免費添飯架😀😀😀吞拿魚好正！鮮味十足！最正係魚蓉 甜味出晒黎 撈飯食超正 其他吞拿魚雖然無入口即溶 但無根 有鮮味 對得住價錢😀😀 呢到係會搭枱 獨食既朋友要留意😀

鐵火堂係其中一間我好鍾意食嘅魚生飯，佢啲魚生飯好新鮮，而且配搭有好多，可以自選，又有好多set好嘅魚生飯，仲有壽司等等價錢經濟實惠，一啲都唔貴，最緊要係有品質嘅保證最鍾意食呢個default嘅吞拿魚魚生飯，有不同嘅吞拿魚部位，吞拿魚蓉、拖羅、吞拿魚腩等等，而且全部都好新鮮。非常好食！另外自選咗魚生飯叫咗白鳥貝、燒三文魚、蟹鉗、帶子，自選嘅份量比較多，白鳥貝有好多片，燒三文魚有三片、蟹鉗有四件、帶子仲有四件，而且都好新鮮！大滿足魚生飯叫咗冬菇飯，不過冬菇飯係熱嘅，所以相對地失色。

平時食海鮮丼 次次都一定over$100早2.日 去油麻地上堂 無意發現呢間鉃火堂雖然唔大 但都已經好多人 坐定定等開飯平時食開都係set好唔洗自己揀但今次除左揀set, 仲可以好似車仔麵一個個海鮮揀 仲要唔少選擇佢地仲有壽司， 小食 可以俾大家選擇海鮮丼 都好快到我手上我就揀左 三文魚子 馬刀貝 甜蝦 蟹膏 玉子加錢叫埋活赤貝好在飯量唔多如果唔夠食 係可以refill佢地食材都好新鮮我個人就最滿意活赤貝因為真係俾足咁多part而且配埋醬油 一流加埋都係$97

呢間野雖然就腳 但價錢好貴質素好差好差 叫左自選魚生飯 馬刀貝 帶子 黑椒三文魚 舊三文魚勁酶 黑椒又勁多 完全蓋曬三文魚嘅味 好唔新鮮 佢啲魚生質素簡直差過爭鮮 價錢好貴 勁唔抵食！

友人推薦食呢間野 但其實我之前食過其他食店既魚生丼都覺得麻麻地 所以都抱住一半疑惑入黎食🤣我點左59蚊4款魚生 分別係火炙左手魚，火炙三文魚腩，劍魚腩，蟹膏 壽司飯既醋味岩岩好 都幾入口 魚生都好新鮮 厚到啖啖魚生肉😍😍蟹膏分量可以接受 撈埋飯食真係流呀！ 其實有好多款可以揀 我諗下次都會再去試多幾款😏😏👍🏻呢間最好既係飯可以任添， 岩曬大食既人😬隨餐仲附上面鼓湯 正常味道～ 服務態度都好好 時不時會幫你加水😬

星期五自己一個人去旺角食LUNCH。去咗鐵火堂門口，睇到價錢好抵入去試下。 好似車仔麵形式咁$59有自選四款餸 $69就有自選五款餸。我揀咗自選四款餸呢個套餐。仲有一碗味增湯送。除左白飯, 仲有得揀咗要壽司飯 ，我叫鰻魚火焰三文魚蟹肉吞拿魚四款餸。鰻魚肉質夠滑，火焰三文魚味道不過不失，以這個價錢算超值。

間舖喺油麻地，位置不算偏僻都算易搵，最最最重要係人流唔多無需要等位，walkin入就有得輕鬆食。講下啲食物質素先，魚生飯都算出色，最重要有得自選3/4款，每樣份量都算多，食哂成碗飯都仲有魚生淨！至於魚生嘅質素都不錯，三文魚同炙燒三文魚都係厚切，入口鮮味都重，油脂多入口好化，值得一讚！吞拿魚蓉都好鮮唔腥，撈飯一流！同埋建議大家可以試埋個生蠔，大大隻之餘同樣鮮味好重，入口都幾Creamy，一隻承惠廿幾蚊，都值得一試。總括而言性價比都高，不俗不俗！

同男朋友食呢間井井飯 可以平食 同住添飯可以自由選擇唔同刺身combination of 井井飯可以叫哂自己鐘意的餸唔會好似出面set 死你不過 平平地食到井飯 唔錯選擇不過最驚喜係沙律 好大份

去到旺角食咩好 周圍都係嘢食 西餐中菜越南泰式樣樣有 今個中午同另外兩個friend去咗鐵火堂食餐日本菜 三個食完都覺得幾正 $59有自選四款餸 $69就有自選五款餸 我同個friend都係揀咗自選四款餸呢個套餐 有送一碗味增湯 我哋揀咗要壽司飯唔要白飯 壽司飯酸酸地都幾開胃 不過分量唔算好多 好彩呢間鐵火堂可以免費加飯 都幾好呀 我叫咗鰻魚蟹膏火焰三文魚帆立貝 四款餸來講呢 鰻魚都幾厚肉 醬汁都幾多 不過有少少腥味 但係我接受到嘅 蟹膏撈飯不嬲都好食所以呢個唔使講 帆立貝都好食嘅 但係我唔記得咗有幾多粒 唯獨火焰三文魚有啲失望 雖然都幾厚肉 但係火焰三文魚有連帶着三文魚嘅皮 喺三文魚嘅皮上面有三文魚嘅魚鱗 真係估唔到三文魚嘅皮洗得唔乾淨 魚鱗刮唔清 搞到我淨係咬走啲三文魚肉 唔可以一口成塊三文魚放入口食

試過一次下午茶時間響尖沙咀買過外賣，覺得價錢同質素都可以，今晚就帶埋朋友去旺角分店嚟試下堂食。朋友嘅最愛，Packing貨芥末八爪魚，呢個淨係响小食嗰頁搵到，丼飯嘅配料係冇得選。沙律菜都幾多，虎蝦都有六隻，不過鮮甜彈牙就爭啲，個泰汁都有小小辣勁的。炸蠔細粒啲，炸得唔錯，完全唔會腥。炸雞粒就普通啲，係薄嘅炸粉，雞肉鬆化得滯，都唔太似雞肉了。單點嘅壽司，我揀咗穴子同特大赤蝦。穴子一啲都唔軟綿，壽司飯有啲大嚿同有啲濕。赤蝦彈牙，但鮮甜味無乜。我嘅丼飯，原隻磯煮鮑魚最好食，嫩得來彈牙又入味，醬油香和甜味都好。醋鯖魚略為酸過頭，好在佢嘅酸味係溫柔的，都唔會話酸得太刺激。魚質都可以，唔腥。中拖羅還可以，有油但唔香，口感都一般。三文魚子好細粒，味道與口感都麻麻。朋友嘅自選丼飯， 象拔蚌鮮甜爽口同左口魚油潤甘香，鰻魚就好有彈性唔夠化。三個人埋單$1000，以三百幾蚊位嘅質素可以有更好嘅選擇，不過呢間如果識揀配料嘅話就可以好抵食。