泰玖

Open Now

Now Closed

見好多人話呢間好食，但今次整體用餐體驗不太好。呢日去聽講得一個廚師，出菜都比較慢。而食材都比較唔新鮮，部分食物只係微溫～🥹馬拉盞炒通菜已經係成餐最正常嘅菜色😂～過咗一個鐘先有下一道餸～烤豬頸肉，上菜個陣已經係微溫，部份肉仲要油到滴晒油，但係都烤得香嘅～泰式乾炒雞肉肉河粉同黃咖喱雞，個雞真係唔得，勁雪藏味🤨叫咗五杯嘢飲，有一杯勁耐都未嚟，催咗兩三次先送到🥲..真係冇下次，令人失望………………

很喜歡吃泰國菜，於是上網找到這間位於荃灣的泰玖，最後發現竟然曾被電視台訪問😳 大頭蝦炒金邊粉大頭蝦帶有濃郁的海鮮香味，肉質鮮嫩，外殼炸得酥脆，而金邊粉吸醬汁，加上雞蛋和芽菜等配料，令整道菜味更富口感☺️泰式軟殼蟹金柚沙律這道沙律結合了酥脆的軟殼蟹和新鮮多汁的金柚，加上蝦皮、櫻花蝦、椰子條和蔥花等豐富的配料，酸酸甜甜，非常惹味，個人認為是必點的沙律🥹泰式串燒顧客能坐在bar台位置前觀看廚師燒串燒，泰式串燒的牛肉、雞肉和豬腩肉經過特製的泰式醬料燒烤，帶有獨特的泰式香料風味😋泰式芒果糯米飯糯米飯以壽司形狀呈現，有特色❤️糯米口感黏糯且有彈性，芒果則香甜美，配上帶有濃郁的椰香和淡淡的鹹味，非常好吃🫡下次去荃灣會再光顧🙌🏻

海南雞配油飯，雞肉嫩滑，鮮嫩可口，肥美，又化再加上雞油，實在濃濃的雞味，營養豐富，再配製佢嘅特別醬汁，更加鮮味。泰式臘腸炒飯，呢個我最欣賞嘅炒飯，有臘肉味，亦都有啲蔬菜，甜甜鹹鹹的，粒粒皆分明，口感非常豐富。正宗泰式酸辣粉絲（海鮮），我配咗個海鮮，湯底酸辣適中，粉絲入晒味，我覺得好爽口，海鮮新鮮，再加上一啲蔬菜。一杯熱嘅蜜桃茶，芒果熱茶，我特別喜歡蜜桃茶，好香嘅蜜桃味，仲有啲蜜桃生果粒喺裏面。啱晒冬天飲。好欣賞佢連洗手間都清潔衛生乾淨，特別讚賞呢點。價錢非常之實惠，每個午餐都係50幾蚊，而且免加 1 服務費，簡直就係大眾化嘅價錢，泰國特級風味嘅享受。服務非常之好，又有禮貌，又親切，我好滿意。交通非常之方便，附近就有小巴站，行去荃灣地鐵站都好方便。

💬今次又再二訪心心念嘅泰國餐廳🍴成日番工叫外賣都食唔到最新鮮熱辣嘅口感，今日再黎堂食！！真係截然不同嘅感覺😍-泰式鳳爪沙律🥗酸辣程度岩岩好，前菜黎講都算幾開胃！份量都有好多！抵食之選🥇-泰玖金磚蒜蓉包🍞超！級！脆！口！真係不得了！好好食🤤蒜蓉醬好夠，濃濃嘅蒜香味🥰-泰式串燒（雞/牛/豬 各兩串）豬肉串今次係用左腩肉去整，半肥瘦，燒到好重油香味👍🏻牛肉唔乾身，沾埋泰式酸辣醬，突出到牛嘅味道🤩雞肉燒完都依然好滑口，冇得輸！-泰式燒豬頸肉🐷炭燒原塊豬頸肉，燒到燶邊，好香，入口外脆內軟🥰沾埋泰式辣汁，係靈魂醬汁！！不可缺少！！👍🏻👍🏻-泰式黃咖喱雞🐔好濃郁椰奶香味！雞嘅份量巨多！😆薯仔都好入味！黃咖哩偏甜，適合唔太食到辣嘅朋友食😌-新鮮椰青，好清甜，好似真係喺泰國本土飲嘅味🥇👍🏻-百香果活性乳酸菌屎樂冰勁濃百香果味😂原來百香果溝益力多係咁夾！食呢餐飲埋呢杯，一流😋

荃灣隱世泰菜由於要到荃灣工作，預先一晚book定間餐廳做完嘢去食晚飯。雖然book咗位都被安排坐吧枱位置，上菜後發現吧枱位影相都唔錯🤭🤭食泰菜又點少得飲番杯凍飲呢！呢杯菠蘿益力多沙冰夠曬清新又解膩，賣相亦唔馬虎，我哋兩個人share一杯🥂呢碟乾炒河粉係用正宗泰國正方塊狀的河粉，好煙韌，唔會炒得好油，相比其他泰國菜的炒河粉，份量亦唔少，鍾意食辣椒醬嘅我，仲試埋佢哋嘅辣椒醬，加入炒河粉，簡直係絕配因為叫咗泰式豬頸肉嘅關係，串燒我哋揀咗牛肉和雞肉，牛肉有點令人失望，燒得較為乾身，雞肉就好好味，而串燒嘅靈魂- - - 沙嗲汁🤤🤤🤤就當然冇得輸啦泰式燒豬頸肉亦係推介之一，豬頸肉後依然係好Juicy，配上豬頸肉嘅辣汁份外出色😍總括而言，除咗牛肉串燒之外，其他菜式都好好味，而分量亦唔少，兩個人叫咗呢三碟都食唔晒👍🏻

店名：泰玖地點：荃灣曹公坊5號地舖之前拍拖成日嚟香車街街市附近食嘢，一直見到間泰國嘢都想試，今日又黎開香車街街市附近，一於試試佢，二個人叫了二款主菜同甜品1.泰玖招牌肉碎生菜包 $128生菜新鮮大塊，配埋招牌肉碎好好食，再加上店家有放幾條豬油渣係碟上，三者混合上黎非常好食，肉碎炒得乾身，沒有出水，生菜大塊脆口，豬油渣爽脆無比，好香好惹味2.泰式無骨海南雞（半隻）$108海南雞好大隻，又無骨，點埋佢個自家制醬汁好好食，但醬汁微辣，唔太食得辣就要小心，雞肉嫩滑，肉質肥美，我地專登叫左兩碗絲苗白飯一齊食👍👍👍👍3.泰式芒果糯米飯$68泰玖嘅糯米飯同其他食肆有些許分別，佢會將糯米同黑糯米弄成壽司形狀，糯米上放上芒果片，中間盛載椰奶，但味道係微咸。所以成件食落去，唔似其他店家係甜，所以入口時微鹹，口感好獨特，好味4.蜜桃荼（熱）$38蜜桃味濃郁，微甜，好清新感覺5.泰國絲苗白飯 @18 $36食完真係覺得抵食夾大件，埋單時同店員傾開，佢同我哋講成日都有電視台到訪，拍攝飲食節目，估唔到行下街都會食到間出名食肆總價 $378

晚餐時段，原本滿懷歡喜地想食火山排骨，結果來到店主話冇辦法提供，已經很失望了，結果叫了一個精選二人餐，食到一肚氣，首先是前菜招牌肉碎生菜包反而是最後先上的菜，還要催了幾次才上，一開始催服務員還説我們沒有叫此菜，明明是套餐包的，爲何不先去了解厨房的情況再講呢？之後上的泰式燒豬頸肉，上菜的時候已經是微溫唔似係現燒，結果唔熟要返煮。主食選了泰式乾炒豬肉河粉，結果又話沒有河粉，要改為炒金邊粉，再次無奈地接受，炒金邊粉的蝦肉唔係好新鮮，蝦肉又霉霉哋。連飲品也要催幾次才來，真係冇下次。

#跟住我食唔中伏 #香港真好食餐廳 早幾日我約咗朋友喺荃灣見面，佢帶我去咗「泰玖」享受一餐好有特色嘅泰式午餐🩷餐廳環境真係好靚，氛圍輕鬆又舒適🥰好適合食飯同朋友傾計！ 我試咗「泰式香辣肉碎飯」同「新鮮大頭蝦冬陰公湯麵」🌟嗰個肉碎飯微微香辣好惹味，送飯一流！米飯粒粒分明，加埋個流心煎蛋好香👍而「新鮮大頭蝦冬陰公湯麵」真心令我驚喜，湯底酸辣適中，大頭蝦好新鮮，好好食！令人回味無窮！😋還有小食「泰式蒜蓉炒通菜」同「泰式鳳爪沙律」，通菜清脆爽口，鳳爪沙律鹹香開胃，估唔到小食份量都多，整體味道都好好～另外，餐飲我哋揀咗熱泰式香茅茶，飲落去清香又解膩！價錢方面好親民，性價比超高，令我哋可以食得開心又唔使擔心荷包🥳如果你都鍾意泰國料理，推薦可以試下呢間！

同行朋友都好喜歡食泰菜的，千挑萬選選中呢一間，網上講到真正泰國廚師煮理，滿懷期望佢幫襯；但食物質素及味道簡直真心失望。椰子沙冰嚟到係一杯椰子汁加冰，串燒又乾又硬，炸蝦餅炸魚餅係室溫偏凍；明顯係一早炸好放喺度備用。青咖哩雞啲雞肉一陣雪味；青咖哩仲衰過啲預製菜，飛天通菜仲衰過自己屋企炒嘅。濕炒豬咸到一個點。全晚最能比較接受，只可以話係蒜蓉包同薄餅。泰奶茶還可以啦，橙茶同蜜桃茶無限添飲係唯一覺得做得最好。樣樣嘢都好冇誠意，唔覺得係出自泰國師傅嘅製作。

又嚟介紹特色餐廳喇🥢！相信大家都會趁聖誕周圍去旅行✈️，泰國絕對係其中一個選擇🇹🇭。有得去玩嘅固然開心，但係暫時冇得去都唔使失望㗎🫡。就算留喺度都有正宗嘅泰國美食🤤。今次想介紹嘅係位於荃灣嘅一間泰式餐廳😋，呢間餐廳係多次有電視台上嚟拍飲食節目㗎❤️‍🔥，當中真係有好多款地道嘅泰國美食㗎，仲要抵食大件嘅😬。同埋就連廚師都係泰國人嚟的🫡。如果想知我今次食咩嘅，就一定要繼續睇落去啦～食物方面 ☝🏻#泰式生蝦（$128）首先介紹下泰式生蝦✨，真係去親食泰國嘢都必嗌！新鮮嘅生蝦搭配上特製嘅泰式酸辣汁，口感清新😋。醬汁入面有檸檬嘅清香同輕微嘅辣味，完美提升咗蝦肉嘅鮮甜！同埋生蝦嘅質感夠晒滑嫩😬，絕對係必試之選❤️‍🔥。#泰式軟殼蟹金柚沙律（$98）跟住要介紹嘅係泰式軟殼蟹金柚沙律，賣相嚟睇的確係幾吸引的🥗！新鮮嘅金柚果肉飽滿多汁，而軟殼蟹就炸得金黃酥脆🫶🏻，外脆內嫩😋。沙律加入咗特製嘅泰式醬汁，微酸微甜，完美中和咗兩者嘅配搭，食完都有啲意猶未盡✨。#串燒拼盤（$138）最後介紹嘅係餐廳嘅招牌串燒拼盤😋，鍾意食串燒嘅真係唔可以錯過！拼盤包括以下幾款串燒，每串都經過精心醃製的！📌雞肉串：肉質鮮嫩多汁，搭配甜

叫咗三樣嘢：第一道係泰式菠蘿炒飯，佢係原隻菠蘿開半咁上，中間空心裝住啲飯，味道偏甜，個飯整體OK，食到底會有啲濕，因為啲菠蘿汁。第二道係蟹肉炒蛋餅，佢啲蟹肉係蟹柳嚟，口感同味道都好一般，蛋味同蟹味都唔太出，比較油膩。第三道係鹹蛋味炸軟殼蟹，第一啖就已經成口油，表面有啲鹹蛋粉，食落去有啲鹹蛋味，但裡面完全無味。整體偏貴，仲有加一服務費10%，對食物有些少失望，當下食完個肚已經好唔舒服，因為啲嘢食太油膩。*兩個人食無得坐卡位*

今晚放工約了朋友食飯，朋友話想食泰國菜，所以揀了《泰玖》食飯兼預祝聖誕節。餐廳工業風裝修幾特別，有兩層，我地坐下層。今晚叫了泰式鮮蝦金柚沙律，大大隻蝦加大大舊金柚，惹味開胃，真係唔駛10分鐘就清碟。$78串燒拼盤，有雞、牛、豬、雞翼、豬腩肉、豬肉丸子、牛肉丸子各一串，燒得好香，仲有兩款汁選擇，最正就係樣樣都可以試少少，真係大滿足。$138泰式臘腸炒飯，炒飯乾身，粒粒分明而且份量好大，好足料。$118熱鮮橙茶，好香鮮橙味，唔甜，最正係可以添飲。$38 士多啤梨活性乳酸菌屎樂冰，一黎到朋友忍唔住嘩一聲，打卡一流。成杯粉紅色，仲要插住多多樽，淨係外表已經好吸引。士多啤梨味同乳酪味好平衡，唔太甜，味道不錯 $58

泰玖一向出名，上過好多次飲食節目，特色泰菜賣相吸引，味道一流，份量又足泰式鮮蝦金柚沙律 - 新鮮金柚好開胃，配上甜甜酸酸嘅醬汁、腰果、蕃茄仔、辣椒碎等等，味道同口感又豐富又有層次泰玖金磚蒜蓉包 - 烘到熱辣辣脆卜卜，每邊都有滿滿嘅蒜蓉，點埋青咖喱食更惹味泰式青咖喱牛腩 - 調味濃稠而不膩，牛腩有口感得來完全唔韌，好掛汁，不論牛腩、茄子定豆，份量足到夾極都有泰式乾炒雞肉河粉 - 河粉煙煙韌韌好有較厚，配唔同嘅配料炒得好香，色香味俱全餐牌提供嘅選擇有好多，圖文並茂感好吸引，用QR code落單好方便裝修走少少工業風嘅風格，燈光幾有格調，環境都幾舒適，服務有親切，絕對值得回頭

之前在某電視台飲食節目看到介紹這家泰國餐廳「泰玖Thai nine」，由泰籍廚師主理，今天剛好約了在荃灣返工的朋友食飯就揀這家來試試。餐廳分為兩層，樓下設有吧枱，樓上空間寬敞，座得舒適。餐廳裝潢以簡約工業風為主，風格特別，吸引附近上班一族來此午膳。海南雞配油飯，雞油飯粒粒分明，香而不膩，雞件非常滑嫩。招牌海鮮炒金邊粉，選用了蝦、魷魚、菜脯粒、韭菜和芽菜，材料豐富，金邊粉炒得乾爽入味。另外我們還加配了小食，泰式炸雞翼和泰式炸蝦餅，兩款小食都炸得香脆可口，各有特色。午餐價錢合理，而且出乎意料的美味。店員也非常禮貌。值得推薦的泰國餐廳!

朋友話之前試過荃灣有一間好抵食嘅泰菜，佢推介我叫去試吓，於是放假就同朋友一齊去試吓依間泰菜係咪真係高CP值。餐廳樓高兩層，座位都相當闊落。裝修行工業風格，都幾特別。士多啤梨活性乳酸菌屎樂冰賣相相當打卡，成杯沙冰粉紅色，粉粉嫩嫩好有少女感。咁又非常香甜士多啤梨味，沙冰亦都唔會太甜，甜度啱啱好。芒果活性乳酸菌屎樂冰依杯芒果味嘅賣相都好得意，有益力多樽喺沙冰上面做裝飾。芒果沙冰味道酸酸甜甜，沙冰中仲有少少芒果肉添！泰玖招牌肉碎生菜包肉碎旁邊有好多炸豬皮，口感脆卜卜。肉碎份量真係超級多，所以每塊生菜都可以夾超多肉碎都唔怕唔夠！肉碎都唔會好油👍🏻肉碎都好惹味，配埋生菜一齊食真係一流！大頭蝦炒金邊粉炒金邊粉份量都非常大碟，金邊粉份量好多。炒金邊粉非常香，一上菜已經聞到陣陣香味。金邊粉質感煙靭，食落甜甜地又帶少少辣味。大頭蝦肉質都幾新鮮，爽口彈牙。泰式軟殼蟹配海鮮汁擺盤非常精美，總共有六小杯，每杯都有半隻炸軟殼蟹。炸軟殼蟹浸喺海鮮汁入邊，包住生菜一齊食，味道酸辣相當開胃，而生菜亦都去除炸軟殼蟹嘅油膩感，好好食。