泰式東王

Open Now

Now Closed

旅行冇得去唯有同BB周圍去飲飲食食 好驚到時候有得飛我都肥到飛唔起 今日BB同我去九龍城食好野 話包我冇食過咁正既薄餅  (心諗有冇咁誇張)我地叫左醃魷魚沙津 生蝦 炒通菜 燒牛肉 串燒 咖喱蜆配薄餅  ~~~ 唔肥就有鬼 兩條友食咁多野醃魷魚沙津 ~~ 我覺得好食 但辣生蝦 ~~ 好大隻 但爽d更好炒通菜~~正常燒牛肉 ~~ 好鬼正juice串燒~~ 個沙嗲汁好濃 肉又唔合會燒過龍咖喱蜆配薄餅  果然真係非常好食 薄餅係入口即溶果隻鬆化 咖喱入面仲有好正既蛋花  最後我地再追加多份薄餅~~不得了

因為係附近返工 又見有人推介 咪黎試下夜晚大概7點半去都唔洗排勁鍾意食生蝦呢間生蝦幾好味😋😋2條友食到好飽生菜包夠辣curry正常個薄餅朋友話好味 但我覺得油左d串燒就間間都係差唔多overall都ok

泰式燒王同朋友打算去九龍塘吃泰國嘢 可能因為假期 間間都係人 唯獨係「燒王」所以我地入左去 因為見到都係泰國人經營 應該都唔會衰得去邊 結果我地點完菜 上菜後發現有 😫😫😫曱甴經過檯面 尖叫後就俾爸爸處理好 不過食慾就差左好多 心諗好伏木瓜沙拉 份量好大 木瓜夠曬爽脆 不過就偏向室溫 同埋會辣身啲 反而唔酸 因為我原本係覺得 應該係偏凍同埋酸辣 因為主要想開胃 現實上有少少落差 菠蘿炒飯同以往唔通鋪頭冇用菠蘿做「碟」呈上 不過勝在份量大 上面好多肉鬆 但係返入邊得幾粒菠蘿 仲要係罐頭 你就知道真係伏到無朋友 最大缺點係 佢哋用粗鹽炒 食落去啲鹽都未融 你係會清楚自己吃緊鹽 好鹹 好難吃 都係第一次覺得菠蘿炒飯係咁難吃鹹魚菜苗 都係死鹹 我唔明點解可以咁 一而再 再而三本身鹹魚都好鹹 仲要落咁多鹽 同 調味令到菜苗 好鹹 好油 吃唔落 整體黎講真係好差 明白點解佢會無客 環境衛生差都算 廚師仲要咁重口味 我唔知泰國人本身重口味 定 佢冇因香港人口味改良係我2020最差嘅泰國菜體驗

小編同朋友嚟九龍城食好西，唔洗問就肯定食泰國菜啦，街知巷聞黃珍珍小曼谷就唔洗等我嚟介紹啦。呢間小編之前真心完全未聽過，但多人排隊到讓小編就排埋一份😂，心諗裝修普普通通係咪好味啊！點知一試成主顧！青木瓜沙律 7⃣睇相一定覺得好辣係咪？但真心只有譚仔10小辣，青木瓜唔會話太酸反正好味過癮完。-泰式生蝦7⃣呢道真係每次食都必嗌，蝦好大隻肉質都Q彈。特調醬汁差啲成兜啪咗佢，一定要陪蒜片一直食！-鹹魚炒椰菜苗 7⃣椰菜苗鮮嫩度啱啱好，吸收晒鹹魚嘅鹹香。重口味嘅朋友真係唔好錯過，鍾意辣嘅朋友仔可以事先通知！-泰式肉碎生菜包 7⃣豬肉碎當然泰式香料醃製，酸酸辣辣！最鬼啱晒呢啲熱到無晒胃口嘅夏日。-菠蘿炒飯 8⃣每一粒飯粒都食到菠蘿特有甜味，飯上面仲放咗脆口嘅肉鬆，令到個飯口感有更加多層次。

泰式乾炒咖哩蝦球 $89店員知我哋唔食得辣，特登推介咗呢個咖喱。椰汁味濃，食落好香滑，用嚟點薄餅好正。.煎薄餅 $59香脆嘅酥皮配搭鬆軟嘅薄餅，咬落細膩軟滑，沾上咖喱錦上添花，煎薄餅係呢餐最大嘅驚喜！.豬肉碎生菜包 $79洋蔥及九層塔炒半肥半瘦豬肉碎，少咸少辣，味道嗆口，份量足以鋪滿每一塊生菜。店員見狀我哋食得津津有味，仲主動走嚟話要畀多兩塊生菜我哋，感覺好客又貼心。.龍眼冰 $35龍眼肉多，清甜消暑，清新解膩，天時暑熱飲就啱晒喇。.椰青 $39大大粒椰青喺冰涼嘅雪櫃拎出嚟，椰青水份外透心涼，除咗解暑，解辣一流。.芒果糯米飯$78新鮮嘅芒果配上微暖嘅糯米飯，加上滑嫩嘅椰汁，全部都係新鮮食材，令女友讚不絕口。

好耐冇食過泰菜，所以特登嚟到九龍城搵吓有冇咩好食可能因為閑日嘅關係，條街都比較靜。我地一行三人，坐咗係門口位，舖面望落比較有歷史，有啲舊，但環境尚算乾淨整潔，同場仲有唔少泰國人、外國人一齊食。相信應該都係幾傳統嘅泰菜？由於比較肚餓，所以一次過叫咗六個餸，加多個椰青添沙嗲豬肉串同雞肉串：好中意個沙嗲醬，重花生醬同埋辣味泰式生蝦：略嫌有啲細，但口感都爽口豬頸肉：一般，睇落有啲燒焦炒菜：有鑊氣泰式蝦餅：不錯炒金邊粉:

今日同朋友去九龍城想食泰國野，但諗唔到食邊間，見到門口既串燒都幾吸引，於是就試下新野啦！燒雞翼都燒得剛剛好，幾出色。燒蠔大大隻又唔貴，但我地忘記了點汁就食左，原本可以更惹味，下次會再叫。燒牛肉就不過不失，好似冇乜肥既部位，全瘦，睇下個人喜好啦，我地就喜歡有少少膏的，會更香口。最出色既配搭係咖哩加薄餅，薄餅香脆可口，食到唔夠喉，再另加多一份！但下次咖哩會選海鮮，食到最後淨返啲豬肉大家都無乜興趣食。炒粉絲都好味，不過不失，幾大碟！

第一次試泰式BBQ真係充滿驚喜，先上燒烤料有豬牛雞魷魚同蝦，份量都幾多，我同朋友一共5個人食，豬牛雞都係薄切，比較易熟，而且每種食物都醃好味，燒好直接食都已經夠味，不過個人鍾意點佢個燒烤醬離食，酸酸甜甜別有一番風味燒烤爐個樣係幾特別，中間有2塊肥豬肉俾你燒啲油出離，但係個爐周圍烚嘢個位比較淺，唔可以一次過次太多嘢落去，個湯本身係清湯，另外會俾多一兜湯你可以自己加落個爐度燒烤過程中啲肉汁流落個湯度，真係好正，精華所在中間係燒烤，周圍就係俾你烚生菜，娃娃菜，金菇同粉絲由於又燒烤又烚菜咁，啲炭其實燒得好快，燒到中後斷個爐好似無乜火咁，個湯又好似無滾過咁，要叫老闆幫手加炭呢個菇子食落係好味，不過咬落口好多油，但面仲有魷魚同蝦一齊炒，都幾鮮味嘅食泰國菜唔少得咖喱配蒜蓉包，呢個咖喱炒雞食落偏甜，但係好creamy,同蒜蓉包一齊食都係一絕

日期：2019-10-9夜晚，我和朋友前往九龍城一帶晚膳。朋友帶我前往她曾經吃過的泰式料理餐廳。我對泰式料理本是沒有什麼興趣的，但是當我品嚐了泰式燒王店的料理後，本人決定會再去多一次，因為真的太好吃了。店內的設備格局並不光鮮，但並沒有影響我對泰式料理的食欲。我和朋友前後點了四碟菜式，兩杯飲料。 菜式料理的名字我忘記了，但大家可以看圖得知怎樣的一道菜。飲料方面，我和朋友皆選擇了龍眼特飲。店主還十分好客，送了我們一碟甜品，但我忘了把該甜品拍照。該甜品亦十分好吃，底層為西米露，上層為椰汁糕，內裏有點粟米粒，甜甜的，和一般的大菜糕十分不同。我和朋友選擇的四道菜十分好吃，特別是那個豬頸肉菜包。我萬萬也想不到菜和豬頸肉，再配上特製醬汁，味是甘甘的，爽口的，令人吃過停不了口，因此豬頸肉菜包是值得推介的料理。此外，還有泰式炸盤。泰式炸盤內有魚餅、春卷、炸雞等，看似普通，但吃下口卻令人回味，特別是那個炸雞翼完全和外邊其他店舖的炸雞翼不同，如我沒估錯，應該是先煎後炸，十分脆口。還有，朋友叫了的生虎蝦，其鮮味突出，沒有腥味的，真的一試難忘，並對泰式料理改觀。我一定還會再到泰式燒王吃多一轉，因為該店的料理菜式

今日放工後同朋友黎同九龍城食晚飯，當然係食泰國菜啦，呢到泰國菜食肆林立，行過呢間小店門前聞到一陣好香嘅串燒味，就行左入去。舖頭不大，啲枱放得有啲逼，我同朋友坐得好近廚房。象啤：辛苦左一日梗係要飲翻杯，飲落啤酒味唔重，好適合女仔飲，唔覺唔覺就飲完一枝。串燒(雞牛豬)：一開始就係聞到串燒香先入，一定要點。串燒落足醬，好惹味，啲肉無燒過熟，配上啤酒一流。泰式濕炒河粉(豬)：河粉配料好多，唔會兩啖就食晒啲餸，調味剛好，清左成碟。原本想叫芒果糯米飯，但係餐牌搵唔到。總括而言係值得一試嘅餐廳。

佢所有嘢我都中意食 😍😍😍基本上一去到餐牌都唔使睇🥢🥢我就知道自己要叫咩 🙈🙈🙈生蝦！蝦餅！燒牛肉！燒牛！(唔係度度有！)串燒豬牛雞各二串 🍢🍢🍢重點咩都可以唔食一定要叫 📍佢個黃咖哩配蟶子或者大蜆 會跟油酥餅半份 📌📌📌我哋最高峰有一次四五個女仔去食 叫咗多三份油酥餅 真係好好味呀！❤️❤️❤️❤️❤️❤️❤️❤️飲品一定要飲芒果沙冰 🥭🥭🥭佢真係原個芒果咁樣落去blend 重點係佢收凌晨2:00 隨時幾點想食都可以去😍😍✌🏻✌🏻不過佢真係唔平😂😂😂 鍾意食泰國嘢真係要試！

一向都多食泰國菜，亦都多係九龍城呢邊食。今次由朋友帶路黎左呢間泰式燒皇，好肚餓，菜一上就食得好快，以致無咩影到食物相，但成餐飯確係有啲失望，order左 生蝦，馬拉盞炒椰菜苗，黃咖喱海鮮送薄餅，燒豬頸肉，木瓜沙律，最後食曬後奉送椰汁糕一份。先講生蝦唔夠彈牙。馬拉盞炒椰菜苗唔夠味，一般食泰菜都係有濃無淡。黃咖喱海鮮味道還可，但薄餅略油。木瓜沙律就真係麻麻，真係好多木瓜絲，唔夠配料，味一般。燒豬頸肉就幾好，個汁都幾好食。椰汁糕都好食。反而有啲後悔無叫到燒雞，見隔壁台呢道菜相頭好得，好香，燒得好靚。

九龍城出名食泰國野，但眾多泰國餐廳，燒王絕對佔頭幾位。內裡裝修雖然有點殘舊，但仍然成日坐爆，週末一定要訂定枱啊！每次的前菜必食生蝦刺身，出面成日得六隻蝦，但燒王有成12隻，一定夠曬分。蝦肉彈牙爽口，涼涼地但絕對無冰鮮雪藏味，加埋個酸辣汁勁好食！之後叫左一碗冬陰公，影相已經分左三碗出黎！少少辣帶酸，好濃嘅冬陰公，重點係入面有超多海鮮！有蝦有魚嘜都有！足料！我地覺得燒王最好食係佢嘅薄餅！加咖喱真係食唔停口，薄餅香脆油香，唔係乾爭爭紙皮薄餅，咖哩唔辣但香口，中間加左蛋汁更香滑，不過d雞有少少老左，咖哩份量多，一份薄餅完全唔夠配d咖喱，有次朋友自己一個人食左成份。燒王仲有好多野都好食，串燒，烏頭魚都係好好食，配埋泰國啤真係爽到暈，唔覺意就會叫左好多野，埋單圍埋平均都二百人頭，唔算平但值得嘅，今晚仲見到有人食鐵板燒烤，下次一定要試下！

呢個泰國餐廳我已經食過翻尋味第三次了呢間餐廳係九龍城唔係好出名，唔會開到一區有幾間分店。我最鐘意食呢d小店。餐廳都好爆場，個晚去見大部分都係泰國人食，所以應該都係正宗吧。呢度燒雞好好食，黎3次都一定要叫。燒到個皮脆脆地，又入味。好正。仲叫左生蝦，酸辣鳳爪，泰式炒河粉，都好好食。鳳爪份量都幾多，炒河粉即叫即炒，特別好味。呢間餐廳食極唔厭

九龍城最多泰國餐廳，非常之多選擇。🥢🥢不過好多都11點就關門,如果真係食宵夜有咩選擇呢?🥰🥰🥰我angel 今天去這間泰式BBQ，食泰國菜。在門口已經被燒烤香味，引到流口水🤤簡單嘅裝修，感覺好似大排檔。我點了兩樣食物，一個是生菜包豬肉，另外一個㸃了條燒魚。魚要燒就要一段時間，一般都要20分鐘到👌🏻不過是值得點的，因為真係燒得好香，d汁又好味，肉又吾會散。吾錯，一萬分。吾太辣，味道可以，我覺得分量吾算多價格平民都ok 👏🏻👏🏻👏🏻