The Cabin Cafe & Restaurant (Closed)

冷雨天過後終於艷陽回歸。這個冬天其實相當和暖，天清日朗的日子佔多，益晒D行山客。感覺香港近年行山人士日益增多，郊野山徑不再是退休人士嘅獨享，年輕人，小朋友，男男女女，成群結隊，甚至大陸客亦經常碰到。冷顫過後暖陽高照的周末又怎容怠慢？梅子林往北港，這是我偏愛的路徑。一路行一路傾，朋友講到呢幾年學養生，運動做多咗，飲食習慣亦隨著改變，月中都會有幾日食下素，時下嘅素菜館愈來逾多，亦愈來愈多元化。講到食呢個話題，可能係因為快到山腳，個肚開始指揮個腦啩？西貢唔知咁啱有冇素食餐館呢？上網search下先！係有嘅，之不過唔係齋鋪，係西餐廳有素食啫。講開又講，喺西餐廳一般係比較容易喺肉食林立中揾到素食人士嘅需要嘅。快到市中心，無心被隱藏喺一棵大樹後的白色西餐廳吸引到，樹下放著餐牌，睇睇先…哇，乜咁啱，竟然零零舍舍有個veg menu, 選擇仲唔少添！我同朋友個肚同個腦同時話，就呢間啦！西式齋對比中式，係比較多天然嘅色彩，紅菜頭，菠菜，紫椰菜，各種沙律菜，蘑菇，呢D都可以同各種主食組合出缤紛靚麗的配搭，加上忌廉，芝士，欖油，黑松露，相信不難煮出一道色香味俱全的素菜吧。這只是我在等食過程中吹水時的幻想是日

朋友提議來呢間異國風情小店食今年頭一餐，話兩年前係嗰度慶生，環境寧靜優雅之餘菜式仲幾得咁話。是日有新年套餐亦有幾款平日嘅精選推介。我哋一行六人，分别點了四個新年大餐同兩個推介主餐。聽落够晒豐富，主菜有澳洲M7和牛西冷，龍蝦配蟹皇意大利飯，美國銀鱈魚，烤黑毛豬，烤鹿架同羊架餐湯係干邑龍蝦湯，龍蝦肉欠奉但龍蝦嘅香味卻十分濃郁，混合埋忌廉同淡淡的酒香，飲過齒頰留香！脆皮英式豬腩配青蘋果沙律，皮够香脆，腩肉咬落幾實凈而且肥而不膩，同青蘋果絕配跟住落嚟係小食黑松露忌廉帶子和南非鮑魚配大蘑菇。單言食材，係絕不欺客嘅！咁嘅價錢，喺酒店一定食唔到咁嘅菜色同出品。好味之餘，重要係食得出厨師好俾心機，唔會因為節假日忙碌而輕率過關…主菜一個個出場，分量全部唔細，我們正好逐個試匀，係得！當中印象最深，係個烤鹿和蟹皇Risotto, 呢D特色嘢相信係呢D私房小厨先會揾到。最後一提呢度嘅醬汁。真係全部都好掂。扒汁集合咗香草忌廉牛油黑椒蒜香同酒香（仲有其它？），烤鹿就有Rosemary同車厘子同紅菜頭，令人色欲大增，羊架有紅酒嘅色水同薄荷芥末忌廉汁。。。末了，甜品係草莓水晶果凍，紅酒水煮梨。淡淡的紅，揭開18年新一

一心同朋友聖誕節來慶祝，下午已預早打黎book枱，結果俾佢破壞左成個聖誕氣氛。餐廳細細有d迫，只有三張4人枱，四張2人枱。等了半個鐘先有餐湯，又半個鐘先有煮都唔洗3分鐘嘅大菇頭盤，足足等左一個鐘都冇頭盤!追問樣子矇矇嘅侍應話: 我地逐枱逐枱煮....我知你逐枱逐枱煮，唔通食盤菜咁一齊食咩，但你唔能夠呃我而家煮緊你個碟，但仲要等多一個鐘。我問侍應咩進度，幾時有得食，佢聽完呆左，之後行開。真係好嬲，成間餐廳d人都餓到死張張枱係度投訴，由未肚餓等到胃痛，旁邊播住d憂怨都想死嘅西班牙音樂，乜野mood都冇哂。仲要成枱垃圾，蟹殼，碟，根本冇位放餐飲甜夾硬放上黎，之後又唔收走d垃圾。xmas dinner$689/set，加一，我原全唔覺得佢有資格收服務費，叫主管黎傾，佢囂張的態度令人發紫，話服務費係跟餐，有服務就要收，話如果有問題唔好意思，佢話唔知叫左全熟喎，乜都話唔知就唔負責任，一輪咀反駁，我忍唔住噓佢因為佢好噪，我話錢我會俾，叫佢靜少少聽下人意見。一句佢仲話一餐飯食2個幾鐘好正常，口敏似鄙視我地食開d快餐。come on, 法國餐你就話食幾個鐘，我去咁多地方食飯真係好少你地咁講大話拖客人，自

一心諗住聖誕節同朋友岀去食飯一早打去book枱book左7點鐘食7點15分到我真係未試過要等半個鐘先有餐湯同前菜食等左2個鐘先有主餐一直問個侍應幾時先有嘢食一直同我講煮緊點煮都唔係煮2個鐘餐廳又唔大又唔係特別多客人 到埋單時同佢講話佢服務態度唔好成15分鐘都冇人係廳面叫極都冇人應同要等甘內又唔岀聲竟然同我講食餐飯要等2個鐘係正常而到唔係您平時食既快餐講真我真係未試過食任何一間餐廳要等2個鐘先有主餐一餐飯食2至3個鐘係正常但唔係落左單要等2個鐘囉我食既係普通西餐廳並唔係法國餐廳我真係唔明點解要等甘內

呢間餐廳雖然位於西貢又有點僻，但畀人一種世外桃源的感覺。加上呢日係平日夜晚，人客不多，環境好舒適。佢有室外同室內座位，地方不算大，不過裝修得好靚好有情調，異國風情，充滿英倫風。而店員都十分親切有禮，好有家庭式的感覺。餐湯好飲好濃郁！蒜蓉包都好食！食物製作用心，質素都好好！牛扒肉質幾好，配埋個醬好夾！鵝肝幾大塊，好正呀！加埋焗薯好perfect!!甜品都唔錯！個奶白cake(?)第一次食/見，都幾特別！老細知道我地慶生仲好細心寫埋名喺上面，又畫埋心心，好靚！呢餐雖然唔平，但十分十分滿足！下次會再黎！！

三年前光顧過這家隱秘小店，印象猶新，天公作美，又來到西貢，決定再試。門面感覺和以前差不多，白色歐式小屋，坐下才發現原來已經易主，地中海菜變成了英國菜。The Cabin，名符其實。細心研究了一下餐牌，才發現這裡除了數款經典英國菜，其它西方菜式也頗豐富。時間尚早，與店員傾談之下，主菜點了招牌英式燉羊肉和芝士釀焗虎蝦配蟹油意大利飯，另外同伴點了Dinner Upgrade包括餐湯，甜品和飲品，我則懷念三年前的大蜆，唯有以白酒忌廉藍青口取而代之。青口分量不小，二人分享都足夠，汁水香滑，令我們忍不住加點了一份蒜蓉包。黑松露忌廉蘑菇湯亦很足料，味道香濃。到此已有三分飽，等待主餐之餘，瞥見遠處燈光餐牌上有法國生蠔，還有松露忌廉帶子，只有留待下次了--下次，又會是幾時？主菜上枱，我的燉羊肉外表樸實無華，卻擋不住撲鼻的香氣，同伴的大蝦意大利飯則已色香味盡露，細心的店員不忘提醒個蟹油飯要配上黑糖醋才顯出其原創風味...好啦，時間不早，餘下不再多費筆墨，兩個字，三年後還是--滿意。當然，甜品是用來畫上一個完美的句號，留下一份甜美的記憶。自家制Apple Crumble, 食落仍是與別不同。

今日再次來到西貢，尋找一年前吃過的一間叫<The cabin>的英式西餐廳，心想隔著一年唔知地也會唔會變得不再一樣，誰知行去見到店裏保養得和一年前一樣，而食物卻變著唔少，變得越來越多選擇，今次老板介紹著一个「魔鬼魚」餐，一開始有地唔敢吃，之後老板話味道好，肉甜而且沒硬骨全部軟骨，抱著試下的心態叫著，沒想到驚喜來得好快，小朋友吃都非常好吃完問老板娘是否換廚師了？老板娘說沒，只不過老板係廚房一起煮，原來如此，唔怪得吃到心意出來啦，後來跟老板娘聊天，為什麼老板會自己煮？之前都沒自己煮，老板娘話店面唔大，而且老板也煮得一手好也，加上也喜歡自己煮，所以就自己來，只不過會慢地，聽完我突然想到原來係<私房菜>希望下次來的時候又有驚喜，加油

環境寧靜，餐廳格局簡潔，加上柔和的音樂。 在這裏晚餐是明智的抉擇。黑松露忌廉蘑菇湯 三種材料的配搭，不會有某一樣材料獨領風騷。每個人個人口味不同，但本人極力推介這款湯。 西冷扒配鵝肝牛扒七成 加上老闆自製的醬汁 牛肉的香味和醬汁的濃郁 完美的配搭 薯菜 配上又係老闆自製的醬汁 回味無窮美國有機榖飼烤雞外脆內軟 烤雞的外皮有蜜糖的香味和香脆，肉汁鮮嫩更有香草和淡淡的檸檬清新，帶出田園風味。 喜歡濃味的人，有咖哩紅酒醬汁作配搭，帶出令一番風味。今晚擁有一個寧靜的環境去品嚐美味佳餚一定會再光顧

環境可以接受有露天又室內，室內枱興枱之間好小空位，令人感覺好迫，好無氣氛傾計。待應不細心，坐左10分鐘左右都未俾meun，要叫佢先俾，叫左4份野食，等左1個鐘頭3個字，餓死人。另外有一枱一家3口早過我黎我食曬佢地啲野都未到。上菜時間不一，好無心思，我叫既係牛扒，另一半叫既係飯，食曬個牛，個飯先到，跟本餐飯唔係一齊食。另外牛叫5成，黎左個well done，因時間關係照食算了，但如果295呢個價錢，絕對有好多地方好食過呢度。希望呢間餐廳唔好因為開係西貢呢個地段，就開高價而食物同服務不合理，如果你啲野食係90幾蚊一個餸我無話可說，但依家係2百幾3百一個餸就有問題了。雖然我唔會再幫襯呢間餐廳，不過但願有改善。

打算同老公食間有情調既餐廳慶祝紀念日餐廳裝修唔錯但冷氣機滴水，又忽冷忽熱。。。上菜速度超級極慢要1個半鐘先有主菜，仲要老公個個食曬先黎我個飯😖我睇住佢食曬之後到我食。食物味道只是普通。不推介。

今日去左西貢，終於抽到時間再食呢間餐廳喇！ 之前幾次唔係太趕就係唔岩時間，黎到都食唔到…. 因為我好想翻食佢個SCONE啊～所以我係特登就返TEA TIME時間黎架～二人點了:Traditional Scones (Cheese/Cranberry 2pcs) + Earl Grey TeaLemon Meringue Pie + Iced Lemon Tea食過一次，念念不忘。可惜，到底係上次超水準定係今次失手？失望啊～牛油味合格，但鬆餅不夠鬆軟。普通，但不是差，不過如果我第一次食的是這個，就不會念念不忘。好 好 味 呀～～～本身揀呢件PIE既原因係因為我好飽（個BRUNCH仲未落晒格），咁就諗住揀個檸檬味既野清新d咁啦，點知，有驚喜！呢件PIE其實都幾HEAVY幾魔鬼架，上面有CREAM CHEESE，食落有淡淡芝士味，配上蛋白脆餅，本人好喜歡食少少脆、淡淡甜既MERINGUE既，再加上檸檬醬，酸酸甜甜既味道中和返CREAM CHEESE既漏，加上佢食落口果時都仲係暖暖地架，很合我的胃。呢兩份TEA SET係我地兩個人SHARE食既，雖然我本身已經好飽，但我都真係好想搶晒黎自己一個

用左openrice以黎第一次想幫一間餐廳寫食評，因為係The Cabin食飯真係好舒適同感覺到有用心製作食物所以想向大家推介星期二同朋友去半月灣游水，回到西貢市中心後到前幾日睇完食評想試的The Cabin 享用晚餐。餐廳位置唔係普通會行到既大街 可能海傍道行去約8分鐘，係滿記甜品向左再行少少，就會見到黃色燈光既招牌，唔難搵！我同朋友都好喜歡餐廳內外就裝潢，好似置身英國小店氣氛一流店員主動介紹Weekday會有$299既二人套餐，4選2 main course配餐湯或餐茶。最後我地選擇左紐西蘭牛扒同英國傳統beef pie, 另加我好懷念既yorkshire pudding因為餐牌上yorkshire pudding係配beef filling, 我地問老闆可唔可以配其他野，佢話試下就甘整yorkshire pudding俾我地同beef pie一齊食老闆唔係好滿意個yorkshire pudding出品最後話送俾我地食，但其實食落好好味以前英國食係比較薄同脆既質感(可能非homemade)，哩到既會比較厚身同實心，外脆內軟係homemade既味道下次再黎一定會order!!牛扒叫左

昨晚我同老婆入西貢，本身貪西貢冇咩人靜靜地同見到一間看起來不過不失精品西餐去試試但比我預期好味道，加上食得出廚師用心，可能加上個晚星期四西貢都冇咩人，成間餐廳好似為我地準備，所以我覺得更加窩心。

Haven't been here for ages so decided to have lunch at The Cabin with my Brit friend.I am glad the food was still consistently good and didn't let us down.Went for lunch so I recommended the cottage pie to him but the other two dishes like fish pie and Lancashire lamb hotpot were also recommendable.All three are annoyingly good.Anyway, I had the fish burger with chips because it was not on the menu before.REAL CHIPS served here.

今日是一個特別的日子，我和老公、女女一起去著西貢一間好特別的餐廳吃晚餐，因今日的日子同平時唔一樣，所以豪著一餐，第一道有龍蝦湯，啊女話：媽咪，湯好好味，還有嗎？媽咪只能說：有。啊女話：我想飲多一碗。媽咪說：好跟著主餐來了，鹽燒虎蝦意大利黑糖醋飯超好味的黑糖醋飯，味道好特別。還有西班牙豬腩英國羊肉批最後要著一個甜品「草莓蛋白批」女女話：好好味的甜品，下次來西貢我地還來那都好唔好啊？爸爸望一下個女再望下媽咪說：好啊