The Commune

Open Now

Now Closed

臨離開香港之前的最後一餐慶祝生日飯，都係選址尖沙咀Commune。職員親切，環境乾淨，食物CP高。原來已經推出咗set lunch，主菜有埋餐湯加咖啡，比起單點更划算 。主菜煎魚配菜顏色都好繽紛，仲有個紫色嘅紫薯湯，好幼滑，啱晒依個時候飲暖粒粒。煎魚做得好好，有少少檸香，肉質嫩 。朋友點咗的松葉蟹肉意粉，個意粉濃濃的海膽汁，其實我之前食過，今次再encore 同friend share 食。有汽康普茶係本地釀製品牌，都係每次必點 。上杯咖啡竟然打咗Happy birthday，好surprise，原來friend 子早有安排，感動到了 。

幾個月前第一次嚟食，當時因為冇主食，淨係得麵包小食，只係同朋友坐低傾吓偈。幾個月後，朋友再訂呢間餐廳，話而家有得食lunch，一齊返去試吓。嚟得呢度食，個個都鍾意個海景，因為餐廳目測有八成以上嘅座位都係海景位。不過我哋都好欣賞食物嘅出品，同埋呢度嘅服務員。今次嚟試咗一個蟹意粉，一個廚師每日精選主菜Pan fried Fish。湯係一個椰菜花湯，套餐加少少錢就有埋甜品，見到好多人都讚過French Toast，我哋都點咗嚟試吓。個魚係好厚身嘅barramundi，平時西餐廳會俾啲檸檬汁，呢度冇咁樣做，反而用咗一篇鹹檸檬同埋酸豆俾啲味落去，出乎意料效果好好 。蟹肉意粉就個人覺得偏甜咗少少，不過過海膽汁係香嘅。法式多士真係值得讚，切開入邊全部都係蛋漿，而且好厚身，cinnamonSugar 很正（邪惡…）總結嚟講，唔算係一個好平嘅午餐選擇，但係食物質素同埋服務環境等配套加埋係值得同好友嚟好好享受嘅。

一直有睇小紅書介紹呢間餐廳，終於有機會試吓。餐廳地點隱蔽，但係經WhatsApp訂枱係會有人俾個路線你教你點樣行，都好容易搵到。上到去環境好靚，適逢天氣好對住個海已經加咗唔少分食物方便點咗是日精選牛面頰同埋一個蟹肉意粉。牛面頰好食😋甜品方面跟小紅書推介話一定要試吓個西多。吾錯吾錯。以呢個價錢嚟講有呢個環境同食物質素值得推介。

海景Lunch time set紫薯湯第一次飲，好濃厚…..整體上個湯幾特別，不過飲完就有啲飽😂😂Day menu, 是日菜是香煎盲曹， 配料薯仔唔夠香口…… 但盲曹黎講都算煎得唔錯🤔蝦蟹肉扁意粉，蟹味唔算好濃烈， 荀嘅口應未掌握得好好….整體上比較淡🫣🫣Mushroom 扁意粉，哩份都香口， 有啲脆粒nuts 增加咗口感上嘅層次，味道上ok, 但食到中段已經有啲油膩感😂總結，哩間餐廳$368/$328 有個set , 有soup, main , drink , 就唔係好值， 冇乜驚喜，但去下圍打卡還好😅

不要抱任何寄望於食物質素，就不會失望！1. 個湯一般2. 蟹肉意粉沒有汁，又凍曬！3. 條煎魚又腥，連source 都無4. 物非所值5. 只會去一次，不回頭如果想睇海景，建議試吓其他cafe, 除非你對食物要求低，大把錢就去試吓啦！ 😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫😫

喺尖沙咀返咗工一年，啱啱先至喺網上發現呢間餐廳！間餐廳喺Service Apartment入面，個入口非常之唔顯眼，平時行過都唔會留意到有間酒店，更何況知道有間餐廳？訂位時，店員已經主動提供咗到達餐廳嘅方法，非常貼心。三個同事一齊去食，有set lunch，包咗餐湯、主菜、飲品。同事叫咗set lunch，餐湯係紫薯湯，好襯而家聖誕節氣氛，上枱仲係非常之熱，味道香濃，值得讚！佢食咗是日廚師精選主菜，係紅酒燴牛面肉，非常之腍身，不過唔記得咗影相… 希望下次再嚟嘅時候仲有呢一個主菜啦！另外散點咗鴨胸酸種多士、三文魚沙律、Waffle、法式西多士（我見超級多人推介，忍唔住點咗兩個甜品）。全部都非常有水準，尤其是鍾意個鴨胸酸種多士，個橙cream同啲鴨肉非常之夾，帶少少酸酸地，好清新 。全程對住個無敵海景，chill 到唔想返工，最後埋單估唔到係呢個價錢！以後同事食lunch又多一個聚腳點啦！

疫情之前嚟過呢間餐廳，不過後來佢哋冇再做午餐同晚餐，就一直冇嚟。最近竟然發現餐廳重新開放午餐（雖然仍然係冇晚市），同同事lunch過去快閃食咗一餐！好開心餐廳嘅水準依然保持得好好，餐牌上面嘅嘢同以前已經截然不同，而家下晝以輕盈嘅菜式為主，例如有salad, sourdough toast、蟹肉意粉，而且素食嘅選擇比例都算多。因為得兩個人，我哋淨係叫咗一個八爪魚沙律、一個鮮橙鴨胸酸種多士、蟹肉海膽汁意粉、法式西多配雜莓。最鍾意個鴨胸多士，酸酸甜甜嘅橙cream，配搭埋慢煮嘅鴨胸肉，鮮嫩清新。八爪魚沙律用八爪魚腳啖啖肉好鮮味，配搭咗青瓜蕃茄薯仔。（不過原來有洋蔥，個人比較唔鍾意沙律有洋蔥）蟹肉意粉係用松葉蟹腳肉，意粉撈好海膽汁，好香 。甜品嘅法式多士居然有兩塊，入面係吸滿晒蛋漿加埋滿滿啲Cinnamon糖及莓，完美嘅午餐句號！最後不得不提嘅係店員嘅服務，份外覺得他們嘅細心。當日太陽有點猛，佢哋見我哋張枱曬，會主動過嚟幫我哋落簾 。同事係大肚婆，又會細心查問有冇啲乜嘢唔食得 ，有個服務生主動攞咗個咕𠱸過嚟俾佢墊腰。同店員傾偈，佢哋話好快就會推出lunch set，到時set 嘅主菜會間唔中轉

同朋友黎lunch , 點左三樣野share 完全冇諗過食物質素咁低🥲海膽松葉蟹意粉唔得，無海膽味，無汁，勁乾，乾到啲意粉黐住，同啲松葉蟹碎基本上完全分開，完全冇味。。。香橙鴨胸多士都唔得，啲橙係暖既，好奇怪，多士酸又硬，咬咗一啖放棄吃不下去。唯一剩係得薯條好食少少。環境方面，係沿路行入嚟好睇同埋比較空曠，但真係餐廳入面海景枱其實分隔好近基本同隔籬枱黐埋咁滯，今次安排我哋個座位係海景位，但係餐廳最入的一個area , 好侷促，有條柱頂住同埋全部枱堆埋一齊。。。所以最後放棄咗，寧願坐梳化位。Overall 體驗麻麻哋，冇諗過咁高質素嘅酒店入面餐廳嘅水準係咁。最後寧願坐梳化位。

三人女子組難得同一日放假，過咗海去對面尖沙咀食晏。朋友訂咗呢間最近好Hit嘅海景餐廳，聽佢講原來週末好難訂，已經訂去到十月中… 餐牌唔係好多選擇，但樣樣都好想試，最後我哋叫咗呢啲share 食：Mushroom pesto pasta呢個係素食意粉，入邊嘅菇係用大啡菇切條，唔係普通雜菌，個青醬食得出係自家製作，好香好nutty，大家都好鍾意！Wagyu beef BLT burger 我哋叫咗個七成熟嘅burger，三個女仔食都覺得好大份，steak 之外仲有煙肉加芝士，薯條都值得highlight，熱辣辣上枱真係忍唔住不停食。後來發現原來仲可以單點薯條，顛咗真係再encore多一份！Deep fried mozzarella 侍應一上枱就提我哋要即刻食，因為入邊嘅芝士仲溶緊。一咬開，啲芝士仲拉絲拉到好長，配咗一個比較厚身嘅蕃茄沙莎汁，酸酸地好夾炸物Octopus potato salad 八爪魚切粒大大粒啖啖肉，配菜有薯仔青瓜黑欖蕃茄，地中海風格比較清新，簡單調味已經好足夠Waffle with berries and camaralised banana窩夫得一塊，三個人食完到喉唔

The Commune絕對係尖沙咀黎講，私心收藏的隱世寶藏餐廳來的食物精緻價錢公道，最正係個無敵海景落地窗，下午坐係度嘆杯cafe絕對係鬧市中的超級chill time

有時去到尖沙咀musea哩一邊都諗唔到食咩餐廳朋友咁啱bookmark左哩一家餐廳當日好好天 餐廳落地大玻璃飽覽整個維港景色！而且食物價錢CP值好高，好適合veggie朋友。午餐時段有cafe style的簡餐，試左BLT和牛漢堡 ($228), 鴨胸 sourdough （$138） 兩款主菜用料、調味都非常到位，另外仲點左沙律同炸芝士，飲埋發酵汽泡茶，share來食，份量都非常generous. 下次再試下d窩夫同甜品，今次太飽食唔到。

今日係我同太太嘅周年紀念，趁小朋友返學嘅時候，我哋決定出嚟慶祝一下，享受二人世界嘅午餐。全餐廳都有落地玻璃，陽光暖和，整個氣氛特別溫馨。為咗令呢個特別嘅日子更有儀式感，我提前安排咗餐廳喺甜品上加咗支蠟燭，真係一個小驚喜！我哋打咗唔少卡，雖然好難訂位，由wait list 名單到有座，一切都係最好嘅安排！至於食物，真係令我感到非常驚喜。因為太太係素食者，所以佢叫咗一份番茄意大利青瓜意粉，份量十足，意大利面嘅口感剛好是al dente，清新健康，啱晒佢口味。而我就選咗鴨胸橙bruschetta，擺盤精緻，慢煮嘅鴨胸肉嫩滑多汁，橙子嘅酸甜恰到好處，為整道菜增添咗唔少風味。今次嘅午餐體驗非常愉快，我絕對推介呢間餐廳！食物嘅水準、服務嘅質素，無敵環境，都令我哋嘅周年紀念變得更加難忘。或者下次可以帶埋小朋友再嚟呢度！

早幾星期一見到ig有片介紹就即刻訂位啦，11:35就到咗樓下，跟住佢whatsapp嘅地圖上去，點知地下大堂已經有職員全程帶我哋上去，唔怕去錯地方，服務一流，不過其實啲lift只上10/F，又得一條路，都唔會去錯。lunch time第一張枱上去，座位安排應該係全場最好，仲有幾張breakfast time嘅枱，啲位唔係太好，會畀我哋張枱嗰邊擋住個景，十分滿意安排👍🏻食物：唔貴，質素都中上榛子朱古力朱角酥👍🏻👍🏻👍🏻👍🏻醬唔多唔少，皮少少酥，不錯丹麥法式多士配雜莓👍🏻👍🏻👍🏻👍🏻👍🏻一上枱已經好吸睛，角位炸得酥脆，粒粒砂糖亦好咬口和牛BLT漢堡配薯條👍🏻👍🏻👍🏻👍🏻包邊煎得香脆，中心軟熟，和牛普通無驚喜，薯條軟軟淋淋，自己額外加啲鹽同胡椒粉好味好多飲品：無咖啡因Latte:👍🏻👍🏻👍🏻👍🏻👍🏻香濃，飲完都係手震，唔知關唔關事凍latte👍🏻👍🏻👍🏻👍🏻👍🏻完美，唔使加糖已經好香濃滑

上次朋友仔推介 Cafe價錢 酒店級數好地方的確成個尖沙咀游客多返之後呢度係少有唔使同人迫、坐得舒服、靚景餐廳因為要嚟尖沙咀做嘢成街都係人迫人所以即刻諗起the commune一嚟到，同老公都肚餓務實地嗌咗2碟意粉2杯咖啡Pesto pasta 上菜熱辣辣，唔會好似有啲餐廳咁食完成個碟都係油淋淋蟹肉 pasta 因為自己要小心介口，所以有好詳細咁問服務員食材同煮法，服務員有唔肯定嘅地方都即刻入廚房幫我問清楚，十分helpful!

Has a great lunch at Commune recently, and it was a fantastic experience all around!One of the highlights was the sparkling tea —super refreshing and a perfect match for the meal. The duck breast toast was a fun twist on a classic, with a nice crunch and rich flavors. The waffle topped with berries was light and fluffy, drizzled with vanilla cream—it was just the right amount of sweetness. But honestly, the octopus salad was the real star; it was beautifully made and packed with flavor, really s