天丼てんや

Open Now

Now Closed

一直以來我也喜歡吃香口炸物，而天婦羅便是其中一款，這天跟朋友到青衣城覓食，一嚐這家有近30年歷史，於日本有200多間門市的天婦羅專門店。這個日本No.1 天婦羅真的名不虛傳，即叫即做，精選縣內名產，不用點醬汁也非常好味！丼中包括口味鮮甜帆立貝、鮮甜彈牙魷魚鬚、鮮甜黑虎蝦、甜美可口大竹輪、大大個香脆牛蒡炸餅！升級套餐還可加$30可配淮山蕎麥冷麵及兩小碟前菜

讚1. 有效率，雖然要排隊但又唔會等好耐，上菜快，啲客又唔會慢慢食2. 炸得唔錯，雖然炸漿就厚左啲，但脆得黎唔硬身，唔刮嘴3. 天丼汁任落，同其他天丼店唔同，大方彈1. 飯麻麻，太乾身2. 其他配料都好普通，連杯茶都淡過人3. 環境實在又逼左少少

好質素的丼類餐廳，居然在青衣城有得可享用，太感動啦～一行3人等位等左45 分鐘，仲要齊人先入得去，無辦法啦，為左食好野，等幾耐都係值得嘅！食食吓見有有位太太（老闆娘嗎？）走來請人試食新研發的甜點，嘩，是我喜歡的綠茶布丁，實在太驚喜了，豐富的綠茶味道充滿口腔內的味蕾講返主餐，叫左個限量青森天丼，食材超新鮮，魷魚煮得軟度恰當，黑虎蝦亦相當鮮甜超美味，特大竹輪係我到現時為止食過的最好味的竹輪，紫菜鬆脆又美味，併埋一齊一碗超大碗的青森天丼就形成啦，都比我想像中好食，值得推介

係北角開完會，9點先走，一路行一路諗食d咩好呢，突然諗起青衣城有間日本丼飯店每次行過都爆多人排隊，6點已經大排長龍。即刻seach下收幾點啦，21:45唔知趕唔趕到。結果，21:41壓線入到去。入到去待應都好熱情，即刻比杯熱茶你，再比餐牌你慢慢簡。比著我都會黑面，臨關門先黎落order...但待應好有禮貌，不得不讚揚一下。最後點左個天婦羅湯烏冬(豬骨湯)，一上碟好豐富，一大碟天婦羅(蝦x2,豆角x2,茄子x1,蟹柳x1),一碗湯烏冬，天婦羅汁(仲有夢白蓉自己溝落去)，烏冬都幾彈牙，唔係普通貨。主角天婦羅緊係無得頂啦，即叫即炸，新鮮熱辣，炸粉夠薄，香脆可口，入口唔會覺得油膩。是次用餐不錯，環境舒適，待應熱情，唯一缺點係無得拎飛等位，只能夠排在門外等位，不能走開。

阿娘放假冇住家飯食，一個人食唔想煮，但又唔想食茶記、快餐店、車仔麵、米線... 於是，搭車去遠D搵食😆上次約朋友食飯，已經想試這間天婦羅丼飯店，但看見門外的人龍就怕怕，難得一個人，應該較易有位。星期一的晚上，六點幾到達餐廳，店內差不多滿座，而門外亦有數人等位，等了一陣，好快就有位。餐牌有兩個，一個是丼（附送麵豉湯），另一個是定食（可配白飯、蕎麥麵，素麵或烏冬），除此之外，亦可追加各式天婦羅。原本想食期間限定的「青森天丼」，但已經售罄，於是選了其中一款人氣熱賣 - 巨星天丼。巨星天丼的材料很豐富，包括虎蝦、帆立貝、魷魚、蟹柳、紫菜、本菇及四季豆。虎蝦：肉質尚可，但味道略淡帆立貝：size適中，味道不錯魷魚：淡而無味，唔翻睇餐牌，完全唔知係魷魚蟹柳：味道最好，加上啖啖肉，好味紫菜：紫菜上有一層疑似魚肉，都算脆口本菇及四季豆：炸蔬菜，蠻有驚喜，食到蔬菜的甜味白飯：珍珠米配上天婦羅醬汁，很惹美，身為專業飯桶，覺得這碗飯少了一點，如果多三分一就好（當然可以追加白飯，但我會選擇追加天婦羅😆）Ps. 餐廳冷氣充足，等待食物期間，略嫌太凍，要不斷飲茶保暖。

在青衣一帶工作 自天丼開張感覺好像日日都排長龍 今日花點時間掛下隊等了約20分鐘 一試究竟哈哈 去日本時記得有師傅分享過 天婦羅其實對食材的要求十分 因為食材不夠好 簡單的炸粉及油不會蓋過食材不好的味道 店舖有多款唔同既set 天婦羅丼飯 天婦羅烏冬 等等我就要了冷蕎麥麵 金黃色的天婦羅 即叫即做 雖然要等得比較耐都值！外表炸得酥脆 有蝦、魷魚、南瓜、四季豆等等 吃天婦羅有先後次序 先吃海鮮再吃蔬菜類天婦羅的麵衣與油炸香氣剛剛好突出食材本味 呢間做得很好 可ENCORE! 

今日出左青衣城行街，順便諗住食個飯..見到水牌有呢間「天丼」，未試過就諗住試下啦！落到樓下先知係食天婦羅，見價錢唔貴，就決定試試，不過我地5點去到未開業，5:30先開場，咁唯有行多陣先啦⋯⋯5:20左右落返去，已經見到有人排隊，好彩我地早到，等左一陣就有位啦！稍後時間已經排到好後啦😵一坐底就有杯茶，不過唔知係咩茶..由於排隊期間已經諗好食邊款丼，所以入座後就可點菜！我地㨂左天丼同上天丼..包麵豉湯🤤飯既份量其實唔多，不過天婦羅比較膩，所以我地都夠飽肚....特別一讚，天婦羅唔厚粉又夠脆..整體味道都唔錯，可以再食～

天丼剛開業時大排長龍，一直想試！今日難得平日，比較少人，排6,7個就到了😋店裏的茶是玄米茶，很好喝呢！Menu有很多選擇，我們從menu選了兩個店舖推介的定食，巨星天丼和天婦羅烏冬。天婦羅🍤的確做得不錯，除了經常可以吃到的蝦、茄子外，還有天婦羅豆角,紫菜,魷魚,金菇,蟹柳等。想不到紫菜也可製成天婦羅呢！我點了白湯烏冬，有點味精味道，好像出前一丁豬骨湯，不過吃完沒口乾，應該只是味到相似吧！下次試試冷烏冬😋

暑假既尾聲，由佢一開就來試，日日都排長龍既日本過江龍店天丼，今日好幸運，等左一陣就有得入去啦！依堆全部都係飯炸蝦天婦羅飯黎，當然有唔同既配料睇你想食邊款！仲有蕎麥麵，冷麵，湯烏冬配炸蝦天婦羅睇見款款都想試呀！又想試下依度既雞肉，炸過之後雞肉都好嫩口呀⋯⋯首先由於一大一小既關係，我叫依個輕量少少，好好味呀⋯⋯加埋枱面既汁但炸蝦.....現實同幻想天婦羅烏冬，個碗烏冬好大碗夠晒多既份量！相信食左依set會好飽！食烏冬食一半都夠晒飽，條炸蝦好大條

青森縣產米粒軟綿，呢度既天婦羅🍤即叫即炸💥 炸得非常脆口，最重要係佢炸粉厚度適中，唔會成口炸粉之餘更加唔會有油膩感覺😳 係佢最吸引我幫襯咁多次既原因👍🏻 仲有呀‼️ 成個丼飯完全比天婦羅🍤覆蓋住左🙈<青森天丼 $88 (期間限定📅)>今次期間限定既青森天丼🍤 食材全部由日本🇯🇵青森新鮮直送✈️ 份量超級充足😳 除左招牌黑虎蝦🦐之外，仲有魷魚鬚🦑 (稍微有點難咬開但都夠厚實既) 超長既竹輪(佢仲話得半條🤷🏻‍♂️) 牛蒡炸餅(好濃烈既牛蒡味道，有少少似蔬菜炸餅) 帆立貝同炸紫菜(呢個夠曬驚喜😍 薄得黎好香紫菜味)💥<天婦羅🍤蕎麥麵(冷) $78>蕎麥麵🥢沾上混入左Wasabi既蕎麥麵汁充滿住冰涼同爽口感覺🤤 解暑一流🥇 拍得住日本🇯🇵既質素👍🏻 令我諗起上年喺京都貴船食既流水麵💦🍜 一樣咁透心涼❄️ 搭配既天婦羅🍤就分別有黑虎蝦🦐 蟹柳🦀 南瓜🎃 四季豆同蓮藕，同樣都好高汁架💯㊙️因為天丼(Tenya)同日文1️⃣8️⃣同音，所以每個月18日都會有唔同既優惠出架‼️

今日特登一早去呢間餐廳，趁未有人排隊嘅時候，早啲嚟就唔使排隊都可以食到呢間出名嘅天婦羅丼。 天婦羅即叫即整，等咗幾個字先有得食。天婦羅材料新鮮，粉漿唔厚， 價錢合理，可以一試。

之前係日本食過呢間Tenya,一直諗諗不忘。知道係青衣開左,但條隊成日都好長!今次行過見到冇人排,拿拿聲入去食先!海老穴子天丼全部天婦羅都好正,最鐘意係件穴子加埋佢地個汁真係好好送飯

同女友行街 路經青衣城佢突然醒起附近有間頗有名氣既日餐就二話不說捉左我去試🧐6點正到達 人龍還可以 6點45分左右入座環境方面座位並唔係太多 光線頗為光猛 但未去到令人覺得刺眼👀員工方面態度正正常常 有耐心講解🗣👍🏼同女友每人叫左一個炸物套餐佢就要左冷蕎麥麵 而我就叫左個豚骨白湯烏冬食物方面整體擺盤睇落都頗為大方 炸物則有五款 - 蓮藕口感非常爽口 - 大蝦反而就略有失望 肉質不彈牙 比較霉 似係處理過程中浸左好耐水- 茄子油膩感不重 - 蟹柳.... 咪蟹柳囉😂- 四季豆反而比較有驚喜 鮮甜有咬口佢寫明告示炸物為即叫即炸🍤出到黎表面個層炸衣已經唔係話特別脆口雖然唔係淋 但係凍的🤨值得一贊既係佢既天汁 濃淡度適中 調味得很好👍🏼烏冬份量比較多 食完已經好飽肚湯底不過不失 出前一丁湯底味烏冬偏扁 食落口似上海麵😕 呢間係一間天婦羅專門店雖然我地無食佢主打既丼飯不過餐目上既菜式並不多 相信應該可以做得更好🙌🏼💪🏼 埋單($181 有加一）

😂 睇完戲 ，難得見呢間 唔洗排好耐，平時勁多人，即刻去左攞位先。 位置唔算寛落，但勝在都涼爽乾淨，可以接受到終於隻左個炸天婦羅隻，都meet 到我d 要求。水準都幾高，係人多d, 要等位。

星期日晚都好多人！6:45排到7:30先入到！但等位都舒服，有得挨下。巨星天丼乜都有，都幾好味，但個碗略嫌細左啲，男仔未必夠食。天婦羅蕎麥麵/烏冬個湯好正，係柚子底，有心機仲有一絲絲柚子皮鋪湯面，好清新，同會消左油炸天婦羅既飽滯。所有天婦羅整體都好新鮮好味，唔會太油，又熱辣辣。但正因佢唔太油，男仔食飯食麵都真係唔多夠飽，但青衣城物價黎講，呢度算抵食，食七分飽都健康呀！另加左天婦羅雞肉（$18）同溫泉蛋（$12）。