泰中意

Open Now

Now Closed

**泰式小食拼盤**炸蝦餅，炸魚餅，迷你炸肉粽，炸雞翼，泰式炸春捲，呢呢個拼盤岩哂鐘意食炸野嘅你，入面每款味道，脆口度都做得好好，恰到好處非常好味。**泰式串燒**有3款口味可以3選2，我揀咗牛肉同雞肉，個個食過泰國菜嘅都知道泰式串燒加醬汁已經好好食，呢間泰中意嘅串燒比我更大驚喜，佢哋串燒肉質非常好，非常嫩滑，無話好干好硬咁，好好味。**紅咖哩蝦球**平時都會食青咖哩比較多，今次遲咗佢個紅咖哩，我發現原來紅咖哩係咁好食，仲要加埋佢呢度嘅煎薄餅同出面有D唔同，呢兩樣加埋一齊真係絕配，呢間泰中意真係好好食。

💚《泰中意》🥳🥳融合泰&中&意🇹🇭🇨🇳🇮🇹三地美食精髓👍🏻大圍村民街坊Fusiob泰國菜🎊🎊🎊今次去咗大圍田心村一間隱世溫馨小店✅食泰中意fusion菜🤗每款菜式都好有心思，大大件份量超足呀～👏🏻👏🏻價錢仲要唔貴！好親民的平價街坊美食🥰🥰🌟🌟招牌炭燒豬扒飯👉🏻勁大份而且係新鮮即燒即整♨️熱辣辣好Juicy😻有兩塊超厚豬扒咬落真係好滿足超過癮😂🤩跟餐加$15追加小食即焗蒜蓉包✨✨黃金香脆👏🏻蒜蓉味濃一定要趁熱食啊💋💋鮮蝦沙律都好大碗🤭味道好清新Fresh健康之選👍🏻👍🏻最愛生菜包🥬🥗菠蘿炒飯🍍泰式生蝦刺身🍤每次必點的泰國菜三件套😆😍呢間都整得好出色🎊🎊超水準～～難怪咁多村民回頭客👏🏻👏🏻用心炮製的食物係食得出嘅❤️💚🎉🎉仲有讚一讚D服務員好貼心吖，知道我鐘意影相仲特別幫我調位👉🏻👉🏻等我慢慢食慢慢影🤭📸📸📍大圍田心村254號地舖

雖然地點比較偏僻，但餐廳內部充滿泰式風格的裝修設計和熱鬧氣氛，座無虛席超多人。加上四周滿佈香茅泰式香味，立即胃口大增。首先點了一道冬陰功鮮蝦忌廉意粉，這是非常新式的做法，結合了泰西元素，因為通常冬陰功以湯麵為主，但這款掛湯式意粉更加吸收了香濃精華，使意粉更加出色惹味，加上麵條軟硬適中而再彈性，凍食或熱食能呈現出冬陰功風味。再來是鹽燒烏頭，配上秘製香辣魚露醬汁的鮮嫩魚肉，加個菠蘿及蕃茄仔，令整條魚的層次味道徹底提升，鮮鹹香味像食多汁而嫩滑的鹹魚風味，魚肉味更為突出而濃鬱。然後加個即焗蒜蓉包做配菜，熱辣辣的大片香脆蒜蓉包，有6片之多，蒜蓉控大愛！由於蒜蓉麵包可謂百塔菜色，所以最適合點配多汁食物一起食用，夾著烏頭魚肉一起食用感覺超佳又帶新鮮感的食法。

收工去大圍探朋友, 朋友推薦屋企附近嘅隱世泰菜~ 呢間舖頭主打fusion菜, 係結合咗泰中意菜既菜式, 都幾特別~泰式青咖喱雞雞肉好嫩滑, 而且份量都幾多, 青咖喱汁唔會太辣, 幾惹味, 幾好味😋泰式炒金邊粉蝦仁好大隻, 好多配菜好足料~ 芽菜同花生碎脆卜卜, 撈埋金邊粉一齊食, 口感好有層次感, 幾好食! 😆金不換肉碎炒飯炒得好香口, 炒飯粒粒分明好乾身, 肉碎微辣, 所有泰國風味, 幾好味! 😍碳燒豬頸肉每塊都幾大塊, 份量好多, 烤得剛剛好,肉質爽口彈牙, 超推薦👍🏻鹹檸七鹹檸檬好入味~配埋汽水喝好解渴! 呢間舖頭啲嘢食份量都幾多, 性價比都幾高! 下次約埋啲朋友過嚟就可以嗌多啲嘢食啦!

💙💛💜村內裏的泰國菜 🧡💚🩵小型舖頭都做得好出色泰國菜❤️大頭蝦冬陰功湯$88 🦐🍒🌶️這間的大頭蝦冬陰功湯味道好出色，辣味、酸味和香氣都很夠 🍤足料湯💜令人開胃，2個人都有5碗咁多💓泰式拼盤$128🍤🐟🐤每樣菜品都相當別緻，無論是味道還是熟度都顯示出廚師的用心，味道恰到好處。特製的泰式辣醬甜味岩岩好💙鍾意食炸物嘅唔好錯過🧡蝦餅是我最喜歡的，口感彈牙 🍤鹽燒烏頭 $178 🐟烏頭燒到香噴噴 脆卜卜 ❤️‍🔥仲保留住肉質鮮嫩同肉汁，完全不腥，肉多無骨，連魚皮都好味😋鹹鹹地好好味💜芒果糯米飯$68🥭即使在12月，芒果都唔酸 🤤糯米煮得軟爛，對喜歡綿滑口感的人來說非常合適。Total order 芒果紫糯米 $68 🥭 鹽燒烏頭 $178 🐟大頭蝦冬陰功湯$88 🦐 椰青$45 🥥泰式拼盤$128🍤🐟🐤📍 泰中意 (大圍)🍽️ 大圍田心村254號地舖

大圍村屋群一向多隱世美食😍今次留意到一間泰式餐廳🏖️性價比高🙆🏻‍♀️而且細節處見用心🫶🏻食物有水準🤝💚柚子蝦球沙律🦐我媽咪話：沙律我吃過唔少，但第一次食蝦球有炒過嘅沙律❗️💚碳燒豬頸肉🐷豬頸肉肥瘦適中，燒得好香唔乾身，超惹味🤤💚泰式炒椰菜苗🥬睇相都見到啲煙🔥係熱辣辣勁有鑊氣！💚碳燒魷魚🦑當日侍應極力推薦💚果然冇失望，大大份，夠煙韌😋💚蜜糖青檸梳打🍋係我會好想再飲嘅飲品🍹成個感覺好似私房菜🏠連煮食超有經驗的媽咪都大讚😍👍🏻 而且價錢平民化，今次真係「泰中意」！好想祝福你哋一定要生意興隆💚💚💚📍泰中意 (大圍)大圍田心村254號地舖

過開大圍探朋友仔朋友推薦一齊食哩間小店外觀好泰風 裝修得唔錯入到去打開餐牌睇 發現原來唔係純泰國菜🇹🇭係泰菜 中菜 同意大利菜既糅合🔺大頭蝦冬蔭功湯 $88大大兜夠哂入味既冬蔭公湯唔會太辣 有啲酸 好惹味有大頭蝦 蘑菇 好多香料哩個天氣飲好暖胃 好舒服🔺炭燒豬頸肉 $78豬頸肉即叫即燒夠哂熱仲要燒到焦香塊數都多 厚薄均勻 沾上調味醬就啱啱好🔺馬拉盞炒通菜 $78份量好多 好大碟炒得幾香幾入味 🔺蜜糖青檸梳打 $38大象🐘牌梳打 配埋蜜糖同青檸🍋‍🟩飲落好青爽潤喉配泰菜嚟食就岩岩好

成個大圍泰國菜都唔超過10家，呢度住宅隔離有一間新開。巴馬火腿牛油果雜菜沙律平時食西餐，巴馬火腿沙律都要百幾起，呢度83幾蚊仲大份過出面，街坊價。見佢咁正有牛油果又有巴馬火腿，即刻點啊，冇諗過會咁大碟， 疊到好高。份量三至四人吃都可以，巴馬火腿有六七塊，完整大大塊，配合一口甜甜的車厘茄，一口濃郁的芝士，成件事好滿足。👍柚子代替咗牛油果，大粒新鮮好多粒Menu上有鹽燒魚係我鍾意食嗰條魚好似好正，留返下次食晚餐再試泰式燒雞扒飯配蔥油汁，送檸檬茶檸檬水。雞扒勁大嚿，有兩塊，底下仲有一塊嫩滑的雞扒。雞扒好似好普通值得一讚入邊好Juicy，做到食落口好濕潤，特別在於塊皮燒到好似乳豬層皮咁脆卜卜好香口，點啲蔥油汁好好食，唔會好膩。蔥油碳燒豬扒配白飯（可轉泰式辣汁) 無估到佢整到咁大塊，下面嗰塊一樣咁大，仲大塊過面！ 燒得啱啱好，啲肉都係Juicy，燒豬扒本身好入味，建議唔需要再點蔥油汁。送個白飯已經好滿足！ 重點要提佢塊豬扒都係兩大塊！環境坐得好舒服有梳化位，全部都係大枱幾個人坐有幾幅泰國畫藝術品掛咗喺牆點綴，成個氣氛環境都好精神。

雖然近排做番gym,但我都會安排一個月一日cheat day對自己好啲等自己開心吓💪經朋友介紹一間地道泰式餐廳，環境寬敞舒適，美食性價比高。鄰近大水坑站，位置相當便利。今日慢活食晚餐，剛剛好有人埋單我地可以直入。我地揀左菠蘿海鮮炒飯, 泰式炒通菜, 泰式椰子雞湯, 每人一共百令蚊，係抵bo!個菠蘿炒飯好高質，看似個菠蘿唔算好大，但飯同餸料舖到滿一滿，兩個人食好夠！！！！同埋個芯好夠熱，香氣撲鼻😋海鮮鮮甜肉質爽滑。泰式少通菜好有鑊氣好惹味。椰子雞湯清清地，微微辣好開胃，一口接一口不停飲😋😋呢間抵食又高質，下個月cheat day再幫襯👍

泰式辣汁蔥油碳燒豬扒配白飯，超級無敵大大件，煎到勁香濃，肉質嫩滑，蔥油嘅香味滲透豬扒，每一啖都好好味。泰式海南雞配香茅油飯，雞肉肉質鮮嫩，肉味香濃幼滑，沾上三款不同嘅以秘製配醬汁，味道更加豐富。泰式炒金邊粉，味道偏甜甜酸酸，好有鑊氣，好醒胃！冬蔭功，材料十足，有菇菌、海鮮同大大隻鮮蝦，飲落好有椰香，酸酸辣辣開胃又醒神，加埋蒜蓉包，簡直絕配呢間隱世小泰國餐廳，泰中意，未去到已經大排長龍就知係好好食╴好有鑊氣

呢日去咗大圍,喺附近嘅一條小村入面有好多餐廳🍽,仲有間家庭feel泰菜~雖然唔係喺大街,但都幾多街坊客支持💪~佢哋嘅碳燒豬頸肉燒得有啲燶🔥~但真係好香口好好食,而且份量好大😍~最鍾意佢個汁,酸酸地,化解咗豬頸肉嘅油膩~食泰國嘢一定要叫炒椰菜苗🥬~佢嘅馬拉盞幾香口😋,椰菜苗好嫩~不過如果再鹹多少少就更好🧂~嚟到每檯都有叫個菠蘿炒飯🍍,因為滿滿嘅肉鬆真係好吸引人🤩~佢用新鮮菠蘿炒,但炒得好乾爽~仲要加埋提子乾同埋魷魚肉🦑,蜆肉,真係好好食~掙扎咗好耐食蔭功忌廉意粉定食返傳統冬蔭功湯粉🤔~結果母親大人都係揀返傳統~但隔離檯食意粉🍝,睇落都好吸引~佢嘅冬蔭功唔會好辣,啱晒我,仲有啲香茅同香料味🌱~嘢飲就揀咗椰汁珍多冰🍸~好少見餐廳嘅珍多冰仲有加阿答子,但我個人就好鍾意食😘~呢間家庭小店都幾有心機💗~啲嘢食味道唔錯,而且服務周到~有機會再嚟試佢個冬蔭功忌廉意粉~Klook 3%優惠碼: HELENCKLOOK

屋企人屋企附近新開咗間泰國餐廳見到好光猛，裝修亦幾好同時隱身於村屋之中，感覺十分隱世又舒適餐廳開夜晚6:00 咁啱屋企人放假所以我哋6:00就去食變咗我哋係餐廳今晚第一檯客🤣🤣餐牌上面有好多選擇，除左傳統嘅泰國菜，亦有糅合泰、中、意三地美食的精髓，美味的fusion 菜。我哋叫咗以下幾樣嘢食泰式炸蝦餅（半份）：每件都炸得金黃色，炸得好香口，而且佢嘅肉質彈爽，加埋泰式甜酸醬食，非常惹味。燒牛脷：外表煎得焦香，外焦內嫩。冬陰功鮮蝦忌廉意粉：呢個有驚喜，佢個味唔會好辣，好易入口，亦都好香滑，意粉亦煮得啱啱好，唔會煮得太腍。菠蘿雞絲炒飯：一上菜個樣好吸睛，佢好足料，份量亦不少，飯炒得很乾身，味道亦很好！總括嚟講，依間泰國餐廳附近有多條嘅巴士路線，所以交通亦都很方便，而且味道也不錯，價錢亦合理！

大圍田心村街坊有福了，有間正宗泰國🇹🇭餐廳正正就係村入面，方便村民出門食飯，而且環境十分舒服，食物味道正宗好食，吸引好多村民街坊來食，今次我來呢頭探朋友，朋友就帶我來呢度食晚飯👍🏻———泰中意🇹🇭點左幾款泰國菜，亦係食過覺得好食要介紹比大家的：1. 香葉肉碎炒河 $95 2. 炭燒豬頸肉 $783. 泰式青木瓜沙拉🥗 $724. 芒果🥭紫糯米 $68炒河炒得出色，炭燒豬頸肉更是最愛無得頂，十分香脆，青木瓜就開胃，芒果🥭糯米一看芒果就知道好甜的，整體就是好吃好好吃喔飲品當然要喝椰青🥥 $45 嫩滑椰肉都唔放過食埋，正啊😄

今日喺大圍交收，順便search吓大圍有咩食😉 見到呢間泰國餐廳得到友善餐廳排行有榜！🐶🐰🐱相信呢間質素都唔差，入到去非常有泰國度假feel🏠非常突出的綠色門面，加上天花板佈滿流星燈非常浪漫🌹裏面有兩層都坐滿人～裏面裝修簡約木系風，環境乾淨座位舒適！店員禮貌帶位非常親切啊！美食⭐️⭐️⭐️⭐️⭐️🩵冬陰功扎肉湯金邊粉hkd$83（加$18 可轉碳燒豬扒）金邊粉份量超多一個大男人都未必食得晒😂整體冬陰功湯底中規中矩，就算唔食辣都可以接受到！炭燒豬扒超有驚喜！碳燒香好重～豬扒好腍身一啲都唔乾，有少少脂肪，油脂出晒嚟！份量超足😋🩵煙三文魚忌廉意大利粉hkd$88三文魚完全冇骨！小朋友都好啱食～每一道菜份量都超大份，我諗兩個人食就啱啱好啦！🩵素菜春卷hkd$15呢個係跟午餐加15嘅小食！好有驚喜，雖然係素菜，但係裏面有素肉點埋特製醬汁非常惹味，外皮炸到脆卜卜好鬆化😋🩵芒果紫糯米hkd$68芒果🥭半個大芒果好甜，紫糯米我哋揀咗小份，因為實在太飽，又想食埋佢哋嘅甜品😂完全冇令我失望，椰汁同埋紫糯米超級夾好軟臥🤤🩵泰式香辣肉碎生菜包hkd$88泰式香辣肉碎真係必點！完全係復刻泰國旅行食過嘅泰式香辣肉碎，好香口

之前有幫襯開泰中意係大水坑嘅分店，一直都覺得佢哋泰國菜嘅質素唔錯！原來而家已經喺大圍重新開業，喺田心村，八爪魚天橋落去其實都方便。簡約嘅裝修，環境都好舒適。每次食泰國嘢必叫燒豬頸肉🐷呢度做到少少炭燒嘅感覺，面頭有啲焦香，點上秘製醬汁十分惹味👍🏻青咖哩以甜味為主，唔會太辣✅除咗有雞肉仲有茄子等配菜，薄餅唔會油立立，點咖哩食真係食唔停口😋最鍾意冬蔭公意粉🍝完全突顯fusion嘅感覺，每條意粉都掛滿晒汁，比較上Creamy，我覺得可以再辣啲🌶️咁會惹味好多！今次叫咗三樣嘢都唔錯，下次人多黎食可以叫多啲share🫶🏻🔸碳燒豬頸肉$78🔸冬陰公鮮蝦忌廉意粉$138🔸泰式青咖喱雞$118