Video
2-min walk from Exit B4, North Point MTR Station
continue reading
Opening Hours
Mon - Sun
11:30 - 23:00
Above information is for reference only. Please check details with the restaurant.
上兩個星期五，同個朋友去到呢間餐廳，見氣氛唔差，然後就入去食。我地拎起個DRINKS LIST，睇下有咩野飲，見到有泰國同德國啤酒，然後就叫個男侍應介紹下。個男侍應都唔錯，為我地講解唔同啤酒既特色。仲問我地飲得多唔多，多就可以叫個任飲PLAN，會抵D。我地話我地飲得唔多，唔駛啦。果刻都覺得間野幾窩心。去到呢一刻都無咩問題。跟手我地就開始ORDER野食。有個女侍應(疑似老闆娘)跟我地D ORDER。呢個女侍應真係不得了! 全程黑口黑面，態度又勁差。我地都算ORDER左幾多野食，而我地就坐緊一張細檯，咁我地ORDER D食物呢，佢就差唔多全部一齊上(呢個係廚房問題，唔關女侍應事)。但個女侍應就將已經上檯既野，問都無問過我地就幫我地合合拼拼，有汁既同無汁既又拼埋一碟，務求要騰出空間比佢放野。大佬呀，d汁撈埋落d鹽燒既野上面，點先？至於食物質量，真心講真係麻麻。海蝦燒到過火，蝦肉”梅”。肉類，全部都燒過火，同食牛肉，豬肉乾差不多。燒白鱔，個皮一D都唔脆，可能魚身厚，入面仲生生地。最好既一樣係燒蠔，鮮味! 可惜SIZE細。我地食到差唔多，打算叫第二輪DRINKS，叫個女侍應比個DRINKS LIST 黎睇，佢完全IGNORE我地，然後佢指左個男侍應過黎。自問堅唔係麻煩客，成餐飯都只係一開始叫個男侍應介紹下啤酒，ORDER 野食，叫第二輪啤酒，最後叫佢地埋單，中間真係無叫過佢地SERVE我地任何野，就算野食唔好食(或者我地認為唔熟)，我地都無出過一句聲。最後，令我要打呢篇食評既最主要原因係: 當我地叫埋單，個女侍應黑口黑面過黎比張單我地。我簽卡，佢跟手響我面前拎住我張信用卡行去隔離舖(疑似姐妹店)度碌，又唔解釋下比我聽係咩原因，呢個係咩玩法?我真心唔知隔離係做咩生意，我淨係知我張信用卡，簽食肆我有5倍積分，如果隔離唔係食肆，我係會有損失，再者，你係唔係都要同我解釋下點解要咁做呢? 呢個舉動都未算堅，個女侍應拎翻本帳簿比我果時(唔應該講拎翻，應該講放響我地張檯上面)，然後同我講 ”你自己分開張信用卡單，拎翻張底單，留抵張面單就可以走”。 咩料? 我地2個人食左9百幾蚊。講真，唔係話真係一個好大既數目，但未至於要受呢D服務態度呀麻?呢間野，個疑似老闆娘既女侍應，真係趕客。我會完全BLACK LIST 呢間野!
continue reading
之前上網發掘窿窿罅罅搵好野食，曾經鑽進北角一條小巷，發現呢度未必有咁多人知既小巷，原來有啲餐廳，其中一間就係黎緊要介紹既The Beans，佢其實係一間bar，除左飲酒之外，可以選擇係呢度食串燒。用串燒送酒都不錯雖然係星期六既夜晚，可能因為地理位置偏少少，好少人黎到呢間餐廳。搭地鐵的話B4出口出係最近既，旁邊書局街行到尾，靠右手邊鑽入小巷，上兩級樓梯就見到呢間The beans！環境都有啲暗，坐低左就專攻佢地既串燒有四隻唔同色既分類，主要係燒肉類、海鮮、佐酒小食、主食，同埋蔬菜。環境比較暗，影得唔太清楚燒豬大腸（$36）從來未試過食燒豬大腸，第一啖咬落去幾特別，外皮好脆，裏面既肥係口融化，加上芝麻既香味，好特別，但尾段有少少漏。由左至右：羊架（$38）牛脷（$38）羊肉（$16）冬菇（$12）基本上全都係用鹽燒，個人比較喜歡鹽燒感覺，因為較香同食到肉味。羊架肉腍，都燒得幾香！牛舌有驚喜，好爽口！羊肉串有少少騷，咁先至似食羊嘛冬菇非常香，肉汁豐富，抵食燒茄子 （$38）每次食串燒都會叫，佢唔同出面既燒茄子，唔會落太多既蒜，亦不失惹味。秋刀魚（$32）秋刀魚同一般食開既味道分別不大。扇貝（$38）扇貝都算大隻，就只有一隻，略嫌貴少少。埋單加一$273總括黎講味道係唔錯既，比較適合兩三個人吹下水，當宵夜食啲小食飲下酒係ok既
continue reading
上星期 朋友生日 見北角近近地 見食評唔錯 就去左 the beans 點知咁就中左招 先講硬件位澤唔在講 個侍應姐姐唔知係咪做得太累 問佢有咩推界 佢面色唔係咁好(黑口黑面果隻)作為一間西餐竟然連一杯凍奶茶都冇得叫果下好野再到軟件 食物方面叫左個意大利飯都ok既個意粉就好過ok便利店小小既到個戲肉黎啦 老闆推薦羊架 我咁大個仔都未食過咁蘇既羊 我自問都食到蘇味同鍾意食羊但佢真係蘇到苦同入唔到口 咁既質素羊架收200佢唔笑果下好野之後叫左個馳名甜品心太軟嘩 原來出名在真係個心唔滴出黎😧成餐飯冇人過黎汁抬 叫都唔汁果隻呢餐飯750😡 真心冇下次
continue reading
剛搬入嚟北角，到附近搵食，搵到巷仔食西餐。肉食者的我倆叫了一份羊架，夠哂羊味。另外叫咗份牛扒，啖啖肉，仲在脆卟卟熱辣辣薯角員工都好熱情，好似已經係熟客咁，地方細細但舒服。仲有户外位食煙人士方便哂，老闆知新搬嚟仲請我地飲咗兩杯shot hahaha
continue reading
上次食個平牛扒，質素未上枱已經心知麻麻，但人地店家都係想迎合唔同客人嘅需要啫，你鐘意食又比到多啲咪食個貴，反之亦然今次先要咗個白酒活蜆，最後一份啱啱好要埋賣哂 ，蜆甜飽滿，如果有麵包一定會索哂啲汁嚟食之後點反個質素高的牛扒，但價錢唔會話真係好過份，但食落口就明白個分別，只係多百幾蚊但分別係幾倍跳。跟住咗個西班牙火腿意大利飯，分量望落好似細，但因為意大利飯膩口，所以其實分量啱啱好本身預咗個肚食梳乎里，不過原來要預訂，無得食
continue reading