The French Table

Open Now

Now Closed

每個鍾意食嘢人嘅口袋裏面，都會私藏幾間喜歡嘅餐廳。這一間位於23樓的法國私房菜就係我很喜歡的😍。環境：位高23樓, 可以望見灣仔夜景。整齊又整潔嘅fine dining setting之外，還可見到店主人愛犬可愛的蹤影。氣氛：這間餐廳主要是由一對夫婦All around主理的，他們的親和力帶動著輕鬆愉悅的用餐氣氛。是現在式Fine dining ，沒有拘𧫴的禮儀，更重視客人的感受和體驗。食物：My choice: 24months Spanish hamBouillabaisse 馬賽魚湯😋Roasted Duck Leg Confit in Transitional French Style 法式焗油封鴨髀👍👍Apple Tart with Custard Sauce 蘋果撻配吉士打汁😋😘其他朋友的選擇：Pan-fried Foie Gras with Raspberry Sauce香煎鵝肝配紅桑子汁Crème Brûlée 法式焦糖燉蛋

性價比一般，如其他食評一樣同一個醬汁配菜配唔同食材， 真係好有heart 我冇影任何相，除非擺盤超靚，或者食材罕有，值唔值得見仁見智，香港好食既西餐都好多，有心既朋友可以再explore 再決定

今次行過呢間華麗得嚟又唔會攞眼嘅餐廳，一坐低已經感覺到個服務嘅質素——好過滿分！打頭陣嘅白酒、紅酒，輕輕嘅酒香夾雜海鮮盤啲鮮味，搞到成個味蕾都興奮起哂來😍。跟住係個湯，熱辣辣、滋味十足；喺味道之餘，佢嗰滿滿松露香，真係攞到分！再講講，焗鴨肶，一啖咬落去，外皮脆卜卜，肉質鬆軟，一啲都唔朔膩。至於，煎魚嗰厚實魚扒，吃落去鮮美無比，仲有股淡淡嘅海洋味道喺口腔內盤旋。肉食方面，家陣講下和牛同安格斯西冷。安格斯西冷，真係賞心樂事，大大塊肉送入口，肉汁噴香，仲要質地嫩滑，肉香四溢！因為攞到好多位食客讚口不絕，而和牛就算冇試，聽m講話都係一絕，咁下次一定要叫份來試吓！環境靜謐，攞到個私人房間，喺度談天說地真係正！總括來講，無論係場地定係食物，呢間餐廳都係搵食好去處，質素一流，適合約會或者慶祝啲特別日子。🌟🌟🌟

走高檔路線法國餐，環境一般但有一個好view可以慢慢跟朋友享受你嘅晚餐。前台服務態度友善，上餐時間非常準確。叫了一打生蠔非常新鮮，配埋自己帶來的香檳，簡直係Perfect。至於鴨肝就覺得煎得唔夠夠香，其他主菜上枱可以做到熱一些就最好。總括嚟講係一間好餐廳，還有最重要係我可以自己帶最愛的紅酒同香檳。

同屋企人想食餐好既慰勞下佢地，就緊係帶佢地試試西餐。呢間西餐廳環境有格調，座位舒適，而且服務態度一流；每一碟都可以交出水準，打卡簡直羨慕死人。今次叫左一個set，人均約$800。野菌雜菜沙律擺位精緻，食落Juicy，叫人一試難忘。蔬菜中和味道，配合得好好。兩個唔同款湯都有獨特味道，龍蝦湯味道尤其濃厚。主菜方面，虎蝦帶子意粉食落口感都唔會太乾，虎蝦大大隻，口感彈牙。鴨胸鮮嫩，配合醬汁口感豐富。叫多杯紅酒🍷成個感覺更好。整體感覺8.5/10，係一次良好西餐體驗。二人撐枱腳亦係一個好地方。就算對西餐認識唔多，侍應亦好樂意解答你問題。服務態度非常好👍🏻。

又係一間二訪既西餐廳 ☺️ 法國菜真係幾出色 價錢都好合理 夜晚黎幾有情調！重點係可以帶自己酒 BYOB 帶左啲紅酒 威士忌 勁夾！❇️ Appetizer龍蝦湯｜濃郁鮮甜，龍蝦肉鮮嫩多汁生蠔｜好新鮮, 肉質爽脆，回味無窮!香煎鵝肝配紅桑子汁｜煎得夠脆, 鵝肝味濃郁, 紅桑子汁中和膩感阿根廷紅蝦, 帶子配熱情果汁｜好清新！肉質新鮮彈牙❇️ Main法式焗油封鴨髀｜外面夠脆 入面肉質鮮嫩，口感豐富！美國頂級安格斯牛肉眼扒｜肉質鮮嫩彈牙，熟度岩岩好 入口即化！❇️ Desserts心太軟｜軟綿入口，朱古力濃郁鮮香法式焦糖燉蛋｜甜而不膩，口感滑嫩！

多年前的一次結婚紀念日在尖沙咀已經品嚐過，滿意。今次由兩人變兩大兩小回味當時的味道，田螺、蘑菇湯、油封鴨脾、心太軟、法式焦糖燉蛋，都係我地再想回味的菜式。由於我地有兩個小朋友，所以佢地係提供左兒童套餐俾我地揀，但係無可能夠主餐牌的吸引，所以我地揀左3 個大人餐。生蠔：我地先黎一個小朋友有得睇無得食的生蠔，由於其中一隻太瘦，所以佢地送多一隻俾我地，今次的生蠔大隻爽脆(除左送果隻)，吃後口腔內還有一股蠔味。頭盤：香煎田螺配蘑菇汁、香煎鵝肝配紅桑子汁、波士頓龍蝦及油甘魚伴魚子醬熱情果汁田螺份量頗多，味道很好。鵝肝面層很脆，香滑而不膩。龍蝦嫩滑。湯：雜菌湯及馬賽魚湯都算唔錯。主菜：香煎澳洲鱈魚及龍蝦、法式焗油封鴨脾、焗澳洲羊架鱈魚及龍蝦原本餐牌係配魚湯，但侍應話如果想香口的話可以唔配湯，所以變左煎，魚及龍蝦果然都香口嫩滑。油封鴨脾係愛人咁多年仲回味的菜式，皮脆得像乳豬一樣，肉實度適中，不太腍或太實。羊架要了7成熟，火候啱啱好，容易入口，帶點羊酥味。甜品：蘋果撻、心太軟、法式焦糖燉蛋甜品不太甜，心太軟的朱古力甜中帶點苦，朱古力醬配雪糕一流，燉蛋嫩滑，愛人同佢兩位前世情人都很滿意，特別係佢地第二個

疫情下半年無見，尋晚終於約齊班fd一行六人飯聚。French Table唔係第一次食，上次嘅用餐經驗好好，所以今次又再返黎。餐前兩款麵包都香軟好味，另咗除咗叫set之外，我哋仲額外加多咗個海鮮盤，有生蠔、天使蝦、帶子、螺⋯⋯全部都好新鮮，以分量同質素計價錢都算合情合理。前菜全部人叫Chef推薦嘅香煎鵝肝，我因為之前食過鵝肝想試新嘢就點咗鵝肝松露雲吞（其實都掙扎咗一陣因為佢個鵝肝真係煎到外脆內軟唔油膩），但雲吞都有啲驚喜，雲吞皮薄，鵝肝同黑松露味道又好夾；main course大家唔係食安格斯就係和牛，我就揀咗羊架，中間粉紅色生熟度恰到好處，肉嫩無筋都好加分。甜品今晚無法式糖霜所以要咗凍朱古力餅，係dark chocolate 微苦，只係食到尾到好飽lu~同班朋友一邊食一邊飲酒，最後Chef做完野仲走出嚟同我哋一齊傾偈，成晚氣氛都好開心，希望快啲約下次又一齊食好嘢。

超隱世嘅法國菜！位於樓上鋪嘅私房菜, 海鮮好出色！不過店內日頭採光唔係好影相friendly, 相信夜晚會正好多浪漫好多！同埋如果啲枱布可以燙直d就好😂🦁 Appetizer seafood platter & oyster好新鮮 超大隻！手板咁大！火腿唔記得幾多個月, 都ok🦁 Main龍蝦油甘魚腩配熱情果汁併自製鵝肝醬配多士大虎蝦伴大帶子配香檳忌廉汁 帶子少少太熟🦁 甜品凍朱古力餅配雪糕藍莓芝士餅法式蕉糖燉蛋

在香港想找一間坐得舒適，吃得滿足的餐廳真的不容易，很多餐廳也會限時，要你在限時內完成一頓晚餐。很慶幸能找到這間餐廳，無論食物質素、招呼、氣氛也十分高質，很想跟大家分享一下。😍我們是經WhatsApp 跟老闆訂座，老闆秒覆，非常有誠意，而且立即奉上餐廳的menu,給你考慮是否喜歡他們的菜餚，也不厭其煩的給我解釋menu 內的問題。😍餐廳營業時間由6:30開始，我們也太早到了，6:00就已經到達，雖然我們早了很多，老闆娘也十分友善也請我們進來，請我們可以先坐一下。😍點餐了，因為我們帶了紅酒來，所以不想喝湯，這裏點餐彈性很大，可按客人需要調節，不喝湯可轉前菜，當然，價錢是有少少不同，但十分合理。😊上菜了，每道菜水準也高😋😋，沒有令我們失望，而且每道菜也是按客人進食速度慢慢送上，十分貼心；老闆兼主廚忙完後便出來跟客人傾談，主廚十分重視對客人意見，作為客人也受寵若驚。😍非常滿足的一晚，我們會將此餐廳🍴加進我們的飯堂名單。😍

第一次嚟呢間餐廳，同朋友慶祝生日， 真係覺得超值！ 食飯想飲下酒，冇開瓶費，冇切餅🤤食物都好有驚喜， 頭盤擺得好靚，食落好fresh。另主菜鴨肶， 食過幾間呢間最好食，外脆內軟。不得不提老闆同老闆娘都好nice, 會出嚟問我哋食物質素意見，又出嚟同我朋友講生日快樂！總括食物有驚喜，同朋友過咗個好開心嘅晚上😄

朋友推介的餐廳，可能近聖誕的關係，餐廳內客人比較多，環境雖然有少少嘈但又挺有氣氛的！一行4人叫了一個細份量的海鮮盤share, 生蠔非常新鮮，中間有一款配搭了熱情果汁的帶子及龍蝦味道很清新！前菜選擇了煎鵝肝，外脆內軟分量亦頗大！另外比較多人推介龍蝦湯但個人選擇了雜菌湯，味道濃郁，亦不錯！主菜選擇了鴨髀及黑毛豬扒，鴨髀比較出色！火候控制得很好皮脆肉嫩！個人比較喜歡這類小店，有人情味，一定係三五知己聚餐嘅好地方，尤其喜歡飲酒，雖然免開瓶費但提供的decanter及酒杯也是意外的好！價錢合理，食物及服務令人滿意！

人生第一次寫食評，不善寫文章的我也要破例一次！因為餐廳老闆娘的惡劣態度，以及我哋被老闆用粗口謾罵，令我不能不寫！我一向喜歡睇openrice嘅食評去選擇餐廳，上星期五選擇咗呢間餐廳，簡直是惡夢的開始！我哋一行6人為兩位朋友慶祝生日，準備了兩個蛋糕，兩支白酒。餐廳沒有A La Carte Menu, 只有set dinner，而每個set dinner 都有甜品，但由於我哋已經有兩個蛋糕，所以問招待我哋嘅女待應可否不要甜品，佢話可以改前菜的，我哋其實都有疑問，可以改前菜咁好？！所以落單前再問多一次係咪真係可以，該女待應回應可以的。最後我哋叫咗6個set share。首先，一開始有兩籃麵包，不得不讚，麵包真係好好食，但其他菜式味道真係好一般，沒有驚喜，賣相亦一般，伴碟基本上前菜都係幾片沙律菜，主菜都係西蘭花、薯蓉。當然味道好唔好，好視乎個人口味，所以沒有什麼好投訴，我哋依然照食，唯獨個法式血鴨胸要講下，我哋基本上食咗1/4，因為好靭。但其中一度前菜真係令我十分’驚’喜! 黑松露醬炒蛋竟然有鐵絲，是我從口裏拿出來的😳，我向女待應反映，佢叫咗老闆娘過嚟，老闆娘竟然話係我哋帶來支酒個蓋嘅鐵絲，

因為臨近聖誕，當然要約下啲好友相聚。朋友推介呢間法國私房菜，一班姊妹當然冇反對，呢一間餐廳距離地鐵站只有幾分鐘，係一座商業大廈嘅23樓裏面，地方細細哋，但係坐得舒服，而且窗外嘅街景亦都開揚，對環境絕對唔會投訴，不過亦都因為地方比較細，而且今晚個場滿曬人，隔離枱講嘢又鬼咁嘈，除了我對耳有啲受苦外，大家姊妹傾計都要大聲啲；所以如果以為呢間法國餐係會有個好浪漫好靜嘅環境畀你嘅話，就絕對要考慮清楚，若果唔介意嘈到好似酒樓咁嘅，都可以接受。 最後成班姊妹每人食咗一千蚊。今晚Set Dinner 有三個畀你選擇， A) 前菜+主菜+甜品 B) 前菜+湯+主菜+甜品 C)前菜x2+湯+主菜+甜品，我哋大家都係揀咗 Set Dinner B，再加上大家都帶咗啲白酒紅酒同埋香檳，散好好享受一個晚餐。 「餐前麵包」由於仲有姊妹味道，大家有啲肚餓，又開始想飲啲酒，唯有食下啲麵包頂住肚！ 啲麵包好軟好甜好好味， 當晚啲麵包完全同啲白酒係絕配， 麵包有兩款， 一款係提子包，另一款係芝士麵包，裏面有一粒粒芝士。「香煎鵝肝配紅桑子汁」鵝肝煎得香脆金黃，入口即溶，加上配紅桑子汁，個口感令人無比興奮。本身鵝肝入口較為有

因為朋友太太同我太座生日日期只係相差7天，所以一早約定今晚一齊慶祝，朋友介紹呢度私房法國菜唔錯，所以決定一試✌️餐廳喺一間商廈23樓，地方不算大但裝修雅致舒服，今晚只有我哋4人所以變相包場，坐喺窗邊望到外邊夜晚街景，都覺得幾舒服👍今晚套餐有三個選擇，而家前菜、湯、主菜甜品等都有好多選擇，我哋決定食四道菜晚餐，每樣揀啲咁就可以同老婆試多幾款菜式😂老闆 好 nice，佢先準備好多款麵包上枱，仲特別加多每人一份法國鹅肝醬點麪包食，所以叫我地前菜唔使揀鵝肝醬配多士，咁咪差唔多送多半份前菜俾我地😂 。麵包好軟身好香，配鵝肝醬或者芝士牛油黎食非常好味😋前菜我哋分別選擇咗「阿根廷紅蝦配帶子」及「松露炒蛋配西班牙火腿」，蝦同帶子都好鮮味，配埋沙律菜同熱情果汁食，幾醒胃嘅；至於個松露炒蛋都非常香滑，西班牙火腿亦好惹味😋「龍蝦湯」同「雜菌湯」都係每款一個，兩款味道中規中矩，雖然冇乜大驚喜但仍可以接受主菜我哋揀左「法式焗油封鴨髀」及「焗澳洲羊架」，呢兩個主菜做得非常好味，特別係個法式焗鴨髀，皮焗到鬆化而肉又多汁，而羊架亦都焗到恰到好處，再加上佢嘅配菜有茄子、蕃茄及薯蓉，撈埋啲醬汁真係好夾好滿足老闆 話甜品