泰玖

Open Now

Now Closed

同行朋友都好喜歡食泰菜的，千挑萬選選中呢一間，網上講到真正泰國廚師煮理，滿懷期望佢幫襯；但食物質素及味道簡直真心失望。椰子沙冰嚟到係一杯椰子汁加冰，串燒又乾又硬，炸蝦餅炸魚餅係室溫偏凍；明顯係一早炸好放喺度備用。青咖哩雞啲雞肉一陣雪味；青咖哩仲衰過啲預製菜，飛天通菜仲衰過自己屋企炒嘅。濕炒豬咸到一個點。全晚最能比較接受，只可以話係蒜蓉包同薄餅。泰奶茶還可以啦，橙茶同蜜桃茶無限添飲係唯一覺得做得最好。樣樣嘢都好冇誠意，唔覺得係出自泰國師傅嘅製作。

又嚟介紹特色餐廳喇🥢！相信大家都會趁聖誕周圍去旅行✈️，泰國絕對係其中一個選擇🇹🇭。有得去玩嘅固然開心，但係暫時冇得去都唔使失望㗎🫡。就算留喺度都有正宗嘅泰國美食🤤。今次想介紹嘅係位於荃灣嘅一間泰式餐廳😋，呢間餐廳係多次有電視台上嚟拍飲食節目㗎❤️‍🔥，當中真係有好多款地道嘅泰國美食㗎，仲要抵食大件嘅😬。同埋就連廚師都係泰國人嚟的🫡。如果想知我今次食咩嘅，就一定要繼續睇落去啦～食物方面 ☝🏻#泰式生蝦（$128）首先介紹下泰式生蝦✨，真係去親食泰國嘢都必嗌！新鮮嘅生蝦搭配上特製嘅泰式酸辣汁，口感清新😋。醬汁入面有檸檬嘅清香同輕微嘅辣味，完美提升咗蝦肉嘅鮮甜！同埋生蝦嘅質感夠晒滑嫩😬，絕對係必試之選❤️‍🔥。#泰式軟殼蟹金柚沙律（$98）跟住要介紹嘅係泰式軟殼蟹金柚沙律，賣相嚟睇的確係幾吸引的🥗！新鮮嘅金柚果肉飽滿多汁，而軟殼蟹就炸得金黃酥脆🫶🏻，外脆內嫩😋。沙律加入咗特製嘅泰式醬汁，微酸微甜，完美中和咗兩者嘅配搭，食完都有啲意猶未盡✨。#串燒拼盤（$138）最後介紹嘅係餐廳嘅招牌串燒拼盤😋，鍾意食串燒嘅真係唔可以錯過！拼盤包括以下幾款串燒，每串都經過精心醃製的！📌雞肉串：肉質鮮嫩多汁，搭配甜

叫咗三樣嘢：第一道係泰式菠蘿炒飯，佢係原隻菠蘿開半咁上，中間空心裝住啲飯，味道偏甜，個飯整體OK，食到底會有啲濕，因為啲菠蘿汁。第二道係蟹肉炒蛋餅，佢啲蟹肉係蟹柳嚟，口感同味道都好一般，蛋味同蟹味都唔太出，比較油膩。第三道係鹹蛋味炸軟殼蟹，第一啖就已經成口油，表面有啲鹹蛋粉，食落去有啲鹹蛋味，但裡面完全無味。整體偏貴，仲有加一服務費10%，對食物有些少失望，當下食完個肚已經好唔舒服，因為啲嘢食太油膩。*兩個人食無得坐卡位*

今晚放工約了朋友食飯，朋友話想食泰國菜，所以揀了《泰玖》食飯兼預祝聖誕節。餐廳工業風裝修幾特別，有兩層，我地坐下層。今晚叫了泰式鮮蝦金柚沙律，大大隻蝦加大大舊金柚，惹味開胃，真係唔駛10分鐘就清碟。$78串燒拼盤，有雞、牛、豬、雞翼、豬腩肉、豬肉丸子、牛肉丸子各一串，燒得好香，仲有兩款汁選擇，最正就係樣樣都可以試少少，真係大滿足。$138泰式臘腸炒飯，炒飯乾身，粒粒分明而且份量好大，好足料。$118熱鮮橙茶，好香鮮橙味，唔甜，最正係可以添飲。$38 士多啤梨活性乳酸菌屎樂冰，一黎到朋友忍唔住嘩一聲，打卡一流。成杯粉紅色，仲要插住多多樽，淨係外表已經好吸引。士多啤梨味同乳酪味好平衡，唔太甜，味道不錯 $58

泰玖一向出名，上過好多次飲食節目，特色泰菜賣相吸引，味道一流，份量又足泰式鮮蝦金柚沙律 - 新鮮金柚好開胃，配上甜甜酸酸嘅醬汁、腰果、蕃茄仔、辣椒碎等等，味道同口感又豐富又有層次泰玖金磚蒜蓉包 - 烘到熱辣辣脆卜卜，每邊都有滿滿嘅蒜蓉，點埋青咖喱食更惹味泰式青咖喱牛腩 - 調味濃稠而不膩，牛腩有口感得來完全唔韌，好掛汁，不論牛腩、茄子定豆，份量足到夾極都有泰式乾炒雞肉河粉 - 河粉煙煙韌韌好有較厚，配唔同嘅配料炒得好香，色香味俱全餐牌提供嘅選擇有好多，圖文並茂感好吸引，用QR code落單好方便裝修走少少工業風嘅風格，燈光幾有格調，環境都幾舒適，服務有親切，絕對值得回頭

之前在某電視台飲食節目看到介紹這家泰國餐廳「泰玖Thai nine」，由泰籍廚師主理，今天剛好約了在荃灣返工的朋友食飯就揀這家來試試。餐廳分為兩層，樓下設有吧枱，樓上空間寬敞，座得舒適。餐廳裝潢以簡約工業風為主，風格特別，吸引附近上班一族來此午膳。海南雞配油飯，雞油飯粒粒分明，香而不膩，雞件非常滑嫩。招牌海鮮炒金邊粉，選用了蝦、魷魚、菜脯粒、韭菜和芽菜，材料豐富，金邊粉炒得乾爽入味。另外我們還加配了小食，泰式炸雞翼和泰式炸蝦餅，兩款小食都炸得香脆可口，各有特色。午餐價錢合理，而且出乎意料的美味。店員也非常禮貌。值得推薦的泰國餐廳!

朋友話之前試過荃灣有一間好抵食嘅泰菜，佢推介我叫去試吓，於是放假就同朋友一齊去試吓依間泰菜係咪真係高CP值。餐廳樓高兩層，座位都相當闊落。裝修行工業風格，都幾特別。士多啤梨活性乳酸菌屎樂冰賣相相當打卡，成杯沙冰粉紅色，粉粉嫩嫩好有少女感。咁又非常香甜士多啤梨味，沙冰亦都唔會太甜，甜度啱啱好。芒果活性乳酸菌屎樂冰依杯芒果味嘅賣相都好得意，有益力多樽喺沙冰上面做裝飾。芒果沙冰味道酸酸甜甜，沙冰中仲有少少芒果肉添！泰玖招牌肉碎生菜包肉碎旁邊有好多炸豬皮，口感脆卜卜。肉碎份量真係超級多，所以每塊生菜都可以夾超多肉碎都唔怕唔夠！肉碎都唔會好油👍🏻肉碎都好惹味，配埋生菜一齊食真係一流！大頭蝦炒金邊粉炒金邊粉份量都非常大碟，金邊粉份量好多。炒金邊粉非常香，一上菜已經聞到陣陣香味。金邊粉質感煙靭，食落甜甜地又帶少少辣味。大頭蝦肉質都幾新鮮，爽口彈牙。泰式軟殼蟹配海鮮汁擺盤非常精美，總共有六小杯，每杯都有半隻炸軟殼蟹。炸軟殼蟹浸喺海鮮汁入邊，包住生菜一齊食，味道酸辣相當開胃，而生菜亦都去除炸軟殼蟹嘅油膩感，好好食。

.最近要keep diet 所以要食得清淡啲🔸海南雞飯🔸 絕對係我外賣🥡首選🥇.未曾到過的餐廳🍴但店面就感受到 工業風裝修內部裝修 偏暗 微黃燈光是 和風佈置招財貓 但泰式 Thai food組合有啲新鮮感 😽.一行Bar桌位 可坐9-12人及 好幾個 正常4️⃣人座位好快將外賣🥡取走返office食感覺有【開盲盒感】.無骨海南雞配油飯 $54🔺🔺🔺🔺🔺🔺用環保♻️紙飯盒 👍🏻 堅挺簡樸無油墨油飯大概有2/3盒 ｜ 無骨連皮雞肉🍗食落口係鮮嫩 有雞味 去骨非常完整 完全無細骨💔 完全沒有配菜 一片油菜.芒果糯米飯（三件）🔺🔺🔺🔺🔺🔺三件 類似日式壽司形狀既糯米飯 芒果片 不太大 大概是成人尾指size椰奶汁 非常多 是淹浸式 形容糯米煙韌 有層次感 有咬嚼感 煙韌.泰式炸魚餅（+$12）🔺🔺🔺🔺🔺🔺超厚實的｜內混有香料｜香煎 脆皮 有咬口｜不太油 有清爽感大小 就是中指大小.真係珍多冰（+$15）🔺🔺🔺🔺🔺🔺紅綠珍多絲 滑溜滑溜 份量也下重手 有1/3高椰奶超泰式 香氣翻滾在口腔有層次的甜 也有一點點冰塊🧊絕對的爽快大飲.感恩🥹沒有中伏

泰玖📍荃灣曹公坊5號地舖喺荃灣街市隔離嘅一間泰式餐廳，好耐之前嚟過但撞正落場時間食唔到。餐廳工業風設計，有兩層，空間大。舖頭地下嗰層係吧枱式座位，樓上就比較適合一大班朋友飯聚。兩個人叫咗3碟嘢，低估咗份量，食唔晒😂平時仲有做午市套餐，性價比高。泰式菠蘿炒飯$158好大兜，菠蘿鮮甜，有蠟腸啱晒冬天食，飯唔算乾身，唔錯。泰玖爆炸蠔餅$108蠔餅炸得好香脆，好多隻蠔，新鮮飽滿，幾好食😋超大塊，食唔停口。泰式燒豬頸肉$88份量唔少，肥瘦適中，燒得幾靚，醬汁惹味。#餐廳推薦 #美食推薦 #美食推介 #荃灣必食 #荃灣餐廳 #荃灣好去處 #荃灣美食地圖 #餐廳推介 #假日好去處 #荃灣美食 #荃灣餐廳

朋友向荃灣返工，佢試過呢到嘅午餐仲力讚好好食，所以今次帶我嚟食晚市。呢間餐廳樓高有兩層，地下個層就有bar枱，樓上座位都好寬敞，而且樓底高，就算多人傾計都唔會太嘈，最欣賞佢嘅裝修係工業風格，打卡完全係非常靚。招牌肉碎生菜包 - 食泰國菜一定必叫，大大份幾個人share都唔怕，而且肉碎夠乾身夠辣夠惹味，生菜大大塊唔怕食到成枱都係，必點！！！！泰式炸蝦餅 - 好細心地分左半塊1件，而且炸得好香口。泰式青咖哩雞 - 又係大大碟，咖哩唔算太辣但好香，雞件非常大件而且嫰滑，裡面仲有少少雜菜，性價比非常高。金磚蒜蓉包 - 香氣十足，烘得非常脆口，配青咖哩食完全係絕配。芒果糯米飯 - 賣相已經非常吸引，分左5件，完全好似壽司咁，方便同朋友分享，而且有我最愛嘅紫糯米，芒果亦都唔會酸，大推！！青檸梳打 ＆ 珍多冰 整體而言，因為食物真係太多選擇，而且份量十足，真係要嚟多幾次先可以試埋串燒同海鮮類。

#泰玖，荃灣新派泰國菜，兩層，寬敞舒服既環境🌟帶玩味既裝潢，有點年輕感😙餐牌乜都有，蛋餅、海鮮、串燒、咖哩、小食、主食咩都幾多選擇👍🏻泰式串燒🍢雞、牛、豬各兩串，超大串，識食泰式串燒梗係食豬肉，燒得好香，勁腍勁惹味，好正😆雞肉嫩滑，加埋沙爹都超夾，牛肉牛味都好濃，相當高質既串燒🤞🏻泰式蠔仔煎蛋，超大碟，啲蠔仔勁大粒，非常Fresh，爆汁好味😋泰式濕炒雞肉河粉，泰式汁配埋好多菜，河粉好滑，味道幾唔錯👍🏻泰式馬拉盞炒椰菜苗，上枱好香，椰菜苗掛汁，炒得好有鑊氣😍飲返個新鮮椰青，大個多肉，加埋枝豹啤，好有泰式風味😎由裝修到服務食物飲品都有heart，整體都好高質✨野食多到試唔晒，價錢都好相宜，抵！😗

聽聞📍泰玖🫶🏻帶有濃郁的泰式風味菜式！今日也來潮聖吓💪去到，見到餐廳樓高兩層，空間寬敞，裝修走工業風。［食後感]📝1. 泰式串燒（雞／牛／豬各一串）這些串燒用香料醃製，烤得外焦裡嫩，讓人一口接一口，搭配特製的醬汁更是美味。2. 泰式芒果糯米飯糯米飯綿密而香甜，搭配新鮮的芒果和椰漿，口感豐富，甜而不膩，是完美的餐後享受。3. 菠蘿活性乳酸菌屎樂冰清爽可口，結合了菠蘿的酸甜與乳酸菌的清新，讓人感覺非常清爽。4. 泰式軟殼蟹配海鮮汁軟殼蟹鮮美脆口，搭配香濃的海鮮汁，讓每一口都充滿海洋的風味，十分誘人。5. 泰式招牌豬手飯豬手肉質軟滑，湯汁濃郁，配上白米飯簡直是完美的搭配，令人滿足。整體而言，這一餐充滿了多樣的口味和質感，讓人感受到泰國料理的獨特魅力！CP值高，抵食夾大件，食物的定價貼地，亦有做午市套餐。你仲唔快啲過嚟試吓🫶🏻🫶🏻#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處

店舖分為上下兩層，空間寬敞，有泰式餐廳風味，裝修走工業風格。᪥泰式濕炒鮮蝦河粉喜歡這個河粉，每一片很大，晶凝通透很煙靭，配上鮮蝦肉，加入了蔬菜蘆筍，紅蘿蔔，很有鑊氣的炒河。᪥泰式鮮蝦金柚沙律是一道口感豐富且清新的沙律，鮮蝦肉質鮮嫩，帶有海鮮的鮮美風味。金柚的果肉酸甜適中，口感清脆，增添了沙律的清新感。整道菜品味道層次分明，酸、甜、鹹、辣的味道相互交織。᪥蒜香炒通菜通菜質地脆嫩，具有清新的綠色和獨特的口感。使用大量的蒜末炒香，提升整道菜的味道層次。適合與白飯搭配，作為配菜或主菜享用。

餐廳裝修走工業風x民族風，上下兩層位置寬敞，一樓吧檯，二樓適合多人聚會。之前ViuTV節目「準時開飯」也曾經介紹過！這天和朋友特意前來午餐🤗🔆泰式招牌豬手飯大大份上檯望見已經流口水，豬手肥瘦適中，入口勁嫩滑軟腍，點上伴碟的泰式香蒜辣汁，超級惹味😋🔆海南雞配油飯同樣份量十足，雞皮爽滑有彈性，肉質嫩滑有咬口，無肥膏喺夾層; 配上煮雞精華的油飯，每一啖都勁滋味🤤另外加配了2個小食:🍮芒果糯米飯以普通糯米同黑糯米做，芒果配上椰漿特別香甜。🍤泰式炸蝦餅香脆可口好彈牙。🍹菠蘿活性乳酸菌沙冰杯邊有支益力多倒轉插在沙冰上，賣相好qq，乳酸味和菠蘿味混合酸酸甜甜，既可解膩解渴又透心涼，必點！🧋泰式奶茶香滑，夠晒奶味！

今日我哋出咗荃灣玩，玩完就喺附近搵嘢食。經過見到呢間〈泰玖〉餐廳，有2層樓高，走綠色+灰色的工業風裝修，我哋覺得幾靚，就決定入去食啦。.員工安排我哋坐樓上，空間都幾寬敞，有8-9張檯，檯之間隔得幾開，坐得舒服。.呢度menu有好多選擇，有午市套餐、晚市套餐、餐廳特別推介、前菜、沙律、燒烤、湯、海鮮、咖哩、肉、菜、飯/粉麵、甜品等等。.我哋見到餐廳特別推介有泰式蠔仔煎蛋！真係幾特別喎，就叫了來試試。另外亦叫了大頭蝦炒金邊粉、蒜香炒秋葵雜菜及2杯飲品。.大頭蝦炒金邊粉 —用來炒金邊粉的酸甜醬汁好味，酸度及甜度都好平均，愈食愈開胃。有2隻大頭蝦，微炸過幾香。蝦頭有驚喜，因為有好多蝦膏！蝦膏鮮甜無苦味👍🏻.泰式蠔仔煎蛋 —有好多粒蠔呀，仲要全部都好大粒！煎蛋份量都好多，亦保持到滑蛋的鬆軟口感，唔會煎到全熟乾硬咁。沾埋伴碟的蒜蓉辣醬一齊食，好惹味😋.蒜香炒秋葵雜菜 —好難得出街食飯會見到menu有秋葵，真係好驚喜，因為我好鍾意食秋葵😍雜菜方面有西蘭花、椰菜、芥蘭、粟米筍、紅蘿蔔、秀珍菇，好多種類幾豐富；整碟菜都有好香蒜蓉味，好入味。.飲品方面我哋叫了一杯龍眼冰，一杯椰汁冰。椰汁冰 —椰汁好濃好香