泰.夯蝦 (堅拿道西) (Closed)

訂14:30-17:00時段有7折，呢段時間場內客人不多，攞野食又唔洗迫，空間感舒服同埋唔會大燒烤味！第一次去職員細心介紹用餐方法，安排座位後先加一桶生蝦在水缸，大部份都扎扎跳！另外自助區有提供任取海鮮3款蜆，元貝，蠔，細蟶子，仲有象拔蚌片（呢個麻麻地）無味，最後45分鐘見到海鮮櫃有花螺，呢個好新鮮，一路燒d肉會move ,燒熟左乜都唔洗加就食得，飲品櫃最少都有十幾款唔同種類飲品！多款食物選擇，連雪糕球都有好多款味道添

成日喺社文平台睇到泰國流水蝦好正，終於都可以喺香港試吓(雖然冇泰國嗰啲咁大隻😂)。啲蝦好新鮮，我哋坐喺邊邊位，隔離就係蝦，呢個位唔錯，基本上係我哋一個位獨霸一個缸，食晒啲蝦可以叫佢re fill.主要都係食蝦，我哋冇咩燒其他嘢食，因為個爐火力唔係好猛，燒其他嘢要燒好耐🙈。我哋食咗好多轉蝦，新鮮好玩，可以一試。

先主要由圖片說話吧。如喜歡看文字，歡迎把這篇文拉到最底。有蝦膏！😍😍😍又滿又香的蝦膏！這泰式酸辣醬汁為這一餐的味道加分！扇貝算是處理得挺乾淨。生蠔沒有異味，沒有沙，沒有蠔殼碎。任食來說，有生蠔供給選擇算是不錯。我覺得這樣已經非常足夠。有些食材影不到，其實還有豬頸肉、牛仔骨，不過我沒有試。我只吃了雞翼、雞腎、雞肉、雞軟骨，至少這些都不錯。（但有一款黃色醬料醃製的雞翼太咸，味道不佳）這個供客人棄置垃圾的筒很不錯，店員也會主動清理，非常好👍🏻可以保持用餐枱面清潔。❤️❤️❤️❤️❤️❤️❤️❤️❤️❤️❤️❤️這裡開始才用文字作總結吧。（反正也沒有人會喜歡看文字😂）食物方面：食物種類足夠，除了主打的大頭蝦，海鮮類還有扇貝、生蠔等。肉類足夠，有雞肉串、雞腎、雞軟骨、牛仔骨、多款調味雞翼等等。蔬菜有雜菇、菠蘿、娃娃菜等。醬汁有泰式酸辣汁，非常惹味，為整體味道加分👍🏻其實還有熟食，如泰式船河、蝦片、泰式無骨鳳爪、蕃薯糖水、冬蔭公湯、烤台灣腸等等。所以一定能夠吃得飽飽😋環境方面：因為是燒烤的緣故，所以會有點煙霧的氣味。吃燒烤也是預了會這樣。二人坐位足夠放置食材。而且在台下有籃子可以放手袋背囊，我覺得這點值得加分。服務方面：

每枱隔離都會有個流水蝦缸（有機會同隔離枱share），店員見蝦食得七七八八都會主動加蝦，不過除咗蝦，其他食物種類較少，而且爐仔細細，火都比較慢，好難一次燒得多同快。

成日都見到有人去即夾。即燒。即食。嘅泰式流水蝦，我又點會唔試吓，其實我真係從來未試過，對我嚟講真係幾有趣，我當日預訂咗晚市嘅第一輪，因為做緊7折抵食啲，入到去每一個員工都好有禮貌，環境乾淨企理，每一張枱隔離都有一個缸，都放滿咗蝦。-員工會安排一桶冰水，夾咗大頭蝦上黎就放入冰水中，等大頭蝦訓咗覺，用剪刀剪去蝦鬚，就可以放上爐燒。-蝦肉都爽口彈牙，始終係新鮮即夾即燒，所以都唔差呀，除咗任食大頭蝦，出面都有其他海鮮任食，有生蠔，扇貝，大蜆等等，仲有串燒，雞翼，雞扒，有啲丸類，腸……都好多野食，重點有我最鍾意嘅菠蘿，我真係好鍾意燒菠蘿，我覺得好好味。-我哋食食下中途突然之間有員工送咗碟日式刺身，然後再每一位成人送帶子及鮑魚各一隻，又幾正喎。-另外都有啲飯麵類，泰式小食，自助式船麵都有，但我食得最多係啲蝦片，真係好好食，炸得好香脆，我嘅小朋友食到唔停，到最後爸爸先試，先發現原來好好食。-仲有，令我最驚喜嘅係有好多唔同種類嘅飲品，溫馨提示啤酒🍻椰青係唔包的，要另外收費，要留意喇！最後，當然食埋水果，雪糕啦，水果係西瓜，雪糕係獨立包裝一個個雪糕球，有幾款口味。-另一個好驚喜既係每一個員工都好主動過嚟

每個位旁邊 都有水缸 有勁多新鮮大頭蝦 🦐 夾上黎 好新鮮 生猛 將佢放喺冰桶 跟住就可放上爐燒 星期一至四 每位298 蚊 五至日 公假就328 蚊 任食兩小時- 燒烤既食物除左海鮮 仲有各種肉類 好似爽口油香勁既雞軟骨 彈牙既雞腎 🐥醃得香咸既魷魚🦑豉油味香既免治雞肉 仲有金菇 新鮮菠蘿🍍 最正係有各式雞翼 原味孜然味麻辣味等等 種類夠多😁-另外，熟食都十分唔錯 有洋葱圈 春卷 煎餃 泰國魚丸 炒粉絲 估唔到仲有咖哩魚蛋🐟仲有蜜糖同黑椒腸 肉味香濃-甜品有生果蛋糕 但真係食唔到甘多 所以食左我最鍾意既雪糕 佢係 hk品牌 cocoberry味道有十多款 我就拎左芝麻 榴槤 豆腐 香芋 奶茶 朱古力食 已經好飽 每種味都好正 尤其奶茶🥛 奶茶味出 香芋都夠香甜 🍨 -整體黎講 無論海鮮 肉類 services甜品 都十分出色 值得黎食下 正！！-頭先咪嚟過之前唔知道原來佢嗰個位嘅隔離都有個缸. 每個位旁邊 都有水缸 有勁多新鮮大頭蝦 🦐 夾上黎 好新鮮 生猛 將佢放喺冰桶 跟住就可放上爐燒 甜品有生果蛋糕 但真係食唔到甘多 所以食左我最鍾意既雪糕 佢係 hk品牌 co

自從上年疫情之後，我同屋企人都比較少出街食飯。但係隨時小朋友長大啲，都唔希望佢嘅回憶只係得喺屋企，所以就特登上網睇吓有邊啲特別嘅餐廳同佢去食下！我先生留意到呢間有得玩又有得食嘅流水蝦餐廳，OpenRice 有7折之餘，兩個大人仲可以帶一個小朋友係免費嘅，只需收取小朋友嘅正價加一(晚市即係$23左右)👍🏻👍🏻首先講下熱食！熱食選擇唔多，但係俗語有云<貴精不貴多>炒粉絲好好味，唔算太油膩😋避風塘炒大頭蝦都好正！啖啖肉👍🏻另外仲有一個熱爐入面放住咗啲炸物！有網紋春卷，炸薯角，吉列炸蝦同蝦片，大人同小朋友都啱食😁隔離仲有個整台灣香腸嘅爐，真係台灣香腸嚟架🤣泰國餐廳，當然唔少得冬陰功湯啦，酸酸辣辣👌🏻食完之後仲可以去食返一碗番薯糖水添😋小朋友食唔到辣？又唔想佢食咁多煎炸燒烤嘢？哩度好細心，有個位俾大家整泰式船河👏🏻有少量嘅丸選擇，仲有泰式河粉！湯底有啲似越南粉嘅味道，仲要有白蘿蔔喺湯底入面，正😋除咗流水蝦可以燒，仲有好多選擇比大家！淨係雞翼都有幾種味，我自己食到有咖喱味，麻辣味，黑椒味同檸檬味(似泰式檸檬嗰種感覺😆)海鮮選擇都唔少！食幾多拎幾多👍🏻當然唔少得飯後甜品，有唔同種類嘅

本身以為啲蝦扎扎跳地方會比較污糟，因為啲水周地都係，結果場地比我想像中乾淨同衛生。流水蝦隻隻都好新鮮，偶然會有一兩隻死咗，但係天氣咁熱我覺得都好正常。蝦嘅肉地好嫩滑，而且仲有膏添㗎❤️ 我家小姐第一次去夾流水蝦，蝦缸裏面嘅蝦數目都唔少，職員仲不停 refill ，非常滿足！雖然個爐唔算太大，但係有足夠位置去燒唔同種類嘅食物！除咗海鮮之外，食品嘅種類都好多。 Corner位置仲有得整船麵，帶小朋友去食粉面嘅就最啱！而且仲有好多唔同味道嘅雪糕同埋小食兩個半小時，食到攬住個肚出門口👍🏻

一直都很想帶小朋友去體驗一下，今日終於一試，地方整潔，全部員工均十分有禮，熱情友善，亦十分helpful,實在難得，值得一讚!食物方面，蝦很新鮮，很大隻，亦不斷添加。其他海鮮種類亦多元化。熟食方面，種類不算多，但這不是重點，始終以燒烤為主。小朋友自己在水中夾出游水的蝦，像撈金魚的進化版，體驗新鮮開心，也表示「下次再嚟!」，真是食過翻尋味!由於2位成人，免費1小童，合計都是六百多元，能買到如此優質的服務+新鮮種類繁多的食物已經很超值，急不及待，推薦給親朋戚友!

正宗曼谷流水蝦！好玩又好食同朋友係Openrice book枱，黃金時間有85折，我地食19:30-22:00，時間非常充裕！每枱既旁邊都會有得自己夾蝦蝦好多蝦蝦都好生猛，隨時會跳起，一夾上黎即刻放入冰筒，再拎去燒！一開始已經送上一碟海鮮，帶子好鮮甜！除左送既海鮮，出面都有自助區，包括有串燒、海鮮、熱食（炒麵/湯）、小食、飲品、雪糕等等，選擇非常之多！尤其系泰式炸蝦片真系超好食！ 餐廳仲提供好多醬料，包括有蒜蓉、泰式辣醬、牛油等等食到一半，原來仲可以自己整泰式船河，真係好有泰國風味，可配生菜同幾款丸類，簡直一流！黎到燒烤部分，唔好睇佢個爐咁細，可以同時燒好多野食，好滿足，海鮮都好新鮮，自落手燒更加好味！最後食埋雪糕，分別試左士多啤梨同抹茶，抺茶好好食，有啲奶味，真心唔錯！而且超多口味，芝麻、豆腐、咖啡、芒果等～超值得一試！除左黃金時間，其他時間仲有7折，記得用OpenRice 訂座啦！

25/4-訂咗當晚19:30 2位，但早到半小時，嘗試是否能取到位，去到counter 跟服務員提及，服務員馬上回應，稍等馬上安排，頭一次感覺不錯服務，等了約三分鐘左右，便安排入錯，另外訂位要求盡量安排靠窗，也安排到，👍🏻當然要看當時情況.....服務帶位后，馬上講解收費及環境，又加一分，當開夾蝦燒的時候，有另一服務員過來講解如何夾蝦，要剪了蝦某部份燒比較好⋯⋯在過程中也有過來服務例，同你開左隻鮑魚等等，又加一分👍🏻其他海鮮類也新鮮，也有小量熱食，基本飲品也是任飲，當食完基本缸蝦，要求加蝦也算快，整體不錯，如十分，我比8分

香港羅銅鑼灣店泰窮蝦食後感：本人第一出post，食完黎間野真心覺得有被騙的感覺。第一點本身是每位360，但竟然在電話就兒童免費，但比錢時完來要收服務費，最後打完折扣（85折）後每位380。我兩個還是BB沒夠三歲。第二點定座時間是7點半食到10點，但當到店時竟然說枱面沒準備好，等了快25分鐘才入座。。。。這服務真夠周到，若不是小兒因為生日慶祝早已定座，平時的我一定轉頭就走。第三點最重要是在用餐過程中發現大部分蝦是已仙遊@騙徒食店@香港泰夯蝦。 我出post主要原因是希望不要再有市民受害。希望群裡每位群友可以用餐快樂。

終於等到餐廳開放返四人堂食，可以約埋幾個朋友食大餐！其中有個朋友之前食過呢到既流水蝦🦐，推薦我地今次再試。一個價錢包任食任燒流水蝦，其他可以任添既食物亦包括蜆、扇貝同青口等海鮮。🥩肉類方面就相對失色，大部分都喺好普通的雪藏醃肉而且款式唔多，無咩邊款值得推薦。.我地既座位旁邊有個小水槽，入面養了好多新鮮生猛既大頭蝦，佢地頭大但身體卻短短的，外形十分有趣。想食個陣可以隨意喺水槽入面夾起大頭蝦，燒前記得先將佢地放入冰桶速凍減低活躍程度，咁就可以更容易同方便地放喺燒烤爐上燒。.燒完既蝦會縮水，所以一隻既蝦肉其實唔多。燒蝦食落無咩海產既鮮甜味，味道偏淡，不過勝在新鮮所以肉質都算彈牙。每位食客都可以限量獲得海鮮拼盤，有鮑魚、沙插等貴價海鮮每人一隻，另加幾片和牛同牛舌。海鮮整體都算新鮮，不過肉類真喺麻麻地，所以都喺主力食海鮮好過。大大隻既扇貝啖啖肉，海蜆充滿海上咸味，肉質鮮嫩。另外餐廳也有提供熟食及甜品等等，甜品有本地生產的雪糕波波球，有好多種口味，豆腐味最好食！😋

同朋友來試新場，游水蝦超新鮮，補蝦好快，員工服務都好好，值得番食，2.5小時任食好足夠，但只包普通飲品，酒精飲品要另外收費，提早訂台有折，呢個價錢，服務，食物質素我好滿意

每次路過荃灣時都看到大大個招牌寫掛上泰夯蝦的廣告, 心裡都想找個機會去試。碰巧朋友正為我籌備生日飯, 於是就提議去便利大家的銅鑼灣分店。餐廳正值在推廣 的本月生日優惠。可惜這次我們只有三人, 未能符合優惠條款, 幸好原來透過Openrice內的訂座系統可以有7折的優惠!! 餐廳內每行餐桌旁都擺放了魚缸放置大頭蝦, 食客可從蝦缸內夾著生猛的蝦放在爐上燒, 其新鮮度是餐廳賣點之一。這套燒海鮮的爐具外型有點像日式磯燒的方式, 但需要店員定期在底部加水。餐廳內也放置了不少生肉熟食等讓客人自取, 但有些例如啤酒椰青等有機會要另外收費。自取的海鮮其實也不算多, 只有蜆、扇貝、螺和青口四種。要是能增添多一些例如蟹、去骨魚塊、蟶子或大流行的甲羅燒(雖然是日式....) 會更貼近燒海鮮的主題。要特別注意的是部份大頭蝦非常生猛, 夾起來的時候馬上放在冰桶內凍僵, 等到蝦活躍失去意識後才放在爐上燒。也要留意爐面的空間有限, 建議先把蝦的觸鬚通通剪去才燒最省空間, 詳情可向店長請教。起初我非常擔心餐廳內的養蝦會帶有陣陣魚糧那種奇怪味道, 幸好未有嘗到這味之餘蝦頭也會帶有鮮橙色的蝦膏! 可是由於種類屬於淡水蝦