The Backstreet Kitchen (Closed)

難得朋友入嚟元朗搵我食晏，當然搵間出面食唔到，又高質素低價錢又要好食又要環境裝修好先對得住朋友仔啦…於是就揀左Backstreet 吉列牛，首先佢個名改得好好，因為佢間鋪係偏離哂航道，附近無食肆，得兩間小鋪頭，真係係後街，唔知係咪租金問題所以以咁嘅質素嚟講，佢係收得好平。有介紹如何燒吉列牛嘅程序講返個午餐先，當然主打吉列牛，98蚊加18蚊有湯有飯有溫泉蛋或溏心蛋，夠哂飽。睇相就知牛嘅質素好高，脂肪分佈均勻，好食入口溶溶地又有牛味，自己燒都好易燒，因為佢會俾牛脂肪做油去煎，又香又好味。我朋友非常滿意猛咁讚，我都食得好開心。

又入到黎元朗食晏，朋友帶咗我去一條小路，以為食西餐嘅，原來黎到話係食吉列牛，平時好多人等添，星期六12點去到唔洗位good good。 石板吉列牛好耐之前已經想試，但香港仲未食過，始終好少地方有得食。店入面仲有介紹要點樣食，例如石板會有件牛脂肪可以掃掃石板等佢有油香啲之類。點完餐都要等一陣，因為睇住店員係廚房燒熱咗個石板先會攞出黎。 等咗陣終於見到炸牛排真身啦，牛小排大約會切成12小片，大約係2-3成熟嘅，等你自己再用石板煎，而且仲有椰菜做配菜，好豐富嘅賣相，而石板上都已經預熱同有牛脂，下面係用酒精爐，慢慢燒又唔怕大火，同埋有調味醬，飯係選項黎，加白飯或者加橫町飯或者加定食set 都得，我今次就唔想食白飯咁齋試下咩叫橫町飯。 吉列牛係用上牛小排，牛小排一般肉質都會幾淋，都算多油，但無乜牛味，一般熟食會比半生熟咁食好味，而店員推介食前加少少鹽煎會香啲，咁要先試味道就乜調味料都唔加，食落果然係無乜味，但炸粉唔厚，而且香脆。再黎一件落少少鹽石板煎，味道完全唔同，煎完兩面之後油香出咁啲，加埋醬汁食就更豐富。跟住就索性點完醬汁之後先慢慢煎，肉味即刻香好多，食嘅時間再加上薑，配搭起黎味道就好豐富。

聽朋友講呢間吉列牛好出名，我哋搵左好耐終於比我地搵到。原來都真係好多人排隊，入到去梗係要試吓佢最出名嘅吉列牛啦。我個人覺得牛味唔係好夠，但勝在肉質鮮嫩，配埋個爐仔煎下煎下咁都幾得意既

今次放假, 難得可以陪屋企人, 我話食好少少啦....之後媽咪就帶左我黎呢間....可能係平日, 啱啱又過左放飯時間, 黎到啱啱好有張枱, 唔使等....一食緊係要試主打野, 爸爸叫石燒一口牛肋肉賣相很好, 而且熟度可以自己控制, 肉質好的時候甚麼調味也不用~我就試吉列牛, 雖然石燒已經HIT左好耐, 但真係未試過, 因為我本身都有少少怕吉列野....但見咁特別一於試下, 一試~原來係同平時食嘅吉列豬唔同, 一來佢吉列皮好薄, 燒完之後變左外脆內軟~ 唔會好似豬扒咁鞋口, 再加埋佢D配菜, 有少少柚子醋開胃~呢個贊呀~~^^

Weekend同朋友去元朗搵食.今次一試lee間朋友力推的元朗隱世小店的石燒吉列牛。小店鋪位不多.經常要等位.個日時間尚早.等左15mins-20mins就入得去la.我地三個人分别叫左三個唔同的唸住share黎試試我叫左石燒一囗牛助肉配(C)定食因爲想試下佢個出名ge豆腐湯同橫町飯個豆腐聽講係廚師切ga?刀功好勁wo👏🏻👏🏻👏🏻飲落蕃茄味好濃.賣相又靚又好飲。個牛助肉一D都唔靭又好有牛味好食Ar.另一個fd叫左芝士黑松露吉列豬排配(D)定食個列吉豬扒炸得剛剛好.一D都唔油都好食不過比起上黎都係牛牛最出色到左個重點推介石燒吉列牛小排配(C)定食.脆脆的吉列邊配軟身充滿油花的牛牛好吸引.燒完食一D都唔靭又好有牛味..係我係香港食過最好heart 最好食ge石燒吉列牛.講一講個橫町飯.用咁大量ge日本粉飯飯+紫菜又點會唔開胃ar.就咁冇肉咁自己食都可以食曬一碗la.所以我就覺得有D咁正ge牛牛其實配白飯都已經好夠la.好好味的一餐！仲同朋友大家可以一齊試曬三樣野.好滿足Ar.下次會再黎食過la

不經不覺已經做左吃貨兩年多，有幾多窮友係由我細細個睇到我大呢，有幾多窮友知我一開始係拍片做起先呢 😂 後面實在花太多時間去拍片剪接，加上次次食野都要拍一輪真係令朋友好不爽所以後尾就影張快相就算 🤡 但係都要多謝咁多位嘅支持先可以繼續無限 _ 落去 🤤 今次進行呢個 2 週年紀念就整返個懷念特輯拍返幾條片賀一賀去，之後都係用返相 🤪 呢間被認為性價比最高嘅吉列牛始祖，食過都話正呀，#石燒吉列牛小排 $98，就比左 8 塊高質嘅牛小排你啦，中間就生嘅，旁邊嘅位就吉列化左，咁就想要幾熟就自己整幾熟，過下癮燒下咁啦，另外包飯包沙律，另外加左$5 白飯轉做橫丁飯，橫丁飯有櫻花蝦芝麻紫菜肉汁溝埋一齊呀笨，而牛小排食落肉質係靚係 jeng 嘅，出面閒閒地都兩舊水咁嘅水位，絕對係抵食回頭之選 😛❤️-The Backstreet Kitchen元朗合益路 9-15 號紀業樓地下 H 號舖

預早同媽咪食媽媽節飯，之前已經食過了一次，覺得可以帶媽媽去食，所以一諗起就決定呢間了，結果食到2位大人不停讚好食，今次值回票價啦！不過呢間食店無得訂位，所以要排隊，排左大概30分鐘左右坐定定，即刻order了三款，味道好，好香。其實我最愛的是，橫町飯，上次食完，一食難忘但我今次反而喜歡一口牛肋肉，雪花均勻，肥而不膩，值得再叫！今次吉列牛反而有點膩，不過不得一提，塊豆腐花，真的好考功夫芝士黑松露吉列豬排，我覺得黑松露味不太出眾，反而失望，因為我好喜歡黑松露的😭不過，附有黑松露沙律醬，2位大人話沙律醬的黑松露的味反而比起豬排的濃，但我對沙律醬無感😒食店好窩心的服務，會有圖講解如何食牛，食橫町飯👍🏻三人食左400幾，值得一食！

🥢 石 燒 吉 列 牛 小 排 $98用上美國特選級安格斯牛 外層皮薄脆口覺得呢到好食過steakbar 價錢仲要平一大截‼️🥢 石 燒 一 口 牛 肋 肉 $88同樣選用美國特選級安格斯牛比起吉列牛更薄 口感比吉列牛更嫩滑😋牛既油脂岩岩好 做到入口即融😭以呢個價錢呢個質素真係無得挑剔～主食仲可以加$40配定食 包横町飯 豆腐蕃茄湯 糖心蛋/溫泉蛋橫丁飯係自家製✨ 用珍珠米加生薑燒肉汁面上撒滿自家製黑白芝麻 櫻花蝦乾 木魚粉同紫菜抵讚既係佢既櫻花蝦味好突出 好中意😍

朋友帶小編去左一間超高質嘅隱世小店食牛🐮我叫左石燒吉列牛小排$98😍仲加$40配左定食(有橫町飯、蕃茄豆腐湯、溏心蛋/溫泉蛋)💁🏻‍♀️橫町飯其實姐係生薑燒肉汁嘅珍珠飯加飯素(有櫻花蝦、芝麻、紫菜)，驚熱氣嘅人可以揀石燒一口牛肋肉$88啲牛好靚好新鮮，不過小編就中意吉列牛多啲，因為佢好香脆但又唔會好厚炸粉，超級好食份量仲要幾多🤤另外值得一讚係佢個豆腐湯舊豆腐切到成朵花咁，好靚好有誠意👍🏻如果大家唔想排隊記得6點前就要去拎定飛，不過佢地6點先開同埋要齊人先可以入座🤫

驚喜日式小店近年凡係去親小店都特別有親切感，無意間行過見隱蔽小巷中有人排隊所以就同媽試試，吉列牛係香港都試過幾間，食後只覺得係俾人吹捧到上天價錢又貴，但元朗可能鋪租又平啲所以價錢都相比下親民，小店骨子 店員亦有禮貌。我同媽分別選了店補推介，「石燒吉列牛小排+橫町飯set」和「石燒一口牛小排+set」及一份炸餃子。首先講講橫町飯-橫町飯上鋪滿櫻花蝦、黑白芝麻、紫菜口感豐富然後set會有個豆腐麵豉湯，真心要讚個豆腐切成花形😻，刀工令人佩服 不過麵豉湯略鹹然後主角「石燒吉列牛小排」雖然外邊係吉列但一點也沒有油膩感，仍然脆口不過牛味不夠突出，但此價錢可以接受。「石燒一口牛小排」個人來講傾向牛小排，牛味濃油脂重口感佳，海鹽調味已經出面💯👅炸餃子別食落無油膩感算不錯👌🏻

朋友帶我去元朗一間石燒吉列牛扒小店，食晚飯慶祝我生日。之前都有聽佢講過呢間小店好好食、好有特色，仲可以自己燒，好玩又好食。上網睇過，因為店面唔大，座位唔多，所以通常都要等位。我地好好彩，等咗5至10分鐘就有位喇。店內裝修行簡約風，米白色的牆身配木製飯桌，沒有太多的裝潢，反而令人自在舒適。店員安排咗我哋坐bar枱，可以兩個人靜靜地傾下偈。一坐低，店員就好貼心咁斟咗兩杯水畀我哋，俾menu我哋叫我地慢慢揀，最後我地order咗一客石燒吉列牛小扒($98)、石燒一口牛肋肉($88)同埋個小食脆炸芝心雞球($42)。 等咗大概5至10分鐘就有嘢食啦，因為我哋加咗$40 配定食，有一碗橫丁飯、豆腐蕃茄湯同埋溏心蛋。一上菜就即刻就不禁讚嘆，這碗豆腐蕃茄湯好靚呀，豆腐切到好似好花咁！店員會先將石頭燒熱，點咗火再放上枱，所以大家都要小心，唔好燙到啊！石頭上面放了一塊一牛脂肪，食之前先用油脂肪塗滿石頭表面，就可以開始燒肉啦！店員仲好貼心咁準備咗指示教我哋點樣燒，同埋燒幾耐。兩款牛肉都算香，頗重牛味。不過我比較鍾意嘅係一口牛肋肉，我覺得比吉列牛小排好味。而牛肋肉的肉質比較淋，鬆軟同重牛味。小妹最欣賞碗橫丁

【石燒一口牛肋肉🥩 $88】好抵食！性價比完勝steakbar！大家從色水已經睇得出佢地既牛係靚好多新鮮好多，雪花紋理均勻分佈，仲足足有17塊！入口即融，滿滿牛脂喺口中化開👍🏻非常推介！.Probably the best self-grained beef short rig in Yuen Long🤤look at the beautiful network of fat and the bloody red colour of the beefffffff!!!!!! Tempted to go there in a short period of time😄they’re definitely better than Steakbar.

知道這家店常期都排長龍想試但就是會怕排隊於是在雨天的晚上 直覺就告訴我今天應該要去試於是就衝去吃這家入住元朗區後 處處惊喜這家也是其中的一家夜晚因該招牌沒有燈光 有點找不到但最後還是因爲人龍而發現的點了經典的兩款等了約10分鐘就上菜預先會有一份食用教學 貼心最後買單270多 有+1而我覺得肉質跟價錢是成正比的好吃 不失水準 但當然不能去跟貴價餐廳去比一份約100（90多） 加成定食就約 140左右份量剛剛好會再光顧 也會介紹給朋友好店需要支持

已經食過Backstreet Kitchen三次當中最欣賞既係黑松露芝士吉列豬扒唔會太乾同油 一咬入去好香黑松露味成口芝士 鐘意食芝士既就啱曬而其他款式就不過不失啦有飯素既飯係幾惹味的但略嫌個豆腐湯有啲咸視乎你個人口味啦(｡ì _ í｡)但係每次都起碼等1.5小時無啲耐性都搞唔掂入面位置大約有25個因為無限入座時間同埋要燒住食 翻枱就比較慢啦如果好想食又唔想等的話強烈強烈強烈建議17:45左右到等佢6點開門因為我試過6點到 啱啱好無位 等第一輪食完都起碼45分鐘

今次小弟來到這一間食石燒為主題的日本 餐廳, 吉列牛小扒石燒套餐為此店推介的菜式. 我和我朋友也點了此套餐. 佢哋嘅豆腐湯亦都係必食之選. 佢哋會將豆腐切到好似菊花一樣, 係打卡朋友們嘅必選. 但對於我嚟講豆腐湯嘅味道就一般啦. 反而家吉列牛就有睇頭, 牛肉質地也相對鬆化, 外皮也有吉列包住脆口, 但當你燒完之後牛肉汁會將啲吉列 浸淋. 而開始嘅時候店員都亦都會附上一嚿牛肉肥膏, 石板熱時就可以將其融化. 但由於石板係用蠟燭燃點, 溫度及耐用程度強差人意, 有時候未食完已經要再玩蠟燭... 整個套餐大約100頭埋單, 間中一段時間食番一餐兩餐要可以.