泰潮 (嘉咸街) (Closed)

泰潮曾獲米芝蓮推介肯定，所以越開越多分店。​今日選擇咗晚市二人套餐A （$268）​呢個價錢都幾抵食，而且套餐嘅選擇非常之多。唔想諗食咩嘅朋友揀套餐就最好😆😆​​冬陰功湯 - 味道唔會太濃，怕辣嘅朋友應該都可以飲到，材料多到成個煲都係🤣 ​​泰式海南雞 - 入口軟滑，皮脆口就算唔點醬汁都幾好味～​​招牌咖喱蝦球 - 同樣蝦嘅份量都唔吝嗇，咖喱汁幾香同埋唔辣～ 配埋佢個飯好好食，佢絕對唔係一般嘅雞油飯咁簡單～仲食到香料嘅味道，唔錯！​​春卷同蝦餅 - 蝦餅味道好好！ 有好香嘅香茅味道再配上其他香料，感覺幾特別​​甜品 - 椰汁糕唔會太甜，食完重口味既食物再食呢個剛剛好​​整體份量其實好多，應該可以三個人食，所以呢個價錢算係抵食

✨會唔會「泰」抵食✨～～～餐廳名稱：泰潮 (中環)餐廳地址：中環嘉咸街7號地舖～～～泰菜一向都係我同大舊非常喜歡嘅菜式 由於最近疫情影響 我哋好耐都冇去過旅行 冇得去泰國當地食泰菜 唯有喺香港搵間正嘅泰菜嚟食下 朋友推介之下 我哋就嚟咗呢一間超抵米芝蓮泰菜食晚餐🥰～～～餐牌真係好多選擇 睇到我哋都唔知食咩好因為懶得揀食咩 所以我哋就直接揀咗個二人餐～～～叫完嗰餐之後 坐咗一陣 個湯就上嚟啦我地叫左扎肉肉碎湯 裡面有生菜扎肉同肉碎 飲落有淡淡地嘅醬油味雖然唔係好泰式嘅感覺 但係都幾好味～😛～～～說時遲那時快 飲完個湯小食就黎啦 春卷配蝦餅呢個選擇 真係冇人可以抗拒 炸到咁香脆 真係要難食都難呀🤩～～～2款咖喱入面我地揀左招牌咖喱豬頸肉 青咖喱味好濃郁 撈飯真係冇得頂 而且啲豬頸肉又好嫩口😊～～～除咗豬頸肉之外 佢哋嘅海南雞亦都非常之正 又嫩又滑 而且最緊要係大大碟 啱曬我哋兩個大胃王😁😁😁～～～有肉有湯 又點可以少左菜啦 要食多啲菜先身體健康㗎嘛貼心❤嘅餐廳係呢一個餐裏面都安排左炒雜菜 雜菜好香脆 有老字號大排擋嘅功架feel~好食🤤～～～推薦度：🔥🔥🔥🔥🔥🔥🔥🔥（10🔥最高）

📍泰潮 (中環)中環嘉咸街7號地舖-----⏰最近大部分時間都Work from home，B仔同家姐係屋企都悶到不行，所以就冒住比阿媽鬧嘅危險，夜晚近近地去咗屋企附近食呢間我之前有食過嘅超抵米芝蓮泰菜，過下鋪出街癮。黎到之後我地諗都唔諗就叫返我地常叫嘅2人餐😁，貪佢夠抵食又豐富，前菜、湯、飯、肉、咖喱、菜同甜品都有齊曬，賣單兩個人都唔使$300🤩。-#冬陰功湯：傳統泰式火鍋爐不斷加熱個湯，所以一路飲都非常熱辣辣，湯底材料好豐富，有番茄🍅、蝦🦐、秀珍菇、貢丸同香蔥等，酸中帶辣，辣中又帶鮮，醒神開胃。-#泰式炸蝦餅拼春卷：蝦餅同春卷都係新鮮炸起，記得擺番一陣先食，如果唔係會頗為燙口。蝦餅彈牙又扎實，帶微微香葉味。而春卷內餡則以蔬菜為主，食落感覺輕盈。🥢-#泰潮海南雞：佢哋最出名嘅海南雞比得一啲都唔手軟，2人份量多得驚人。🐥雞肉食落嫩滑有雞味，雞皮皮下肥脂肪唔多，卻有一層膠原感滿滿的上湯啫喱，呢個價錢黎講算係好出色。-#雞油飯：🐣雖然呢度海南雞最出名，但其實B仔更愛佢嘅雞油飯，吸盡雞油精華嘅飯粒，味道香而清，粒粒分明，乾爽唔油膩，連我呢啲唔鍾意食飯嘅人，竟然都可以成碗食晒。-#泰式咖喱蝦球

以為外賣app通常好流，來到比堂食或平時外賣少一截。原來今次係同平時分量一樣，真心抵食！仲有個湯唔會太咸，雞好味油飯又好香，出餐時間都好快呢頭落單行到去鋪頭就有，好有效率！下次會再幫襯

放假天和朋友仔來到中環吃泰菜，揀左呢間米芝連之店，名叫泰潮，香港有幾間分店架，中環呢間位置都頗多，燈都好別緻。我哋點左一個二人套餐，價錢好抵食之餘份量亦好夠多，仲有高質素，每個菜式都好味。首先來個煲上冬蔭功湯，熱辣辣丶酸酸的又不算太辣，好岩八口味，湯內材料十足，身為冬蔭功迷的我好喜歡呢！泰式炸魚餅拼春卷，炸魚餅係辣辣地的，炸得金黃，好嘢味呢！泰潮海南雞（例牌），好大的一碟海南雞，啖啖肉，肉質嫩滑。泰式青咖喱豬頸肉，青咖喱汁非常香，有香濃椰奶味，少少辣的，配上飯吃一流，豬頸肉亦好滑，非常推介。泰式蒜蓉炒雜菜，好大的一碟，菜好新鮮，仲有雲耳和粟米仔，正！仲有一人一碟大大碟白飯/油飯和糕點作甜品，呢個二人餐真的超抵食，平靚正！飲品方面加點左一杯龍眼冰，龍眼味濃，而且夠冰凍，吃埋甜甜的龍眼，大滿足！店員服務態度好好，下次再來吃。

由於新型冠狀病毒疫情持續，近乎日日都有新增個案，飲食業當然一啲都唔好過。見到有酒店餐廳連外賣都有做，就知大家為保生意，都要扭盡六壬。而家下唔少餐廳都以外賣為主力，近排就見Openrice同好多餐廳合作推出好多獨家外賣自取優惠，攞過米芝蓮推介嘅「泰潮」就喺其中一家。一來挾着米芝蓮嘅「朶」，二來個外賣自取優惠又的確非常吸引，怪唔之得門外都好多人等拎外賣。而且，門口張枱仲埋滿好多外賣等人拎。因為實在太抵食，隔咗幾日又再叫，試咗兩款唔同嘅飯品。順手拎咗啲單張俾大家參考，有散點、、午市套餐及晚市時先供應嘅一人套餐。第一次嘅外賣，小弟就點咗泰式滷水豬脾飯，因為個豬脾飯實在太抵，所以，梗喺要多份炸魚餅啦，同樣有半價優惠，兩樣夾埋都喺$51，仲送埋個涉。泰式炸魚餅（4件） $20因為個豬脾飯太抵，所以，梗喺要多份炸魚餅啦，原價$40，依家半價$20咋。啲魚餅炸得金黃，仲有啲椰菜絲、甘筍絲墊底，始終整好咗一段時間，拎到返嚟又等咗段時間，都好難仲喺熱辣香口，不過，食落就覺得唔喺啲勁溝粉貨色，卻又唔喺好爽彈，而有一陣陣香葉味，但就意外哋幾辣吓。泰式清雞湯買飯品仲會附送湯品，湯內有大大嚿冬瓜，唔喺睇番啲外賣單

不知道是否中午飯市較為繁忙，告訴職員提取枱上的飯包，卻帶來不友善的回應，卻不知道顧客的感受！這是有史以來第一次外賣自取不愉快的經歷希望在這方面做一些思想教育改善吧！

今日跟住米芝蓮去搵食，嚟到中環呢間隱世小店 泰潮，餐廳藏身於小巷唔顯眼，其實唔難搵就喺星展銀行總行行上嚟。裝修茶餐廳格局有泰式風情，榮獲米芝蓮一星，但食物價錢仍保持平民化，值得一讚！點左一個2人餐$268，呢個價錢相信喺中環好難搵到！冬陰功湯用傳統泰式火鍋爐上碟，賣相吸引，材料豐富有蘑菇、蝦、豬肉丸、香茅等配料，酸酸辣辣開胃醒神！招牌海南雞雞招牌菜式榮獲米芝蓮一星，採用嫩雞脂肪較少，起骨上碟肉質嫩滑有雞味，皮肉中間有一層啫喱狀骨膠原，養顏佳品！油香飯好大碗，粒粒米飯金黃色，吸收了雞油精華，甘香味美！招牌咖哩蝦球咖哩濃烈稠身，有辣勁甜度夠，軟滑順口 ，配上新鮮蝦肉，清甜爽口彈牙，撈飯一流！泰式炸魚餅拼春捲魚餅香脆 惹味爽口彈牙帶微辣。春捲為齋卷，香脆可口清新爽甜！蒜蓉炒雜菜新鮮翠綠清新，炒得夠鑊氣有大排檔水準，陣陣蒜蓉香味令人垂涎欲滴！班蘭椰汁糕班蘭配椰汁，清甜清新怡人， 減膩消滯甜甜蜜蜜，係完美飽足一餐的甜品。

今晚收工同班老友鬼鬼係中環覓食，竟然比我地尋到寶。係中環街市附近， 小巷仔入面，發現左一間米芝蓮推介嘅泰國菜餐廳。我地4人選了晚市兩個2人套餐 $268，菜式好豐富，相當抵食。 依度嘅泰式冬陰功湯真係超正，煮法味道正宗。 夠濃郁， 亦不失海鮮嘅鮮味， 細細鍋材料勁豐富， 超美味極推介！泰式海南雞，肉質十分嫩而入味，配上醬汁真係好好食，附上嘅白飯亦夠曬份量， 可以選擇白米飯或雞油飯。雜菜新鮮，款式同份量都幾多，蒜味幾濃。泰式炸蝦同春卷脆口惹味， ，外面香脆，內裏彈牙，鮮味十足。甜品係椰青大菜糕，為豐富嘅一餐畫上句號店員服務非常有禮貌，用餐時會不時主動幫忙和加熱水，真係超讚。

我又同friend去左食好東西啦！今次黎到上環嘅泰潮，試一試米芝蓮介紹的泰國菜。鋪頭門面毫不起眼，但入到去仿彿去左曼谷嘅唐人街！鋪頭整體乾淨企理，員工有禮貌地介紹菜式，最後我地叫左二人餐。一黎飲個冬陰公暖暖胃，員工仲幫我地裝埋湯落碗，抵讚！味道濃郁，多料到爆炸，難怪我朋友話仲好飲過泰國！再黎係爽口嫩滑海南雞配油飯，雞皮脂肪比例適中，肉質口感一流，應該係全店必點菜式之一，而且仲連續8年奪得米芝蓮大獎，係香港少有能做得咁出色既海南雞，值得一試。仲有青咖喱豬頸肉送埋飯一流，最後上埋泰式甜品椰絲糕，抗疫時期食個豐富嘅泰國菜當去旅行啦！

依排佢做緊Open Rice 特價優惠，食過幾次，已經覺得佢既海南雞飯少雞飯多，味道一般。都算，食得特價野唔會要求太多。今日再食，今日既單量應該好多。佢地應接不下，安排極度混亂！大家都叫海南雞 岀左137號都未岀97號，唔係順序pack 都算，本身啲人好聲好氣叫佢地check 下，但有個男人waiter 喝番自己友入舖 叫佢唔好理岀面啲客 多口講左句話點解唔係順序pack 就俾佢話無讀書 又瞪大隻眼兇我地 問我地有乜問題 又話落閘又話退錢趕岀面啲客走！俾佢兇左15 mins先終於肯pack 俾我地我理解做promotion 係會忙同做得辛苦，不過絕對唔係發洩喺啲客身上面講番味道，啲油飯有啲乾，雞太少，醬汁還好，不過又唔係特別好食又要受完氣先有得食，不了！ 中環區重有大把好味小店大家諗清楚先去幫襯喇～

服務好差，野食嚟的時間好耐，等極都未到，成個鐘，lunch 時間都過了，仲要催左一次，就比個waiter 黑面同串，真心吾知自己做緊乜。如果吾系親身經歷，都吾敢講真心吾會幫襯，大家幫襯前諗清楚

最近午餐既飯堂~真心係覺得幾抵食 推介左比好多朋友🤣兩點半到六點下午茶套餐只係 $48一份套餐非常豐富有海南雞飯、冬瓜湯、青瓜同埋泰式糕點仲包一杯泰式奶茶或者泰式檸茶加多$12 仲可以選多一款小食 ，有鳳爪、春卷、雞翼等等既選擇。一碟下午茶海南雞雞飯有4件雞加一隻雞翼，油飯都好大碟。食左幾次質素好平穩😋 雞肉嫩滑，醬汁都調配得好好👍🏻其他野仲未試過🤣因爲次次都係忍唔住叫海南雞性價比高阿🤩🤩🤩中環抵食之選

係中環食lunch 至少都要五十蚊起跳，想食好啲更加要過百，泰潮係難得嘅性價比高食店🥰雖然泰潮係米芝蓮餐廳，但價格絕對貼地，午市套餐平均$60-70，仲有一個$28雞絲湯金邊粉餐，啱哂想食平啲嘅中環人！講起泰國菜，一定會諗起冬蔭公，所以今次我就叫咗個$68冬蔭公豬肉丸海鮮湯金邊粉餐試下，午市套餐仲包埋野飲同甜品，超抵！從外觀睇已經好吸睛！首先梗係要試下個湯底，冬蔭公嘅辣味唔會好涸口，算係比較温和嘅辣（但我算係比較食得辣嘅），有唔太食得辣嘅朋友覺得好辣，所以想食嘅話就要衡量下你嘅食辣程度再揀。除咗辣味之外，湯底仲加咗椰汁，所以隱約會帶有甜味，可以中和下啲辣味，再加上蕃茄嘅酸味，可以話一道菜式集齊哂甜酸辣嘅味道，但咁多味加埋又好和諧，甜味中和辣味，酸味又令你更有胃口！而豬肉丸同蝦都好彈牙，金邊粉亦好入味，$68 就可以食到絕對係性價比超高！🤤而跟餐仲包野飲同甜品，飲凍泰式奶茶都唔使加錢，絕對係良心食店！泰式奶茶一如既往咁係偏甜，但配埋冬蔭公食就啱啱好！至於甜品呢，我都唔太清楚係咩黎🤭睇落有啲似大菜糕，食落都係偏甜。由於午飯時間好多人，所以安排咗我地上一樓坐，座位偏窄，但都算舒服。為咗好食嘅

今日遲左收工，大家都打算買外賣回家食就算，同事就提起「泰潮」做緊外賣買一送一，大家就決定買佢做晚餐。一人買一盒飯和一款小食（變相就有兩盒飯和兩款小食）C9本色今晚我地買左海南雞飯，泰式豬肶飯，香葉雞和泰式魚餅（以上四款食物都是買一送一，我們就每人各攞一款回家）。原來每盒飯還跟湯一碗，雖然佢地做買一送一，但一點都不會將價就貨，醬汁都跟足，真心好抵，好抵食。先講海南雞飯，無骨不在話下，仲要雞好滑，好入味，雞油飯相當香豬肶飯一樣，豬肶好淋，入色又入味，豬肶底還鋪了幾片滷水豬腸，好好味香葉雞就比較遜色了，乾淨淨，有點嚡！魚餅相對比較好味，但就比較薄和細件。平心而論泰潮嘅飯真係好好味，小食就普普通通吧！就算佢沒有做什麼買一送一，以佢飯嘅質素，以這價錢cp值很高