泰中意 (Moved) New Location

我哋原本訂咗6:00pm枱 準時到達跟住即時落單 但足足等左80分鐘都只係食咗幾條串燒同燒豬頸肉 嗰啲炒飯炒河粉就冇晒影 連碟炒菜都唔見 之後同職員追單 佢竟然話廚房得一個炒鑊所以仲排緊單 仲暗示等得就等 唔係就可以埋單 嘩聽見火都嚟🤬我哋係最早一枱到 等左80分鐘眼見有2個老人家坐左喺度成個鐘 連碟炒菜都唔上 亦唔識做叫廚房即刻煮出嚟 只係不停處理外賣 堂食完全唔理 到追單就話你鍾意等就等 唔等就埋單 隔離枱遲過我哋到都已經成枱都係餸 簡直離晒譜架 仲要咁嘅服務態度 我哋即刻埋單走人 轉左去隔離另一間食肆即刻落單 等老人家可以醫肚呢間泰菜館以前嘅態度其實只係一般 食物質素還可以 但現在所有食物份量都縮水 仲要貴過人哋 以後都唔會幫襯

我哋兩個人食，叫咗三樣餸。雞同豬嘅串燒，鹽燒烏頭，泰式香辣肉碎生菜包。串燒都燒得幾惹味，好有碳烤香，外皮燒至香脆，肉質仍然保留厚嫩，配上特調嘅花生醬好正。尤其係雞串真係好推薦！鹽燒烏頭好出色，平時最怕食魚嘅我都食得好開心😁一啲都唔腥！魚肉仲係好Juicy且入味，啖啖肉，好食🤤香辣肉碎生菜包夠晒鑊氣，辣辣地，唔會太鹹，加埋生菜🥬食可以平衡油膩感。不過我個人認為配飯仲正😍第一次嚟食，環境幾舒服，靜靜地放工去食餐飯都幾享受。最緊要係價錢合理，會有下次。

馬鞍山不嬲係美食沙漠🥲但係今晚屋企人話唔想出到咁遠，上網search到呢間泰國餐廳都幾吸引，位置都容易搵，大水坑地鐵站行5分鐘到就到。我哋都試咗好多嘢食，最推薦係以下幾款🥰生蝦刺身👍🏻 Menu無嘅，每日限量供應，所以最好打電話預訂，真係必叫！連蝦頭都食得，炸到脆卜卜😋蝦身大隻又爽甜。XO醬豬頸肉炒飯👍🏻厚切豬頸肉粒粒加埋蛋同蔥花無得輸，夠晒鑊氣又炒得夠乾身🤩粒粒分明。炭燒豬頸肉👍🏻呢個係後加嘅，呢度嘅豬頸肉真係唔錯，外皮又香又脆，肉質就Juicy😊

平時夜晚收工返到屋企附近，又唔想食外賣嘅話，我同屋企人一定會嚟呢到食泰國嘢🤩鍾意呢度抵食又好味😋今日叫咗兩款小食，當然有每次嚟必叫嘅碳燒豬頸肉😎燒得好香口，肉質亦嫩，次次都食唔停口。另外一款就係大蝦柚子沙律，好欣賞呢度柚子唔會碎濕濕，又甜又多汁，配上大蝦真係好清新，份量都幾多。主食方面，我哋就叫Pad Thai。炒得非常有鑊氣！調味亦好好，酸酸地少少辣😝最緊要上枱個下熱辣辣，撈埋啲花生碎一齊食更有口感。飲品方面都叫咗個椰青，都幾大個，好多肉，清甜🥰整體呢個價位真係冇得輸，份量足又好味，所以已經成為咗我哋嘅飯堂😁

我地4個人叫左9樣野食竟然會樣樣都咁好味全部都熱辣辣每度餸菜都色香味俱全 啱晒我哋一家人嘅口味因為而家出去食野好多時食啲嘢嘅味道都麻麻地又唔夠熱 估唔到喺馬鞍山有一間小店有咁高質素 而且價錢又唔貴 叫咗9樣嘢 都係六百零蚊而且炒菜同炒飯好大碟 所以真係要推介一下香辣肉碎生菜包 好香口少少辣 加咗青檸少少酸酸 十分開胃 生菜亦都好新鮮 好好味沙嗲串燒 雖然細細串 不過燒得好香口 不過入邊啲肉又唔乾 有肉汁素菜春卷 炸到脆卜卜 入邊又熱辣辣 我哋四個人每人一件啱啱好泰式青木瓜沙律 啱晒鍾意我哋食辣嘅人 都幾辣 連埋花生碎一齊食 口感超好 而且木瓜是好爽口 極力推介泰式燒鱔 食咗一件先記得影相 皮燒得好香脆 個醬汁又好香口 鱔肉好爽口 好味泰式燒豬頸肉 呢個又係十分出色 好味道好好味燒到有少少燶邊 好香口 第一次食到咁好食嘅燒豬頸肉 必食海南雞 又係好好味 我冇食皮 海南雞係冇骨的 啱晒我哋啲懶人 雞肉好滑 又夠味 正馬拉盞炒椰菜苗 味道香口 又唔會好油 好吃泰式炒金邊粉 有雞肉同蝦 酸酸甜甜好開胃 仲落咗好多花生碎 金邊粉口感好 好滿足的晚餐 每樣餸菜都好有質素 食得出廚師好有心機煮每一

味道：十分驚喜！每道菜都好好味！又夠熱！最喜歡是厚切的燒牛脷和十分香口的燒豬頸肉呢兩度餸係我食過咁多間餐廳最好吃的牛脷和豬頸肉必叫！10分推介其他菜式也很好吃，我們還叫了泰式炸蝦餅，沙嗲串燒，青咖喱牛腩，薄餅，馬拉盞炒椰菜苗，每到餸的味道也十分好，令我們十分滿足環境：有室內和室外座位，現在天氣不是很熱，我們坐戶外也很舒服，很開陽服務：服務不錯，算是有招呼，也很快有回應還想提一提，這點感覺比較有人情味，不是電腦落單，店員和客人有溝通，感覺很不錯衞生：衛生也不錯，餐具和碟桌面也乾淨，即使我們坐戶外也沒有什麼昆蟲抵食：我們人均消費都係$100左右，但係食得好飽同好滿足一定會再回頭的餐廳

黑雨後第一個晚餐，泰中意由大圍食到去大水坑，因為食物真係令人「太鍾意」。食物依然有十分水準，青咖喱雞撈飯，黃咖喱豬頸肉加蒜蓉包，Pad Thai，串燒，燒魷魚，每碟都係10分。不過啲服務態度，真係九流。我地夜晚6:30入席。6:45已經點好菜，啲餸係逐碟逐碟黎。都唔緊要，小店人手唔夠，明白既，但係上啲食物無考慮個timing。黃咖喱黎既時候，無蒜蓉包同薄餅。要催，隔一陣先黎。最令人嬲既係，6:45點好菜，當時個餸有一碟係馬拉盞炒椰菜苗，同有碟燒魷魚，隔一陣話無椰菜苗，咁ok既，我地就要求轉馬拉盞炒通菜，當時係話有既。但呢兩碟菜一路都唔上，到其他菜都食完，等左一段時間都未上呢兩碟，我地就問下，問左幾次一路都係講煮緊。到8點15分左右，我地再催一次，响入面個老闆娘就大叫話「你上得唔話我知？」我地都「吓」左聲，之後一個女伙計出黎話無通菜喎，我地再再「吓，咁有咩菜？」，佢話得返「雜菜」。我地決定唔要碟炒菜。到最後魷魚上埋食完就拿拿林埋單。另加一段小插曲，我地隔離枱同我地差唔多時間入席，聽佢地講野有幾個（定1個）係類似回流之類既人，一路都等緊唔同菜上，同我地一樣不段催唔同菜，跟住最後佢地再想叫個

大水坑站B出口 大概行5分鐘就到門口已經聞到好香 晏晝都幾多人好彩book咗位 大概等5分鐘就可以入座馬鞍山區食好西選擇不多 不過呢間係唔錯嘅選擇午餐有八款 每款都相當吸引我哋四個人叫咗四個餐四個餐嘅賣相都非常之吸引炭燒豬扒飯配雜菜沙律 豬扒勁大塊味道好香口 肉質有口感 沙律菜要加$15 不過好新鮮 有少少車厘茄 店員話第一次嚟豬扒係必叫的 果然冇錯 香草醬大蝦意粉 味道很清新 之下都煎得好香口 又夠爽口 個意粉用左欖油所以感覺比較健康喇沙湯麵 我哋加咗$18轉豬扒 喇沙個湯好香 有少少辣味 重椰汁香味 仲有半隻雞蛋同埋豆卜跟埋 十分之豐富 湯麵用咗油面加米粉 口感十分好 我同朋友都覺得呢度嘅喇沙仲好味過出面轉系食喇沙嘅餐廳 十分之有驚喜鹽燒䱽魚配白飯 條䱽魚燒到好香 又大條 味道都很新鮮 沒有腥味 不錯不錯凍檸茶加$3 有茶味 幾好 即磨咖啡都好香 飲得出係唔錯嘅咖啡豆 仲要唔使加錢 餐廳座位都算舒服 感覺到乾淨 服務也可以 店員嚟嘅時候有講歡迎光臨 走嘅時候都有同我哋講拜拜總括嚟講 CP值很高的一餐 我哋食得好飽又好滿足呢間絕對係馬鞍山首選嘅開餐之選喺度推介一下比未試過嘅朋友仔

已經有一段時間冇黎食，好掛住呢度既咖哩同燒牛肉所以今晚係大圍坐車入嚟食同老闆傾開傾知道佢地生意呢幾個月差左好多決定寫篇食評支持吓佢哋💪佢哋既鳯找沙律好爽口，d汁夠酸夠辣好野味，正👍青咖喱少少辣，重椰汁味好香口，連埋薄餅食一流馬拉盞炒雜菜好野味，雜菜好新鮮，熟度啱啱好燒牛肉係每次嚟都必叫的，雖然等得耐少少，但絕對值得，牛肉又淋又有牛味，配埋個特色辣汁超級好味呢間小店我由大圍食到去顯徑，已經幫襯左幾年，但每次黎都到Keep到同樣質素全靠老闆佢自己所有嘢都親力親為，絕對值得一去再去嘅餐廳！希望推介俾未試過嘅朋友如果去開馬鞍山可以去試吓～～～冇呃你哋，每度菜式都真係好好味同好新鮮

過咗外國讀書幾年終於返咗香港，超級勁掛住呢間嘅泰式無骨海南雞飯，以前呢間小店喺顯徑，我住喺附近，所以成日去食，每次都係食海南雞飯…佢嘅海南雞飯真係好好味，皮爽肉嫩，又有雞味，配埋三款特色醬汁加埋個香茅油飯一齊食真係好正去到外國食唔返，一直都覺得好回味…返嚟香港知道佢哋搬咗去馬鞍山當然要再去食佢哋嘅海南雞飯啦…見到老闆娘兩母女仲係度，竟然仲認得我實在窩心佢哋嘅海南雞一啲都無變，仲係咁好味，我一定會過嚟食，除咗海南雞好味，仲有人情味都十分緊要

岩岩搬黎附近住，有日行過見到店內環境不錯所意就同老婆入去試一試。我地兩個人叫左4樣野…1.牛油果大蝦沙律，沙律菜好新鮮，味道少少酸酸地好開胃，大蝦都好新鮮爽，整體個沙律好fresh 而且好大份👍2. 泰式炸蝦餅，原來一份咁太份的，兩個人可以叫半份😌好脆，熱辣辣，爽口，都好好味，不過最後食唔晒🥲3. 香辣肉碎生菜包，呢個好好味，好開胃又惹味，生菜亦都好新鮮，亦都好大份，我同老婆打包左返屋企第二日叮翻嚟食送飯都好好味👍👍👍4.馬拉盞炒椰菜苗，馬拉盞味道好特別，香口的，不過椰菜苗有少少老不夠嫩。總體來說，幾款食物都好好味，可能係fusion菜所以不是正宗的泰國菜味道，不過好啱我哋口味，住喺附近會成日嚟，因為佢地個Menu仲有好多款食物我哋都未試…店員介紹我哋下次要食燒烤嘢，今次太飽試唔到，下次再嚟試試🫶

叫咗一份煙三文魚雜菜沙律，味道係ok嘅，不過成碟沙律都係暖暖地，個感覺有啲奇怪，扣哂分。好神奇地，全部店員都黑口黑面。落單似鬧人；上菜求其放低，茶餐廳都識得放喺每位客人嘅面前啦；食食下部冷氣跳咗掣無人知，客人食到出哂汗想掉位，店員好似好不滿咁，結果客人自己逐碟逐杯搬去隔離枱；埋單時原來調枱時店員入錯枱號，店員表現好不耐煩，個感覺好似係客人唔啱咁，找錢時店員大力將一個5蚊銀“拍”落張枱度。大致上個感受係咁多。

泰中意的菜單非常豐富多樣，結合了泰國、中國和意大利的口味。他們提供各種類型的菜餚，如泰式綠咖喱、中式炒飯和意大利薄餅等等。這些菜餚都使用新鮮的食材和正宗的調味料，確保每一道菜都能呈現最佳的風味。在泰中意，他們的泰國菜非常正宗。比如他們的泰式綠咖喱，這是一道由新鮮的香料和椰奶熬煮而成的綠咖喱湯，加上海鮮或肉類，味道濃郁香辣。此外，他們的泰式涼拌生菜和泰式炒河粉也非常受歡迎。這些泰國菜餚口感豐富，風味獨特，讓人仿佛置身於泰國的美食街頭。除了泰國菜，泰中意還提供了一系列的中國菜和意大利菜。他們的中國菜包括經典的炒飯、炒麵和燒賣等。這些菜餚口感鮮美，風味濃郁，讓人回味無窮。而他們的意大利菜，如意大利薄餅和義大利麵，則以嚴選的麵條和新鮮的配料為特色。這些意大利菜餚口感順滑，味道美味，讓人感受到地道的意大利風味。

職員非常之冇禮貌。之前仲要用安心出行時，有一個職員試會係我用緊安心出行時候，無啦啦搶左我個電話，話:「唔係咁樣啫。」之後攞左我個電話，然後係咁用手指拍我部電話，之後講話:「啫唔到。」然後比番個電話我。其實朋友之間搶人電話都無禮貌，我又唔識你你搶我電話仲衰。星期六去仲過份，另一個職員落落下單無啦啦問我幾多歲，我當堂呆左，吓，去餐廳食野要同你講我幾多歲咩?之後佢仲話:「我見到你好多白頭髮，我個仔25歲都冇你咁多白頭髮。」嘩!冇禮貌到呢。我幾多歲頭髮咩顏色又關你咩事呢，啊姐。第一間可以有二次比職員搞到極嬲。好後悔第一次被無禮對待時冇blacklist間餐廳，以後唔會再去。同埋極度唔推薦意粉，唔好食。

在附近工作，同事介紹黎呢度食晏 ， 而且一定要試好味嘅炭燒豬扒飯， 豬扒大大件瀰漫著炭燒嘅香味，肥美多汁，蔥油及炭燒味充斥著嗅覺及味蕾， 雖然上菜比較慢 ，餐廳室內溫度比較熱而且比較多蚊，但係都值得你去一試👍。 如果你嫌豬扒飯太heavy， 都可以試下佢嘅海南雞飯都係唔錯嘅， 當然冇佢馳名嘅豬扒飯咁受歡迎。 今日試咗個冬蔭功蝦球意粉都唔差幾好味， 有興趣可以一試。 由於餐廳屬於村屋格局嘅關係，所以座位有限 ，每逢lunch time，一係訂位一係早啲去，如果唔係都要等位， 所以有同理心嘅我地，食飽咗自己都會自動自覺離座， 等在門外曬緊太陽嘅朋友可以盡早入內享用。 如想享受地道嘅泰式環境就選擇夏天去， 如果唔熱得就秋天後去🤭