THE COFFEE ACADEMÏCS (莊士敦道)

Open Now

Now Closed

本來出街，諗住買外賣飯盒。點知行行吓就想睇吓有咩西餐好食, 於是最後揀咗呢間Cafe academics，呢度嘅環境有少少開放式，雖然地方唔係好大，但感覺唔錯幾舒服。我叫咗兩個course, 沙律+椰菜花飯+latte。呢度嘅份量唔係好大，但味道唔錯，尤其椰菜花飯對於我嚟講我覺得非常好味😋杯latte都幾好飲。份量雖然雖然唔係好大，但對於我嚟講剛剛好👍不過如果男士的話可能會唔夠飽，我估計佢哋需要選擇三個course才足夠,但係三個course埋單要二百幾蚊食一個lunch，對於我嚟講我就覺得幾貴，只會間中食一次。

中環打工人經常來的cafe☕️每天一杯外帶咖啡，早午餐我也經常來這裡～☕️咖啡豆精選arabica，豆子的品控相當可以，拉花也很贊！一杯flat white就可以治癒打工人了，還有各種特色咖啡也都很👍🥗The Academics Breakfast經典早餐！套餐可自己搭配沙拉/湯、主食、小菜、甜點，100多的性價比還不錯～滿滿一盤很健康，酸麵包很有嚼勁，配上新鮮蘑菇蔬菜🍅再用芝士bacon香腸點綴，光看顏值就讓人食慾大開～🚎窗外就是叮叮車馬路，喜歡找個靠窗位置坐下，很多人在這裡邊吃飯邊工作，很chill😌

為了一杯在尖沙咀Coffee Academics 喝過又使我念念不忘的Okinawa Coffee，今天我來了灣仔的連鎖店。 可能今天就是失望日。 這兒的咖啡沒有像尖沙咀 Coffee Academic 連鎖店的Okinawa Coffee 一樣有著又濃又厚又實的泡沫，之言咖啡上面没有那一片烤的咖啡粉，欠了些touch和 層次。凍的Okinawa coffee 更是使我失望，因為接近沒有什麼厚泡沫。我還是比較喜歡熱啲Okinawa coffee 熱飲okinawa coffee是比起一般咖啡好一些。 co原來咖啡調製師不一樣，做出來的咖啡也是不一樣。 這店不多客人不多，可惜冷氣空調也開得不是很足。 本來想吃個甜點，可惜突然在門口看到一隻反轉踢腳的大蟑螂，我決定取消訂單，喝完咖啡便離去了。 經理說下雨天這些小蟲會爬出來，但是一想到地的樣子真的吃不下。可能是地舖吧！

今日約咗人食晚飯但又未夠鐘，就入咗呢間coffee shop 坐吓飲住嘢等。環境就同Starbucks 差唔多，不過裝修就會有style啲，咁啱啲細枱full哂，就要坐大木枱，張大枱高身，相對坐得無咁舒服。唔想飲咖啡就叫咁杯English breakfast tea，見啲cake 幾靚就叫埋個伯爵茶千層蛋糕。茶就係俾茶包，所以無乜特別，千層蛋糕就唔甜，但係伯爵茶味唔出，同埋啲crepe 比較厚身，食落唔夠軟身。

第一次寫評論，因為太過離譜。三年前試過呢間cafe，印象很好，味道都好。今次同朋友一齊入咗都好期待，結果店員愛搭不理，點單態度都好差，告知我嘚需要人均消費滿70蚊才可以堂食，一杯pine espresso 62蚊，我嘚只得點一杯外賣坐外邊，一個塑膠外賣杯3蚊，感覺呢間店鋪只認一個錢字，但味道都平平無奇，實在可惜，應該永遠都會拉黑不入

💜 The Coffee Academics 📍灣仔莊士敦道35號地舖------------------------------1️⃣ 喇沙椰香鮮蝦意粉 $158推薦指數：👍🏻👍🏻👍🏻👍🏻香辣惹味 椰香味濃郁 味道不錯😍意粉幼身 彈牙 口感佳 還加入了不少炸蒜 豆卜 魚片 鮮蝦 有蒜香味😋2️⃣ 水煮蛋牛油果多士配帕馬火腿 $108推薦指數：👍🏻👍🏻👍🏻👍🏻多士香脆 舖了牛油果🥑牛油果剛熟 口感軟滑 清香 用了黑椒及鹽簡單調味🥰牛油果上還舖了雜菜沙律 有生菜 火箭菜 紅蘿蔔 白蘿蔔 小番茄 十分清新🤩還伴有檸檬 可將檸檬汁擠到沙律上😆兩片帕馬火腿 鹹香鹹香的 水煮蛋用了七味粉去調味 有創意😂惟煮得有點過熟 蛋黃差不多全熟3️⃣ 青醬大蝦薄餅 $168推薦指數：👍🏻👍🏻👍🏻👍🏻薄餅有六片🍕差不多每一片都有一隻大蝦 大蝦新鮮 爽口🦐青醬 有淡淡的香草 不會過濃 容易接受 還加入了炸過的蒜片 脆脆的 蒜香味濃 薄餅烤得香脆可口 不錯😋4️⃣ 英式早餐茶 $48推薦指數：👍🏻👍🏻英式早餐茶用茶包沖泡 茶包十分大 裝了不少茶葉 使茶味十分濃烈 濃到苦澀 難以入口 不好飲🙈-------------------

一進去就覺得有一點兒歐陸風情，因為灣仔這個地方也很多外國人，幫襯的客人也不少說外籍人士，店舖裝修得不錯，一進去本想坐窗邊位置，怎料窗邊位置是沒有冷氣的，所以怕熱的我，就進了裏面坐卡位了。吃了一個大澳風味的卡邦尼意粉，感覺很特別，有一點蝦醬和蝦米的， Crossover卡邦尼意粉，味道不錯，但是略嫌有一少少鹹。口感很好，因為蝦米的一粒粒，有咀嚼感，意粉也很煙靭。旁邊坐了一個法國人，他是從上海來的，所以他又會說普通話，又會說英語，跟他閑聊十分開心。喝了這間店舖自家製的罐裝咖啡Crossover酒，喝了一點，醉了，味道不錯的，有興趣的寶貝也推介可以嘗試一下。最後吃了一個甜品，是咖啡雪糕，本來想他是雪糕裏面有一些咖啡的味道，浸了他是咖啡和雪糕分開上的，這也好的，因為本人不太喜歡太濃烈的咖啡，分開上我可以調校適合自己的味道。

落左單之後二十分鐘先整好咖啡，咖啡味道非常之淡，甚至不如麥cafe。同埋service真係好差！！！！！！！！！！！！！！！！！！！！！！！！四個字：唔會再來。

員工服務態度非常惡劣。非常貴的cafe但服務差過茶餐廳。首先入去落order個女侍應已經冇乜招呼，一副愛理不理的樣子。到送餐的時間，男侍應把餐粗魯地摔在枱的一邊。問他為什麼這麼冇禮貌，他也只敷衍解釋然後拂袖而去。態度之惡劣，真係令人大開眼界。冇乜必要都唔好來貼錢買難受。食物：Asparagus 煮到又黑又縮氺👎🏻咖啡：一般，冇乜特別環境：人多嘈吵價錢：性價比低。午餐要200元，但份量少。連鎻cafe之中，Starbucks 同 pacific coffee都好過呢間。

Coffee academic 相信大家都唔陌生，喺香港都有好幾間嘅分店，次次行過都見到好似啲嘢食幾靚仔，所以🖤黑白配⚪️決定入去試吓睇吓佢咩料🤡牛油果雞肉蛋白多士 $148個蛋白🥚都炒得幾滑，個牛油果🥑 好新鮮好靚仔，而雞肉🍗 亦都幾嫩唔會有好鞋嘅感覺，成件事都幾健康👍🏻自家製和牛漢堡配焦糖洋蔥煎蛋$178個包皮🥯幾軟熟，咬落去都幾淋身，對比之下個和牛漢堡 🍔 就好實淨，咬落去啲肉係實，而個焦糖洋蔥煎蛋 🍳 食落去都幾香口，整體來講水準之作冇乜太大驚喜藝妓燕麥奶咖啡 $62

▫️係灣仔鬧市中有間好chill既cafe☕️ 坐窗邊位可以嘆住杯咖啡欣賞街外景色🌳 靜靜地渡過一個下午都唔錯☺️🍨 Affogato $58▫️既然普通咖啡同多球雪糕都差唔多錢💰 咁梗係揀有雪糕啦係咪先‼️ ▫️大大球雲尼拿雪糕🍨 認真望仲有雲尼拿籽🤤 唔知係咪心理作用，成日覺得有雲尼拿籽既雪糕真係香好多😍 再加入espresso，中和返咖啡既苦味真係一流🥰☕️ Steam $48▫️espresso已預先加入左糖，面層打左層超幼滑泡沫🫧 入口唔會好苦👍🏻▫️咖啡店環境好舒服寫意✨

一路都好喜歡coffee academic 嘅環境同coffee, 可以算係fans. 今朝諗住去歎下咖啡…. 順便食啲嘢… 叫咗個蟹肉意粉spaghetti Sicilians with Crab meat… 鹹到痴線… 同服務員講..佢只係話會同師傅講番就算了走咗… 完全冇follow up, 可能因為我太肚餓食了一大部分…碟野䶢到我都飲唔到杯咖啡咩味…. 希望佢哋除咗咖啡都注重下食物質數… 因為碟野都唔平的賣單$227… 不過杯咖啡dirty係ok的..

時不時會來吃午餐，因為食物味道不錯，特別喜歡佢嘅蟹肉西西里意粉。今日嚟到，蟹肉變咗蟹柳，依然收$158，餐牌亦都冇改名。我覺得好呃錢。$158個意粉你比蟹柳！同佢啲員工講，佢淨係話一個月前左右公司嘅煮法改，仲話以前不嬲都係蟹柳，淨係話會同公司反映。以後盡量都唔會再嚟。本來諗住疫情下幫襯下支持下。

前兩日經過灣仔莊士敦道呢間分店，一心諗住試下佢D咖啡，環境都好舒適，咖啡質素又高，但落單時有位女職員態度好差，想問有咩好推介，佢表現得極唔耐煩，好似想諗下都唔得咁，黎得Cafe當然想好好享受下感受下寧靜，但見佢對其他同事態度都好差，又對同事黑面，令到我感覺好唔自在，因為佢我唔想再黎，個位女職員是很高長頭髮，略胖身型的

🍫鐵板朱古力布朗尼配雪糕 $88布朗尼帶黏稠度質地厚實好有存在感！裏面加咗啲果仁碎令整體更香鐵板造型滿分但並唔保溫😂上面嘅雲尼拿雪糕好順滑比起冰感更偏向奶滑做到經典冰火交融嘅效果