泰然 (長發廣場)

Open Now

Now Closed

叫兩個午餐外賣係店外企左成40分鐘，終於等到經理拎外賣出嚟，當時經理叫號我已經立即回應佢，係四目交投既情況下，而佢都行左出嚟，正準備手遞手既時候，經理佢突然番轉頭將外賣放係鋪頭入面其中一張客枱上面，然後佢仲回頭用唔客氣既語氣同我講麻煩你過嚟拎，好彩出面櫃檯姐姐及時察覺到經理既異常行為，立即係店內拎番個外賣比我之餘仲補句唔好意思關於食物方面就無咩特別，係個咖喱牛腩飯食到一半先發現有啲分唔出咩身體部位既毛髮係入面，淨底既蟹肉粉絲相比下就無咩意外，因為都預左無蟹肉（本人非繁忙時段幫襯，只係等左30分鐘既時候溫柔理性地催過一次單，所以係唔理解經理佢既行為）

餐廳：泰然 (青衣)地址：青衣担杆山路6號長發廣場地下114B號舖好少專登去到青衣咁遠，今次去完迪欣湖散吓步同影相📸，於是出返去青衣嗰頭食飯。去咗青衣長發廣場呢間上年7月先開嘅泰然 @thaiyinthai (唔喺少時嘅泰妍🤣)食飯，皆因之前聽住青衣嘅朋友講佢哋啲泰國菜性價比好高🇹🇭，值得專登走入去試吓，所以今次就決定幫大家試吓味😎除咗A La Carte Menu之外，餐廳仲推出2/4/6人餐，可以分別喺套餐Menu上揀3/5/8款食物，另外叫飲品可按人頭計半價，都算幾抵食🤑✝️泰式酸辣鳳爪沙律 $68一開始緊喺要食返啲開胃前菜，鳳爪份量都幾多，除咗夠酸辣開胃之外，仲有唔少雜菜絲🥗，例如西芹、蘿蔔、洋蔥咁，夠晒泰式風味✝️泰式生海蝦 $886隻生蝦分別擺放咗喺6杯裝有青/紅酸辣汁嘅玻璃杯仔入面，配埋薄荷葉🌱、辣椒🌶️、生蒜，打卡指數爆燈📸，生蝦好乾淨，蝦腸一早處理好，入口爽彈鮮味，連埋辣椒同生蒜食都幾辛辣，唔喺太食得辣嘅人就要注意喇⚠️✝️泰式經典明爐烏頭 $138呢個喺店員話好多人嗌同必食嘅嘢之一，果然原條烏頭上🐟，未食都覺得好香，除咗有粉絲之外仲有肉碎、芫茜、西芹、辣椒等香料🌶️，雖然有啲多

是日OT後，黎到既時候唔洗等位店內寬敞，有多排卡位，坐得幾舒服，店員都好貼心會比杯清水，再幫你落單餐牌選擇眾多，有素食類，仲有埋辣椒標誌🌶，方便客人揀。呢到上菜速度快，效率高叫左例牌海南雞配油飯🐥🍚用左藤籃型既碟，幾特別例牌海南雞大約10件雞胸、雞髀肉肉質唔會太嚡，點埋醬幾好味海南雞下面仲有幾條菜tim喇沙海鮮湯米粉🍜好足料，有2粒蝦、2魷魚、2青口、2蟹柳 2日式魚蛋 2豆卜...🌱健康腸仲要叫多碟菜，呢到菜既選擇都有8~10款叫左蝦醬炒通菜，通菜唔老，每條都有豐富嘅蝦醬汁半打串燒豬肉沙嗲🐖呢到串燒有得揀豬肉或者雞肉半打起跳 冇得逐串叫原本驚半打2個人食會太多點知幾分鐘就清晒6串🤭串燒好野味，燒得岩岩好調味岩岩好，唔點醬都好食飲品叫左杯火龍果芝士沙冰，大大杯，顏色搶眼，偏甜🍧呢間餐廳星期一至五唔洗加一架

估唔到屋邨商場都會有泰國餐廳，今次估唔到近近地係青衣就有，之前仲有晚市堂食都見到多人食，有時星期六、日仲會排隊添，今日赲赲地唔想煮飯，又想食泰國野就買個外賣返屋企食先小食拼盤(大) $148🍡🍢嘩，原來有兩大盒咁多好豐富，岩哂咩都想試下既我，小食拼盤包括有蝦餅、春卷、串燒、雞翼、香草包雞、魚餅，仲配埋幾種醬汁味道方面：真係要讚下個蝦餅，一咬就好彈牙，點埋個泰式辣醬汁，絕配🍤香草包雞個外形成隻糉咁，打開入面既雞係好香，但無咩肉汁，有少少乾串燒有兩串分別有雞肉、牛肉，反而呢個串燒多肉汁，有水準🍢香蔥蒜蓉包 $42有6件，大大舊滿滿蒜蓉牛油香黃咖哩菠蘿炒花甲 $98🥘小朋友都可以食既咖哩，有菠蘿酸酸甜甜好開胃當日花甲略細隻，份量就有好多蟹肉炒粉絲 $68粉絲炒到好乾身，同好入味，上面仲加埋蟹肉千層糕(6件) $52好細心咁蒸返熱比我地，一打開好香椰汁味，同埋好軟熟

平時去青衣搵食，只係局限係大型商場，朋友之前提過屋邨長發商場裏邊有一間新式嘅泰菜餐廳質素幾好，今晚特登去試吓，但疫情關係，就買外賣返去同屋企人share😋等外賣期間，留意到餐廳內嘅環境舒適，大部份座位都係卡位，有空間感，裝修都相當別緻，疫情之後，有機會都要坐低堂食！今次就叫咗幾個最簡單嘅泰菜：1）泰式酸辣鳳爪沙律（$68）無骨鳳爪爽脆，經典酸辣惹味🌶2）泰式菠蘿海鮮炒飯($98）炒飯份量相當多，夠三個人食，裡面仲有不同種類嘅海鮮，好足料🦑3）去骨海南雞配油飯($68)雞肉去骨，肥瘦適中，肉質嫩滑，配埋雞醬好開胃；平時最驚啲油飯油淋淋，但呢度嗰啲飯香得來唔會油膩🐔4）鮮蝦炒金邊粉（$78）金邊粉好夠穫氣，炒得乾身，大蝦大隻，唔錯唔錯！🦐5）泰皇咖喱牛筋腩 （$108）牛筋腩夠淋又入味，唔會太辣，椰香味好重，下次再黎，要記得叫埋薄餅或者白飯撈汁🐮

外賣做緊優惠，折完之後都幾抵食～香蔥蒜蓉包，超香蒜蓉味，由厚多士切條，好香脆！香茅魚餅，有少少辣，但好惹味～炭燒豬頸肉，肥瘦適中，炭燒特別香，點埋個秘製醬汁仲正！香芒軟殼蟹米紙卷，材料新鮮～芒果肉好fresh, 軟殼蟹都好香脆！鐵板蠔仔炒蛋，唔腥，好味！蛋下面仲有芽菜墊底。馬拉盞炒通菜，夠鑊氣，超惹味，好滿意～椰汁清雞湯，超濃嘅椰汁味，大大碗超好味！入面有雞肉同菇等等嘅材料，果然真材實料～海南雞配油飯，例牌都好大份，雞肉好嫩滑，連皮食超正！飯都唔會太油，味道唔錯！蟹肉炒粉絲，炒得好靚，唔油，粉絲夠乾身，仲有大量蟹肉，好味～千層糕，煙煙韌韌又唔太甜，必食嘅飯後甜品！整體來講呢間泰國餐廳菜式夠多，味道都唔錯，值得一試！

放工揾食, 今晚想食得開心的! 鍾情泰國嘅我泰國菜絕對係我既不二之選！🥰本身自己都成日出入青衣, 而次次都係行青衣城食野, 但就冇開發過週邊既餐廳, 機緣巧合下黎到長發商場, 原來呢到係多咁多野食😱😱仲要價錢親民！1）豬頸肉生菜包🐽 $88生菜大大塊, 豬頸肉好入味而且辣辣地夾埋生菜一齊食好正！2）椰青海鮮焗飯🍲 $88估唔到可以外賣呢個飯, 餐廳會用錫紙包住保暖, 海鮮都幾足, 但食呢個我最睇重佢既飯, 椰香味濃, 應該真係用椰水同椰漿一齊焗的😋😋3）鮮蝦炒金邊粉🍜 $78炒得好夠獲氣！海鮮味入哂金邊粉內, 而且夠乾身, 超快手就食哂😂4）芒果糯米飯配雪糕🥭 $68糯米飯最怕就係外賣的話成陣膠味, 但呢個完全冇, 而且煙煙韌韌好有趙口！同埋第一次配埋雪糕食原來係咁夾👍🏾5）紅豆冰🍹 $26 紅豆好多(三分一杯咁制), 椰奶味重, 飲完一啖又一啖😋

去開青衣長發廣場搵銀行，見到有間泰國菜-泰然 有好多人叫外賣😊感覺都幾吸引，所以我地都決定入去試吓先餐牌嘅選擇都好多😊都好吸引💕—————🇹🇭鐵板蠔仔炒蛋好厚嘅蛋包蠔仔，充滿蛋香😊炒蛋厚厚的而且滑滑的，炒得恰到好處：蠔仔脹卜卜，蠔仔肉汁連同炒蛋一齊在口內味道更提升😊另外，佢都俾左泰式酸辣醬，加埋酸辣醬落去又係另外一種風味，更加開胃😊呢餐我最鍾意呢個蠔仔炒蛋—————🇹🇭椰青海鮮焗飯用椰青外殼做器皿，內有滿滿嘅飯，及上方有滿滿嘅海鮮😊賣相一流！飯充滿椰汁嘅香味，加上青口、魷魚、蟹柳等等配料，口感豐富😊—————🇹🇭焗黃咖哩麵包軟殼蟹呢個好有驚喜！首先黃咖喱汁好香濃，香料味重但唔辣，好啱我。軟殼蟹應剛剛炸好不久，脆口，及吸晒黃咖喱汁好正😊另外，外層係脆脆嘅麵包，都係吸晒黃咖喱汁之後非常入味。—————非常滿足嘅一餐😊開心另外，呢度嘅店買好友善😊感覺很不錯

宜家晚市無堂食又唔想煮，唯有外賣～～行過長發商場見到餐廳門面幾靚，加上夜晚6點後外賣85折，幾抵！！（套餐除外）🌟🌟3001 去骨海南雞配油飯（半隻）雞肉好嫩滑，沾埋酸辣醬係另一種層次😚酸酸辣辣好開胃。 油飯加入左薑黃粉，唔會太過油～301 招牌去骨豬手煲 豬手炆到好淋好入味，個汁勁送飯👍🏻 而且去骨，對於唔中意啃骨頭嘅人非常方便🤣 連底部嘅芥蘭吸收晒茨汁嘅味道。我諗堂食有埋個煲會更加吸引😚107 蕉葉烤焗烏頭用左豆豉同香茅香料去焗，食唔到有泥腥味。烏頭多肉少骨，甘香鮮甜。即叫即焗，需時20分鐘🌟007 榴槤波波嗌左個飯後甜品😝 外賣返黎仲係脆卜卜(｡･ω･｡) 一咬開榴槤味即刻湧晒出黎😻（唔食榴槤嘅有啲可惜）一口氣食晒，食完齒頰留香😋

黎到青衣見到間泰國野，睇下餐牌都幾岩食，所以叫個外賣番去，人小小，叫左豬手同半隻海南雞飯。豬手好正好林，雞就正常，個雞醬都係正常好食，整體黎講食物係正常。但失望既係，員工態度有點差，首先叫外賣已經叫我等等，因為要接電話外賣，咁我都理解。另外，員工好大聲咁係樓面範圍講粗口，仲要係四個字以上，重覆地講，但其實都有其他客人係度，雖然佢唔係對住客講，但因為呢點有啲不愉快。

晚上18:00後主餐牌有85折，即叫即整，份量勁足料 @ 長發廣場 泰國菜 泰然。我們叫咗4款食物，等大約20分鐘就可以拿回家慢慢食。 咖喱牛筋腩煲，牛筋腩不少而且煮得好淋身又入味，咖喱不太辣椰香幾重，岩食小辣的朋友，入面配菜都不少，我就十分喜歡薯仔不會太淋身但又入味。 串燒沙嗲雞和豬各3串，2款串燒都啖啖肉，好大串，沙嗲味好香又沙嗲味重好食。鮮蝦炒金邊粉入面好多海鮮和鮮蝦都幾爽口，醬汁惹味帶點酸好開胃，金邊粉份量好多，最後仲要吃不完添。 馬拉盞炒通菜，份量好多通菜，炒得幾香，味道剛好不太咸，而且上面有不少炸蒜仲惹味。這間店是朋友推介講不錯，沒想到來到外賣自取份量都一樣咁多而且仲要優惠，十分抵食

而家晚市冇堂食，相信大把人都習慣左外賣晚餐回家，但係大家都知堂食點都好食過外賣，外賣番到屋企又凍又有倒汗水所以食物質素一定打折扣。今日行過青衣見到有間泰國野個名叫泰然即刻諗起韓國個太妍😂講番食物先，叫左個泰式菠蘿海鮮炒飯，好大兜本身諗住兩個人食，但都食唔哂，佢好足料，有菠蘿、魷魚、青口、蜆、提子乾、肉鬆、果仁等等，味道有啲星洲炒米feel招牌去骨豬手煲 食肉獸必定合適，佢既份量都算多，味道正常既炆豬手味，仲要好「林」，送飯一流去骨海南雞配油飯（一隻）去哂骨既海南雞又係食肉獸至愛，今次叫左一隻，份量就適中，因為去雞頭去雞頸去雞腳，都係啖啖肉，都尚算幾滑，但係較出色係佢個海南雞汁，酸酸的好開胃總括來講，行過附近嘅朋友可以嚟試吓，可以唔使去到九龍城咁遠。呢間餐廳嘅份量絕無取巧，啱晒鍾意食肉嘅朋友過嚟食。另外如果叫外賣嘅朋友要預多啲時間，因為佢都好多人叫外賣。

係青衣想買個外賣，又唔想係大商場既餐廳，我第一下肯定係諗到長發🙆🏻‍♀️因為入面除左有多啲平民啲既餐廳之外，仲有條長發美食街都係搵食既好地方🤤而今日食既呢間泰國餐廳就係長發廣場入面，只係開左幾個月，見佢6點後外賣自取有85折，午餐都全日供應好似幾抵食就試試佢。🐒海南雞配油飯(一隻)💰$168佢分左兩個盒裝，好貼心，因為怕食唔晒可以食住一盒先。雞好滑，全部都肥瘦適中，配埋個海南雞醬好開胃。🐒香芒軟殼蟹米紙卷💰$7878蚊有6件大大件，食落軟殼蟹偏油，不過夾埋啲菜同酸甜醬一齊食就清爽翻哂，食唔出個油膩感，個人建議即買即食。🐒雞蛋青咖喱雜菜煲💰$68呢個雖然冇肉，但份量比得好足，啲汁又係勁岩送飯食，入面菜既種類都多到我唔係太記得，印象中有西蘭花，椰菜，菇，茄子仔，豆角，紅蘿蔔！如果想食啲菜既不妨可以嗌呢個！。🐒椰青💰$36最後都想講講態度問題，因為20分鐘過左，我就入左去望望我個外賣得左未，俾經理叫我行翻出面等，都明嘅，怕阻住人做生意，咁我出番去繼續等啦，因為我個米紙卷都有寫需時20分鐘，不過我最後係等左50分鐘先有🥺不過都見佢地人手都唔夠同埋都好好生意，所以等下都無所謂啦！放鬆啲啦香港人🤪

人生就是這樣子，疫情期間，多了很多機會食住家飯 ，就好想念外出食飯嘅味道。所以今日就選擇仲喺青衣長發嘅“泰然“叫外賣 ，大吃一番 。青衣越嚟越多選擇， 對於我呢個青衣人嚟講絕對係一個好事。青衣離美食沙漠之名又遠一步。 天氣咁凍，當然要飲返一個“冬陰功海鮮湯“$108暖下胃，暖下身。呢個冬陰功嘅酸辣度對我嚟講剛剛好， 酸酸味味嘅味道，十分醒胃，有海量嘅蝦肉同一隻份量十足嘅大頭蝦， 作為今餐的開始真係適合不過。 再嚟就係一個“金柚子蝦沙律“$88。 柚子嘅份量一啲都唔吝嗇，每一粒都多汁飽滿， 配搭充滿泰國風味嘅醬汁 ，別樹一番風味。 唔知係天氣凍嘅關係定係呢前兩度菜都有開胃嘅作用， 所以為係特別好胃，食量大增。 主菜方便食泰國菜又點少得“菠蘿海鮮炒飯“$98， 攞到返屋企仲係熱辣辣，充斥住香噴噴嘅菠蘿味道。真係好想去泰國旅行喪食同按摩啊。 最後當然你一個經典嘅泰“海南雞油飯 “$68。油飯分量十足，海南雞嘅雞肉都好滑，唔鞋口， 性價比十分之高 。相信係呢段時間好多為食貓都無得出街食飯 ，希望疫情快啲遇過天青 ，大家可以繼續喪食。

細細個會去長發飲茶，之後都冇咩踏足過呢度嘅餐廳，估唔到係呢個平民屋村會有一間驚喜泰菜。happy friday叫左外賣晚餐同屋企人share，大約等左15-20 分鐘就拎得。沙嗲串燒半打 (豬，雞）$88👉🏻肉質紮實唔鞋，沙爹醬香，調味足夠。豬肉多d油脂香，比雞肉juicy。焗黃咖喱麵包軟殼蟹 $168👉🏻有4大舊軟殼蟹， 可能因為外賣關係，炸皮淋曬，有油溢味。 但係咖喱有椰香味，點麵包一流！ 鐵板蠔仔炒蛋 $88👉🏻 份量適中，撈飯唔錯。 可惜冇得現場用鐵板熱辣辣咁食濕炒海鮮河 $78👉🏻 海鮮主要係蝦仁，仲有小小青口同魷魚。 欣賞佢醬同麵分開裝，咁就唔會搞到d麵淋曬