天下茶屋 (福榮街) (Closed)

最近真係好鍾意食咖喱，無論印度咖喱，日式咖喱，或者港式咖喱，一肚餓就諗起食咖喱今日嚟到一間食日式咖喱嘅餐廳，蒲開深水埗，咩菜式都有，不過舒適乾淨就難搵啲，見呢間天下茶屋裝修不錯又有咖喱食，就坐低試吓菜先，果然冇令我失望！餐廳食物款式多籮籮，有辣有唔辣任君選擇，有飯又有湯烏冬，仲有唔少小食，飲品都好多款式平時心大心細嘅我因為最近好鍾意食咖喱所以叫咗個咖喱吉列豬扒飯，豬扒皮脆肉嫩，日式咖喱比其他餐廳優秀嘅地方就係蘿蔔粒同埋薯仔粒都係大大粒，增添左口感之餘，亦都食到蘿蔔同薯仔本身嘅味道，好味！醬油豬軟骨日式咖喱飯，健康之選，有菜有肉，豬軟骨好淋，雖然配搭咖喱汁但係亦都唔會搶走醬油豬軟骨嘅醬油味，兩碟飯嘅份量都幾大㗎。小食叫咗帆立貝同金菇肥牛卷，帆立貝用不同嘅菇菌煮，不但有好香嘅菇味仲有啲紫菜同木魚係上面，個配搭幾特別。金菇肥牛卷都好香，不過建議可以落返啲燒汁咁就一流啦。另外兩杯飲品都好出色，唔知係咪真係用鮮果肉啦，不過果味好香又唔會太甜，like!

星期六下午和友人到黃金電腦場購買滑鼠 ,購買完畢後正值午飯時間,在附近週邊看看有什麼東西好吃，就在黃金電腦場附近的福華街看見這間頗為標誌的日式小店，今天再光顧他吧 餐牌上有多款日式美食，選擇都頗多香桃烏龍茶 熱飲茶類配上淡淡香桃味很清新香桃乳酸香桃和乳酸混和一起，酸酸甜甜很開胃三味芝士燒玉子三種醬汁的玉子燒，玉子質地嫰滑，有香濃芝士味七味燒雞腎雞賢燒得甘香，肉質爽脆，七味粉有點兒辣，但和雞腎出奇地匹配吉列豬扒咖哩飯 吉列魚柳炸蝦咖哩飯兩款咖喱飯採用了正宗日式咖哩汁，咖哩汁分量夠多，用作撈飯足夠有餘，吉列外皮炸得香脆，豬扒夠嫰，魚柳厚切有魚味，炸蝦大大隻，相當滋味味付螺肉 螺肉大大粒，爽脆又惹味炸薯條配明太子蛋黃醬薯條是即叫即炸，香脆夠薯味，配埋明太子蛋黃醬味道更豐富這間天下茶屋食物質素好，價錢又相宜，下次再到腦場必定再光顧

係深水埗返工返左接近一年, 我發現 要係深水埗搵日本野真係有難度 然後, 要搵高質既日本野, 更加難 …. 同同事相約食lunch~ 本來約好去食點心既, 但係經過呢間既時候 比佢吸引左! 應該係新開既店! 門面好日系, 令我即刻諗起去関西宇治個時既回憶 !! 所以就同同事即刻入左呢一間喇 !! 我地大約12:35黎 可以即刻入~~ 後尾食到大約13:00時都見到有一,兩個人排緊隊 Lunch Set有16款主食揀~ 6款咖喱, 5款烏冬, 3款咖喱芝士飯, 再加2款丼飯 : ) 飲品都有8款可以揀~ 而且揀熱飲既話 係免費包埋添 ! (轉凍飲就+$2, 很有茶記feel XD) 然後, 仲有6款小食可以追加!! Lunch可以食到咁 都算幾嘆, 覺得呢度既食物款式配搭, 係值得讚既~~ 我同同事一行3人, 一共叫左3碗烏冬+2款小食~ 我叫既係:: 鹽燒海老湯烏冬 $64 話說呢度既烏冬係有4款湯底可以揀:: 烏冬湯/ 咖喱湯/ 黑松露忌廉湯/ 明太子忌廉湯 我就揀左明太子忌廉湯試試~~ 呢個湯底做得幾討好, 雖然明太子味唔算太重, 但食入口都覺得係好味, 烏冬質地幾好 鹽燒蝦,

朋友聚會經常會約深水埗，選擇多價錢又親民，尋晚同朋友經過見到呢間天下茶屋之前未試過，於是就入去試下。 呢度行日台路線，食物以日式為主，飲品就好有台式風味，我同朋友點左滑蛋豬扒丼同火炙豚肉湯烏冬，烏冬濃淡適宜，重點要提提個豬扒丼，豬扒同飯之間居然有加明太子提升鮮味，十分有誠意。 小食叫左煎餃子、單骨雞翼同七味燒雞腎，煎餃子夠金黃，味道已較好，相當唔錯；單骨雞翼係炸雞，上粉均勻，炸得剛剛好；七味雞腎更係喜歡食內臟必點，少少辣如果可以送酒更係一流。 飲品點左寒天蜂蜜爆珠烏龍茶同奇異果鮮果乳酸，烏龍茶我朋友不停話好飲，有茶味；我點既乳酸飲得出足料，並非一味求甜，不俗！

放工行過深水埗福榮街，就同朋友係附近食晚餐，最後揀咗天下茶屋。見餐牌上嘅食物樣樣都好吸引，而且價錢都好平，所以吸引咗我同朋友入去。餐廳環境衛生，燈光光猛，感覺乾乾淨淨。而且座位都幾闊落。我地每人都叫咗嗰主食同小食，我叫咗嗰燒咖哩芝士牛肉飯。哇！估唔到58蚊有咁大碟焗飯。咖哩汁好濃，色澤也好看。牛係肥牛，肥牛配咖哩，香氣十足。肥牛都好多，而且都幾厚身，食極都有。芝士係落重本，成個飯都差唔多鋪滿芝士，仲可以拉到絲。另外朋友叫咗火焰帆立貝湯烏冬配明太子黑松露湯底。湯底好濃郁，有淡淡的黑松露味，帆立貝爽口有鮮味！湯做到掛烏冬嘅感覺，好夠味。烏冬煮得彈牙！牛油雜菌帆立貝啲姑好香牛油味，好滑！帆立貝背煮得啱啱好，爽身唔係淋哂嗰啲。煎餃子皮較硬身，入面啲料好足，好夠味。

今日上完堂就黎食午餐，見這間是新開的日式咖哩餐廳，出面的玻璃櫃擺了不同的吸收美食的模型。環境日式，以木製的枱子及椅子，簡約時尚的風格，乾淨整齊的地方！紙燈籠好特色，色彩繽紛的！午餐有不同材料選擇，有牛、雞、豚肉、魚柳等，以咖哩作醬汁；也有湯烏冬，更可選不同湯底（黑松露忌廉湯、明太子忌廉湯、咖哩湯、烏冬湯）；更有咖哩丼！還包了飲品！我們點了一個咖哩飯及湯烏冬。1. 吉列鱈魚柳炸蝦咖哩飯大大的吉列魚柳，外皮香脆內面嫩滑唔鯹，啖啖魚肉；吉列大蝦有2隻，熱辣辣又脆皮，粉漿唔會好厚，內面蝦爽；咖哩汁好香濃微微辣味，配料有可愛軟腍的紅蘿蔔、薯仔粒粒、健康軟腍洋蔥及2片爽口的黃蘿蔔；白飯份量適合，配上咖哩汁就好夾啦2. 火炙豚肉湯烏冬推薦這個湯烏冬，烏冬好軟滑好有口感，湯底可自選的（4選1），我點了咖哩湯底，好香濃美味；火炙豚肉燒得香口，一層層肥瘦剛好的豚肉口感一流，配上配料可愛軟軟的紅蘿蔔、爽脆翠綠蜜糖豆、日式魚片、健康洋蔥等，好豐富滿足喔3. 飲品包熱飲，凍飲加$2，更可加料有更多口感或轉特色海鹽奶蓋，我們點了熱香桃烏龍茶，香桃味好清甜茶濃郁唔會好甜；凍香桃乳酸好清香桃味，好夠冰涼舒服的口感，好

美味燒咖哩牛肉飯@天下茶屋  深水埗是平民美食天堂，而且競爭激烈，要在這裡站得住腳，好食是不夠的，仲要夠平先可以吸引一眾食客 福榮街最近開了一家日式食店，名字叫天下茶屋，好日式的名字!而且裝潢極具日式簡約風格!開頭我仲以為係主打日式綠茶甜品那類的茶屋，原來他們主打台式飲料和日式主食， 環境很舒適，而且店員做野爽手還非常有禮貌 價錢還非常有競爭性，一客飯或者烏冬，不過是五十多元的價錢，和快餐店差不多吧，但食物質素當然比快餐店好 士多啤梨鮮果茶$27，奇異果鮮果乳酸$27 士多啤梨鮮果茶味道很清新，每一口都飲到當中的果肉，而茶底濃而沒有破壞士多啤梨味道的和諧 燒咖哩牛肉飯$58 飯面稍為燒過，加上芝士，牛肉和飯味就增加了一分焦香的氣味，咖哩食起來濃郁但不辣的，怕辣的朋友也可以放心食用，份量也很足 海鮮什錦烏冬$72 它有四種湯湯底選擇，我選了黑松露忌廉湯底，黑松露味非常濃郁，而且口感滑溜，而烏冬口感富彈性又爽口，沾上黑松露忌廉湯底味道似食沾麵! 那兩只燒大蝦也非常醒目 三色芝士燒玉子$36 三種口味，包括黑松露，醬油和明太子

又來到了一年一度的大日子🎊，今天跟同事妹妹👧🏻到了深水埗採購有關物品🛍，又累又餓的我倆☠️，剛好經過了一家蠻有日本氣息的小店🎌，當然要去填一填肚子吧🤪~店內裝潢以白色及簡潔為主😍，是同事妹妹👧🏻最愛的風格💘。天花掛起了燈籠的燈罩🏮，滿有日本風🎎。🔹牛油雜菌帆立貝🍄 $38先來一客小吃😁，雜菌吸收了牛油的味道🧀，入口更為香濃😋，再來一口帆立貝🌊，肉質厚嫩💖。🔹三味芝士燒玉子🍳 $36三味分別是原味、明太子及黑松露3️⃣，陣陣的蛋香加上濃郁的芝士🧀，每款都是滋味十足🎉！🔹燒咖喱芝士唐揚雞球飯🍛 $58餓瘋了的人妻🐷少有的點了一客飯🍚，還追加了一份溫泉蛋🥚，咖喱飯上佈滿了半溶的芝士🧀，單是看著已很吸引😍。甜甜的日式咖喱混合了芝士🥰，口感更為豐富🤤，雞球外脆內軟🐥，炸漿不會太厚👏🏽。🔹牛肉黑松露忌廉湯烏冬🍜 $60同事妹妹👧🏻也同樣追加了一份溫泉蛋🥚，混在忌廉湯中入口更為順滑🤩，每一口都充滿了黑松露的獨特香氣😌，疲勞感一掃而空💪🏽。🔹寒天蜂蜜爆珠烏龍茶🍯 $22飯後一杯茶🍵，絕對是解膩的必須品💖。🔹小丸烏龍奶茶🍼 $24煙煙韌韌的小丸子😋，配上了香滑的奶茶🥛，同事妹妹👧🏻表示大滿足💯。💭總結整體份量

深水埗開左間新既日本風餐廳，行過好顯眼，所以就入左去試下啦～呢間餐廳主要係食日式飯，同時都有好多咖哩飯選擇，我叫個兩個飯都係有人氣標籤的，試過都覺得不錯，可推薦大家。首先我點了蟹子青瓜沙律做前菜，平時喺元氣就食得多，呢到既青瓜沙律都好新鮮，亦都好足料，對得起個價錢。不過小小建議係可以用返個碗或者個口深啲嘅碟去裝，咁樣就冇咁易跌落張枱～小食我哋叫咗個肥牛金菇卷，牛肉很軟，油脂分配好，而金菇係裡面也保持爽脆，好味！主食方面，我自己就推薦溫泉蛋鹽燒豚肉丼，首先個賣相好好，睇到其他食評已決定要食呢個飯，豚肉燒得恰到好處，加少少七味粉好完美！而溫泉蛋亦都係個飯都發揮到作用，令到成個飯都感覺好juicy！另一個主食，我哋叫咗燒咖喱芝士唐揚雞飯，因為咖喱有好多選擇，有分普通咖喱同埋燒咖喱，我哋見到個名就梗係揀特別啲嘅燒咖喱啦，不過其實燒咖喱應該係加上芝士再用火槍燒左一層落去，不過芝士令到成個飯更加邪惡同好食～呢間店嘅嘢飲，我覺得比其他一般嘅餐廳選擇更好，因為佢有少少似台式茶飲店既選擇，如果有買主食嘅話，就可以加錢跟餐配。個人比較推薦寒天蜂蜜爆珠烏龍茶，唔單只係最平嗰款，而且我覺得口感比較豐富，可能我

放工一個人搵食，逛下逛下見到這間簡潔清新的餐廳，於是找一個小角落坐下，拿起菜單，有小食，咖喱飯，湯烏冬，丼飯和飲品，一於自製一個豐富的一人前晚餐先來頭盤小食，一口胡麻蕃茄，小小的蕃茄加上胡麻醬，在這悶熱的天氣,簡直是消暑良菜汁煮茄子，也是冷盤，茄子吸收汁的味道，不咸不淡，味道剛好，芝麻灑在面上，食落除了麻油的香味更有香濃的芝麻味，清新之選，值得一試牛油雜菌帆立貝，份量不少，帆立貝也有四粒加上雜菌和灑在面層像在舞動的木魚碎，味道雖然偏淡但也不錯主菜來了，吉列豬扒咖喱飯，咖喱屬於溫和派，不辣但咖喱味香濃，吉列豬扒做得出色，炸得外層酥脆，內𥚃保持肉汁，炸漿亦不太厚最後再配埋沖繩海鹽奶蓋烏龍茶，入口先感覺到淡淡的海鹽味跟着就是清香的烏龍茶味，加上香滑的奶蓋，感覺新鮮，烏龍茶加入海鹽和奶蓋，估不到這樣的組合又何其夾呢！這頓一人前晚餐何其美味，何其滿足😋

初嘗這間真開張的日本料理店，主食是丼飯、烏東，另外有很多日式小食。主食，我叫了吉列豬烏東，它有四種湯湯底選擇，款款都想試，最後我選了黑松露，味道不錯，很creamy，但好飽。男朋友則叫了鹽燒豚肉丼。小食方面叫了玉子和雞腎，有驚喜！兩款小食都好好食！不僅如此，我們還每人叫了一杯飲料，選擇也是很豐富，很多配搭，例如小丸、紅豆等，我叫了小丸鮮奶抹茶。最後食得太飽，差點食不完，而結帳都只是兩個人二百元左右！日本料理來說，真的很抵食！

一句講晒,餐廳主打日式咖哩及烏冬但主打非常唔掂。咖哩味道就係$12蚊D咖哩磚咁,唔香唔好食。轉咖哩蛋包飯要加$14唔緊要,鐘意食既都會加。但我諗佢唔知咩叫蛋包飯囉。我加左$14係要左塊蛋放係白飯上面,有種老虎被騙既感覺,好傷心。你地想食呢間野,無謂比$14加錢要蛋包飯,返屋企自己食返個炒蛋都無咁嬲。蘋果鮮果乳酸減左5蚊都要$27 得呢杯咁既野,細杯都算(得半杯,你見到幾多泡),頂,隻味都係溝出黎,說好的鮮呢?呢一餐都$181, 情願比多小小錢食好小小。天下茶屋?不了。天下茶屋整體評分 2.0 /10推介:  (N/A)老虎乸滿意指數：(五分滿)老虎回頭率：

今日去了呢間位於深水埗黃金附近的新開日本料理試吓，這店主打日式咖哩及烏冬。我地點了吉列豬扒咖哩飯$58 及 牛肉湯烏冬$60。餐飲：奇異果乳酸咖哩：味道跟平時日式咖哩一樣，沒甚麼特別。飯：采用珍珠米，但一咪就食得出不是日本靚米，當然$58都不會對個米飯有甚麼期望，吃飽就算。吉列豬扒：值得一讚的，因為不會太多炸粉，但保留不到肉汁，算乾，但呢個價錢不是吃炸粉已是萬幸了烏冬：有咬口、彈牙，夠滑湯底：普通日式工業用的鰹魚粉湯底牛肉：肉量都幾多，不錯奇異果乳酸：不值一提，算了服務態度：只吃了差不多20分鐘，便會開始趕你走，打埋張單過黎叫你埋左單先，但你碗野都未食完，就不停行過黎叫你埋左張單先，不停執走你枱面的食物，就算未食完，佢都會問都唔問執起左佢先，之後再同你講：你食完㗎啦！我幫你執走先，但其實小朋友仲食緊，但你都執左，咁可以㸃？之後我地有碗烏冬仲有大約8成未食，又行過黎叫你埋左單先！總共吹你埋單吹左4次，但我地肯定食唔夠30分鐘！如果冇打算俾客人安心舒服咁食野！咁不如你入座前講明只得20-25分鐘用膳時間

暫時應該是我第一位寫這間餐廳的食評新店開張不久難得來到深水埗就決定試試老公點了吉列咖哩豬扒飯炸豬扒算夠厚度適中老公覺得唔錯炸粉不太厚肉質一般，但不算差咖哩汁味道辣度可接受的我們喜歡汁撈飯，如果多汁就更好我叫了燒咖哩芝士牛肉飯我覺得咖哩汁不錯，辣辣地其實燒咖喱都只不過是咖喱焗飯牛肉是肥牛，都好惹味芝士拉絲配咖喱汁飯熱騰騰口感不俗飲品都係即製寒天蜂蜜爆珠焙茶味道偏甜沖繩黑糖小丸鮮奶茶唔算太甜小丸是透明色，不是一般食開黑珍珠茶味重

深水埗又有新餐廳開啦~今日星期日，下午四點左右同同事外出食晚飯，決定試食"天下茶屋"!由於時間尚早，所以餐廳沒有太多人，不用等太耐！ 我們叫了一樣的餐，不同的是湯底⋯吉列豬扒烏冬，有四款湯底可可自行配搭。我的湯底是黑松露忌廉湯底⋯味道淡淡的，不過不失，不是太食得出忌廉味。 同事選擇的是明太子忌廉湯，味道比起黑松露的較為濃，幸好湯也不是太稠！而吉列豬扒都幾好食，炸得幾脆同香口，而且切得細細條，食落不會太膩！我們也叫了飲品，白桃鮮果乳酸($32)，味道談談的，益力多味道重，白桃味好淡！單叫飲品都貴，跟餐叫減$5整體來說也不錯，有機會都會再食！三點到六點有八折！