泰玖

Open Now

Now Closed

午餐時間要book位先有得坐 懷舊地板格仔 配上工業設計風格掛上泰國相片大膽又新奇地方唔算大行過一條長走廊樓上有個閣樓仔枱櫈都算闊落午餐價錢算平55蚊起海南雞配油飯雞件好滑雞油飯粒粒分明香而不油剛剛好紅咖哩牛肉飯好大份！真係好大份！紅咖哩香濃帶少少甜味好多牛肉配菜拌飯非常襯招牌海鮮炒金邊粉海鮮材料十分充足蝦大大隻金邊粉唔會炒到黐埋一舊好食到食曬成碟泰式濃湯船麵泰式味香濃 配菜鋪到成碗滿非常非常大份再加配小食泰式鳳爪沙律醬汁香濃 清新 不辣 好開胃泰式炸雞卷比較偏乾無咩肉汁味道都算香口整體食物質素非常好不過服務有待進步已經係QR code自己落單唔會叫錯嘢㗎 但係兩次飲品上錯枱已經解釋咗冇叫到仲要放低竟然唔係拎走要追住叫個職員返嚟攞走喺openrice追蹤 有九五折優惠本身平上加平 其實好吸引客人 到埋單嘅時候 通常其他餐廳都係1-2追蹤咗就有優惠我地九個人 要有齊晒咁多個追蹤先有優惠因為收銀位係走廊太窄趕晒我地出門口搞有冇需要真係做到咁先當然職員唔係黑口黑面 不過講嘢又急又無尾音有冇需要真係咁死板先認真好食+睇整體表現好一定會追蹤啦原本成餐飯都好開心大家食到好興奮好滿意最後 畫上不完

🍽️ Thai Oyster Omelette (泰式蠔仔煎蛋) $88第一次試呢個新菜🦪 啲蠔仔都幾大隻！上菜嘅時候係超熱超熱🔥 爭啲辣到手！🍀🍽️ Thai Style Grilled Pork Neck (泰式燒豬頸肉) $88好耐冇食豬頸肉喇☺️ 香香的豬🐷 蘸上甜辣醬，有點帶你返泰國嘅感覺呀！燒得啱啱好，保留肉質嘅水分！🍀🍽️ Thai Curry Fried Soft-shell Crab (惹味咖喱炒軟殼蟹) $198喺呢間食過無數次嘅軟殼蟹！最中意佢夠大件🦀 見佢加咗價，不過呢個價錢係抵～ 上菜之後最好即刻食😋 如果唔係會淋！記住叫蒜蓉包呀！點埋黃咖哩醬簡直係絕配🤩🍀想收到更多美食資訊，請追蹤@greatfood_grateful

荃灣曹公坊泰國菜，有2層高，下面bar位上面閣樓，氣氛都不錯。泰玖火山骨 HK$148注意要小辣，個湯酸酸辣辣的，這個份量是2-3人份，都唔算好多，肉都煮得幾林的，食得唔算辛苦。蒜香炒泰國椰菜苗 HK$92呢碟菜都幾多份量，炒得好香蒜味。椰菜苗會比較硬身，炒得比較濕身。泰式乾炒鮮蝦河粉 HK$138河粉好滑，料都非常多，炒得都幾入味。蝦都有幾隻，雖然話係乾炒，但食落又唔乾的。泰玖荃灣曹公坊5號地舖

泰好味😋泰高質😋泰高CP😋泰國菜好耐無去泰國旅行，泰掛住正宗好食泰菜，今次終於黎到呢間泰玖，又估你唔到既大件夾抵食，仲要泰國廚師主理，兩個人食都係$400連野飲，差啲食唔哂，建議大家睇定自己胃容量慢慢加餐，哈哈哈。泰式軟殼蟹配海鮮汁:餐廳推介之一! 一份六件嚇親我，外觀好似食甜筒咁款，生菜夾住勁脆軟殼蟹，有食炸物的口感但加上生菜的中和，咁先唔會太油膩，記得配埋海鮮酸甜汁口味勁開胃，做前菜，我比10分!泰式乾炒牛河:用正宗泰式河粉炒，Q彈感覺，河炒呈半透明，夠火候，唔油膩，牛肉新鮮夠味。泰式馬拉盞炒通菜:未黎到已經聞到香氣飄逸🤤好食到飛天，鹹香勁惹味，火喉拿挰得好好，爽口掛汁。泰式炸雞卷:最尾忍唔到口又叫多份雞卷，外脆內軟，配泰式辣醬勁香口。

之前路經附近已發現有家隱世泰菜, 純純的工業風, 地下吧枱樓上雅座, 街坊好友極力推介, 那必須一試! 泰式鮮蝦金柚沙律 ~ 蝦份量不少, 爽口彈牙! 金柚甜甜的帶著微酸, 配上香脆腰果, 大愛! 泰式燒豬腩肉串 ~ 一份三串, 必點! 焦香的外層, 有炭香味, 入口不會油膩, 沒豬膻味, 肉質軟嫩, 超愛! 泰式軟殼蟹配海鮮汁 ~ 另一必點之選, 軟殼蟹炸得香脆, 肉很厚很嫩, 每件附上生菜及甘筍絲, 再沾上海鮮汁, 極度惹味開胃! 泰式青咖喱雞 ~ 不太辣, 雞肉嫩滑, 咖喱不會太浠, 很香濃幼滑, 不論配飯、薄餅或我最愛的蒜蓉包也一絕! 泰玖金磗蒜蓉包 ~ 四面焦香金黃的蒜蓉包, 真正的脆內軟, 配咖喱相當不錯! 

朋友咁啱係荃灣放工又想食泰國菜🇹🇭就想食呢間呢間餐廳樓高兩層，空間寬敞，裝修走工業風食物的定價貼地大大件食物亦有做午市套餐。今晚點左🫧大頭蝦炒金邊粉大頭蝦好多蟹膏金邊粉炒得好香好夠味🫧招牌火山豬仔髀吸睛的火山豬仔髀睇得，個湯都飲得好多肉🫧泰玖招牌蟹肉煎蛋捲果然係招牌蟹肉煎蛋捲煎到好香裏面有滿滿的蟹肉和蟹柳有洋蔥🧅和蔥在裏頭好大件呀😃🫧菠蘿🍍沙冰🍧🫧椰青好鍾意飲椰青新鮮椰子肉都多😚推薦🫧泰玖招牌蟹肉煎蛋捲🫧大頭蝦炒金邊粉

餐廳有兩層，裝修行工業風。今日係下層bar枱食，另有一番風味。咁岩撞正就黎萬聖節🎃員工同場地都有精心打扮泰式馬拉盞炒牛肉通菜 $98 通菜好鮮，食落爽口👍🏻泰玖爆炸蠔餅 $108想重點推介呢個蠔餅，CP值超高，抵食夾大件用左超多粒蠔仔🦪去炸，粉唔厚，完全食到蠔仔個鮮味，仲要勁大盤，每粒蠔都大大粒，每啖都充滿住蠔肉味😍好讚 自家製椰汁冰，略為過甜，泰國飲品可能甜d,建議叫微甜。餐廳食物的定價貼地，亦有做午市套餐優惠。 #荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處

今日想食泰國野，揀左去香車街附近嘅泰玖，之前食過一次已經覺得唔錯，今次再試下其他野食。串燒一份有三串，齊晒雞、牛、豬，好岩兩個人share，而個沙嗲醬亦都夠惹味。另外叫左蠔仔煎蛋餅，冇諗過都幾大份，成個pizza咁大！而蠔仔size都好跨張，每粒都好飽滿好有肉，而蠔量亦都相當多，每啖都一定有一隻蠔，超正！雞卷有足足10粒，亦都炸得幾香脆，唔錯。佢嘅泰式雞肉炒河相當有鑊氣，加左好多菜好足料，而河粉有彈性，味道就偏辣比較重手，不過都食到，幾香。野飲揀左椰汁冰，味道充滿椰香，偏甜但係好解辣。整體水準Keep到，下次再食過！

𝑻𝒉𝒂𝒊 𝑵𝒊𝒏𝒆 泰玖📍香港荃灣曹公坊5號地舖@thai.nine最近愛上泰國菜，今日約咗朋友去荃灣一間泰菜餐廳。餐廳分兩層，設計行水泥工業風，加上泰式元素，增添了異國風情。地下以吧枱座位坐法，樓上有多種枱形，有圓也有長枱，空間寬敞，方便三五知己一齊坐！🥢點餐泰玖火山骨🌋餐廳其中一道招牌菜~火山骨肉質好嫩，骨頭的肉質經過長時間熬煮，釋放出豐富的肉香和膠質，使湯頭濃稠，加上特製湯底，大辣🌶️ 好過癮。泰式烤牛肉🥩搭配沙律菜🥗、番茄和醬汁，味道清新而不油膩。🥭 芒果糯米飯擺盤好可愛 😍 成嚿壽司咁，芒果配香濃椰醬糯米飯，椰奶的濃郁與芒果的清甜相得益彰，口感豐富。本身menu有糯米同紫米2個版本，可惜當天紫米版已售罄🙃這道甜點既簡單又美味，是泰式餐後的完美收尾。#香港美食#支持小店#泰式 #荃灣#泰玖#火山骨#foodie#荃灣必食#荃灣餐廳#荃灣好去處#荃灣美食地圖#餐廳推介#假日好去處

由門口開始裝修行工業風,樓高兩層, 空間寬敞, 牆同地都係綠白色花磚拼成💚泰式蠔仔煎蛋 $88採用日本蛋整嘅蠔仔煎蛋🍳啖啖都食到蠔仔, 而蠔仔嘅Size仲大過隻眼個泰式醬有D辣,辣到好開胃🌶️💚泰式黃咖喱雞 $98味道啱啱好,咖哩唔會好杰身雞肉嫩滑, 雞份量好多, 配料都好足份量多到無位張蒜蓉包點咖喱💚泰玖金磚蒜蓉包 $424條長條形嘅蒜蓉吐司🍞香濃嘅蒜蓉包住吐司, 吐司外脆內軟點完咖喱都仲脆兼索晒D咖喱好惹味💚泰式串燒（雞/牛/豬 各一串） $65串燒外焦內嫩配搭濃郁沙嗲醬🍢沙嗲醬幾重花生同椰漿味💚芒果活性乳酸菌屎樂冰（450ML） $68打卡一流📸 芒果加益力多幾好飲🍹酸酸甜甜, 仲有細細粒芒果肉🥭總括嚟講~餐廳CP值高, 食物價錢抵又份量多原來午市都有開, 有做埋午市套餐#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處#荃灣 #荃灣美食 #泰國菜

🌟港鐵荃灣站A3出口 11分鐘路程🌟#曹公坊 #泰菜 #泰國菜再一次同朋友嚟到泰玖 今次揀咗晚飯時間嚟到 好彩有book定位 坐吓坐吓都冇乜位淨同朋友都係雀仔肚 所以叫咗三個菜式黎食泰國菜 當然要食吓佢嘅青木瓜沙律🧡#泰式鮮蝦青木瓜沙律- 大蝦好新鮮 亦好彈牙- 青木瓜沙律 酸辣程度啱啱好 好開胃🧡#泰式串燒拼盤- 豬牛雞 豬腩肉 雞翼 豬肉丸 牛肉丸 各一串- 唔好睇佢每樣只有一串 兩個人食晒都有啲吃力😂😂- 雖然一個拼盤附帶兩種唔同醬料 沙嗲醬同酸辣醬💁🏻‍♀️ 但其實唔需要點醬 串燒都已經好好味🧡#大頭蝦炒金邊粉- 兩隻大頭蝦 炸香左 再用酸甜汁封左表面- 一直都幾鍾意香港嘅炒金邊粉 呢個甜度辣到啱啱好 👍🏻👍🏻- 唔會勁似泰國比較濕比較黏嘅金邊粉

今日約咗朋友去荃灣食呢間泰國菜，餐廳樓高有兩層，空間寬敞，裝修走工業風。成餐飯同朋友食完約$600埋單走人，CP值高，樣樣菜都大件夾抵食夾，食物定價都算貼地，仲有做午市套餐泰玖火山骨🌋 (2-3人份）（$148）要睇吓一間泰國餐廳好唔好食，當然要試吓佢哋嘅功力火山骨啦，呢間嘅火山骨肉質鮮嫩，配上香濃的酸醬汁，味道唔錯👍🏻泰式菠蘿炒飯🍍 （$158）呢間菠蘿炒飯配菜勁多，勁足料，份量都好大，CP值高，推薦大家叫呢個泰式馬拉盞炒椰菜苗🌶️ （$92）泰國餐廳唔係好多間都一定有得食椰菜苗，呢間炒得好香，椰菜苗清脆，味道啱啱好，我忍唔住自己食咗一碟，超好胃口 ☺️百香果活性乳酸菌屎樂冰🍹 （$68）酸甜清爽的百香果乳酸菌冰，飲完好解暑🙌🏻泰式軟殼蟹金柚沙律🦀️ （$98）酥脆的軟殼蟹配上酸甜的金柚，成道菜好清新，口感豐富，軟殼蟹炸得啱啱好，大推呢個💪🏻💪🏻
🏠環境：7/10🌟味道：8/10💰性價比：8/10🙇🏻‍♂️服務：7/10📍泰玖荃灣曹公坊5號地舖

遠征荃灣處理公務，剛好係午餐時段就睇下附近有咩好食，行過見到一間食泰菜嘅，見到有好多人排隊入內，望望佢個SET LUNCH價錢都好合理，所以就入去食個午餐啦！餐廳有兩層嘅，不過我就得一個人，所以就安排座係樓下嘅BAR枱位，整體上環境都係舒適嘅。先嚟餐飲我加配左做蜜桃梳打，蜜桃味都好自然而且唔會好甜，如果蜜桃味可以特出啲啲就更加啱我口味。再嚟一個 泰式鳳爪沙律 小食，   鳳爪醃得好入味，而且爽口有嚼勁，加埋個酸酸辣辣嘅泰式醬料，食落好好開胃。主菜就係 新鮮大頭蝦冬陰公湯麵，大頭蝦非常新鮮，不僅頭大而且膏都好多，肉質又彈牙，配菜都好豐富，有好多芫茜、秀珍菇、小蕃茄、豆腐乾同蜆肉。而個冬陰功湯底唔算太辣但就非常濃郁，入口感覺冇乜味精，酸酸辣辣好有泰國風味

樓高兩層的特色泰國餐館🇹🇭裝修走工業風，型格復古，由泰藉廚師主理👨‍🍳供應多款經典泰國菜式及泰式街頭小食🥘午市時段設有10款套餐🍴包括小食、主菜和飲品😙冬蔭功酸、香、辣，加在米飯上🍚炒至粒粒分明，散發南洋特殊香氣🔥搭配Q彈蝦肉，味道豐富複雜又濃郁😋炒金邊粉是泰國的街頭美食🥢口感滑嫩又充滿彈性😃有魷魚大蝦等海鮮，十分足料🦑蝦餅炸得外皮香脆，呈金黃色🦐配上酸酸甜甜泰式醬汁💦份外惹味，口感爽彈😍雞卷皮薄鮮嫩多汁，雞肉也很新鮮🍗再灑上少許五香粉，味道立刻提升不少🤩

小妹同豬去咗荃灣搵野食，見到呢間餐廳🍴設計風格不錯，以工業風為主打， 從門口望上去見店舖分兩層😎 入到去光線帶點偏暗🙌 空間寬敞，上下層均設有坐位，步行上層時仲感覺泰國🇹🇭風情🫢泰式軟殼蟹金柚沙律 🥗沙律新鮮多樣，柚子肉超足料，唔澀味😌軟殼蟹🦀非常大隻，炸至金黃色，非常脆口，提升整道菜的層次分明，絕對係開胃的頭盤🤩大蝦冬陰功炒金邊粉🦐🍝金邊粉炒得入味，大蝦🍤爽口彈牙，有蝦膏😙冬陰功酸酸辣辣幾開胃🤤辣度適中😍惹味開胃餐廳🍴亦貼心，將配料放係旁邊，讓客人自己選擇口味撈幾多☺️泰式芒果糯米飯🥭 🍚每逢食泰國菜🇹🇭芒果糯米飯🥭 絕對係小妹必點！呢間芒果糯米飯非常特別😳 五嚿勁似壽司🍣組成～上層係香甜唔酸的芒果🥭片、下層係暖笠笠糯米飯🍚連埋餐廳🍴配上的椰漿，真係超香甜😋士多啤梨活性乳酸菌沙冰🍓🍹呢杯野飲名稱好特別「士多啤梨活性乳酸菌沙冰」😂 而且一上台就😳 整個益力多樽做配搭～士多啤梨🍓味濃郁，帶點甜及酸😝 入口感到冰涼透心🥶除咗好飲外，仲岩哂打卡🫶🏻呢間餐廳讓人感覺好神秘感，特別上層果層樓梯～上層空間好大😐 無論上層或下層均設有職員，方便處理顧客的需要，職員有禮及友善，唔介意上上落落，讚👍🏻