泰.夯蝦 (堅拿道西) (Closed)

今日去咗銅鑼灣同灣仔嗰邊做嘢 收工之後就同班同事一齊去食餐飯好好咁樣聯誼下 見到呢間流水蝦放題好似幾好 因為我同埋同事都係愛食蝦之人 平時食嘅大部分都係海蝦 今次試下大頭蝦 仲要係自己捉自己燒嘅自助餐 人一世物一世點都要試下去到之後店員已經拎咗一碟和牛出嚟 牛嘅油脂好豐富 而且牛肉味非常之重 建議大家輕輕燒一燒就好食 如果唔係會過熟之後就梗係到今日嘅主角 流水蝦啦 店員亦都預備咗一份鹽醃大頭蝦出嚟 呢啲係搵鹽醃過嘅 所以燒完之後有一陣鹹味之後就到自己捉流水蝦嚟食 每張枱隔離都有個魚缸 入面有新鮮游水嘅大頭蝦 隻隻都好生猛 大大隻而且全部都有膏 燒完之後頭嘅膏已經溶化咗 食落更加甘香可口 肉質亦都好鮮味 值得一讚之後就到熟食同埋燒海鮮嘅時間 出面有沙白 扇貝同青口可以任攞 燒完之後同面食到嘅差唔多 冇乜特別飲品亦都好多元化 有紙包飲品亦都有其他無糖嘅茶 都幾貼心

今日突登出左銅鑼灣約左 同樣大頭蝦愛好者，一齊挑戰流水蝦😋😋任食兩小時！睇下食到幾多隻，我地食早段5-7，人流小啲，環境更加舒服～～一入鋪頭見到每張檯旁蝦缸😂😂放滿好生猛既大頭蝦，我地只要坐定定夾到蝦。侍應教先放入冰桶凍暈，再放烤爐等蝦慢慢熟。個人推介一定要加鹽燒，蝦味更出更鮮😋😋😋惹味！侍應免費送上每人片和牛片，油香滿滿入口溶化。飲品：勁多選擇，大路既可樂、忌廉、檸檬茶，小見既泰國梳打水、清涼爽都有。更有一款岩心水！海鮮：生蠔、扇貝、青口、蜆等～推介生蠔🦪燒時間比較耐，肉偏小但肥美，有蠔味！燒物：有牛丸、雞翼、腸仔等，鐘意蔬菜既都有粟米🌽茄子等～旁邊更有醬料區，蒜蓉、牛油🧈加埋一齊燒就岩晒熟食小食：有台式香腸、薯角等！仲有我地食左好多轉既泰國蝦餅😂😂😂最後點小得甜品，成個雪櫃都係獨立包裝雪糕球，好方便，又多味道！有榴槤、芒果、椰子、奶茶等等....今餐放題真好滿足😋😋😋我地主攻大頭蝦！不停燒！下次要再黎挑戰過！正！

第一次食流水蝦放題，有得食又有得玩，未去就已經先興奮☺️一入到去已經聞到好香磯燒既味道，我食9:30pm個轉，人唔算好多，而銅鑼灣呢間大部份座位隔離已經係蝦缸，食客隨時都可以夾到新鮮生猛🦐，即夾即燒，好好玩因為d蝦太生猛了，要先用冰水凍暈佢先再放上爐燒，避免走蝦，雖然d蝦係扎扎跳好新鮮，但食落又唔算好鮮甜，蝦味欠奉元貝、蠔、帶子除左流水蝦，仲有元貝，蠔，帶子，蜆，螺都係任食的燒元貝好鮮甜，加上蒜蓉牛油一齊燒，真係好鬼香，什至比流水蝦更好食蠔亦都新鮮，不過燒既時間要掌握得好好先唔會過老宮崎和牛晚市贈送既宮崎和牛，睇油脂分布都知道一定好食，雖然每人只得兩件，始終海鮮先係主角，可以淺嘗和牛都已經不錯其他除左海鮮，仲有其他肉類、丸類、蔬菜，生果，無酒精飲品，雪糕任揀任食當中麻辣雞翼，咖喱雞翼都好出色，醃得好入味，好好食唯一要挑剔既係銅鑼灣分店無酒牌，有d失望，其餘食物，服務態度都好好，價錢又合理，又食又玩左兩個半鐘，好開心☺️

泰式流水蝦放題，真係第一次食！每檯食客側邊都有一條流水道，原來係比你即夾即燒，泰國大頭蝦新鮮生猛，夾起後放冰桶內凍暈d蝦，然後自己燒蝦，香噴噴又多蝦膏！大頭蝦夾起嗰陣非常生猛，會掙扎添！最重要係任食，好玩又好味。自助區有其他海鮮，雞翼腸仔（燒烤用），飲品熟食類、甜品類等等。有個醬料區，自己配搭點蝦醬，泰式酸辣汁、蒜蓉牛油等等，加上每人一份燒牛肉及鹽燒蝦，唔同時間有唔同價錢，我係平日夜晚10點後去，價錢就最抵。

平時去銅鑼灣都大把好嘢食，估唔到Time Square過少少，新開左間泰式流水蝦餐廳，人均價錢同出邊放題相約都係$300左右，但就食到新鮮嘅流水蝦，就算冇得去泰國，都可以食下泰國菜頂住先！一入到去就見到全場都係流水蝦缸，每張枱隔離都有流水蝦可以比客人夾，真係好似返咗泰國咁！至於出邊就分咗唔同嘅area，例如：燒烤食物區、海鮮區、雪糕、飲品、熟食、甜品、小食等等，款式都幾豐富！不過我幾欣賞呢度嘅醬料區，擺放左唔同嘅泰式醬汁同配料，仲有特別調製嘅泰式辣醬，可以比客人自己調較口味。而且海鮮區都好豐富，有齊生蠔、帶子、青口、花螺、大蜆等，令我覺得surprise嘅係竟然有生蠔呢啲比較貴價嘅食材，平時好少見到放題會有，估唔到呢度咁大方，可以比客人任食！揀好想食嘅嘢，就當然係坐低慢慢燒啦，首先梗係要試吓海鮮，生蠔好肥美，而且好多汁；帶子都好鮮甜，兼且清理得好乾淨，不過主角當然就係游水嘅大頭蝦啦，每隻都好多蝦膏流曬出嚟，金黃色嘅蝦膏好香，而且蝦肉彈牙爽口，味道鮮甜，真係要食多幾隻！燒烤嘅肉類都唔錯，尤其係五花肉同雞翼，充滿黑椒同蒜香，而且唔會太鹹，調味啱啱好！另外雞軟骨同雞腎都有驚喜，店家將佢哋穿起

好想去旅行更加想去食好西 見到泰夯蝦係銅鑼灣開咗新分店 忍唔住約咗朋友一齊去擦返餐勁🤤銅鑼灣分店相對尖沙咀店大 設計同裝修都幾靚 頗有泰國特色 位置設計係相當方便大家去夾蝦 水缸係旁邊 我地就已經可以輕易夾蝦 唔洗走黎走去😚缸既蝦好多 好生猛 溫馨提示係夾蝦頭而非蝦身 因為夾蝦身好易會令佢地游走或者彈哂d水 不過餐廳都好貼心咁提供埋手套同圍裙 唔怕整污糟☺️ 夾既過程真係幾有趣 幾有泰國🇹🇭風味 當自己好似去咗個小旅行咁✈️除咗食蝦之外 餐廳會送上和牛兩片同用粗鹽醃製好既流水蝦 鮮味更突出出面雪櫃仲有大量燒烤材料 例如茄子 翠肉瓜 菠蘿 雞肉 豬肉 牛肉串等等 絕對唔怕唔夠食🍢不得不提仲有泰式船麵 可以自己DIY配搭 望落配料都幾多幾吸引 不過今次太飽就無試到😫 一於留返下次！海鮮🦞除咗流水蝦 仲有生蠔🦪 大蜆 翡翠螺 青口等 夠新鮮 燒完食落幾有鮮味！💕 忍唔住食咗幾輪 餐廳都refill得幾快飲品選擇都幾多 成兩三個櫃有齊唔同款既野飲 另外有多款小食 泰式蝦餅春卷 台灣腸 泰式鳳爪 唔洗擔心太單一😋雪糕係必食！係香港製造既可可貝妮球 有好多種口味 最推薦係海鹽同豆腐味 兩者甜度都岩岩好

終於去咗試夯蝦喇！之前一直想試，但因為地點比較遠，所以一直都未去！依加尖沙咀都有得玩喇！一入到去緊係快啲睇吓啲蝦先！隻隻都好肥好大隻，而且好生猛！職員會俾個冰筒你，夾啲蝦落去，等佢凍暈咗先再燒！第一輪好細心咁已經整定咗一轉大頭蝦喺到！另外自己可以再加牛油或鹽去燒～醬料亦有好多選擇！以泰式醬料為主！出面有啲熟食可以直接拎黎食，等蝦熟嘅時候都唔怕悶，有蝦片、炸蝦、蒜蓉包等等除咗蝦之外，出面仲有好啲串燒、香腸、菠蘿、丸類、肉類都係任燒任食！海鮮方面有扇貝、青口、螺，就連蠔都係任食！甜品方面就有小杯獨立包裝嘅啫喱、布甸、泡芙、雪糕，另外仲有西瓜都係任食！食完之後真係好滿足！

星期一同朋友去左泰夯蝦食晚飯，真係有驚無險🙈話說我用OpenRice book左枱。我以為book左7:15。點知book左5:15，見到缺席題示先知book錯時間😭。。大獲啦！好彩打電話去餐廳可以改時間同用得番OpenRice 訂枱優惠送大閘蟹🤣入座後店員會講解下點夾d蝦同介紹自助區。限時兩小時既🦐🦐🦐夾蝦放題開始！🌊坐位一邊有條河，裡面好多游水蝦，夾個陣會跳黎跳去，水花四濺🤣非常生猛！夾起既蝦放入冰筒浸暈佢就燒得。自助區有帶子、螺、蠔、蜆。。好多海鮮🤤燒到蝦殻轉色，聞到香味就開動啦！新鮮蝦肉果然爽口彈牙，好食！帶子、蜆都幾新鮮，送左份和牛，雖然份量唔多一人一塊，不過質素唔錯。輕輕燒一下就ok, 肉味濃、有肉汁、肉質軟熟唔油膩除左海鮮重有d串燒、肉類可以BBQ熟食唔係好多。另外有少量炸物，自助區船麵配料十足！自己整，放多幾粒蝦丸係底🙈飲品有罐裝汽水、茶、重有呢隻梳打水食到中段，大閘蟹黎啦。細細隻都有d肉食，有D蟹膏。尚算新鮮好味，唔錯食飽食埋甜品波波雪糕。口味超多丫，有荔枝、芒果、抹茶、榴槤。。真係花多眼亂🤣旁邊重有啫喱杯。兩小時玩下食下都係第一次。食蝦食到飽都係第一 次🤣🦐。

爸爸好鐘意食海鮮，所以今次揾嘅呢個燒烤放題賣點係食生猛蝦。今次我哋一行四人去，但被安排的枱同爐具與兩人無別，都係得一個爐。稍為拎多少少野食，張枱已經滿咗，座位都幾迫唔太舒服。爐size細，而且火力唔夠猛，所以燒的時間頗長，四個人食咗半個鐘都好似冇野落肚。好彩呢到的有啲熟食拎。不過款式唔多，有台灣腸，炸物類， 泰式鳳爪等。但味道就好一般，炸物唔夠脆，唔夠熱。每位人客入痤都會送一份A4和牛，個牛真係好好食，可惜得一塊。其他丸類，肉串， 麵包，蔬菜，甜品都有啲，好普通唔特別講。呢到最值得食係海鮮類，可以燒扇貝、生蠔、 蜆同賣點生蝦。座位隔離就有大蝦缸，想食蝦就自己鉗佢上嚟，再放入冰桶，等佢雪暈後再網燒。生猛蝦口感的確彈牙好多。嚟呢到一定要瘋狂食蝦。扇貝，蜆，蠔夠鮮甜。不過殼類厚身，火力唔夠需要好多時間燒熟，所以真係要好有耐性。總括今次都算唔錯體驗，夠特別，鐘意瘋狂食蝦食海鮮嘅值得試下。其他食物款式同味道普通，拎食物位置好迫。呢到唔適合鐘意食肉獸朋友。職員間中都有幫啲客人開下蠔同教佢哋點燒蝦，有問顧客意見，態度都有善嘅。

疫情關係已經差唔多成年冇去過旅行喇！不過而家喺香港好多地方都可以搵到外地既好野食～今次我就去咗體驗泰國流行咗好耐嘅流水蝦放題....每人$298，就可以任食兩個鐘。一行入餐廳就見到好長既流水蝦缸....每張枱都有抽氣，唔怕食到成身都係燒烤味～大蝦全部都好生猛新鮮～蝦夾上嚟之後，要先放入冰桶凍暈，再放上爐燒。除咗大頭蝦之外，仲有蠔、青口、蜆、扇貝、螺等等嘅海鮮....蠔唔算好大隻，不過勝在夠鮮，蜆肉質飽滿鮮甜。丸類、菇類、雞翼、多春魚、豬頸肉、菠蘿、炸物等等！飲品亦都有好多選擇。眼見隔離枱主攻海鮮，而我地就海鮮同其他食物一半一半咁燒～無咁膩呀嘛！蝦肉爽口彈牙，蝦頭仲好多膏～點埋泰式醬汁食，超新鮮。每張枱都會送宮崎縣A5和牛一客，滿口油脂甘香，超滿足！雪糕係香港製造嘅coco berry雪糕波....之前睇電視譚玉瑛姐姐介紹過，估唔到喺呢度竟然有食到～獨立包裝，方便衛生。呢兩個鐘好食又好玩，真係超滿足....等疫情緩和番，要帶埋媽咪呢個超級「蝦」迷泥試下，相信佢一定會鍾意。

泰.夯蝦－位於銅鑼灣堅拿道西，即鵝頸橋對面，早幾日係另一餐廳食飯，無意聽到幾位太太話: 「我想去果間泰x蝦啊，唔識讀個名，但啲大頭蝦好似好新鮮咁」。聽到呢到我都好有共鳴，因為我都唔識讀呢個字，但同樣係比無限任食大泰國大頭蝦所吸引。限時神級優惠價$299/位 (原價$388)，留意返有三個時段，同埋預先訂座，宵夜時段/OpenRice訂座，每位成人均送一隻大閘蟹，詳情可從餐廳 社交平台專頁索取最新資訊。餐廳中央有一條貫穿整間餐廳嘅流水蝦池，食客於兩旁座位可隨意揀選自己鍾意嘅大頭蝦，任取任食，但緊記千萬唔好浪費，食幾多取幾多。大頭蝦好新鮮，隻隻都非常生猛，唔少都大大隻，任君選擇。即取即燒，就如日式浜燒一樣，同樣鮮味，可添加少許粗鹽燒製，簡單方便，亦能勾出其鮮味，蝦肉爽彈，蝦味濃郁，而咁大個蝦頭仲有非常多蝦膏，鮮甜美味!除泰國大頭蝦外，仲有新鮮生蠔、帆立貝、青口及花甲，全部任取任食，其中，燒蠔非常creamy幼滑，蠔味適中，質素幾好；花甲夠大隻，飽滿肉厚，肉汁澎湃，仲幾鮮味；帆立貝同青口都唔錯，同樣新鮮!有幾款串燒，分別係燒雞腎、雞軟骨，以及汁燒牛肉，仲有唔同款式嘅醃雞翼，包括咖喱、南乳及香

之前去泰國已經試過食呢啲釣蝦餐廳原來香港都有得玩 之前好似睇fb 有介紹過 今晚放工得閒黎試下一入到去個環境都算幾闊落每張枱隔離都係個水池入面都好多隻蝦全部都係藍藍地色果種大頭蝦可以用個夾夾佢上黎都要用少少力夾實啲 因為隻隻都好新鮮唔夾實d 真係會跳走先將d蝦 放落個冰桶入面焗暈佢地等佢地靜止左再放係個烤網上面就唔會彈黎彈去大約每邊燒幾分鐘已經熟晒熱辣辣即刻食識食一定係食蝦頭入面都好多膏下D肉係實淨得黎好彈牙其實新鮮蝦肉質點都唔會差得去邊除左蝦之外都仲有其他海鮮或肉類種類都唔少 不過我主力都係食蝦2個鐘其實都好夠食同埋都唔燒得太耐，可能抽風未係好夠勁，有dd焗要讚一個位係飲品種類好多 好開心燒烤黎講一定係不斷飲野可以任飲係好正最後可能呢排係大闡蟹當造每人竟然送一隻大闡蟹正到爆本人又係好鐘意食大闡蟹自己買都已經食左幾次所以好驚喜呀！

朋友知我愛食蝦又愛食BBQ又愛食泰菜,所以選擇泰夯蝦來慶祝我的生日。泰夯蝦主要任食流水蝦、時令海鮮、泰式小食、甜品、飲品。這餐廳光猛,好有森林FEEL,還有泰國風格, 十分舒適。*在坐位旁有好長好長魚缸,就是養著生猛蝦,隨時可以夾來烤,十分方便好玩。*首先免費每台限送上已醃好的蝦及和牛用來燒烤的。*烤下烤下....香噴噴...這些時令海鮮海鮮有蠔、元貝、蜆等是任食的,全都鮮美滿瀉。*這肥味蠔經烤後,鮮美潤嫩,香味誘人。*烤元貝,味道鲜美,肉質鮮甜。*我親手捉活蝦,好攪笑有趣,捉蝦時牠們向後游的。將蝦放在凍筒一陣, 以防燒烤時跳來跳去。這些流水笑蝦任捉任食, 十分好玩好食。啖啖蝦肉,十分紮實彈牙新鮮,想不到蝦頭有那麼多膏,回味無窮。**趁燒烤食物時,去自助任食區睇下先!自助區食物有醬料、燒烤配料有蔬菜類､丸類等, 泰式前菜、湯品、熟食、水果、甜品及飲品,全都是自助任食食物。*無骨鳳,有爽脆口感,有酸酸辣辣味道,是必選開胃前菜。*冬蔭公湯有蝦,湯底酸同辣都好平均及鮮甜。泰式炸物,入口酥脆可口,可蘸點甜酸醬更惹味。*當然少不了甜品,食了泰式甜品及雪糕球。

日式放題 , 自助餐就食得多 .... 泰式的流水蝦放題就真的未試過 , 當晚我同太座就去一嚐究竟 ~位於 銅鑼灣-堅拿道西 的 "泰夯蝦" 是以流水蝦和泰式放題為主打 .... 所謂 "流水蝦" 就是食客從魚缸內夾起活蝦 , 放入冰筒內冷暈 , 然從放在電烤爐 , 烤來吃 ~除了流水蝦之外 , 還有蠔、青口、元貝、東風螺、蜆、泰式串燒、丸類、冬陰功、泰式鳳爪、泰式甜品 etc. .... 全都是 all you can eat, 認真過癮 ~除了食物之外 , 大多數飲品都是任飲 ....每一枱都奉送 "日式和牛肉" , 喜歡什麼熟度 , 就靠自己睇睇烤成點了 , 和牛肉的肉質軟嫩又夠肉味 , 讚 ~流水蝦 : 其實就是大頭蝦 , 由於全都是新鮮蝦 , 所以肉質都爽口彈牙 , 而且蝦頭的蝦膏特多 , 不需任何調味都有夠好吃 , 超讚 ~蠔、青口、元貝、東風螺、蜆 : 全都好新鮮 , 而且出品源源不絕 , 味道鮮美 , 最重要的就是烤得熟 , 好味又過癮 ~ 串燒和雞翼的味道都不錯吃 ~就是 "船麵" 都有 , 真係夠堅 ~食品供應源源不絕 , 要多加珍惜食物 , 不要眼闊肚窄 , 千萬

差唔多成年無得飛，當然要四圍搵下異國食品當自己飛咗以解無得旅行之苦啦～呢間鋪以曼谷正宗流水蝦做賣點, 又睇下做得似唔似先任食2個鐘——同曼谷既流水蝦店一樣, 座位旁邊就已經係蝦缸，生猛嘅大頭蝦就喺水度四圍游～揀啱就用大夾捕獲夾起之後要繼續夾實蝦，用店舖提供嘅冰放落冰桶直到凍暈佢地先好放落爐燒, 唔係就會見識到咩叫真正既「生蝦咁跳」調味料區，鹽，生蒜，牛油，一堆泰式醬料店方提供錫盤比你自行配搭佐料，點用就自己發揮創意喇～頭盤送既和牛，人頭數行出出面有自助區，蠔，扇貝，青口等等飲品亦係自助，有椰青，想飲要另外加錢飲品櫃後方可以自己煮個泰式船麵湯底有金邊粉/河粉加幾粒肉丸搭上乾蒜，湯頭足味又唔會太過鹹，都唔錯架～蝦頭勁多蝦膏, 好正燒爐size大約係咁，當然同泰國用炭爐唔同既係呢度環境問題只可以用電爐，要接受到近邊位熱力比較弱，比較長時間食物先燒得熟自助區亦有雞翼，丸類，串燒提供醃得夠味食完咁多野，有埋甜品就perfect啦甜品有布甸，啫喱，十幾款味道嘅雪糕球特別仲有榴槤，荔枝，芋頭，海鹽etc.環境方面，張枱真係比較細，一個爐都幾乎佔咗一半枱，加上要預位放置雪暈蝦既冰桶/殼桶，攞食物時一次