泰式食

Open Now

Now Closed

週末嚟到銅鑼灣食晚餐，揀左位於金百利嘅餐廳🍴 8樓嘅泰式食😸😸餐廳好特別的，一入去就有架篤篤！好搞笑😁😁 呢度幾闊落架，坐得好舒服下😀入多嚟食都不錯👍🏻👍🏻 我地就揀左個大蝦炒貴刁👅👅 只蝦好大隻！又新鮮彈牙，蝦膏都幾豐富添❤️❤️ 貴刁真心靚仔，上面有一層蛋網cover住，食之前mix好佢，咁食嘅每一啖都可以有蛋同花生等配料啦，炒得好有鑊氣架！味道有小小辣，但好惹味😂 另外叫左椒鹽魷魚🦑非常推薦！椒鹽好正，撈麵都好食！魷魚份量都多，舊舊都大大件點同厚身🤗入面仲有小小紅椒黃椒，中和番椒鹽嘅咸味😋😋 芝士焗蠔都係必食！蠔夠肥美新鮮，食落鮮甜😽而芝士都好足料，芝士咸香同蠔鮮美都幾夾✌🏻✌🏻 椰汁珍多冰入面好多jelly ! 仲有d大樹菠蘿絲添，口感一流！餐廳嘅服務亦都好好，d姐姐都好有禮貌，仲好貼心咁介紹野食比你😸😸

呢度既lunch 真係抵食到爆，佢呢度個lunch 係半自助式既，可以自由去拎湯同埋沙律，仲有蝦片，佢呢隻係泰國蝦片，同我地平時食開既完全唔同，佢係特別重蝦味同特別鬆脆，每次黎我都會拎勁多，真係好好味。至於呢度既lunch set我會推介黃咖哩焗雞飯同泰式燒豬頸肉飯，呢兩個都好好味，黃咖哩焗雞飯既咖哩濃味，而且雞件又多，仲要係同焗黎整，D黃咖哩滲哂入D飯度，根本超好味。泰式燒豬頸肉飯既燒豬頸肉係重點，佢呢度真係整得好香口同脆口，舊舊都咁香而且唔膩，加上秘製醬汁，根本冇得輸呀!

之前看雜誌見到一間吃泰國料理在銅鑼灣頗感興趣 ~誰知道即日訂座就是滿，即使有位的時間也太晚就放棄了。但還是想吃泰菜，所以轉去另一家有吃過又覺得不錯的泰國餐廳！泰式食位於銅鑼灣金百利8樓，是說這大廈~ 感覺樓層愈高便愈少人去 ...所以我們Book即日7點半還是有位。點了一個 - 自選二人套餐 ($338)套餐中包括湯 + 小食 + 主菜 + 蔬菜 + 甜品湯選椰汁雞湯 - 味道很澴厚，有香茅、草菇等等的材料雞肉大概是另外再放的? 吃落很嫩口！小食選泰式青木瓜沙律 - 就調味來說是很惹味不錯 ...但不太喜歡蝦乾那些有點硬，咬得有點費勁 ...主菜選的是 - 青咖喱配豬和白飯 (也有牛/雞可選)這個青咖喱雖然辣，但帶少許甜味~有看到材料中有提子！喜歡這種較為溫和的咖喱，配白飯來吃也剛剛好。豬是肉片~嫩口得來帶嚼勁！另外還有茄子、四季豆等等蔬菜選 - 飛天炒通菜很濃味的炒菜~並沒有很辣，還有麵豉醬的味道。甜品則是芒果味的大菜糕 (口感)另外還多點了 - 泰式拼盤 ($108) 有素菜春卷、蝦餅、魚餅蝦餅很彈牙，魚餅的則有點微妙~春卷皮薄且夠脆~吃起來很香口飲品 - 珍多冰 ($35) &

舊同事嚟左銅鑼灣揾我食lunch, 問我有咩實惠推介。我即刻推介呢間泰國餐廳，因為佢既午餐真係底食，同埋環境都好舒服，適合講野。去到午飯時間等候上位於金百利的餐廳，係要預啲時間，不過上到去都好快有位。午市的套餐係半自助餐，一個主食，一杯飲品，仲可以自己拎湯，沙律同蝦片。湯有中湯同冬陰功，我自己就只試過冬陰功同蝦片。冬陰功有好多料，唔太辣，我特別覺得啲菇好爽口。蝦片好脆脆，會食到停唔到口。那天我就叫左每次必點的炒金邊粉。一如既往的好足料，大大份，即炒又好香。自己可以因應可接受的辣度或味道再去撈放在邊邊的辣椒、花生和糖。銅鑼灣70蚊內食到呢個包飲品，又有沙律、湯的套餐真底食！

中午嚟銅鑼灣食午餐，好耐冇食泰國嘢，就入咗呢一間餐廳。呢度的午餐係semi buffet，有冬陰公湯同埋中湯任飲，仲有兩款沙律任食。中午餐單大約$50-60，唔算貴，同埋好多選擇，有咖喱有海南雞飯應有盡有。見到隔離枱個焗咖哩飯好似好吸引，不過最後揀左椰子飯。大約5-10分鐘個椰子飯就來左，個飯嘅份量唔算多，有椰香味，$60的價錢來說算是得便宜。

#泰式食 (銅鑼灣)銅鑼灣記利佐治街1號金百利廣場8樓 R3-----泰式濕炒豬肉片河（$58）先唔講食物質素 $58半自助set lunch 包一款主食 兩款小食（小食日日唔同 b仔有見過炸雲吞 炸蝦片 沙律 凍粉絲 木瓜沙律）一款中湯 一款冬陰功湯 一杯野飲 除左主食同野飲 其餘全部都可以無限refill ...加埋一 都唔使70蚊埋單～ 今時今日 抵到咁 去邊度搵😦😦😦雖然抵到爛 但係食物製作全部都唔馬虎 中湯同冬陰功湯雖然都偏淡少少 但係味道都唔錯 配料亦都多 冬陰功湯裡面經常有大量🐔雞肉任你食 而小食都好唔錯 沙律裡面通常有火龍果 蘋果 同薯仔 有時候仲有菜同蛋 凍粉絲同木瓜沙律都係酸酸甜甜好開胃 而最好食ge就係佢地ge炸雲吞同炸蝦片 全部香脆即炸 令人完全食到停唔到口 主菜濕炒河 肉片夠嫩 河粉夠滑 （唯一唔夠好係有時d河粉會癡埋一舊）加埋多種蔬菜 例如紅蘿蔔 草菇 芥蘭 西藍花 同粟米仔等等 又健康又好味～🥰整體黎講 呢度lunch set ge性價比真係好驚人 係大胃王食lunch ge好選擇-----B仔整體評價：9/10個👍🏻B仔抵食程度：9.5/10個👍🏻（記

在銅鑼灣金百利廣場8樓的泰式食，吃一個午餐可以是不錯，70~80元左右，包括泰式沙律和湯。
當中不是每個餐都有質素，要小心選擇。若要選擇味道清爽一點，我較喜歡這一個棷青焗飯。飯和椰青看來是分開，椰青早已被刮空，完全沒有椰青肉兼很像一個飯碗，不過飯混著少許棷青肉焗，吃入口仍能滲出少許棷香味，面上這一層棷醬也很開胃。其中也有不少人選擇海南雞飯，賣相看來也很整齊和吸引。這店中午一點後開始人頭湧湧，最好的時間就是在12點半之前來到。

1.椰汁雞湯 椰汁味係有嘅，雞件份量都多😚但水份比較多🙈我覺得可以再濃郁d！2.椒鹽炒鮮魷🦑夠鑊氣喎，d魷魚既新鮮又彈牙，份量都唔少，辣辣地，食落好滋味。個醬汁攞嚟撈飯都好正啊！3.炸蝦餅炸得好香脆，熱辣辣，食嘅時候要小心啲😝表面鬆脆，內裏彈牙，真材實料啊，應該用咗好多隻蝦黎整？4.蒜蓉炒西蘭花 蒜蓉味十足，西蘭花爽口，新鮮，青BB好吸引，食到一舊都冇剩😚不過可能我食過好好味嘅泰國餐廳啦，呢一間都不過不失，如果喺銅鑼灣行過，都可以黎試吓嘅😝

影咗唔少想不過唔知點解唔見曬 但係都寫個食評啦，呢間餐廳位於金百利銅鑼灣 以前去過一次 剛剛星期五同 三個朋友一齊去， 叫咗好多嘢食 皇宮蝦網炒貴刁， 青咖哩， 炸春捲， 生蝦， 叫咗一條烏頭魚， 芝士脆生蠔。好多員工都係泰國人 佢哋都好熱情， 同都有禮貌嘅。畀咗個vip位我哋所以坐得好舒服埋單total 270蚊一位

9點幾做完先食晚餐，見到金百行果邊既餐廳仲開緊，就揀左泰式食。皇宮大蝦蛋網炒貴刁，賣相一流👍🏼味道幾好，每一啖都食到雞蛋同貴勺，口感豐富！青咖哩雞配薄餅，味道一流，不太辣，咖啡味夠香👍🏼配埋薄餅或白飯最好，好開胃！芝士焗生蠔，焗到個蠔殼邊都脆哂，芝士味夠濃，蠔肉算大粒，幾Juicy, 唔會dry.素菜春卷，皮脆材料夠多，唔會食落好粉，加上泰式酸辣醬👍🏼值得一提泰式生蝦，唔記得影相，最驚喜係除左生蝦外，仲上多一細煲清湯，俾一d唔太食生野既朋友，可以半生熟食，又有湯飲👍🏼👍🏼細心程度加分。

星期日下午點左個pad thai同熱咖啡服務好差 主要一個泰妹話事除左個泰妹之外其他待應咩都唔識問佢 「pad thai有咩肉」唔識問佢「咖啡可不外賣杯」夠膽講大話無外賣杯個泰妹態度奇差到個pad thai,睇下我張相，好似好好食？好紅？錯，完全無味蝦肉有兩小隻環境還好 但係都係差睇得出待應們都無心做唔係好應人唔係好彩人咁真係差差差差講真，估唔到金百利依家野食差左好多，香港依家周圍都大把好野食 競爭又大以後唔會上黎食

以前食一頓飯，人們通常都是看哪間好吃的就去吃，但現在，雖然食物味道同樣重要，食客卻要求得更多，他們會看食物賣相和餐廳環境，因為有多好吃他們只能用文字形容，但賣相和環境靚就可以靠相片呃Like。而泰式食就正正中晒想呃Like的食客要求，因為它不單食物有水準，而且餐廳內也有很多打卡位。＊＊＊＊＊＊＊＊＊＊＊＊＊＊＊＊＊＊泰式食是一間樓上泰菜館，店面都幾大，佔了整層樓面，一入門口會見到一架1:1的泰國tuk tuk車作擺設，店內左邊間了幾個像包廂般的卡座，門邊有垂簾，有點古色古香。店右邊則以幾幅假石牆將空間分隔了，牆上有仿真樹葉垂下，加上燈光的效果，有點像走進奇幻世界入面。餐牌選擇都豐富，沙律小吃飯麵咖哩海鮮甜品飲品都有。左: 蘋果汁($38)不用奇怪為何我會點果汁，雖然店內有多款泰式飲料，但店內的果汁都是鮮渣，這個蘋果汁從外表看已能見到很多蘋果皮，飲落亦非常真材實料，明顯沒有溝太多水。右: 西瓜汁($38)西瓜汁同樣是鮮渣，喜歡飲果汁的必點。香芒煙鴨胸($72)煙鴨胸雖然歸類為小食，但其實可算是一道沙律，因為上面佐以芒果、車厘茄和洋蔥，下面還有沙律菜。鴨胸夠厚身又大片，非常嫩滑，芒果雖然帶

銅鑼灣金百利出咗名有好多嘢食今日去接朋友收工順便就喺銅鑼灣食飯我哋好耐冇食過泰國嘢所以就揀左食泰國菜啦從來都冇喺呢度食過呢度比我覺得個環境都幾唔錯waaa前菜黎la 係柚子蝦沙律柚子又甜又多汁D 蝦肉勁爽酸酸甜甜既菠蘿炒雞肉超香嘅炒軟殻蟹通常出邊食嘅軟殻蟹都係得一兩舊呢碟好抵食起碼食咗5-6舊不得了不得了海鮮椰汁焗飯椰汁味香濃裏面勁多送除咗有海鮮之外仲有生果分量十足重點係通常椰汁飯都好容易好膩食幾啖就會飽但呢個真係冇呢個感覺另外仲叫咗兩杯飲品一杯係珍多冰一杯係菠蘿冰大大杯好抵飲唔似出邊餐廳嘅飲品冰多個水甜品呀識嗌一定係嗌芒果糯米飯佢哋嘅糯米飯有黑糯米同埋白糯米俾你試晒兩種口感由於整體嘢食都幾好味所以忍唔住問餐廳拎個午餐Menu望下服務員介紹午餐嘅重點係湯同沙律係可以refill而價錢唔貴同埋餐廳裝修幾好佢分晒唔同嘅zone 如果一班朋友嚟食飯可以有私人空間又冇min.charge

銅鑼灣金百利中心整幢樓都好多餐廳，今次想食泰國菜，所以就揀左呢間泰式食。一行入間餐廳，竟然有架tuk tuk車放向門口，我以為自己去左泰國。餐廳裝修好靚好特別，周圍都充滿著泰國嘅特色，每張枱都好有自己獨立嘅空間，好有私隱，傾計一流。另一邊係半開放性嘅包廂，呢個VIP房好似好舒服，可惜今日得2個人食飯，無辦法坐VIP枱口淡淡就order一個椰汁雞湯飲下先，再整多個泰式濕炒河粉，一個酥炸生蠔，再黎多個椰青，叫住咁多食住先啦。椰子雞湯嘅椰子味好香好濃，雞肉好滑，雖然無冬蔭公重味又惹味，但湯一樣帶微酸微辣，好好味，還仲帶住一陣椰香。酥炸生蠔好大隻，脆漿炸得好脆，生蠔唔會好老，好鮮甜好滑，只係略嫌炸漿有點厚。泰式濕炒河粉好似我地嘅福建炒飯咁，老板娘仲俾左魚露，辣椒呢D調味，撈埋落去D河粉一齊食就更惹味。雖然係濕炒，但河粉一樣炒得好爽口，唔會變成米餅咁。

在銅鑼灣鬧市想相約一班朋友食泰國菜,要找個坐得舒適,食得好味,可以慢慢談天的好地方並不容易。 上星期,豬豬就和朋友來到金百利樓上的泰式食,發現這裏不單止寧靜,而且裝修也很有泰國特色,讓人感受到身處泰國旅遊的時候。 這架泰國 tuk tuk,放在門口正中央,非常有親切感,立即有想飛到泰國旅行的感覺。 我們被安排坐入包廂座位,空間非常寬躺,而且感覺像開私人派對一樣,不受其他食客影響。 除了中式的豬腳薑、沙薑豬手和蠔豉炆豬手之外,最喜歡的豬手菜式就是焗德國鹹豬手。大家是否覺得德國才有鹹豬手?這當然不可能啦。 這一碟泰式炸豬手,豬手皮炸得香脆,絕對不比德國鹹豬手弱,亦能與中式燒豬的芝麻皮比美。 豬手上碟時已經起肉切件,方便直接食用。喜歡吃近骨頭位置的軟骨,就可以直接用手拿起來吃,豪邁一點更有風味。 就像日本麵豉湯一樣,每一家泰國菜館,也有自家特色的冬蔭公海鮮湯,酸和辣度各有不同。 這裏的冬蔭公海鮮湯並不會太辣,比較適合豬豬的口味,而且也放了一種在其他泰國料理的冬陰公湯內沒有見過的材料 ~ 魚柳。 這款魚柳的口感有點兒像我們平日吃的魚豆腐,鬆鬆軟軟的,感覺新鮮,和冬陰公湯也非常配合