泰潮 (嘉咸街) (Closed)

逛上環 我鍾意穿梭大街小巷尋寶 行完永安 再喺街市檔口買小食生果 然後發掘隱世街坊小店-泰式晚市二人套餐A $268-🥣🌶冬蔭功湯我唔食得大辣 起初對個湯有少少抗拒 朋友推介下飲 大為改觀 個湯唔係想像中嗰種盲辣勁辣 而係微辣帶酸 湯料多而新鮮 大蝦草菇豬肉丸小蕃茄 食極仲有-🍢炸魚餅拼春卷即炸香囗小食 好難抗拒 新鮮熱辣 滿口油香 春卷脆卜卜 細细條容易食 魚餅煙韌唔腥 兩啖食完 如果多兩件就好啦😁-🥘青咖喱豬頸肉青黃紅咖喱之中 首選青咖喱 靑豆有咬勁 加埋青紅黃燈籠椒 色彩繽紛 仲有好多豬頸肉 成個餸好chewy 密密𡁻密密食-🐓🍚泰潮海南雞配油飯招牌菜式 當晚所見 幾乎每枱都order 海南雞嫩滑 鷄皮油光熠熠 鷄件絕大部份去咗骨 食得方便 再點啲自製醬汁 提升雞肉鮮味 例牌嘅份量剛剛好 鷄油飯可口 雞加醬加油飯呢個鐵三角 缺一不可-🧄🥬🥕🥦🌽蒜茸炒雜菜食雜菜嘅好處 在於款式多 椰菜西蘭花紅蘿蔔黑木耳粟米芯 健康七色蔬菜 幾乎俾我一take過食勻-🍮自製特色班蘭糕老實講句 賣相真係一般 之不過食完一個之後 你會想再嚟多一兩個囉 -📍上環嘉咸街七號地舖 泰潮

記得第一次嚐泰潮的泰式海南雞飯，是在深水埗的分店，當時一吃難忘，只因在香港竟然吃到地道的泰國海南雞口味。原來老闆在年輕認識到一班泰國人，於是在開店時便拜託他們幫手，一同經營至今。餐廳內最主要的幾位廚師都是泰國人。可惜，昔日深水埗分店已經結業，今次來到中環分店，不知口味有否改變呢？疫情影響下餐廳食客寥寥可數，但仍見不少人外賣自取。二人餐非常豐富分量十足，感覺更像三人份量，我和友人最後吃不完要打包。海南雞(例牌) 有雞胸及雞髀位置。雞俾肉入口嫩滑，雞胸肉雖然瘦，但亦吃起來並沒有乾巴巴的感覺，反而跟薄薄的雞皮一起吃充滿雞油香。泰式辣汁非常香濃惹味。跟海南雞雞是絕配。招牌咖喱牛筋腩，牛腩炆得軟腍而且入味，咖喱吃着有香濃的椰汁風味，味道不會太辣，咖喱汁用來拌飯一流。酸辣鳳爪辣得過癮，酸酸甜甜非常開胃。泰式蒜蓉炒雜菜，有芥蘭、椰菜、西蘭花、雲耳、紅蘿蔔及粟米仔。蔬菜種類多樣營養豐富。泰式炸蝦餅拼春卷，即叫即炸香脆可口，蝦餅口感彈牙。札肉肉碎湯有勁量的扎肉條、豬肉碎及生菜，湯底味道鹹鹹甜甜，有點像越南牛肉湯可的湯底味道。喜歡吃辣的話可以另選冬陰功湯。雖然中環分店的食物風味不及從前深水埗分店，但整體來

位於中環嘉咸既泰國餐廳，中環返工人士值得去一試。呢日同友人一人叫佐一個套餐，套餐包主食，一款小食(7揀1)，一碗湯同一杯野飲(茶同汽水系免費，其他泰式特飲需另加費)。友人主食揀佐米之蓮海南雞飯 ，而小食就揀佐泰式香茅雞中翼(2隻)，個海南雞飯幾出色，啲雞肉香嫩，雞皮唔係好肥，食落爽口，金黃色油飯食落唔會覺油膩。香茅雞中翼好香香茅味，大大隻脆皮肉嫩。而我主食就揀佐泰式肉碎煎蛋飯同上湯時菜(通菜),個肉碎好好好食，辣得黎食唔停口，加埋蛋黃汁飯，成大碟飯食曬。餐湯係泰式清雞湯，清甜冇味精。餐飲泰式凍奶茶，嗌佐小甜，真系做冲到小甜且好香濃茶香味。

放幾日假當然要出去行下啦！今晚就嚟食泰潮🤩🤩 .叫左個2人餐($298)😎 先上冬陰公湯🌶🌶 辣得嚟夠爽！入面有好多菇、蝦仔同貢丸🐽🐽 .海南雞(例牌)🐣 雞肉都幾滑，點嘅汁酸酸地，調番個味！撈油飯好正.咖哩牛腩🐮🐮 咖哩偏甜，牛腩好腍又入味！仲有幾舊口感好正嘅牛筋🥳 仲有d彩椒添🥰.青木瓜沙律非常之開胃！酸甜辣味有齊！青木瓜好爽🥂 上面仲有番茄仔同腰果，口感十足😋😋.小食有春卷同蝦餅🤪 蝦餅彈牙、春卷脆口👍🏻👍🏻.泰式蒜茸炒雜菜🥦🥦 炒得剛好唔會老 .甜品係椰汁糕🥰🥰 椰汁味香濃😍😍.加左10蚊要青檸梳打🍸🍸 夠酸好正🥳🥳

當年在深水埗工作，見證這間米芝蓮食肆的開張，對這裏的食品，產生了濃郁的感情，今天便來到中環的分店享用二人晚餐。二人餐$298，有八款食物。冬陰功湯，材料有蝦肉、草菇、秀珍菇番茄和肉丸，酸辣度適中，如果可以加熱一點，味道更佳。泰式青木瓜是沙律，青木瓜是口感結實，酸辣味道濃郁，作為前菜，合適不過。泰潮海南雞例牌，雞味十足，皮脆肉嫩，不愧為米芝蓮的海南雞。加點自製的酸辣汁，味道更佳。泰式蒜蓉炒雜菜，蒜蓉味道香濃，蔬菜爽口鮮嫩。泰式炸蝦餅拼春卷，炸蝦餅，外脆內軟。春卷皮軟中帶脆，餡料爽口鮮美。招牌咖喱牛筋腩，咖喱的香味濃郁，如果牛腩再軟腍一點，味道會更佳。雞油香飯，雞油味道濃郁，香茅味道十足，非常配合海南雞件的味道。泰式甜品兩件，椰汁味道香濃的大菜糕，個人非常喜歡。整體結論：份量十足，二人餐可以三人享用，非常超值。

今日系openrice無意中發現呢個超值自取優惠午餐，簡直平到令人難以置信，平時lunch一個海南雞飯套餐都要$80幾元，宜家竟然$31就食到海南雞飯或者滷水豬脾飯，香茅豬扒飯更加底，$25就有交易。呢個時勢真系食個早餐都吾只呢啲價錢，心諗系咪會將貨就價呢? 於是相約同事一齊試試佢有無將價就貨拎到返公司打開一睇，油飯大大碗，雞肉也不少，淨肉，啖啖肉無骨，加埋醬汁，酸酸辣辣好開胃，冬瓜湯好香胡椒味，見到個相熟伙計重送左椰汁糕比我地食呢個午餐$31完全系超超超值，抵讚

聽啲中環OL friends講 嘉咸街有間泰國野唔貴之餘仲要係米芝蓮推介🤩聽落咁吸引嘅野梗係要即刻去試試佢🤪佢地晚市有一人套餐 包主食 小食同野飲都係八九十蚊就有交易 晚餐黎講真係幾唔錯😝-🍖泰式滷水豬髀飯 $88依個豬髀飯係真係極邪惡🤤睇相都見到層皮幾厚 皮下面佈滿脂肪一咬係成口油脂味 好正🤤佢伴碟仲有酸菜同蛋 真係好有泰國風味🇹🇭-🍜冬蔭功豬肉丸湯金邊粉 $88而佢地嘅冬蔭功唔係辣個種所以食唔到辣嘅朋友仔都可以照嗌佢地入面嘅料都幾多 有蝦同海量嘅菇😝當然唔少得彈牙嘅豬肉丸 唔錯👍🏻-最後仲有個小甜品個椰青大菜糕好清新 有椰味得黎又唔會太甜順道一提 佢地嘅凍檸茶都幾出名飲到個茶底係真係用泰國手標茶 值得一試🙆🏼‍♀️

口味多變色澤種類兼醬汁搭配得驚喜惹味之外，無論單點或套餐配白飯絕對大飽口福，而當中那份酸辣甜的地道口味不僅是午市/下午茶或晚市外賣或堂食/自取價錢組合也較划算「冬蔭功豬肉丸湯金邊粉 $88」熱辣辣一碗裝起來濃濃的配料大融合，易入口之餘酸辣刺激味蕾覆蓋，足料份量特別醒胃，加上任選小食一客雙重滋味「泰式蝦球炒金邊 $98」油而不膩五顏六色滿有泰式靈魂，啖啖幼滑既金邊粉單憑賣相也相對吸引淨食己好滿足，每份套餐口味也能迎合唔同客人需求，菜式簡單令人一一叫絕

泰潮地址：嘉咸街7號地舖平民米芝蓮食店，中環小巷中尋。呢間多次被推薦，今日做完野走來食下海南雞飯。原本想外賣但堂食更新鮮。要要米芝蓮海南雞飯$90 跟配泰式青瓜沙律同清雞湯個雞湯湯好夠味，一粒粒米都吸收了雞湯。雞塊好滑，皮彈牙仲有d jelly 盈固在皮肉間,同一定要點好多薑蓉酸辣汁一齊食，果是名不虛傳湯有青紅蘿蔔，好飲好家常味跟小食要通菜，因上湯煮小油簡單唔怕太濃太鹹啦餐跟埋飲品，要了檸檬茶送左個椰汁大糕，好耐無食過啦，童年回憶

「米之蓮」個名已經夠晒保證，黎到上環搵泰式美食，「泰潮」個門面design都真係幾「泰」潮，有個泰國feel嘅「嘟嘟車」頭係店鋪外，一睇就知系食泰國菜。做齊量體溫等步驟後，入到店內都同樣係怖滿泰文，以青色為主配合返店面嘅青衣嘟嘟車。🔷米之蓮海南雞飯 💰90 💙80/100🔻配 泰式青瓜沙律、泰式清雞湯一人餐中揀左個海南雞飯，飯為香油飯，呈現偏金黃嘅顏色。海南雞非常嫰滑，且雞皮爽口新鮮，口感完全唔韌兼無骨。另外再配埋個泰式海南雞酸辣醬，有好強烈嘅香蒜味，美味非常。🔻泰式香茅雞中翼跟餐可以揀一款小食，香茅雞翼經油炸過所以外皮香脆，泰式食法會配埋一款甜酸辣醬。🔷泰式肉碎煎蛋飯 💰88 💙78/100🔻上湯時蔬（通菜）煎蛋係有流心效果，撈埋個蛋黃落啲飯到食一流，泰式肉碎嘅辣味都幾強烈，但強烈得黎又算較為偏向大眾，另外仲加入左好香嘅金不煥，非常不錯。🔹泰式凍奶茶 💙80/100泰式奶茶叫左少甜，所以個茶底味會較為香濃，岩哂卡比口味。相對於去泰國飲開嘅泰式奶茶黎講，唔會算太甜。

今日喺中環收工，突然之間好想食泰國嘢，於是就上OpenRice搵吓有咩好嘢食，見到呢一間泰國餐廳價錢唔貴，有好多人推介，就入嚟試一試。同好多泰國餐廳一樣，呢度嘅員工都係泰國人，而且店入面嘅裝修係貼滿晒曼谷唐人街嘅照片，舖頭入面嘅配色都同唐人街入面一間好出名嘅海鮮飯店一樣，係呢一段去唔到旅行嘅時間，都算係幫我止止痕。我哋每人點左一份一人套餐，主菜未上之前首先放低左兩碗湯，係非常有泰式風味嘅胡椒雞湯，同喺曼谷水門雞飯飲到既好相似。男朋友叫咗一個海南雞飯，聽講呢一度嘅海南雞飯係有米芝蓮推介。男朋友都嘴刁，但係佢都食得出呢一個海南雞飯係高質嘅。肉質淋亦食得出係新鮮，薑黃飯落得夠多薑黃。值得一提嘅係佢個辣汁，味道非常正宗，酸辣亦都適中。而我就叫咗一個豬手飯，呢一樣野好少喺香港食到。呢一間嘅豬手飯亦都10分肥，不過對我來講係好事，將佢比較多油脂嘅部位佢點佢比嘅嗰個辣汁，非常好食，非常有泰式風味。伴碟嘅酸菜同蛋都同泰國嘅規格一樣值得一讚。每個一人餐都會附送一個小食，男朋友揀咗炸雞翼，正正常常。而我就揀咗個酸辣鳳爪沙律，份量都幾多，亦都好味。餐飲係泰式奶茶同埋泰式檸檬茶，飲得出佢嘅茶底係泰國嘅手鏢茶。

在中環上班的朋友介紹了一家他常吃的飯堂，主打馳名的泰式海南雞飯。位置於隱蔽的小巷裡面，還真不易找呢。見到外面一輛泰國街頭常見的摩托車，入面仿照泰國街頭的設計，真想去一趟泰國旅行。各人點了一個一人套餐，套餐較划算，跟湯品、小食、飯或麵食、飲品、甜品。來到這裡，非點米芝蓮海南雞飯不可。點了一個飯類，另一份就點炒粉吧。湯品：白蘿蔔清雞湯小食：串燒雞肉烤得香口乾身，淋上沙嗲醬，挺惹味的，一串確是不太夠喉。主菜：泰式蝦球炒金邊粉擺盤很美，以蛋網包裹著。數顆大蝦球加炒粉，麵條煙韌，酸甜開胃，份量足料。米芝蓮海南雞飯雞皮薄，色澤金黃油香，雞肉滑嫩，肉質彈牙，大部分已去掉骨頭。配雞油飯，還帶椰香，雞油飯沒想像中油膩，拌著醃青瓜及酸辣醬吃，味道更昇華。飲品：泰式奶茶，那濃郁的奶香，正宗的泰國茶味，回想起在泰國時每天都喝一大杯冰凍的。甜品：椰青大菜糕，細細杯，入面還有爽口的椰子肉，椰子味濃郁，應該是以椰子水製作而成的。

因有優惠而叫外賣自取海南雞飯，雞的質量一般，雞肶有陣血水味啲飯得個黃字，而且似乎混了碎米來煮飯，又有生骨嘅感覺，雖然優惠價$31，但也請不要張貨就價吧唔會再試！

It was a cool and rainy day so I opted for some hot noodles, preferrably something sour and spicy!The Tom Yum Soup was Ok, needed a bit more coconut milk as it lacked the fragrance and there wasn’t enough of a kick for me. Overall the toppings were a bit sparse, 3 prawns and 2 pork meat balls to be exact. Some mushrooms but I was not quite full after having this “lunch set”.

今晚放工約左個同朋友去中環嘉咸街泰潮食晚飯，皆因之前上openrice 介紹呢度係米之連泰菜餐廳，而且價廉物美，所以一早已經決定有機會一定要黎食下😋。疫情下，餐廳都做足功夫，量體溫同擦搓手液都要做足先可以入餐廳內，同時安排坐位都要隔一張枱，所以食客都食得安心又放心😃。今晚同朋友各自一人order左一人套餐😋。🐔米之連海南雞飯（配：泰式清雞湯、上湯時菜、泰式奶茶）黎到呢度一定要食呢個米之連推介，先講飯底，粒粒米飯🍚都充滿油潤雞油飯香味，但一d都唔會覺得膩；而雞非常有雞味，雞皮夠晒薄，我都好放肆，忍唔住蘸埋個泰式醬，連皮都食埋😋，整體黎講成碟飯非常滿意👍🏻。🍜冬陰功豬肉丸湯金邊粉 （配：串燒豬頸肉，店員好好，送一碗清雞湯比我地😄）每次去任何一間食泰菜都好，冬陰功湯每次都必選。呢度冬陰功湯底味道正宗得黎唔太辣，相信係要迎合番香港人口味而作適當調教，而豬肉丸彈牙兼豬肉味濃，而且仲有三大隻🦐，鮮甜爽口，成碗粉朋友連湯都清埋😋。最後仲有一個椰汁味甜品，口感好似大菜糕，椰味重但唔太甜😋好味。總括黎講，每人都係$90倒就食倒米之連級數晚餐😋，大滿足👍🏻