泰金鍋

Open Now

Now Closed

而家香港間間泰式嘢都係播緊流行歌曲，但係呢間就播d唔知咩奇奇怪怪泰文歌，食過好幾間泰式餐廳，都係播緊d流行歌曲，我想問播d泰式歌10個有9個聽唔明甚至覺得難聽，點解唔搵d流行歌曲黎播 可能仲吸引到客…..🥲🥲

荃灣泰式火鍋放題澳洲產M6和牛餐 $338/位 120分鐘首先一人揀一個湯底 有八款湯底可以揀我哋揀咗 酸酸辣辣幾開胃嘅泰金冬蔭功鍋 同 小小辣嘅泰麻辣鍋澳洲產M6和牛/特級牛胸爽西班牙伊比利亞豚肉 / 極上牛舌套餐提供四款精選肉任食唔嬲！自己最鍾意食和牛同埋牛舌！真心高質色澤紅潤又亮麗，食落軟嫩入口即溶吾硬而且充滿牛香～自助區都有好多配料：揀好似丸類⚪️蔬菜🥬泰式甜品🍧海鮮飲品🥤等等選擇非常豐富 最有驚喜係有泰式奶茶任飲！可以用電子落單嗌泰式熟食，例如泰式串燒、炸蝦餅、魚皮等等。我就最鍾意食佢個串燒 沙嗲醬好惹味再加少少辣 豬牛雞嘅肉質都好嫩滑 唔錯～泰金鍋 (荃灣)荃灣大河道100號海之戀商場1樓1010號舖

餐廳位於海之戀商場, 主打泰式流水蝦火鍋放題, 這間火鍋湯底款式有八款, 其中泰金冬蔭功鍋及馬來娘惹叻沙鍋是店內招牌之選✨店內設有自助火鍋配料, 丸類及蔬菜類多達四十多款, 材料非常新鮮, 還有醬料區、雪糕及飲品櫃, 還有泰式熟食吧及泰式甜品, 最大特色有捕捉活蝦, 非常生猛一人一鍋衛生又方便, 專屬個人口味湯底選了🍲泰麻辣火鍋🌶️配料有燈籠椒、小辣椒, 花椒味香氣四溢, 味道濃郁, 辣度適中, 非常惹味藥膳豬骨白湯鍋清甜又暖胃我們點了澳洲產M6和牛餐🥩肉類是無限供應, 自行掃ǫʀ下單, 非常方便, 最喜歡M6和牛, 牛味濃郁, 沾上湯汁一流, 特別推介泰式沙嗲串燒及蝦餅, 全部都可以任食, 絕對是大滿足120分鐘絕對能慢慢食到飽, 環境寬敞舒適、自助區域整齊企埋, 設有多個卡座, 服務態度親切, 店員比較多, 上菜有效率快又主動收碟

🌟港鐵荃灣西站C4出口🌟#泰式火鍋 #泰菜 #泰國菜 #海之戀 #火鍋放題荃灣西海之戀新開咗一間泰式火鍋放題今日同朋友兩個人揀咗呢度嘅set C - 澳洲產M6和牛餐任食120分鐘！🤤🤤一去到就揀咗火鍋湯底先 原來係每人一鍋 總共有八個口味 🧡#泰式冬陰功🧡#檸檬香茅一開始就提供咗兩碟M6 和牛然後就可以掃QR code 根據自己喜好落單呢度做得好嘅其中一樣係 個QR code只會show可以揀ge款式 唔怕揀錯今次揀呢個set有唔少牛嘅選擇🧡#M6和牛🧡#澳洲產下肩胛肉眼🧡#嚴選特級牛胸腹🧡#美國產極選肩胛牛小排🧡#極上牛舌❣️和牛真係好好食🧡#日本扇貝🧡#墨魚仔都係呢個set可以嗌嘅👍🏻👍🏻仲有呀 呢度有生猛活大頭蝦 可以自己親自夾 但講真唔係用容易架！😂😂 大頭蝦隻隻生猛 一夾就跳起😂😂 熟咗之後好彈牙鮮甜除此之外 配料區都好豐富 有好多唔同嘅選擇！仲有海南雞 糖水 雪條任食😋😋

第一次黎，亦都係最後一次………餐廳唔算大，野食款式選擇較少，QR code入面都冇咩食物揀，依度沒有服務可言，d碟永世無人收，我地係食最尾八點個轉，個個都趕住收工，到最尾都未食完，就收走曬d牛，依個時間又識得走黎收野……………個時都只係9:40分到，伏伏伏，其實你預10:00就全部人收工，就唔好有120分鐘比人揀，埋單每人都要四百幾，依個價錢其實有更多更好既選擇，完！第一次！！！！嬲到要寫食評。麻煩餐廳真係檢討一下。

食物款式不多，最為特色可自行夾新鮮蝦，但水缸內的蝦有九成多反肚完全不夠新鮮，整體上感覺與網上所看內容不符。店員清潔旁邊枱面時，本人被噴出清潔劑/消毒劑到衣服上店員也沒有察覺，感到不安全（請店員要多加留意）

老實講好多年冇寫食評，為咗呢間餐廳係要再寫！！！真心好差好差好差揀咗C餐澳洲M6和牛 $378再加一Total$416食物質素差到不能再差（利申：影相睇落質素已經靚咗 肉眼睇再差啲）啲牛勁唔靚 連X寶$40幾蚊嘅牛，都仲好食過佢 佢啲牛似瘦肉切到勁薄，可以一d油花都冇 仲好意思話自己係和牛可以選擇嘅配料又勁少，雪糕只得雀巢選擇收得呢個價錢，冇hagaz-das都要有Dryers啩性價比勁差以後唔會再幫襯！！！呢間餐廳係OpenRice點解會有咁多好評 自己諗諗原因！！！

之前係旺角食過覺得佢個冬蔭公湯底唔錯同埋大頭蝦都好新鮮小朋友有得無限夾有得玩最開心🥳見荃灣新開左緊係黎棒下場地方唔算好大 小食無旺角店咁多不過勝在唔爆場唔洗等位🤣我地叫左set B,每人$318加一牛肉都算新鮮，另外都有好多款火鍋配料90分鐘好夠食👍🏻

海之戀開了間新火鍋店，平日晚上很旺場，餐廳裝修新淨闊落，主打泰式火鍋放題。火鍋一人一鍋，每人可以選一個湯底。✨馬來娘惹叻沙鍋：推薦！香濃惹味～✨青檸椰奶雞湯鍋：淡淡椰奶香，淥菜好食～✨B set 美國產極選肩胛牛小排餐可透過QR code 無限落單，上菜同收碟速度都好快。要了B SET,提供五款精選肉任食～美國產極選肩胛牛小排：推薦，油花分佈不錯，肉質嫩腍。澳洲產M6和牛：肉味濃郁，肥瘦均勻～泰式沙嗲雞肉串豬肉串：推薦!!沙嗲好香～特別是豬肉串好滑蟹籽墨魚滑：墨魚滑好彈牙夠新鮮，蟹籽增加咗口感。另外有自助吧，超多款熟食、火鍋配料、飲品及甜品。熱食有海南雞、泰式炒肉、碎冬陰功湯、泰式油飯、粉絲等有泰式醬汁提供，酸酸辣辣好惹味～✨自助夾新鮮海蝦當晚是大頭蝦，好大隻生猛!!親自動手捉蝦，有得玩有得食，保證新鮮大頭蝦都好彈牙肥美!ENCORE了幾次～✨甜品除了雪糕雪條外，一定要試自製泰式椰汁西米糕和班蘭椰汁糕兩款都好好食！充滿濃厚椰奶香，很軟糯！✨飲品有提供自家製泰式奶茶和泰式香茅水，還有很多罐裝飲品，茶類和啤酒。

-近年好興泰式火鍋，一直以為都係湯底唔同姐🤣 點知今次一試，真係好似置身泰國，有啲驚喜喎😍 今次試咗B餐，Highlight D重點分享比大家先🥰🥰-😋 湯底👉🏻 呢到係一人一鍋，我哋兩個人所以可以試到兩個湯底🥰👉🏻 馬來娘惹叻沙鍋：重口味之選🤣 超級惹味，完美還原平時去食叻沙嘅味，少少辣，係加咗幾次水都唔會覺得個湯淡咗好多👍🏻👍🏻👉🏻 檸檬香茅鍋：呢個相對清淡，但係唔會清到清湯咁😂 檸檬同香茅味好出，岩曬我呢啲想揀個特別湯底、又唔想太heavy嘅人😛✌🏻-😋 醬料👉🏻 平時港式邊爐有嘅蒜蓉、辣椒仔等等呢到都有餐，最特別係佢真係有泰式醬料提供埋💋 泰式酸辣醬真係好食到停唔到口🤤🤤🤤-😋 肉類👉🏻 我哋個餐係豬、牛、羊都有齊😋 全部肉類質素都非常高，油脂分佈都好平均，我哋已經唔知自己Encore咗幾多盤🤣🤣-😋 熟食👉🏻 熟食方面，出面自助Bar有得拎，QR code都會得嗌，海南雞、泰式炒粉絲味道都好出色👍🏻 而家最鐘意佢個沙嗲串燒，佢嘅沙嗲醬真係呀花生粒個款，仲要好juicy，超好食😍-😋 甜品👉🏻 雪糕、雪條、椰汁糕呢啲基本甜品佢都齊，味道都唔錯👉🏻 最值得一提嘅一定係佢嘅自助刨冰

明明周圍啲枱未執好，餐廳又冇人排隊，個員工西住面咁走嚟執我哋枱，客人都未走就執枱…..客人走左，啲枱又唔執，明顯趕客，我哋已經食梗雪糕準備走，使唔使做到咁核突😓

當日星期日下午去食 選擇咗和牛套餐90分鐘打邊爐任食 首先佢佢出面嘅小食以及打邊爐材料選擇極少聲稱泰式打邊爐，但係剩係得一個蝦餅同魚餅係泰國嘢，其他全部都係街市買到嘅魚丸佢連甜品櫃最基本嘅所謂椰汁糕小小太過甜品都懶得整出嚟 齋擺住個牌另外佢嗰啲小食牌寫住嘅嘢同佢入邊擺住嘅嘢係唔一樣嘅寫住榴槤包，點知入邊擺嘅係白饅頭我又入去坐到離開佢嗰籠饅頭由始至終都係嗰一嚿饅頭都唔換 出邊嘅嘢食少之又少連一個星期日佢都唔做足少少其二我嗌嘅和牛套餐佢一上到嚟嗰四碟牛我真係打咗個突 我幾乎以為係街邊買到$20 一磅嘅肥牛完全冇牛味 全部嘢都真係可以講話好差佢收我呢個價錢食呢啲質素，我真係表示好不滿應該遲早執笠

有得任夾流水蝦🦐嘅泰式火鍋放題，有得玩有得食，夠哂特別✌🏻!! 荃灣店採用一人一鍋方式，可以自己自私食😆，想淥咩就淥咩夠哂freestyle。揀咗食B餐 – 🐃美國產極選肩胛牛小排餐（$338/120分鐘），有得任食😻🤤澳洲極選肩胛牛小排、美國下肩胛眼肉🐂、丹麥皇冠豚梅肉🐖、澳洲產草飼羊肩肉🐏等；另外亦可以scan QR code及到自助區任取多款火鍋配料同小食，個人推薦墨魚仔🐙、蟹籽墨魚滑、珍寶蟹柳、雞扒肉等，應有盡有👍🏻～·有8款特色湯底🍲選擇，同朋友分別揀咗🍋檸檬香茅鍋、🐓青檸椰奶雞湯鍋，個人較喜歡青檸椰奶雞湯😽；其他湯底仲有泰金冬蔭功鍋、馬來娘惹叻沙鍋、藥膳豬骨白湯鍋、泰式麻辣鍋等，喜歡香辣嘅朋友必試🌶️泰式麻辣鍋。·最開心係店內設有自助區任夾新鮮流水蝦🦐，流水蝦每日直送到店，我就專揀啲一夾就跳走嘅夾，陪哂生猛😆!!（瞓著咗/暈咗嘅就俾佢繼續啦😹），流水蝦手掌咁大隻，淥熟咗都唔會縮到好細👍🏻，肉質都算唔錯～·另外，呢度亦提供多款泰式熟食、小食、飲料、甜品，全部食材由泰國🇹🇭產地直送、並由泰國廚師親自主理，好多款都好好食!! 包括木瓜沙律🌶️、泰式鳳爪、泰式炒豬肉碎、泰式沙嗲串燒🍢、

這間位於荃灣海之戀的【泰金鍋】，主打泰式火鍋放題，晚市有四款放題套餐，由二百多元起。我們選了B餐，包了幾款海鮮、美國牛小排、豬羊、多款泰式串燒及沙律等，另外還有自助吧，超過40款的火鍋配料、熟食及甜品等。熱食有海南雞、泰式炒肉碎等等，十分豐富。所有套餐都可以自助夾新鮮海蝦。湯底有十款多，我點了養生菇菌清湯鍋。幾款肥牛都肥瘦均勻，而且肉質嫩腍。自助區有多款特色丸，入口彈牙，蔬菜款式都很多。泰式甜品一定要試椰汁西米糕。最後一定要試這個刨冰，自助區有多款配料，打卡一流，製作一份獨特的刨冰。

這間新開的火鍋專門店位於荃灣海之戀商場，主打泰式火鍋放題任飲任食。店內環境寬敞開揚，感覺悠閒，裝潢充滿泰式風情。晚市時段設有四款120分鐘放題套餐，均可體驗捕捉活蝦放題。捕捉活蝦放題可親自動手捉蝦，即捉即食充滿樂趣！鮮蝦來自本地蝦場頗肥美，使用有機飼料養殖，每日新鮮運送到店，味道十分鮮甜。九款泰式湯底每日新鮮熬製，最受歡迎是冬陰功湯底。青檸椰奶雞湯鍋，濃稠的雞湯鮮甜十足，帶一層油脂充滿膠原蛋白，青檸椰奶酸甜順滑好開胃；藥膳豬骨白湯鍋鮮甜美味，更含豐富的營養。澳洲產M6和牛餐 - $328肉類方面，澳洲產M6和牛極為嫩滑，帶有豐富的脂肪紋理，柔軟且多汁；極上牛舌最軟嫩、鮮脆且多汁；特級牛胸腹帶有肉筋且纖維較粗，帶點有嚼勁；特選豚梅肉爽口幼滑；澳洲產草飼羊肩肉不肥不膩不羶。海鮮方面，蟹籽墨魚滑鮮甜爽滑夠新鮮；紅皮魚柳細嫩且層次分明；墨魚仔嚼勁十足。小食方面，原隻大蝦米網卷金黃酥脆不油膩；泰式雞寶充滿東南亞香料味；還有泰式沙嗲雞肉及豬肉串，即燒不乾柴，嫩滑多汁好惹味。自助區超過90款火鍋食物、熟食區、配料、飲品及甜品熟食區方面，泰廚秘製海南雞肥美飽滿，有爽彈雞皮及嫩滑的雞肉；泰式黃咖喱海鮮帶