泰象苑 (Closed)

某日到 太子 看過貨辦之後 , 個肚餓到打鼓 , 又是時候覓食 , 真的不知道何處落腳 ....忽然察覺有一間泰式餐廳 於前方 , OK! 就入去幫襯 ~Lunch menu ~泰式去骨海南雞飯 ( 跟餐飲 ) $ 48 : 碟飯一上枱就知對辦 , 先吃一羹油飯 , 飯粒分明且粒粒軟棉 , 而且甚為香口 ; 再吃件去骨雞 , 味道頗鮮味 , 雞皮薄滑而且肉是熟透的 , 亦算嫩滑 , 一口雞一口飯 , 味道還不錯吃的 ~餐飲 , 點了 凍龍眼冰 ( 另加 $ 8 ) , 這杯龍眼冰的味道清清甜甜 , 十分好喝兼且透心涼 ~ 說句實在話 , $ 48 一個 泰式去骨海南雞飯 午餐 , 還真是經濟實惠 ~ 本篇完 ~

今日又要全日跳舞，跳舞前要食飽啲，啱啱喺呢幾條街行過，諗諗下好耐都冇食泰國嘢，就係呢度食午餐。午餐有好多選擇，我而家好想食啲香口嘢，所以就嗌咗炒粉飯嘅呢個。 香草肉碎炒飯43蚊，有埋隻煎蛋煎蛋未係全熟，仲有蛋汁真係好送飯，香草肉碎嘅香草係好有泰國味，肉碎有啲肥，加咗紅辣椒去炒嘅味道係辣辣地幾惹味， 撈埋白飯嚟食，白飯都夠乾身，乜佢唔係叫炒飯咩？ 呢碟飯我點食都覺得係食泰國嘢，好彩冇中國餸嘅味道。跟餐飲品可以加8蚊改為泰式飲品，我想要飲青檸梳打，清涼下但係飲落好特別，唔似淨係得青檸加梳打水咁簡單，飲落似係加咗啲青檸汁咁囉！一個午餐真係食到好飽！

有個好朋友介紹太子柏樹街有一間好味既泰國餐廳，個名係泰象苑，D食物賣相都不錯，所以今天和朋友專程收工去一試先！係門口睇到 有set 又有得散，幾吸引喎！即刻入去試試先，原來呢間餐廳是用來自泰國廚師主理，食物應該有保證啦！而店內雖然多人，但都唔覺得太迫。等左10分鐘，可以入坐。即刻打開餐牌睇下有咩正野先，今天突然好想食魚🐟，就叫左一條曼谷地道鹽燒鰂魚，泰式秘製咖喱羊膝，仲至愛的生菜包，再加2杯青檸梳打！先就下鹽燒鰂魚！魚表面蓋上一層層鹽燒製而成，打開魚內有香茅等材料醃製，令肉質鮮味，一點魚脭味也沒有，再配合魚露，將魚的鮮味帶出來，果然不錯！再試泰式秘製咖喱羊膝！咖哩不算太辣，羊膝有驚喜喎，竟然冇蘇味，而肉質細嫩，真係幾好味！而分量相當充足，個羊膝成個拳頭咁大，仲有雜菜，薯仔，蕃茄等！ 到至愛，生菜包肉碎！新鮮生菜，再加埋帶有少少辣味的肉碎，真係令人食唔停口！真係不用多講，食左先！之後，再喝埋杯青檸梳打，已經大滿足了！2個人加埋都係三百蚊左右，都幾抵食！

晚餐時間10分肚餓今晚行過見到泰象苑遠呢間餐廳所以就立即入去醫一醫肚首先叫咗個青木瓜沙律小小辣再配上微酸嘅青木瓜超級開胃而且食落口仲有蝦的味道而且仲有脆口十分惹味的花生碎粒淨係個前菜都已經令我胃口大增了又叫咗一款泰式小食拼盤入面有大大塊燒豬頸肉同埋泰式春卷豬頸肉已經入味再配合埋新鮮炸好的春卷簡直係不錯的選擇之後叫咗一款馬莎文牛肉咖喱這款帶咖喱香、不辣、具濃烈椰子味的是其特色而且仲食得出陣陣魚露的鮮味另外我最喜歡這個咖喱便是唔單止有牛肉的仲更加有牛筋部位令到牛筋部位可以吸收晒整個咖喱的精華更加入味可以完全品嚐曬成款咖喱

放工搵個fd近近地搵個地方食個飯吹下水，就搵左呢間係太子既泰象苑～鋪頭唔大裝修普普通通，但老細幾親切， 主動介紹邊d菜特別做得好同有得色～最後點左兩樣老細介紹既餸加個冬陰公。個冬陰公足料，二人份量有兩隻大蝦，好濃味，真係好濃味，比較岩鐘意重口味冬陰公既朋友～呢個海鮮咖哩農夫包，份量夠晒大，兩個人差d食唔晒，料都足的， 有蝦有尤魚有蟹柳～係個咖哩稍嫌淡左少少，唔夠辣，整體上ok的最有驚喜最推介係呢個～叫泰式黃金脆魚，佢係成條魚起肉再炸，砌番個魚型，淋泰式酸辣醬。個餸其實幾中式，不過好食就得啦，佢個魚係炸得好脆，又乾身，加上酸辣醬汁好惹味～呢間泰國野唔貴，又唔會趕人走，平時出街普通食餐便飯係個唔錯選擇

路經太子 想搵泰國野食見到呢餐泰象苑裡面幾多人就入去試下啦～有set 又有得散叫見個2人餐都幾抵2百幾蚊 幾多野食就試下啦食泰國菜最緊要有冬蔭公呢到既冬蔭公味道好濃又有虾睇落去唔係好大碗 但每人都分到碗半如果2個人平時最多叫一款半款小食呢個餐樣樣都有的 啱晒我呢d 多心既人有鳳爪 豬頸肉 同春卷春卷即炸 夠鬆脆豬頸肉燒得好看 又爽口 點埋個汁 ... 正！鳳爪如果再酸的就更好喇！鹵水豬肶炆得好淋～又入味下面放左芥蘭 加埋一齊食 減少左罪惡感。。。哈哈～黎到重點咖哩炒海虎虾平時食咖哩蟹多 呢到個咖哩有的的甜 唔係好辣啱晒一家大細虾就做得好好食得山好生鮮仲有"芒果蟹肉"炒飯同甜品真係夠晒滿足呀！

朋友介紹柏樹街有一間泰菜館，名叫泰象苑，食物都吾錯，有些菜式重係做半價優惠，今天和老公專程前往試試如何！我們點了開心二人套餐，有多款食物，都幾低食。泰象苑小食拼盤:有炭燒豬頸肉、泰式春卷、酸辣鳳爪。炭燒豬頸肉入味有口感，泰式春卷皮脆餡料惹味，酸辣鳳爪已去骨，酸辣度適中味帶少少甜味！泰色椰汁雞湯：有椰汁和香茅味濃，帶酸味，有點像不辣的冬蔭公湯，雞肉嫩滑。咖哩炒海虎蝦(跟焗蒜茸飽2件)：咖哩味濃，不辣，海虎蝦大隻已開邊，方便進食，鮮甜彈牙。咖哩汁好惹味，蒜茸飽點咖哩汁食，十分美味！泰式鹵水豬脾：豬脾應該炆煮了一段時間，非常林滑又入味，值得推薦！炒飯：本來套餐是芒果蟹肉炒飯，但侍應說已賣曬芒果和蟹肉，所以改尼個蝦炒飯，材料有蝦2隻、蛋、三色雜菜豆和蕃茄仔，味道比較淡！咖啡椰汁大菜糕：少許咖啡味，椰汁味比較濃，甜度適中！不錯的甜品。

和女朋友周年紀念，帶她來食泰國茶。這間店是用來自泰國廚師，店內雖然多人，但都企理整齊。我地點了個開心二人餐再加兩杯野飲，我地有個唔錯既晚餐體驗。$300 來講，真係交足貨俾你 ! 

行到旺角 不知吃什麼 便嘗試了這間好似幾抵食既泰國菜。34蚊特价生菜包一定要食。另叫了咖喱蟹 及泰式拼盤 及菠蘿炒飯 味道不錯 性價比非常 高 椰青質素也不錯 值得推介 很滿意的一頓飯 不錯的泰國菜選擇

同朋友揾地方食飯， 見到佢地有團購就買嚟試下， 環境静同舒適， 方便傾偈， 野食份量夠又好味，芒果沙冰用鮮芒打唔係死甜嗰d, 好味， 柚子沙律又係好味， 蝦餅熱辣辣，好味， 最得係個炒金邊粉(酸甜味啱啱好) 同咖哩海鮮， 個汁配蒜蓉包堅好味(個包係跟埋送既), 4 個人食左6碟野3杯飲品先500蚊，仲要唔使加一， 用埋團購先390蚊埋單， 抵食， 最好係唔使預約同限定時間去食， 見佢有宵夜7折， 晚市都有做9折， 冇買團購都抵，最好係唔會趕你走俾你傾下偈，我會再去食。

最近睇完J2胡生嘅「冲遊泰國」，身痕想食泰國菜，终於搵到飯腳陪食，唔想走遠，目標範圍太子、旺角(近屋企) ，由砵蘭街行至柏樹街，喺三間泰菜館中揀咗呢間，全因佢啱開張，做緊半價優惠另有9折，對於長期糧尾嘅我，FIT哂。喺門口等約20分鐘，被泰姐安排入座(好誇張，星期二竟爆場)但我哋坐位真係唔太好，近水吧旁邊，泰姐應承有位即調，OK聽住先，睇過餐牌，今晚半價菜有咖哩炒蟹同酸辣鳳爪，叫齊兩款折後$168(原價$336) ，再後加椰青、酸辣海鮮湯(细) &甜品椰汁西米糕，等上菜。先嚟酸辣鳳爪配料伴有洋蔥、番茄仔、唐芹加生菜，無將貨就價，份量足夠，鳳爪爽脆，唔駛啃骨，酸辣汁先鹹酸，辣味後繼凌厲，刺激又開胃要求伙記加汁另上都無托手踭，扺讚。椰青味甘、清甜夠凍，食完辛辣菜後整一啖，簡直係泰版嘅神之水滴，用匙羹深刮椰殼内椰青肉，厚厚完整一塊刮出，椰肉爽脆有嚼頭，正！咖哩炒蟹無渣流灘，上枱時我同friend都「嘩」咗聲，賣相贏哂，蟹身就無乜膏，蟹鉗去殼好似食雞錘，肉厚鮮甜，咖哩汁濃稠香滑，椰汁、花奶同蛋漿調配得好好，如果唔係怕眼闊肚窄，會叫客蒜蓉飽蘸食。酸辣海鮮湯：以為嚟錯咗(我叫细份) ，佢细鍋其實都

幾經辛苦，就快又放假啦😆呢幾日都係holiday mood，應該都要去到新年先可以holiday完😂今日經過太子見到又有一間新開既泰國餐廳，做梗優惠，就去左試下佢既豬脾湯粉$35+$8轉冬蔭功湯底😊.開頭都擔心伏，但係有驚喜，個冬蔭功湯超足料，好香，蘑菇、蕃茄仔、香茅等配料，酸酸辣辣，惹味，而且冬蔭功湯慢慢滲入檬粉，真係好好味👍🏻加上豬脾已去骨，好似食豬手咁😆😋啖啖肉。個冬蔭功湯真心好正，飲湯多過食檬粉😅😅.喜歡吃泰國菜既朋友，可以一試🙆🏼..泰象苑 (太子)太子柏樹街1號地下

不得不介紹新開張的泰象苑,前幾日來食特價咖哩炒蟹,醬汁惹味不得了, 仲有隻蟹真的好落本,蟹身大過我手掌🦀蟹拑仲好厚肉好爽囗鮮甜,個醬汁夾上蒜蓉包簡直絕配👍🏻食到停唔到囗呀😀仲有泰式燒全亦又係我至愛😍點上泰式醬一口氣又食左2隻😋仲有其他食物都好正😁今日又來試下下午茶,包一杯熱飲架☕️都有好多款選擇,三個人點左豬🐷扒撈檬🍜泰式豬🐷脾🍚扎肉雞絲湯檬🍲我食的🐷扒撈檬酸酸甜甜加有酸籮白絲,好開胃👍🏻不知不覺吃得清光配菜都無淨呀😬

見到太子柏樹街1號新開張嘅泰象苑，每日都有做唔同嘅特價菜。發現星期二居然有至愛嘅咖哩炒蟹做特價，梗係唔會放過啦！上一回係奧海城食過半價都要2百幾，呢間原價已經比平時出面食嘅平一半，今日仲要再半價又免加一，即刻約埋老友一齊試吓……因見店舖不是太大，所以預先book咗位……去到已滿座，好彩有book位所以好快可以入座。坐低點了原個椰青，好青甜。還有串燒，炸蝦餅，青咖哩雞，辣椒膏炒泰國椰菜苗，泰式豬手……為咗碟美味咖哩蟹，我哋最後食咗15件蒜蓉包，因佢個咖哩汁實在太惹味喇，差不多醮到無晒汁至肯罷休其他食物都好有水準，聽講係正式泰國人廚師，所以特別有風味以呢個平民價錢，真係好抵食。服務員亦都好有禮貌，上菜同收碟都快！

家住太子，又喜愛食泰國野，係太子ge泰國餐館食物質素又每況愈下，就決定幫襯下新開ge 泰象宛.😎9點鐘同另一伴到達目地的，見到每日5點半至9點半都有唔同ge 半價優惠，今日係飛天通菜同冬陰公.嗱嗱臨坐低睇下個餐牌，食物種類不多，決定叫冬陰公，飛天通菜先，好可惜飛天通菜賣曬，就叫辣椒膏泰式炒椰菜苗，麥牙糖泰式燒雞同鹽燒側魚.🤤辣椒膏泰式炒椰菜苗落完單十分鐘後就到，成碟菜都就食完，有個女樓面走過黎同我地講無麥牙糖燒雞，叫我地再叫其他野食，由於選擇不多，好艱難後決家叫燒牛仔肉.🤔眼見隔離枱遲過我地落單，但佢地已經飲緊冬陰公，生怕佢地忘記落低，所以提一提佢地欠一個湯😓碟菜食完好耐，係度再呆等左10分鐘左右，女樓面又再次走埋黎講無燒牛仔肉，要我地再睇餐牌😩見到其他買外賣ge人都叫海南雞飯同豬脾飯，就決定要個例牌豬脾，但女樓門竟然話無得單叫，要打電話請示上頭有無得甘叫，最後上頭恩賜左比我地😤再呆等多十分鐘，燒魚同豬脾肉都到，一食條燒魚，無泰國材料味，燒ge味道都無，食多兩啖，發現條魚未熟，肉未離骨，有血，同個男經理講未熟，佢就拎走左條魚，甘我地就食個豬脾肉，食落幾滑，但好港式味道，味道太濃，浪費左