咖啡廳

Open Now

Now Closed

23/11平日open rice訂坐6pm有七折（折實$540人頭），見到好多人食評share 有長腳蟹，蒸點心，燒扇貝由於我唔食生嘢覺得幾啱我食所決定去try,但去到以上講嘅都冇😢問過之後原來蟹腳星期六日先有🫣總括嚟講龍蝦啲肉都幾新鮮，我食咗半隻，熟食嘅質素比起我去其他自助餐，亦算係唔錯，但只係想意見反映一下應該要有炸物，同埋一般自助餐都有啲蒸點心，例如蝦餃、燒賣小籠包之類佢亦都欠奉但係我喺OpenRice見到人哋post可能真係咁岩得咁蹺我去呢日就冇,但都有啲嘢食要讚甜品很精美雪糕好好食，汽水罐裝任攞🤭走嘅時候戴口罩條橡筋突然斷咗侍應都好好俾個新嘅口罩我，整體來講食物質素算唔錯，只係種類少啲下次訂位前會問清楚有咩食物先至會去食

現在很多貴價5星級的酒店自助餐，質素已經差了很多，預訂時間也要起碼2星期或以上。有朋友放假，竟然前一晚就訂到位。自助午餐的燒牛肉，好味，香，有牛味。平時我朋友不會食自助餐的燒牛肉，她只吃日本和牛。今次她竟然吃了2件。燒火腿也好味。熱盤中，其中的咕嚕肉，賣相已很吸引，立立令，粉漿好薄，外脆內軟。蒸魚蒸的時間不錯，但他們出的第2條魚，有火水味。炒蟹腳和蝦，不及凍海鮮的好味。小籠包和燒賣普通。凍海鮮有法國生蠔，細細隻，海水味重一些，翡翠螺大隻好味，蝦細細仔，起初沒有揀，有些肉質軟，後來揀了些硬，味道就OK. 長腳蟹也不錯。魚生沒有味，除了甜蝦，甜蝦甜和口感有膠質，好味。甜品也不錯，尤其是蘋果批。通常蘋果批會有肉桂，這個沒有，很清甜。蛋糕很鬆軟。馬卡龍太乾。全部放出來的食物不會很大碟。廚師會時常出來巡場。服務很好，想取生蠔，但已全部收起，但員工也幫我再開蠔。格仔餅雖然有燈照著，但不夠脆，員工也很樂意幫我弄熱一些。感覺很舒服，不會人山人海排隊去搶食物。今時今日有這高質$300幾蚊的酒店自助午餐，很難得。

凍盤：生蠔、龍蝦、小龍蝦、麵包蟹、翡翠螺、蝦、青口、8款刺身、壽司、沙律⋯*刺身好新鮮，紅蝦帶子好清甜、油甘魚池魚好肥熱盤：有湯、蠔、鵝肝、青口、炒蝦、蒸魚、炸物、吾同即炒食物有龍蝦和牛、咖哩八爪魚、即煮粉麵、切肉、點心、意粉、炒飯、德國脆豬手、腸仔、咖喱、牛尾、雞、豬呢d大路野···甜品：吾同既精緻甜品、Waffles、生果、芝士、雪糕、精緻甜…星期日至四：$668+10%星期五至六：$728+10%任飲$68-$128+10%恒生/匯豐/渣打白金咭85折、普通咭88折*吾算多野食、貴左少少！*4間來說，首選紅磡都會海逸、次選千禧新世界、接住喜來登、最尾恆豐！

2022年9月3日星期六，因當日三點在文化中心看交響樂團演出，便預訂了食自助晚餐，開始時間是六點半，當晚有多張吉檯，食物很少款式， 生蠔又瘦每次只可取三隻， 我見冇人排我後便，便多取三隻， 紮住黑色頭巾負責取蠔侍應， 不禮貌地用手指著個牌， 表示每次只可取三隻， 我講都冇人攞，咪取多三隻！魚生切得又細又薄，凍龍蝦唔新鮮，熱食冇乜選擇又唔好食， 全晚最好只得一個燉湯， 最後食雪糕，嗰個阿姐比兩球好細雪糕， 好似好矜貴唔想畀， 冇下次。

早幾年成日食，今次好失望，食物種類/數量，比以前少好多…以前海鮮🦞放滿成張長枱，而家細細位置，每樣海鮮放得少少，龍蝦每次放得兩三隻，大佬呀成棚人😮‍💨幾時先拎到…以前喺座位可以點即開生蠔🦪有六隻又新鮮而家要行去食物區，叫到喉嚨痛先會有人理你，每次配給得三隻，Size營養不良，最緊要冇鮮味😓求其擺幾粒芝士🧀…Parma Ham🥓都冇塊甜品較多少少🤏🏽但亦唔覺出色以前餐飲必叫朱古力，個拉花係S logo，即係佢哋公司名縮寫，飲得出嗰份細心，而家求其一杯..有少少泡😆喺面嘅朱古力☕️每次，要搵人先會幫你收碟，酒店服務水平下降加價唔緊要..唔要求超好水準，但都唔好差過以前。

訂了星期六晚和家人一齊食自助餐，當中有3人是7月份生日。6:30已經到了咖啡廳用膳，一開始係去攞蠔，但每次只可以攞3隻，而且不是不斷的放上，你企係度等也懶理你！我整晚只攞了一次生蠔🤦🏻‍♂️！另外龍蝦🦞也是一樣，我太太醒目才攞了半隻，但味道肉質也是麻麻！其他食物味道是可以，但品種不多！以一間咁高檔嘅酒店呢間自助餐可以說是不相配！仲有喺OpenRice 上的相，例如生蠔，到現場完全是兩回事！老實講我寧願俾多一兩百都唔會返轉頭！

最近心思思想食自助餐，朋友就揀左尼間，食物種類唔算太多🦪生蠔個日既生蠔係法國既，生蠔偏細，肉比較細同薄身，海水味唔算重，略帶少少甜味🦞凍海鮮 - 麵包蟹，龍蝦，蝦，翡翠螺，青口，蟹腳，蟹鉗整體海鮮都算新鮮，麵包蟹同龍蝦都有膏，蟹腳唔會好咸有甜味🍣刺身 - 三文魚，呑拿魚，甜蝦，玉子，北寄貝，帶子，劍魚因為我唔係每樣都食，所以無拎哂全部黎試，北寄貝好爽口，帶子原粒鮮甜🦆鴨肝鴨肝都切得大件，大塊過片多士🙈兩邊煎到金黃脆口，食落有油香燉湯 - 海底椰花膠燉湯燉湯好鮮甜，碗湯有3,4舊花膠你入面，花膠唔會腥，軟腍易咬，除左燉湯仲有冬陰公湯同叻沙，叻沙湯比較淡🇮🇳印度菜見到有印度又想試下，有印度烤雞，咖哩羊肉，印度薄脆同印度薄餅，每樣都拎左少少試，烤雞好多香料味，但有少少乾，咖哩羊肉少辣，配薄餅食幾好🍝黑松露忌廉意粉即叫即整，純粹想試味，所以叫左少意粉，芝士味唔重，食唔到黑松露味🙈🍨甜品種類都多，唔計雪糕大概有15款左右，除左西式蛋糕，仲有泰式甜品，大部分都好味既，係芒果糯米飯啲糯米有啲硬，同千層糕有啲硬之外🌟滙豐信用卡8折優惠

開始假期日日都好似好忙今日星期六，家姐同細妹都放假，我同細妹同月同日但唔同年，因疫情都好耐無出，知道會放寬家姐就叫細妹book定間好啲去同我哋補祝生日，今次家姐話想試喜來登，上綱就話full哂專登叫細妹試下打電話去，估唔到好好彩book到今日，呢度最驚喜喺食到差唔多，因為生日有蛋糕送所以就叫他們上好搞笑送生日蛋糕時，部長同另一個同我哋唱生日歌好認真又幫我哋影相好開心，呢間食物種類都算多午餐都有蠔同長腳蟹，但感覺就唔同半島食物質素一般同食晚餐的自助餐差唔多，半島雖然無蠔，長腳蟹但食物都比較細緻，環境坐得舒服，大家都有呢種感覺，價錢嚟講有咭優惠折完400幾都可以

到香港喜來登酒店2樓的咖啡廳慶祝生日🤩， 中午自助餐都多選擇😚， 凍盤有幾款沙律、 火腿和芝士。凍海鮮有生蠔、龍蝦鉗、長腳蟹、凍蝦、 青口和螺。日式有刺身和壽司。 熟食有中式菜式、點心、薄餅、印度菜、越式紙米卷、牛扒、羊扒和粉麵。 甜品有多款蛋糕和雪糕， 另外每人有一杯餐茶。 各款凍海鮮都幾新鮮， 我最喜歡生蠔🦪和龍蝦鉗🦞， 但長腳蟹就比較幼細🤏🏻，日式刺身和壽司味道都是普通😉。 熟食我喜歡咕嚕肉， 酸甜甜幾好味， 還有薑醋蛋和牛腩麵🍜也不錯。 甜品最好味係tiramisu😋， 最後嘆杯咖啡☕， 滿足又好味的一餐🤞🏻。 好驚喜午市自助餐都有生蠔， 各方面質素都很平均， 加上食物補充得很快，推介可以一試😃。

呢間係我第二次嚟嘅喜來登酒店自助餐 同我第一次呢應該有八年了， 但感覺完全好唔同班年後嘅今日 這裏嘅裝修 真係唔合潮流 感覺好似去咗一間普通餐廳唔似五星級酒店海鮮算新鮮種類唔多， 亦都冇特色主題唯一值得讚既係呢度嘅號係任食仲要係任攞，唔會每次限取三隻就連壽司都只係得幾款全場冇咩賣點最後只有呢一個窩夫綠茶雪糕係我嘅至愛位置喺尖沙咀 但係裝修真係一啲唔裝喎 收費價錢 我就覺得唔太合理 唔太值 野食又唔多 所以我今日到場都有好多多餘位置

lunch buffet 價錢是 $368 , 不是 $ 328(另加一服務)10月8日用餐正席黑雨人不算多氣氛丶環境舒服整體食物質素好屬貴精不貴多點讚:1. 燒牛丶燒羊 -- 喜歡medium rare 的人就合晒心意!2. 生蠔 -- 夠新鮮缺點: '生蠔供應不足'看得出餐廳對生蠔供應的手法每次出得唔多, 所以好快就冇晒到了13:30左右吧, 仲唔再供應添...食客已經不多, 但如果要食蠔, 仍然要努力爭取總結:整體感覺是舒服的由於是平日 (星期5)加上天氣唔好人不多一邊用餐 一邊感受窗外的雨勢有種時間停頓的舒泰唯生蠔供應短缺搶食時令水平如鏡的心情泛起陣陣暗湧

個個員工都好nice好有heart 甜品多又好味 想食到嘅嘢 都係晒到 牛扒正 廚師特別炮製芝士龍蝦 食過咁多間buffet最好味係呢間 貴精不貴多 下次一定再來食過 同朋友至愛一定揀呢間

暑假唔好俾佢停，停不了的自助餐，今次一行人殺去喜來登酒店THE CAFE 吃餐飽。因為疫情關係部分出入口關閉，走左個大圈先搵到入口，身水身汗！入到大堂一遍寧靜，樓梯好有氣派顯然跟其他酒店不一樣，寧靜高雅。餐廳不大，樓底亦不高，但由於枱與枱距離足夠，而且枱數目及客戶不多，所以減少了壓迫感，坐得十分舒適。🥳🥳到了開餐時候，走了一圈，食品區不大，食物種類不多，但都足夠滿足我了。先向法國生蠔進發，我拿了頭輪既生蠔，肉厚新鮮，不會太咸，十分鮮甜連吃十隻朋友之後再拿的幾輪就不行了，肉瘦又不肥美真的睇運氣。跟住去佔領海鮮部，有六，七種海鮮，都算豐富，海鮮有職員負責幫客人攞，確保衛生。吃了龍蝦、長腳蟹、翡翠螺🐚🐚、青口和蟹。整體都不錯，特別喜歡蟹，有滿滿蟹膏，膩膩口感，沒有雪味，口水都流下來了。 巴拿馬火腿吐司和牛油果前菜都很新穎，簡單美味，個人十分喜歡。煎牛扒肉質嫩滑，內𥚃保留住肉汁，配上秋葵、青瓜，好精緻。即煎鴨肝多士，需要排隊領取，即煎即食，味道香濃👍口感綿綿👍連食了3、4件。川貝花膠海底椰燉湯，味道清甜，暖胃之選❤。刺身有六款選擇，帶子、八爪魚、三文魚、吞拿魚、赤貝和油甘魚。叫廚師姐姐每款給一

今天平日請了annual leave 跟朋友一起 吃lunch buffet 348 加一前菜冷盤有刺身生蠔鴨肝刺身一d都唔腥 好吃 唯獨款式略為少唯獨生蠔有少許腥味 肝配個小麵包夾住 食落去超正蜆海鮮類都唔錯到左主菜： 牛扒同羊架牛扒熟成度剛剛合適 口感 味道一流 羊架： 可能關乎自己本身唔中意食羊， 食左少少都覺得麻麻地仲有條魚龍躉：一開始好快比人夾哂， 自己之後都等新既一條來即卡去拿， 但係同期望有d落差 某啲部位好食 某啲食落去一般。雖然仲有其他食物 但係食牛扒已經食到飽飽 冇試到其他到左甜品：有超正既焦糖布甸 🍮同haagen Dazs 雪糕 個人最喜歡拖肥味整體：excellent不足點： 主菜除左牛扒之外 麻麻同飲品送一杯only(檸茶咖啡奶茶）

有驚喜的lunch buffet ，生蠔有質數，暫時食過咁多間buffet 最好的一間，而且不斷都有供應，希望保持到，相對刺身就差少少，不算新鮮，款式亦唔多，其他凍海鮮如龍蝦鉗、凍蟹都幾好。至於熟食方面燒牛扒、羊架都幾好味，香口野有炸雲吞、咖喱角，仲有點心燒賣、粉果，又有pizza、燒肉、各款中西式菜……都幾多選擇，都未全部試晒就已經飽左，點品方面除左雪糕，tiramisu、葡撻都好好味，總括嚟講幾滿意，遲啲有機會試埋晚餐