外灘拾號 (Closed)

聽同事說，這兒開了一間門面骨子，走較高檔路線的上海館子，名叫「外灘拾號」，一天中午，便和另外幾位同事一起來吃午餐。結果得來的......卻是近期已經極少碰到的中伏經驗。其實這兒食物的水準雖未至於出色，總的來說還是及格的，而評價欠佳的原因則有兩個，「貴」夾「唔飽」。何以我會這樣說？這天我們一行四人，吃的是不想散叫時的最正路選擇 ----「午市四人套餐」（$498），套餐的菜式則有「香笋伴海蜇」、「鎮江肴肉」、「外灘鮮魚羹」、「醬爆雞丁」、「榨菜肉末配叉子燒餅」、「清炒時蔬」和「招牌小籠包」。先來兩碟實至名歸的「小碟」 ---- 「香笋伴海蜇」和「鎮江肴肉」。無疑「鎮江肴肉」的口感和味道是不錯的，「香笋伴海蜇」的水準也過得去，但兩道菜都份量不多，不需多時，已經吃得清光。接著是「外灘鮮魚羹」，這湯羹其實只有六碗份量左右，但這既是四人套餐，不是應該有四碗或八碗的嗎？現在這個比四碗多一點，比八碗又小一點的份量，可是兩頭不到岸的設計，結果便由我和另一位男同事一起多吃一碗解決這小問題。不過這湯羹還有一個較大的問題，就是湯味平淡，根本吃不出魚羹的清甜，實在是失敗之作。這兒的「招牌小籠包」既然自稱是招牌

年初二開年飯，在荔枝角區搵食，想到工廠區近運動場附近開了一間新餐廳 - 外灘拾號Ten On The Bund，一於和家人試試。說實在，荔枝角區中式食肆的裝修一向欠奉，Jusco開了後起碼有名苑，但名苑樓面太細，長期爆滿，所以我都不常幫襯；直至某天去長沙灣運動場跑步時經過億京，才發現...咦! 在這區難得有間裝修得唔錯嘅上海菜餐廳喎～原條牛肋骨是這裡的signature dish，幾乎枱枱必點，又真係好好味喎，啲肉炆到夠哂腍和入味，送飯一流。本來碟醉雞都唔差，但風頭完全被牛肋骨搶去:叉子燒餅:肉末普通，燒餅幾香脆。焗蟹蓋都好食，好快就被KO:上湯浸豆苗啲菜夠嫩：反而小籠包、鍋貼和雲呑雖然有水準，但與我吃過的皮薄餡靚、肉香多汁小籠包還是有點距離，講到這裡，只能嘆往事只能回味，在記憶中的味道，永遠是最好的...雖然已經很飽，但還是能把整個香蕉高力豆沙吞下:家人整體對這間新開張的外灘拾號一致好評，食物有水準、裝修是同區難得的精緻，連鐵觀音茶葉也不賴，這餐開年飯，真是羊年好開始!

雖然是平日及位於工廠區，但是晚餐時間亦人頭湧湧。幸好有提前訂枱，所以不用等。裝潢不算豪華但雅致，工作人員態度良好。食譜以上海菜為主加上京，川以及江蘇菜，甚為豐富，價錢與各大連鎖大酒家相約。今次嘗試了紅燒元蹄，黃魚，家常餅，黃瓜粉皮，小籠包，津白。其中元蹄及家常餅有驚喜！至於甜品就點了高力豆沙及蘋果鍋餅，甜度，溫度適中。

自己婆婆是上海人，難得今年牛一有時間一齊吃飯，就膽粗粗帶咗成家人去食呢個外灘拾号(<呢個字好難打)，雖然去果陣被屋企人話點解要去工業區度食，但最後好在味道等真係好好，所以OVERALL我畀8分呢間餐廳。 一早訂定位，7點幾既時間唔太多人，但見到WALKIN來的已要排隊，由於我已做定晒功課，所以無咩點睇餐牌下就叫左差唔多8樣嘢FOR 8 個人食， 原條內蒙雪花牛肋骨 必吃●●●●● 我全家都因為呢舊骨而一人一碗飯，牛肋骨超腍，而且超多醬汁，強烈建議一定要叫飯如果你食呢個 陽澄湖海鮮湯 必吃●●●●○ 可能本人唔太喜歡吃蟹(雖然都有食晒)，呢個湯都算做得唔錯，唔落胡椒粉都OK，有蟹有魚有菜等，婆婆就食得幾高興  上海味●●●●● 婆婆話崧子雞米抗衰老，不過香口惹味又健康，加埋個燒餅都好正，脆口又唔太油膩，可以試試！ 水煮魚片 辣度●●●●○ 呢個做得幾有上海味，夠辣，個魚片都入晒味，喜歡吃上海菜一定要吃。 Overall好好，環境同服務都上佳，價錢算上等，下次會再來，吃辣的人一定鍾意。

環境意想不到，系九龍區未見過環境甘好既外縣菜。同男朋友見到就入去拎位，原來無訂位都幾難有位，最後都等左一陣先有位子食。男朋友都系做開上海菜既所以我地對上海菜要求都幾高既叫左燻蛋，醉鴿，家常餅，小籠包，鍋貼，香辣蟹，高力香蕉豆沙燻旦 味道很好，有糖心效果 醉鴿 酒味很重，仲落左玫瑰露 我地都好滿意呢兩道冷盤家常餅我就比較喜歡食，但男朋友就話少蒽得制我個人比較唔中意食蒽小籠包 皮夠簿肉質新鮮湯汁多香辣蟹就差甘d辣味，所以麻麻地最後甜品高力香蕉豆沙 好味大致上菜色都味道都幾好下次一定再黎試其他送

我一向都麻麻中式野，但估唔到衣間堅好食，—而且裝潢環境新潮而不跑題，我自已來食都覺得潮！是最近最深刻的中式食府😀當天食了好幾道難忘的菜，香辣龍蝦，蛋白鑲大閘蟹蓋，連肋骨大塊牛肉，上海心太軟，還有各款少吃，每道也是水準之作。香辣龍蝦，夠香夠刺激而不油！此作辣味掌握得恰好，不但沒把龍蝦鮮味覆蓋，味入骨殼，另到吮殼也是一種樂趣！比起食得要厭悶的清蒸芝士焗，確是驚喜之作！蛋白鑲大闡蟹蓋，大闡蟹蟹蓋雖細，卻深，當蟹肉與蛋白在蓋中混合翻滾，蟹油都因深的空間混合得淋漓盡緻，一見其相已知是極品，一吃就更不得了，蛋白頓成香滑蟹肉，啖啖蟹香充滿口腔，滑不溜口地從舌尖滑進喉嚨，感覺像吃了一隻多的蟹肉，卻沒食了整隻蟹的油膩感，認真大滿足！連肋骨大塊牛肉，這裡招牌之一，因為味道的獨特 ，我想不出他的調味的玄機，只能說一食上癮，吊灑鬼，平時懶有風度的我也不禁搶多塊來食！太軟，味道太特別，只要不是對牛敏感，也不能不愛上牠！其他特色小菜上海心太軟，蜜棗鑲糯米，蜜棗甜甜，糯米軟軟綿綿還有不得不提醉雞，沒特色，但太出色！魚子香薰蛋，聽已知道是絕配的組合！魚子鹹香溶入蛋黃，加上經煙薰的蛋白，必食佳作佢連個尾盤蓮容包也很出色

因為依間好好服務態度同食物比想像中好，所以決定為佢寫下第一編食評環境好好，餐廳有種高雅感覺門口旁邊有落地大玻璃，吊燈幾別緻，枱與枱之間一啲都唔迫，有鬆動。脆膳ok，好香鎮江醋味,但食得多會好流涼拌海参 ，海参平身就係冇味，要靠醬汁調味，但海参本身好爽脆，加反唔少分好食過頂泰豐好多👍多汁.唔會厚皮好一般嘅蒙牛，但配佢刀削麵就好一流，十分彈牙蜜汁火方腐皮不及霸王山莊厚脆，但個蜜汁十分一流，，冇一種死甜味，淡淡桂花香，一啲都唔流，一定要試中式心太軟喜出望外嘅中式心太軟，，桂花糖配靚紅棗，大大粒紅棗中間夾住軟熟糯米糕👍👍👍真心好食特別要讚係依度服務態度十分良好，，雖然有口音但唔好介意，因為佢地係真誠服務態度，好好笑容，主動推介，同其他客人有傾有講，巧遇格黎枱客對有口音嘅服務員冇咩禮貌，感受到服務行業人辛酸！

正位於荔枝角工廠區入邊既外灘拾號是我放工會帶朋友來食既新食府，岩岩新開無太多人識，用餐時唔會好似街市咁熱鬧，可以靜靜地同朋友一同食嘢既好地方，全場大約有廿幾張臺，我來果陣坐滿了七成，睇黎滿爆既地方不遠，還是快手食多幾餐先。小人精選四種必食菜式外灘片皮雛鴨 – $169一隻佢地唔會係度直接切啲皮出黎，啲待應會拎出黎畀我地睇下，跟住拎返入廚房切，有好有唔好，食客角度永遠覺得係唔係換左，但衛生上同擺碗上，拎入廚房係方便D既，件數唔算多，但皮脆同埋可能拎入廚房切會細心啲，無咩肥膏(個人係食皮，但不愛吃膏)蟹粉小籠包 - $36唔多形容，總之皮薄餡靚，必食招牌崧子魚 $280原本我地成台都覺得真心有點貴，但最終有嗜魚的人話一定要食，所以叫左。呢條魚等咗大約15分鐘左右到，拎上台有少少滋滋聲，相信係岩炸起，個個二話不說起筷，酸甜度剛好，加上新鮮炸起同魚肉夠嫩，好快清碟。另外都叫咗刀削麵同清炒河蝦仁，都算係水準之作，Overall個量同質量都幾好，值得再來。*鍾意食蟹既可以來，菜單上有近一半都係關於蟹的。

從來對我來說，高級餐館只會活在尖沙咀，銅鑼灣同中環，誰不知荔枝角這個工業區也會活化成為一個有高級食府的地區，這次跟同事來到荔枝角食晚飯，剛進去就完全感覺得到是一間高級食府，大到不得了的酒櫃，還是說回重點，我未食過正中的上海菜，這間餐廳的風格給我的感覺很有上海風，老實說我不太懂上海風，但餸菜到來後，大杯酒，大塊肉，有點辣，食得非常豪邁，特別是這個大大的牛骨，上面放著非常軟淋淋既牛排，入口即溶，真係好爽，但每每上一碟菜的時候，心裡都很矛盾，大塊肉當然好吃，但吃這麼多，之後要做多少運動才會減到這個卡路里呢，最終。。。美食跟食慾戰勝一切，間唔時食一餐半餐應該可以啦HEHE 除左牛排外，特別對薦吃這個蛋，自己這晚就叫了人頭兩個也不夠數，還有這個冿白湯，味道厚實而不覺油膩，這個醉乳鴿也不錯，最好吃個人認為係小籠包，小籠包點先為之好食，湯熱，皮薄而不串，用筷子夾既時候係夾小籠包既頂部，千奇唔好夾中間或者下方，因為咁好易整串個小籠包皮架，呢度食既小籠包內涵十足，湯底夠燙，點小小醋吃，大家食個陣小心燙親呀HAHA 最後給大家對薦甜品叫做拔絲香蕉，我都係第一次食呢個餸 希望大家鐘意啦

（又是令我在OK與喊面之間掙扎良久的食店，最後決定給OK）見時候差不多，便起行往位於工廠區的《外灘拾號》去，這晚的目的地是由友人提議，再由大家票選的。距D2 Place不遠，過一條馬路再走多幾十步便到了。餐廳燈火通明，在黑暗的工廈間尤其顯眼，有種「獨立」小屋的錯覺（只限晚上）。不過一向支持正體字（繁體字）的我就不太喜歡招牌上的簡體字嘞（可惜簡體字已是大勢所趨，但正體字才是真正的香港情懷啊），嗯，可能餐廳由大陸公司投資，想保留特色吧。到埗之時友人們已就坐嚕，這回在入口旁的位置，好處是可以望街景，壞處就是難免成為出入的必經之地。不過餐廳的樓底特高，中庭位置的吊燈更是時尚。裝潢貴氣而不俗套，看得出花過不少心思。店內其中一旁放了一排酒櫃，嗯，不少新派中菜館也有相若的設備，感覺有如西餐廳般。若單看店內環境，確會令人忘記了自己身處工廠區之中。餐桌上的餐具也可算是一絲不苟，那摺得四正的餐巾，就算是貴價私房菜也未必有這樣的規格。menu以啡色皮套包著，封面少不免印上店名。題外話，簡體字我算是會看，某些較不常見的則只要有上文下理也懂，但我實在很不喜歡簡體字。幸好內頁全都是正體字，排版亦讓人看得舒服。這天

餐廳好有上海既味道，在工業區能有呢種環境既餐廳好意外啊！小籠包既皮好薄，湯汁好多好甜！仲有脆膳、燻魚、燻蛋都好好味！最重要價錢好便宜，比其他既上海餐廳便宜好多！有機會一定要經常光顧啊！

見有新野開張，緊係同班搵食同志食下，不過約左好耐晚飯都未約到，就決定試左lunch先，lunch 大家自然簡d麵食下，見到蒙牛刀削麵，蒙牛兩個字都幾驚下，但見係推介就即管試一試，果然係推介，無中招，牛肉炆得夠諗夠入味，有d似紅燒牛肉，刀削面煮得剛好，湯底清甜，同事叫的上海粗炒，排骨湯拉麵和兩面黃，就不好意思加d口水落去，各有各食，但佢地都話不錯的， 由其兩面黃，麵煎得夠香口， 我見到都想食， 另外再點了小籠包share， 皮夠薄，湯夠多，好食，下次一定要食餐晚飯，試一試小菜功力

附近做野,不嬲鐘意上海菜,新開呢間外灘拾號單睇門面,菜單已經好吸引到我啦,加上呢區比較二線,定價合理,性價比高,對於附近返工既我地,真係岩晒一餐開心既晚上, 同事門都露出滿意既笑容, 睇黎呢到將會成為我地既飯堂啦

透過朋友介紹去到一個我從未想過去的區吃晚飯--荔枝角。一到餐廳就已被餐廳的裝潢設計吸引住，高貴而不花巧，感覺非常舒服。之後，打開餐牌，當然馬上留意價錢，因為我心想在這環境下，價錢都應該會偏貴。可是，我仔細一看，價錢都相當合理。冷盤我會推個海折頭，因為海折頭非常爽脆，味口也相當恰當。其次是雞絲粉皮，他們用的粉皮非常Q，而且個醬汁也非常美味。至於湯類，我點了砂鍋雲吞鳼，湯淸甜，足火喉。而雲呑大小適中，一食落口雲吞的肉會有一種會令人懷念的味道。主菜點了五個，最值得推介是原條水煮魚，因為我從來都不太愛吃水煮類的，但這家的水煮真的非常香而不太辣，個汁香口到你不禁再來一口。最值得推介的甜品是八寶反，用桂花糖汁，非常清香，而且不太甜，糯米亦非常Q。其他沒推介的菜也不俗，都算是一家很值得試的上海餐廳，無論食物、環境、服務和價錢都是會令人滿意和驚喜的餐廳。

真想不到在荔枝角能吃到如此高水準上海菜！環境裝修好靚，經理介紹我們吃'雪花牛肋骨' 和 '陽澄湖海鮮湯' 牛肋骨炆得夠晒淋，賣相亦好有氣勢。個湯跟半隻大閘蟹、蝦球、龍脷柳仲要有臘燭熱住，非常認真！，我們3人埋單，也只是500元左右。另外小籠包及家常餅也是水準之作，小龍包個皮都好薄湯水都好夠，值得推介👍今次中午去食，可惜要等15分鐘，所以最好先訂位。