尚廚

Open Now

Now Closed

今次透過kkday book午市自助餐，時段為14:15-16:15可以食到兩個鐘，嚟到九龍東皇冠假日酒店嘅尚廚食buffet。而午餐嘢食其中以特色凍海鮮盤為賣點，包括即開生蠔每人每次可拎兩隻、松葉蟹腳、青口、黃金螺、白蜆、熟蝦.... 除此之外，仲有四款刺身、六款壽司、沙律、八款頭盤、中西餐湯、黑椒燒牛肋條、意式焗蟹肉蘑菇蛋餅、燒紐西蘭草飼肉眼牛扒、燒羊脾、中東旋轉烤肉檔、即煮海鮮粥檔、即煮粉麵檔、鐵板燒。十多款甜品、七款口味的Haagen-Dazs雪糕及朱古力噴泉，以及任飲即磨咖啡、紅茶、果茶、檸檬水。比起其他自助餐都算抵食，雖然熟食選擇唔算太多，但都對得住呢個價錢。

種類少 d 食物唔refill 重要收埋唔再出蠔細但味道還好 但太早收 就唔好厚住面皮話任食啦燉湯/甜品還可以晚餐都咁慳皮 午餐更加唔洗諗 地方遠 質素普通 種煩少 收得貴 雖然買一送一優惠先去食 但真心唔抵x

由於疫情關係，仍未出外旅行嘅機會，除咗行吓山、郊遊吓，「宅渡假」就成為另一放鬆心靈選項。之前好幾次「宅渡假」都喺揀晌新界區或離島區，而今次就揀咗入嚟將軍澳嘅「九龍東智選假日酒店」，整個套票包入住當日自助午餐、標準客房、免費借用單車及翌日自助早餐（$1,100 + 10%），都算抵玩。不過，雖然入住喺「假日酒店」，但午餐、早餐都喺晌對面「九龍東皇冠假日酒店」嘅「尚廚」餐廳享用，皆因「假日」本身喺無餐廳。酒店正正位處「將軍澳」站上蓋，黐住「PopCorn」個大商場，位置就非常便利。作為酒店食自助餐嘅地方，一般個場都幾大，呢度樓底都幾夠高，一邊又喺落地大玻璃窗，對住商場平台，所以，感覺都幾唔錯。而最估唔到，今日喺星期五，即喺閒日，入座率目測都應該有9乘，可見大家都要靠食餐自助餐嚟舒緩吓抗疫疲勞。 我哋原本喺被安排住晌裡面近食物枱嘅位置，雖然，枱與枱之間都有啲高身嘅透明膠板隔住，但始終都多人，老婆就想食得安心少少，所以，要求坐出「門口」位得唔得，相信呢組位置喺以前客滿時，想多做幾組客人而設，依家就啱晒我哋，得幾個人同我哋諗法一樣坐出嚟。餐廳有另一個連住平台入口，基本上，喺唔多人行過呢個位置。 

作為酒店，服務及食物質素都有待提升。目測一半以上侍應像從茶餐廳挖角過來。刺身服務員整晚心不在焉，叫三次錯三次，做三餸飯的阿姐比她專業得多。經理埋單時竟然在客人背後壞話「唔係呀嘛！竟然冇實體咭」。我心諗「唔係呀嘛？咩嘢年代？我兩年冇帶銀包出街，得兩間舖真係冇電子付款，一間日式拉麵，一間新開張。」最後其實佢有 Apple Pay，佢一係真係唔識，一係唔想煩，兩樣都係死罪。食物方面，海鮮不鮮，中湯不盪，除了鐵板燒值得一讚以外，大部分濫於充數，將貨就價。

在將軍澳皇冠酒店staycation package包埋個早餐當然要去試下啦！可能都幾多人喺酒店住，去到餐廳，客人已經坐滿九成，早餐係自助形式，於是急不及待即刻出去攞嘢食。早餐都好多款式，有煙肉，太陽蛋，薯餅等等。另外一碟拎咗啲香腸，薯餅，火煺，太陽蛋，最特別就係有個粢飯，粢飯好好食，真係印象難忘，無得頂👍重有好多唔同嘅款式嘅點心，有燒賣，牛肉，素餃，糯米雞，一般酒樓味道。最難得仲有粉麵，有師傅專人煮車仔麵，任你點，有魚蛋，牛丸，水餃，菜及不同種類的麫，早餐大致上都好豐富，種類都唔少，加上飲品也任飲，CP值高。

網傳尚廚係一間超多不同款式食物餐廳，今次特登卜枱感受吓。去到餐廳好多人，竟然要排隊入，好誇張。餐廳環境一般，似高級少少cafe，枱與枱之間擺得比較迫。沙律菜好多款式、好新鮮、超級吸睛👍三文魚好fresh ~一試難忘。燒味有叉燒、同埋貴妃雞攞咗少少、叉燒就麻麻哋比較柴皮😪燒牛肉大約五成熟、食起上嚟好軟冧、點心有燒賣粉果一般酒樓嘅貨色、普普通通。甜品也有很多款、比較喜歡芒果拿破崙幾好食、朱古力歌劇院也不錯。仲有飲品任飲、有橙汁、蘋果汁、檸檬茶、咖啡、掛住食都唔記得影相😌

之前嚟過一次食呢個「蠔得喜」自助午餐，雖然食物選擇都唔叫多，質素都尚可，最吸引就係任食生蠔（咁餐廳都用呢個做賣點啦），用酒店網預購有折，二百幾蚊，都叫做OK啦幾抵食嘅。於是相約朋友第二次嚟食，就覺得唔同咗兼食得唔係太高興。原因係今次戴眼鏡開蠔男師傅，好明顯有意放慢手腳開蠔，甚至假動作抹下個星盤，又或者沖水沖好耐，好似搵好耐都搵唔到隻蠔個入刀位呢d，都真係唔係我疑心大，而係戲味太濃。雖然唔肯定呢個做法係公司為慳成本order師傅咁做，定係師傅唔想咁辛苦自己咁做，但作為顧客，餐廳生蠔已經係每次只可以拎兩隻（又已經係細細隻嘞），而一路排隊一路睇住個師傅0.5倍速咁開蠔法，我覺得作為一間酒店直情downgrade咗（其他staff係冇問題嘅)，去到一個位我真係忍唔住要出個食評，希望餐廳有所改善，寧願你收貴少少，好過做埋d無謂嘢。排緊隊時你又唔可以食住其他嘢，餐廳以慳錢角度睇都算叻嘅。第二次去甚至覺得熱食選擇都少咗，上次有pizza，今次就冇嘞。其他食物唔會有咩係好差，但又冇乜令人喜出望外嘅食品，始終選擇比較少。同埋見到個開蠔師傅咁真係影響心情影響食慾。希望之後睇到食評係有讚返有改善，如果唔係真

第一次在尚廚吃自助晚餐，但食物質素並不是五星級酒店。龍蝦肉質比較硬，松葉蟹腳好鹹，建議和沙律一起吃，生蠔味道OK，但每次只可以攞兩隻，要吃六隻便要排三次，浪費時間。第一次攞的鴨肝是焦味，第二次是正常。白切雞不夠滑，熱燻亦不多，燉湯好味😋。西冷牛扒味道一般。甜品多選擇有雞蛋仔，士多啤梨拿破崙，Häagen-Dazs雪糕。可惜沒有pancake，也沒有窩夫和栗子蛋糕。如果沒有會藉買一送一券，不會到訪。

之前食過幾次crowne plaza嘅tea buffet，覺得唔多野食，唔太impressive。今日，家姐生日，見佢又做緊discount，決定試試佢嘅dinner buffet，喜出望外！清蒸龍脷，又嫩又滑！長腳蟹、龍蝦，源源不絕！龍蝦有膏，蝦夠新鮮！有我鐘意嘅馬刀背熱食最欣賞燒豬腩肉，白切雞亦不錯。呢到出名甜點多款朱古力脆皮mousse，必食！鮮果tart夠新鮮又有小朋友最意的朱古力fountain下次再嚟試午餐！

平日午餐時間嚟試吓，估唔到星期二都咁多人，我12時15分入座，安排坐二人檯，但檯與檯之間距離坐到好近，坐得好唔舒服，坐位迫到似大家樂咁，中間得塊膠板分隔，唔覺得有咩幫助，疫情之下嚟食嘢覺得都幾唔安全。食物真係一般，沙律吧啲嘢無蓋無掩，人龍又多，樣樣都要排隊或迫人，而且依度啲人又打尖、啲鉗夾完呢樣又唔擺番好、啲嘢食夾到周圍都係、有啲醬汁仲跌晒落地下，拎咗返坐位都無乜胃口想食，我本身幾鐘意食車厘茄，依度啲車厘茄竟然一啲味都無，我平日買20元嘅車厘茄都有茄味過依度。海鮮有青口、蜆、熟蝦、即開生蠔，蝦肉有啲晦，唔新鮮。即開生蠔好啲，細細隻，食咗半打都ok。三文魚刺身夠肥厚，唔差。但係枱面嗰啲豉油到到成地都係都冇人抺，見到都唔開胃，感覺好污糟。中湯無人補給。飲品選擇少。甜品冇乜吸引，我淨係試咗件藍莓芝士蛋糕，啲芝士麻麻哋，好似拎咗出嚟好耐咁，唔好食，雞蛋仔、蛋撻，都係一般啦冇乜特別，雞蛋仔唔脆。雪糕都有好多款口味，但係唔知點解都係唔吸引，可能依度比較污糟，所以樣樣嘢都覺得食唔落咁。熟食試咗切片牛肉，太生，拎咗返去真係食唔落。炒飯，點解個炒飯可以無味。生果，西瓜完全無味，都係一樣衛生情況好差，所以

每年到咗呢個時分，老細就會請整個團隊食飯， 今年都係尚廚，中午自助餐食咗幾年，今年繼續推廣午餐有蠔，蠔鮮但較為細，有點失望。如果大家諗住食自助餐，又有蠔食，平平地都係一個好嘅選擇。其他食物，牛扒，羊扒，較為特色有尊人即做墨西哥卷，肉肉足夠，醬汁味道豐富；還有多款中餐美食可選擇。還有甜品，多款，雪糕有7～8款， 新買點有雞蛋仔，配埋啱自己口味嘅雪糕，整靚個賣相，畀我打卡開心下。仲有樣嘢好，泊車有兩個半鐘免費

小選擇，唔好食，蟹腳完左又唔補貨，蠔只有一款，仲要細隻淡味～食完仲要肚柯埋單成600蚊一個人，好唔抵～最好食就係啫喱同餐包同雪糕無服務，食完唔收碟，又唔加水，每下都要叫人埋黎，同埋同其他枱痴得太埋永無下次！

將軍澳尚廚已經嘗試過多次，對上一次應該是2～3年前了。今次因為囝囝生日，由於大部份出名好食的自助餐酒店已經滿座，所以為了就近居所，我們也只能再光顧尚廚。4日前透過 Open Rice 訂座，所有優惠已經售罄，只能用正價品嚐。7:00 到達餐廳，因疫情原因座位不多，但也只座滿了7成。食品種類一般，日本菜、海鮮、中式菜、燒物和燒味等，同過去沒變，一向如是。食物質素沒有進步，還好有涷龍蝦，生蠔，响螺，青口等海鮮坐鎮。日本壽司卷物刺身不值一提，看了也不想享用，不食也吧；沙律吧都是那些行貨涷食，我也沒有品嘗。熟食羊架、串燒、燒翠玉瓜和鷄肶菇不錯，其他熟食一般，可惜那個蒸魚塊有些鹹，原樽湯一般，沒驚喜。甜品普通，芒果布丁好明顯用粉開，沒過粉，不滑而且口感嚡脷。服務生不多，只有3-4個，有時也不知道他們去了那裡，或時而看見他們傾計，所以枱上的碗碟不是清理得及時，有時要找服務員也要左望右望，左等右等。我們慢食去到9:00 已經開始沒人，只有兩三枱食客在傾計或食甜品，其他離場客人的枱也未有清理，還有一枱食客在抱怨等了15分鐘也沒有結賬，大叫說笑是否不用付錢可以走人，服務質素.........大家明白吧。

估唔到星期日都有性價比咁高嘅tea buffet🤩環境、食物、服務都一流！完全知咩係正常嘅酒店水準· 食物少有地重質亦重量👍熟食、沙律、甜品項項都好出色！完全唔會見到有空白嘅plate fill得快又擺得整齊 定時見有高層巡🤭· 唔會要客等 即使見服務員經常換崗 但永遠會有人serve你 唔會見佢地掛住傾計 · 服務員幾勤力 收碟速度幾快 又唔會令人hard feeling· 坐得舒服之間隔夠闊 場又夠大 幾啱閒聊+食野 即使完場又唔會即刻趕客走 坐多陣去埋個廁所絕對no problem 係好彈性、好推介嘅酒店buffet場所🥰。。。🦔👉沙律4款都係(我)少見！ 生薑紫薯、涼拌茄子、野菌炒荀 絕對係另一種級數 樣貌色香美令人忍唔到每款夾少少黎試有個蛋沙律包幾推薦！好soft又暖嘅包身☺蛋沙律難得多蛋白多粟米混合得幾實 重點係蛋黃醬一啲都唔heavy! 。。。🦔👉中式點心呢個tea buffet真係年少皆宜🤓在場都有唔少老友記 好識做咁有點心提供🥠燒賣唔會過咸 咬落仲有大大粒蝦！馬拉糕稍為腍咗啲 另外個餃食唔食都得🤭旁邊仲有個自選麵檔 自由度相當大。。。🦔👉 壽司🍣壽司比我想像中的多款

每年12月24日平安夜都揀聖誕buffet，因為母親生日，順便慶祝聖誕。今年11月頭，本來想訂心儀的【JW Cafe】，點知已經waiting 到廿幾位。唯有 book年廿九，真誇張！平安夜唯有按小公主意思，要有聖誕老人及朱古力噴泉。原來沒有太多餐廳有齊兩樣。揾下揾下終於揀到間在 Crown plaza 的【尚廚 The Chef's table】。呢間其實評語麻麻，不過真係抵。有長者優惠、又有早鳥優惠，平安夜午餐 2大2老1小連加一 $1900。平平地可以感受聖誕氣氛又有得食，性價比高。 【尚廚】的自助餐評語麻麻，心中沒有太大期待，懷著聖誕心情到達。到達已經差不多坐滿食客，加上放有不少聖誕裝飾，充滿聖誕氣氛。每個客人座位上都放有聖誕面罩讓人客配戴。首先出去食物區巡一圈，海鮮區有松葉蟹腳、青口、黃金螺、白蜆、凍蝦。最驚喜是呢個價錢竟然有港人食buffet最愛的生蠔，仲要即開生蠔（上次在 TST Langham 【The Food Gallery】竟然是急凍生蠔，超級難食又失望）。這裡開蠔地方比較隱蔽不太顯眼。當然有刺身、沙律吧、前菜。中式的有即煮粉麵（自己夾想要的麵及配料再交給廚師）及