天丼てんや

Open Now

Now Closed

日式天婦羅同平時食開嘅有啲唔同，唔會係勁脆卜卜！叫左個雜錦天婦羅飯，因為想食穴子(鰻魚)所以揀左呢個飯😍 天婦羅唔會係炸到勁脆，但係食落都唔會油淋淋，除左蝦之外仲有紫菜，蟹棒，豆，茄子同我同最想食嘅鰻魚🤤 個飯就加左自家制嘅醬油，唔會乾曾曾咁！ 不過全部野嘅味道唔係好重，有少少淡，尤其條穴子好似完全無味咁🙁 如果調味可以再多啲就會更好喇！

最近同朋友密密食，得兩個鐘空檔都不忘約朋友出黎食下野吹下水，發現青衣城除左行街都有好野食，是但叫左個天丼食，估唔到都大件又抵食！下次要試下其他生既野先，又係時候約朋友下一次既搵食時間啦！BYE!

今日係青衣城搵食, 見到一間新日本野食天婦羅好多人排隊, 甘當然要試下先.等左10分鐘左右後 , 就有位可以入去佢個裝飾好光猛, 衛生都唔錯我地叫左海鮮天婦羅飯同雞肉天婦羅飯.先講份量, 飯方面佢地用日本米, 值得一讚既係佢地既飯係岩岩好濕度, 唔會濕黏, 有日本文個隻口感, 但個人覺得肚餓既男仔應該唔夠食. 但唔記得可唔可以叫多飯tim..天婦羅方面, 炸粉唔厚 好香脆, 估計人多密密炸關係全部都好熱好好食細至小竹筍都有炸粉包圍, 食才個人覺得唔錯 好食(佢有一個天婦羅醬汁, 似甜豉油但相比下比較稠)點左汁之後我認為更好, 甜甜地同本身既炸物好夾只係跟餐既麵豉湯略咸, 不太好飲P.S 會再次光顧!!

都開業左幾個月但依舊平日夜晚都長龍不斷。見到poster出左廣島蠔天婦羅就決定排隊啦！夜晚唔想食咁飽就想清清地食冷烏冬，但所配既天婦羅就得一個組合，想食蠔就要另外加$32要廣島蠔2隻天婦羅冷烏冬定食$78（蝦、南瓜、蟹柳、四季豆、蓮藕）本人食過其他天丼，認為蔬菜類甚為出色，因為原材料好味，南瓜本身好甜，蓮藕係爽的。天婦羅汁配以白蘿蔔蓉可以解除油膩感，冷烏冬份量不少，配以汁醬青蔥wasabi 同姜蓉，好好味😋廣島蠔2隻$32蠔都幾大隻，好好味呀😻，不枉我排隊。

每次去青衣城大部份時間都見到呢間舖排長隊，我Shopping完甚至食完餐都仲排緊，真係唔明白，今日17:30經過無人龍即管試吓，招呼不錯，有禮貌，叫咗巨星丼同天婦羅定食，大約10分鐘到，即叫即炸保持熱度及脆度，我覺得天婦羅漿控制得幾好，鬆脆得黎唔算太厚，不過炸物嘅黑虎蝦，帆立貝，蟹柳都一般， 總括呢個價錢都中規中矩， 不算物超所值， 不過個人認為 如果要咁樣排隊就未問有啲不值， 當然呢個係見仁見智嘅!

開左咁耐都未去過，因為次次見都好多人排隊。這朝，在開鋪前排隊，所以唔曬排很奈就入得去。裝修都ok的。是位置有點逼同朋友各叫左一個蕎麥冷麵套餐同熱蕎麥麵套餐⋯個蕎麥麵是選醬油底，都幾濃郁的湯底，麵質好ok~天婦羅熱的，但是隻蝦無味⋯其後炸物都一般的，都ok的⋯我覺得同和民的相同蕎麥麵套餐差不多⋯ 但是$78，都可以接受⋯就是唔包飲品，有免費的玄米茶⋯我覺得可以接受的⋯

呢排咪好興日本天婦羅過江龍嘅🤩而呢間暫時係我見過價錢較親民嘅一間👍🏻佢最普通嗰款【天丼】只係要$49!啲料仲要唔hea有虎蝦魷魚茄子四季豆同炸魚😍圖一嗰隻就係【淺草海老天丼】 $75有成3隻蝦!岩中意食嘅你🥳佢地用嘅炸粉好香唔會好似食成舊粉團咁😋仲要用嘅飯量岩岩好加上每張枱都有瓶天婦羅汁好正呀🤤宜家開左另外幾間日本天婦羅丼飯嘅但係我都係覺得呢間最抵食呢間係我會encore嘅一間餐廳👍🏻✨✨

香港人很有食福，又一日本餐廳進駐香港，日本人氣天婦羅連鎖餐廳「天丼」進駐青衣城，下午六時開始已經排長龍，香港天丼和日本的不同，日本是自助形式叫餐，而香港是有侍應招待的，大約等了半小時便有得吃，餐牌簡單主要食物為天丼定食、天婦羅蕎麥面定食（冷/熱）、天婦羅烏冬定食（冷/熱）。餐廳所有食品是即叫即做的，落餐大概10分鐘便有得吃，我們點了一客巨星天丼，包括有黑虎蝦x2、帆立貝、本茹、魷魚、蟹柳、紫菜、四季豆，天婦羅滿滿的盛載在飯面上，很有份量，還點了各一客天婦羅蕎麥面熱食及冷食定食，天婦羅的炸醬很薄很脆，沒有油膩感，白飯配上日本醬油（任落），怪不得開業一年仍然那麼多人排隊幫襯。

和友人週末來食午飯長長的隊伍結果大概排了半小時相反對面的美登利顯得有點冷清一坐下其實只有2個餐牌選擇不多主打招牌菜就是天婦羅然後要選擇的就是配飯還是麵我選擇了蕎麥麵然後再加了$18追加了雞肉天婦羅 感覺還是有些肉下肚會比較飽原本的天婦羅其實已經有2隻大蝦 蟹柳和蔬菜 天婦羅入口非常香脆再配醬汁簡直完美蕎麥麵分量也不少而且非常彈牙 個人認為比烏冬更勝一籌最後店員服務亦非常好 雖然我們已經用完餐而外面大排長龍 店員不但沒有催我們結帳而是不停為我們加茶價錢方面亦非常實惠絕對推介！

個人好鍾意食天婦羅蕎麥麵，每年去日本玩都一定至少食一餐，聽朋友講話呢間嘢好掂所以特登過嚟試吓。星期六lunch hour, 排隊一個鐘左右有位都算ok嘅，排隊嗰陣前面同後面個family都係講日文，心諗如果連在港日本人都慕名幫襯應該冇伏。果然，井飯方面，size大份抵食，米飯食得出係日本珍珠米，濕潤飽滿軟硬適中; 天婦羅炸得乾爽唔油膩，粉衣夠薄身，食材新鮮，海鮮唔腥，雞肉肥美，蔬菜不帶草青味; 蕎麥面就紅湯同白湯都有試，白湯清爽，紅湯濃郁，蕎麥麵真心推，口感似手工製品，彈牙爽口真係有蕎麥香。個人推薦天婦羅蕎麥麵套餐配白湯。最後不得不讚吓啲員工嘅工作態度，好笑容又親切，難得仲好有耐性，隔離枱有個婆婆同孫女對點餐有啲問題，有個幾後生嘅女店員好細心咁解釋點餐流程，又指出幾個比較受客人歡迎嘅套餐畀兩婆孫參考，真心讚。

常去日本的港人對該店名字絕不會陌生，因其在日本本土開到成行成市。自該品牌進入香港市場後，頗得港人寵幸，門外經常有顧客排隊等位。承傳日本在店外展示食物模型，該店亦有模型及價錢展示。食物模型製作得栩栩如生，令人看見到都想進店一嘗。室內座位都一如日本分店，排放得頗為擠迫。該店多處顯示醬油來自日本本土作為其賣店。前菜三小碟屬簡單但上乘開胃之作，本菇沙律、牛蒡和醃蘿蔔都具頂級風味，確屬食到停不了口。天丼製作認真，食材頗豐富。鱿魚、魚、南瓜、蝦及四桂豆等都泡製得香脆可口且有嚼頭，配上麵豉湯，實屬佳配。海老穴子天丼亦屬上乘之佳作，除蝦、蟹柳、南瓜等，亦有頗具份量的鰻魚。食材舖滿碗面，食落亦覺是用心製作之炸物。炸粉份量恰到好處，既能保存肉之鮮味而又不致喧賓奪主。蕎麥麵屬冷麵之作，配上鮮炸天婦羅再加特選醬汁及食材進食，實屬一絕。總括而言，該店出品達日本本土總分店之水平，怪不得門外經常有顧客排隊等候。

—撞正放lunch time 好彩一個人唔洗等位直入餐牌好簡單 睇下想要咩類型嘅炸物 要飯定麵天丼($49)包括虎蝦/魷魚/魚/四季豆/南瓜即炸嘅關係都等咗陣 黃澄澄脆漿包裹住 薄脆而不膩增加脆感又輕易品嚐到食材味道碗飯比較少 而且醬油倒多咗 要撈勻嚟食隨丼附上嘅麵豉湯 湯料幾足座位比較緊拙 好多時要搭枱同埋食完好快收走咗個盤 唔坐得耐———————————————————天丼 Tenya青衣青敬路33號青衣城地下G02號舖

青森天丼 配麵豉湯 + 升級套餐 (淮山蕎麥麵+2個前菜)評價：⭐⭐⭐⭐ 🍤 個天丼份量爆燈！啖啖肉！黑虎蝦、帆立貝、牛蒡、魷魚鬚、特大竹輪、紫菜，天婦羅樣樣都大大件! 個人最愛魷魚鬚，因為炸完仲好juicy彈牙!🤤竹輪幾乎成隻前臂咁長🤣 另外帆立貝天婦羅好少食到，有驚喜😯 個汁令整體加分！炸粉再薄啲更佳 🍜蕎麥麵上面放左淮山，濕濕地食落口感唔會乾，不過留意番 冷麵汁偏咸~🍎青森蘋果汁比一般蘋果汁飲落好濃郁好多!值得一試~🌽前菜個粟米好甜 魷魚辣辣地 正👍🏻 個青森天丼係限時供應，唔少食材都係青森縣直送。我覺得咁多高質材料黎講，呢個丼性價比極佳！  

好難得青衣城閂左兩日終於開返，一起身就落去排隊，都唔算話太多人，未排到去玻璃門，不過果個自動門長開就會排到有d熱。有位短髮阿姐（食客）無啦啦衝左去隊頭嗌：「四位！」好彩店員叫返佢去排隊，佢仲要問：「係咪幾多個人都係呢度排隊呀？」我參透唔到佢問呢個問題背後既含意，同朋友研究左一陣，都只係覺得佢既動機無非係 唔 想 排 隊！一坐低即刻試試佢個秋季限定蠔天丼先！有兩大隻蠔，開頭預佢得一隻，同埋會出曬水，點知擺左一陣先食都仲好乾爽，肥美！有舊赤魚，但完全無味，唔同平時扁身果隻（針魚？），可以不理。個自家制抹茶紅豆布甸伏左仲唸住自家制試得過，個抹茶同紅豆味都欠奉，甜！都係專注做好天婦羅算啦

快2點時也有挺多人在排隊 我們排了20分鐘左右便入座了 menu有分飯套餐和麵套餐的menu 平均約$78一個set 😀 麵套餐方面有天婦羅 (包括2隻黑虎蝦、蟹柳、四季豆、蓮藕和南瓜) 配冷或熱的烏冬或蕎麥麵 桃子就點了天婦羅配豚骨湯烏冬 (可選醬油湯/豚骨湯)❁天婦羅配豚骨湯烏冬 $78天婦羅炸得十分酥脆 粉漿不會厚 入口亦不覺油膩 全部都好好食 🤤 終於明白點解咁多人排隊 😂 湯烏冬就比較普通了 豚骨湯有點味精湯味 不是拉麵店的豬骨湯那種 但烏冬幾彈牙Q彈 所以整體味道也不錯