泰妹餐廳 (The Wave) (Closed)

放工想食泰國菜🇹🇭 餐廳環境尚算不錯，坐得都舒服，但食物水準就失望😟半隻海南雞🐔上碟賣相非常馬虎！雞肉同雞皮分開曬，似係比人夾過嚟嘅樣！而且雞肉肉質唔滑又少肉！碳燒豬頸肉話明碳燒，點都會有一陣燒烤嘅味道，但哩個完全無！仲要切到簿到好似一張紙咁！鮮蝦金邊粉呢個算正常，唔特別好食亦唔特別難食咖喱軟殼蟹農夫包呢我一直好期待哩個農夫包。咖喱汁係好食，味道偏甜唔太辣，軟殼蟹脆口，但農夫包有啲失望，無外脆內軟嘅效果青椰子🥥成餐飯最好食嘅就係椰子😅 椰子汁好鮮甜，椰肉非常滑！

偶然發現呢間野，連續兩日去了食，一個麵餐五十幾至六十幾蚊，凍飲不需另加錢。昨天食了泰式船河，特別在d麵好幼滑，十足新竹米粉咁，又夠味，係杯野爭少少，青檸梳打，但青檸味不足較似普通冰水。凍飲不用另外加錢，盛惠56蚊。地方寬敞清潔，食完印象都唔錯，所以今日繼續去。今日試吓個冬蔭功湯金邊粉，唔再飲青檸梳打，試吓個泰式凍檸茶。佢有分港式凍檸茶同泰式，泰式係用青檸，味道都ok。個冬蔭功粉都不錯，味道夠，兩隻青口大大隻，又有兩條我喜歡的蟹棒，麵都大碗，盛惠69蚊。味道不錯，性價比算高。

🇭🇰泰妹餐廳·我地個日去左我朋友仔度玩 嗌左超多野食超開心😍不過感覺上觀塘區嗌外賣好似比較耐 我地等左個幾鐘先有野食🙊🙊不過佢D野食都幾唔錯 而且佢就算外賣都裝得好靚😈·泰式海鮮乾炒河粉$88呢個係我話嗌既 因為我依家生緊智慧齒 隻牙勁痛 想食D濕潤D既野 所以本身想嗌個濕河 但係我D friend超叻 諗到外賣會出水所以嗌左乾河 最後出黎剛剛好😎唔會太油膩得黎唔會太乾 而且好夠鑊氣 好味😋·泰式蝦炒金邊粉$78呢個都好味 佢個金邊粉炒到好乾身 而且好夠味 入面仲有D炸蒜 相當唔錯🤤最犀利係佢就算外賣出面個蛋網都完好無缺 整得好靚😌😌·炭燒豬頸肉$68泰式炒雜菜$68串燒拼盤$108 (豬牛雞各2串)層層疊蒜蓉包$38·佢個炭燒豬頸肉做得幾好味 肉質唔錯 而且個調味亦都好好😌個雜菜份量都幾多 而且夠淋得黎唔會過淋 D串燒我自己就覺得麻麻地 佢比較乾身少少 而且佢沙嗲既份量比較少 唔係好夠點😢😢之後佢個蒜蓉包都唔錯既 個味係好味既 不過因為外賣 就算我地黎到第一時間食佢都淋曬 所以如果大家外賣既話既住唔好嗌呢D會出水既野食😂😂😂·📍觀塘興業街4號The Wave 1樓101及103號舖📍

嚟到尖沙咀，行到厚福街，朋友就介紹嚟呢間居酒屋。嘢食選擇都幾多，從刺身、串燒、丼飯、烏冬都有。雞串燒都有好多款：我個人鐘意食內臟，所以點咗幾款內臟。雞心，雞肝，雞軟骨。自家製雞肉棒都幾推介！串燒味道惹味香口，但又唔會太鹹或者過火。內臟都處理都好好，唔會有騷味。墨汁炒烏冬：墨汁意粉食得多，炒烏冬真係無食過。墨汁濃郁，配烏冬都好夾。烏冬口感都幾好，滑嫩得嚟又幾彈牙。唔會過淋。環境幾舒服同溫馨，食物精緻，質素唔錯。

觀塘the wave啲餐廳差唔多俾我試勻，淨係差呢間泰國菜。所以就搵日中午去試埋呢間，餐廳裝潢都幾靚，地方開揚，燈光明亮。食都食得舒服啲。我就點咗一個泰式豬髀飯，豬腳入味，豬皮彈牙，肉質軟淋。仲有配菜，滷蛋同菜心，分量充足，配上一杯泰式凍檸茶，正呀！我地仲點咗個軟殼蟹米紙卷，但呢度嘅米紙卷都幾特別，有種香草薄荷味，同埋都好足料，口感豐富，值得一試。觀塘泰國菜唔算多，呢間都可以列入平日返工食飯嘅選擇，地方近公司，價錢都合理，環境靚，味道都唔錯嘅。

泰式炒金邊粉 • 味道豐富、甜甜酸酸，加上份量十足，一班人gathering必叫雜錦串燒• 總共有三款，香味唔錯，但有少少乾，不過佢嘅醬幾好味香葉肉碎生菜包• 一上檯就香氣撲鼻，望落去就好吸引，生菜新鮮爽碎，肉碎炒得幾香，辣辣哋好開胃椰汁芒果糯米飯• 芒果香甜，糯米飯軟糯煙韌，口感十足，比較特別嘅係餐廳用咗斑斕糯米飯，有亮點，作為飯後甜品一流

抵食泰美食前排同男朋友去到觀塘駱駝大廈個邊行街, 因為個邊都算多OUTLET , 吾駛走到入東涌咁遠。行完一輪之後因為戰利品都好多既原因，於是就係ＷＡＶＥ個邊諗住食個晚餐，見到有間泰國菜幾吸引，所以就同男朋友入去座。去骨海南雞半隻去骨海南雞最正既係吾駛擔心有骨。食得吾夠爽，雞方面夠晒滑，雞既肉香味好正。吾錯。仲有配埋有３種醬比你選擇！香葉肉碎生菜包 每次食泰菜必點～我最心儀既選擇～唔會話有太多肥豬肉，生菜好新鮮，個人覺得唔算辣，真係好味～燒肉炒芥蘭燒肉都仲脆脆地，好多芥蘭。加埋麵豉醬炒埋一齊原來都幾好味。青咖哩雞好香既青咖哩，吾會太辣，易入口。油飯食海南雞一定要配油飯啦吾洗問。油飯做得好香。粒粒黃色。好味。

好快又要 收緊限制令， 食肆6pm 后冇得堂食， ot之後想食埋飯先返屋企都唔使旨意。 今天在觀塘放工， 去咗wave 工廈食泰國菜。餐廳鋪位分兩邊， 裝修光猛潔淨， 炎炎夏日亦冷氣充足👍👍晚飯有二至四人套餐， 一人晚餐也有數款選擇。冬陰功海鮮金邊粉晚餐與餐牌圖片一樣， 分量好大， 有青口，魷魚， 蟹柳 ，蝦仁等等。 湯底算比較溫和， 辣度和酸度可以提升多一點， 整體味道唔錯。晚餐小食： 香茅雞翼（4隻）， 香茅嘅味道唔算好突出， 不過雞翼非常嫩滑有肉汁， 唔会燒到好乾。另一款跟餐小食： 串燒雞肉（兩串）， 燒得啱啱好雞肉唔會嚡， 再沾上甜甜地嘅沙嗲醬汁～ 美味小吃。海南雞飯晚餐海南雞肉質算嫩滑，可能畀咗雞髀嘅部位， 雞味则不過不失， 蘸上秘製嘅海南雞醬汁，美味即時提升。油饭味道甘香可囗～泰式豬髀飯晚餐豬髀醃得好入味， 豬皮煙煙韌韌， 一定要配白飯！番石榴沙冰淺粉紅色 很有夏日色彩， 番石榴味唔算濃郁， 可以的話減甜一點。泰式凍檸茶， 茶味甘香， 添上青檸，絕對有別於港式嘅檸茶味道。外賣有折， 趕唔切返屋企食，泰式嘅外賣係唔錯嘅選擇～

正正正正今晚約左朋友試食了新泰妹餐廳。覺得呢間餐廳食物、服務質素以及環境方面都幾好。每人叫吃一個一人套餐。再加一個小食拼盤同甜品。套餐另外都有一款小食送、最後揀佐炸雞翼同燒雞肉，主食有去骨海南雞飯、泰式豬脾飯。海南飯賣相都不錯，黃飯味道都好香濃,適合食得味濃既人士。至於雞味道都讚,好鮮嫩多汁,肉質好松軟。豬脾肉幾正，大部分都肉少肥膏。小食拼盤入面有最愛既炸蝦餅同炸魚餅,另外有燒雞肉包同炸春卷,每樣既份量都係雙數便於分享。炸蝦餅好彈牙,點一點甜酸醬一齊食好好味。另外,個炸魚餅好香口。燒雞唔會太乾,依然好好咬口。甜品叫吐椰汁芒果糯米飯,糯米飯幾軟,品會太甜。加埋甜甜地得黎有少少咸既椰汁感覺好好味、不過芒果咐喘酸吃少少,同埋甜糯米飯中和番。

叫左海南雞飯外賣，好快就準備好了。雖然無咩其他菜淨係得飯同雞，細細地不過雞都幾多。係唔差嘅但係一個成人男人就可能唔係好夠。依家疫情下外賣自取仲有九折，六十蚊算係甘。

又係介紹觀塘區美食時間啦今次黎到位於興業街The Wave 一樓嘅泰妹餐廳，就睇吓有咩好嘢食先😋⊰⊹═════════════⊹⊱✎【軟殼蟹米紙卷】➥『米紙食起上嚟好煙韌有咬口，入面包住生菜、青瓜、紅蘿蔔，係咪有薄荷葉呢🤔食落有d 薄荷嘅味道，入面仲有炸到好脆嘅軟殼蟹。食落口感好豐富，點上泰式辣醬食落更好味。』⊰⊹═════════════⊹⊱✎【椰汁雞湯】➥『 濃烈嘅椰子味當中更有香茅嘅香味，酸酸地。而且湯料都幾多，有雞肉、菇類、蕃茄仔。』⊰⊹═════════════⊹⊱✎【馬拉盞炒芥蘭】➥『上碟已經覺得好翠綠色，食起上黎好爽口惹味，份量都唔少。』⊰⊹═════════════⊹⊱✎【泰式蝦炒金邊粉】➥『 上碟已經好靚仔，色澤好靚。入面有蝦、豆腐、芽菜，大滿足。』⊰⊹═════════════⊹⊱✎【青檸梳打】➥『食泰國嘢點可能唔飲番杯青檸梳打呀。清新嘅青檸香味散發出黎，感覺好消暑。』⊰⊹═════════════⊹⊱

我喺九龍灣返工，朋友啱啱搬咗office 嚟觀塘，梗係要約dinner啦!!佢話the wave有間泰國菜唔錯，所以我哋去咗試吓好搞笑，唔止枱面有痴隔板，連櫈背都有！都睇得出間餐廳好注重衞生。老老實實，食泰國菜一定要嗌生菜包，雖然係間間都食，但係間間質素都唔一樣，依間餐廳質素就好好。首先份量好充足，無論生菜定肉碎，而且生菜洗得好乾淨好新鮮。肉碎炒到夠乾身，非常惹味，不過都幾辣，我自己就覺得好正，如果唔太食得辣嘅朋友就可能要問下可唔可以小辣。然後嚟咗炸蝦餅，炸到熱辣辣，脆卜卜，唔會油淋淋或者有油溢味，舊肉就好彈牙，忍唔住食完一舊又一舊。冬陰功又係必叫，見到呢個爐都有啲surprise!平時嗰啲一碗碗筆出來，呢個就滾住上。味道方面，個湯酸味辣味都好夠，更加出乎意料嘅係海鮮都好足料！每個人都食到青口、蝦、魷魚、蟹柳，真心有誠意。最後叫咗黃咖喱軟殼蟹彼得包，軟殻蟹同黃咖喱當然係絕配，個彼得包切落去有卡卡聲，夠硬先好食！食咗咁多嘢，其實都食唔晒，但係每人大約只需$200 ，算係抵食之選

觀塘實有太多好嘢食，今日我就去咗位於The Wave 1樓嘅泰妹食泰國菜。由於一早就到餐廳，所以都未有好多顧客。餐廳環境好舒適，服務員態度和藹親切。冬蔭海鮮湯：食泰國菜最中意叫嘅菜式，都莫過於冬蔭功。泰妹嘅冬蔭海鮮湯除咗大大隻嘅大頭蝦，仲有大大隻嘅青口添。冬蔭功不算太辣，而因為有海鮮嘅原故，味道更為鮮味。蛋花黃咖喱軟殼蟹火山包：依個火山包賣相夠哂一流，軟殼蟹感覺要係個包度爆出嚟。軟殼蟹份量好多，而且每隻都有蛋醬包住炸熟，非常之香。切開火山包，蛋花黃咖喱傾瀉出嚟。黃咖喱混合蛋花，令咖哩增添蛋香，不論點麵包、又或者係點軟殼蟹，都別有一番風味。椰汁芒果糯米飯：泰國菜甜品嘅首選當然係椰汁芒果糯米飯啦。有別於其他泰菜餐廳，其中一款糯米飯係綠色嘅斑斕糯米飯。糯米飯煙韌軟糯，，配埋新鮮芒果，好好味。

不時都會到觀塘食野，因為工廈裡面真係可以有好多驚喜～第一次去the wave，見到好耐無食泰國野🇹🇭就去試下先和朋友都很喜歡吃海鮮包，所以一看到這裡有就二話不說的點了。🍤🍞蛋花黃咖喱大頭蝦海鮮包單看賣相已非常吸引，咖喱的椰香味很濃，入面亦非常足料，有好多🦐。最欣賞的是餐廳的蝦很新鮮，而且還有很香的蝦膏不會像普通的雪藏蝦般淡而無味。將香脆麵包皮點咖喱食「泰」滋味了，會忍唔到口食晒成個！另外就同朋友點了個一人餐，雖然雞串只是小食，但一點也不馬虎，燒得很香呢！🌶冬陰功海鮮湯金邊粉懷念泰國的正宗冬陰功湯，所以點了這個主食。冬陰功有很多海鮮，有青口、八爪魚、蝦 等。味道有正宗泰國冬陰功的香料味，偏辣，如果喜歡泰式辣的人可以一試！泰式燒羊架很欣賞這裡的燒物，每一樣都燒得很香脆，而且肉質也很嫩👍🏼觀塘真係多特式小餐廳，真係要再去尋下寶！

朋友係要見！由於朋友收工比較晚，所以我就直接入觀塘找他吃飯聚舊了。這次選了朋友公司附近的餐廳。到了長江電子大廈一上扶手電梯就看到泰妹大大個的招牌了，不用再四處找了。而且剛好看到他有在做４折的自取優惠，有海南雞和蛋花黃咖哩軟殼蟹火山包，這兩個我都有吃，等會再介紹，但這些機會都不是我的！餐廳很大一間，分了兩邊，應該不怕沒位置吧，不過我７點入坐也有３—４成人了。看完餐牌後感覺價錢不是很貴，以晚餐才算，應該算是比較經濟了，難怪有很多人來食！這次我們一共點了四款菜式，分別是泰式蝦炒金邊粉，海南雞飯，蛋花黃咖哩軟殼蟹火山包和飛天炒通菜！泰式蝦炒金邊粉(HKD 78)這個真的很特別，外層被薄薄的蛋皮包裹住，若隱若現的樣子，很透人，所以我也看到很多人有叫這個！伴碟有青檸，花生碎，還有一大條的蔥。撕開蛋皮後看到滿滿的金邊粉，還有大大粒的蝦仁，金邊粉是酸酸甜甜的，很開胃，蝦仁也很彈牙。味道不錯，而且打卡也不錯～哈哈海南雞飯(HKD62)不知道是我幸運還是剛好剩下的，我這份海南雞飯餐廳給了雞脾位給我，原本要加５元的！海南雞是已經幫我去骨的，所以全部都是肉，感覺真的很爽，雞肉有彈性，有雞味，不會乾柴，雞皮也很