味力曼谷

Open Now

Now Closed

勁鍾意飲冬陰功，但係好多時啲冬陰功淨係得個酸唔夠辣😑味力曼谷呢個冬陰功湯檬湯底係食到有辣味尚算合格今次叫咗鮮蝦冬陰功湯檬，蝦感覺係幾新鮮，有彈性， 亦都有蝦味，一碗有三隻， 裏面仲有幾舊新鮮蕃茄 ，感覺都幾新鮮呢個粉係配一個飲品，但係嗰個飲品係超級勁難飲，所以其實可以問佢有冇得要雞湯， 如果佢未賣曬佢會畀你， 雞湯裏面有一兩件椰子又有一隻雞腳仔，感覺都算真材實料嘅40蚊唔算係好貴，不過可能商場入面價位大家都差唔多，對比起嚟講唔算特別平

西九龍8樓food court有唔少好嘅小店今次揀咗呢間泰式美食見佢主打海南雞飯、冬蔭功等但自己反而叫咗泰式蝦醬炒飯$45、泰式濕炒牛河$45整體都係合理價錢泰式蝦醬炒飯味道唔錯，飯粒炒得乾爽配料有海量肉鬆、蛋絲、蔥花、蝦乾飯量足，夠頂肚蝦醬鹹味唔太重，少少鹹香味容易入口泰式濕炒牛河就較失望份量亦足，賣相幾靚，有大塊牛肉、海量蔬菜、河粉但牛河濕得嚟無咗濕炒感味道偏重味，醬汁偏鹹，薑味重對比上次錦田嘅一間正宗泰國菜，實在太大對比可能係自己食過嗰間泰國人煮嘅濕炒牛河返唔到轉頭但呢度河粉幾多，偏幼身，只係唔太掛汁，唔夠香口，但夠飽肚$45重送埋西洋菜蜜同薑片雞湯菜蜜潤喉，雞湯比牛河有驚喜，感覺無味精有雞件同雞味，好重薑味，幾足料

為了平衡心靈上不忿，即使昨晚已吃了極伏的泰菜，今晚要找一間正常的來補償一下。這間泰菜，雖然不是出名好吃，但很多人都說性價比高。　點了３樣菜1. 馬拉盞炒通菜這個雖然平，但是如果是想吃正宗的馬拉盞炒通菜，這就不適合了，因為它並沒有穫氣，似是略炒後淋上馬拉盞汁，所以不夠惹味2. 泰式酸辣魚這魚炸得香酥， 很大條的魚， 泰式汁雖然有點稀，但也有足夠酸辣味，它跟通菜是套餐，合共$ 95 3. 泰式蟹膏炒飯首先份量十足，有４隻蝦，雖然並非新鮮蝦，但不會是霉霉爛爛的死蝦，昨晚的陰影作怪，而蟹膏不是得多，但也夠味。$52有這個份量這個質素也合理。總括來說， 雖然味道不是十分出色， 但質素份量對得起標價， 起碼不會用 一些下欄低質材料唬弄顧客，將心比心，有良心的店家。

食過幾次，以往味道一般，勝在平同大碟，所以都有繼續食。點知前幾日去食，中大伏！嗌左個鮮蝦炒金邊粉，攞嘅時候見幾有色水，條條麵都好橙，自然以為味道都應該唔差啦。第一啖，嘩！唔係講笑！無味架喎！我以為自己味覺有問題啦，就叫2位屋企人幫口試試佢.....佢哋食完簡直懷疑人生，有色無味係咩玩法？本身都諗住由佢啦，拿拿臨食完佢算，但食多兩啖之後真係頂唔順，心諗咁大碟點哽呀？抱住想提點黃店心態去同店員講啦，真係好有禮貌好聲好氣咁講啦，店員就話幫我再炒過加番啲調味比我啦，企店面果個人幫我攞左入去炒，另一個人就同人我講：可能係你食得重口味姐，我地個個客都係咁食嘅。我話：我食過呢間幾次，唔算正宗，但唔會無味，但呢碟應該有嘅甜酸味，茄汁味都冇喎，唔信你地可以自己試下。佢話：我地都係咁食嘅！我心諗真係祝你地生意興隆🌝個姐姐炒完攞出嚟話得啦！加左味比你啦！我拎埋位一食，酸臭到傻左！佢好似倒左成支醋落去咁喎！泰式炒金邊粉調味係落醋？我心諗算啦！當捐左42蚊比佢，越諗越嬲，我一心想幫襯黃店，但你整啲咁嘅野我食，同場真係唔少黃店，揀左比你賺，但原來你咁對待客嘅，我比其他有心嘅黃店賺唔好？嬲嬲地，番去同佢哋講話完全食

今日想黎西九試未食過嘅舖頭。其實上到8樓我真係唔知食乜好，想平平地四五十蚊食過飯。原本我係想買牛肉飯試下，不過睇到啲相真係超級普通野冇驚喜。最後都係過對面買味力曼谷。老闆叫冧把真係超大聲，但係同客講野係好溫柔架～野食價錢都抵喎。一般都係四十幾五十蚊就有交易。我最後買左佢嘅海南雞飯，40蚊就有交易。雞正常，淋滑身。佢另外配左兩個汁，我自己就鍾意嗰個甜醬。另外酸酸地嗰個都唔錯。不過美中不足嘅係個飯，師父落得太多水，啲飯煲得好爛，冇嗰種粒粒分明嘅口感。我自己就覺得海南雞飯中個飯都佔好重要嘅部分架。40蚊一個海南雞飯堅係好抵。下次試下其他先。

上西九龍中心8／F，到味力曼谷食泰國菜.聽見老板向顧客推介豬頸肉飯，我亦不妨試吓，$45一客，仲送埋薑走雞湯同西洋菜蜜。先夾一舊豬頸肉試吓，嘩！嗰陣香味刺激味蕾，精神為之一振真係好味。

呢日落大雨，所以都不宜外出去太遠食飯，於是我同同事就去咗西九龍Food Court搵嘢食。但其實行嚟行去，都無乜邊間想食，同事提議不如食「味力曼谷」，都好，反正未試過😜！我成日經過舖頭，都覺得啲食物相片好吸引咁，而且次次都好多人幫襯呢👏。食物菜式就係各式各樣嘅泰國菜🇨🇷，炒河、湯檬、炒飯、海南雞、冬蔭功、串燒等，一應俱全。價錢屬中等水平，平均$4x一個餐。男店員講嘢好大聲，但其實好好禮貌㗎😊。我仲發現佢應該係一間撐香港人嘅小店💛。我哋要咗一份鮮蝦炒金邊粉($42)同泰式濕炒牛河($45)Share食，外賣唔洗額外加錢👍。鮮蝦炒金邊粉，賣相同份量都唔錯嘅，🦐鮮蝦係連殼嗰種，有3隻。但我哋都略嫌金邊粉味道比較淡，唔夠鹹、亦唔夠酸...；好彩金邊粉都叫做炒得開，無一餅餅。蔥嘅份量亦算少。泰式濕炒牛河，可能係濕炒嘅關係，牛河係以兜上。就咁望落啲餸好澎湃喎，有好多蔬菜同牛肉，多到直頭蓋過哂啲粉。不過夾起上嚟，都真係發覺河粉幾濕下😅...。點知一食落，我第一個感覺係咁鹹、咁重口味嘅，同炒金邊粉完全相反。🐮牛肉份量超多，有肉味的，但薑味都好誇張下，不斷食到薑絲...。同事就話河粉OK，但唔鍾意啲牛肉

黃店當然要支持下啦。今日就去左食係西九FoodCourt既味力曼谷。哩間餐廳主要係食東南亞既炒飯炒麵同湯河，而我叫左一個雞絲船河，好抵食！因為雖然係32蚊，但係好足料。雞絲既份量成坐山咁，仲有大量芽菜同芫茜，唔鐘意食既記得要叫走！良心小店，值得支持。

早兩日餓餓地行下西9， 黎呢間味力曼谷想試下啦，點知突然成班人圍埋去拉人封鋪⋯真係嚇鬼死花生左一陣，見兩個男廚師俾人上手扣拉左⋯原來佢老闆請冇身份證黑工做野⋯原來係入境事務處人員做野⋯⋯⋯嘩⋯我同個食緊花生既哥仔都笑左。。。個老細係咪低能架⋯⋯西9旁邊就係入境處啦⋯⋯。唉⋯咁樣真係食唔落⋯請冇身份證黑工做野，好無恥！幾多香港人失業呀？我自己都放緊無薪假！想食餐飯啫，俾佢嚇一嚇都算⋯真係越諗越嬲！！唉⋯

Dragon Center is a mall with one of the most mind boggling food courts around. Their food court is not the usual ones you find in other food courts. You won't find chain restaurants here. Instead, you'll find a lot of small family own shops. All cooking up anything under the sun.Boyfriend and I walked around and came across a very busy one serving Thai. The menu is literally plastered on the wall around the little shop. Menu is in English and Chinese. As it's a food court, there is no 10% servic

西九龍美食廣場嘅野食真係窮人恩物😋，雖然都唔係話間間都好好味，但都唔算差嘅，有唔少都好出色架😋——————————————海南雞🐔飯 $40係油飯嘅海南雞飯啊😍😍，雞油飯好香，🐔每舊雞都啖啖肉👍🏻，唔會剩係得舊骨同塊皮🤢，肉質光澤，而且唔鞋口，滑嘟嘟架😋，唔洗加錢轉髀都一樣咁好食🤟🏼，附送雞湯同一杯熱飲☕️，雞湯真係有雞味架🌟🌟，絕對唔係溝水🙅🏻‍♀️·配上2️⃣小碟秘製醬汁，酸酸甜甜，好開胃😋，送飯一流👍🏻👍🏻，另一碟就帶少少辣🌶，令個雞肉更惹味🤤·$40包一個份量都唔細嘅雞油飯、啖啖肉吧海南雞、有雞味嘅湯同熱飲，絕對值得一試🧚🏻‍♀️，成日都幻想💭，如果我係喺呢頭住或者返工就好啦😆😆·推薦指數：★ ★ ★ ★ ☆

考完車牌筆試，搵野食。我上次黎西九龍中心都係when i were young 十幾年前明將當紅之時。到food court經過見到張poster，試一試。老老實實我一開始冇乜期待，話哂我都成日新加坡出差食過哂各大海南雞名店，但係剩係見到賣相都已經覺得幾唔錯。撩開，塊塊都唔柴，入口嫰滑。見唔見到雞皮同雞肉之間啲雞凍呀？雞油飯都香。送個雞湯有雞味，仲有杯唔知咩茶，盛惠40。我喺金鍾返工，成日食埋啲垃圾都收我成舊水，老細賣40蚊呢個質素真係正。希望你生意興隆，心想事成。

星期五叫咗兩個菜食，一個係鳳爪，一個係生菜包，$38一大碟鳳爪，真係一大碟，超級抵食!!!味道好夠，又夠辣，真係好食過餐廳!!!我下次再去西九龍一定會再食!!!生菜包都唔錯，係鹹咗少少。。。

嚟到深水埗竟然諗唔到特別想食嘅野，HEA HEA地走去西九搵靈感，點知畀我發現到個大驚喜！呢間味力曼谷喺正角落，離遠見到成個舖位都貼滿顏色鮮艷嘅餐牌，食物種類有好多：小菜、串燒、咖哩、湯飯、湯/撈/炒粉麵…濕炒海鮮河做緊推廣，就食佢啦！等食期間見有幾單外賣都嗌無骨海南雞飯，原來呢樣先係招牌菜，我已經諗好下次嗌咩啦濕炒海鮮河$52 –第一個驚喜跟餐送暖嘅西洋菜蜜第二個驚喜唔駛問就比埋甜辣醬好貼心第三個驚喜外賣炒河粉竟然有咁靚嘅賣相！海鮮份量都唔少，數得出嘅有三隻藍青口、兩隻蝦同一堆魷魚，冇雪味而且略帶鮮味，蝦夠彈牙，魷魚爽脆，藍青口有咬勁之餘仲有海水嘅咸味蔬菜都幾多款，新鮮而且清甜；河粉比較幼身，所以好掛汁；醬汁咸淡適中，幾香豆味，食到最後仲有啲汁剩，保持住河粉嘅濕潤度。成碟河粉炒得香口又唔油膩，所以話food court都可以有好出品！

雞絲口感有如碎碎的湯渣。 雖然店方有禮地告知這是雞胸肉正常的口感， 但此肉不單無調料或肉味，亦沒有雞胸肉正常的「有趙口」口感。 希望店方的其他出品會比其雞絲質素有保證。