玉桃軒酒家 (康怡廣場) (Closed)

是夜有事往港島東走一趟，完事後就地晚膳，見到此酒樓平日晚上人客不少，決定一試。簡單點了三道小菜分享。蝦乾瑤柱浸時蔬上湯入味不過鹹，蔬菜種類豐富，沒有煮得過熟的通病，保持爽脆。滑蛋蝦仁平常不過，但仔細品嚐發現師傅的功架。蛋炒至約九成熟，不用忌廉牛奶等已做到滑蛋效果，又不太油膩。配合蔥花和結實彈牙的蝦仁，實屬上品。砵酒焗蠔煲，用上日本珍珠蠔，表面以油泡得香脆，肉身保持creamy，帶海水和金屬味，同樣功架十足。是夜打算簡單晚膳，卻有驚喜品嚐到中菜的功夫，又一證明中菜毫不樸素。

A姐話好耐無見過A媽同A爸，所以剛過去嘅星期日就係Family Day，Family Day嘅活動第一件事就梗係飲茶啦！而飲茶等位呢啲粗重嘢就梗係我M佬做㗎啦！今日我哋就去到太古康怡廣場嘅玉桃軒酒家，位唔算等得耐，反而我同A媽同A爸就等咗A姐好耐囉。不過，可以一齊飲吓茶食個包，共聚天倫都唔錯。沙嗲蒸土魷份量超多！沙爹味香濃，彈牙嘅土魷索晒沙爹味，好惹味！但更好味嘅當然係墊底嘅粉絲啦，索晒全部嘅精華，最好味。鮮蝦菜苗餃皮夠晒薄，菜苗幼嫩，口感爽脆，仲有爽口鮮蝦，口感一流。 懷舊千層糕有別於一般嘅千層糕，雖然蛋黃味幾出，不過，就無做到千層嘅效果。蟹籽蒸燒賣皇A姐飲茶點心中最愛嘅最愛就係燒賣，玉桃軒酒家嘅燒賣皇只係大點，夠晒抵食。燒賣皇入面除咗有大大粒嘅鮮蝦，仲有豬肉嘅油香，不過就未見到有蟹籽喇。玉桃晶瑩蝦餃皇皮薄晶瑩，但皮又唔易爛，好考功夫。而餡料爆多，鮮蝦彈牙，不錯！金粟香煎墨魚餅金粟香煎墨魚餅煎得脆，又唔會好油，入面仲有唔少花枝粒同金粟，相當唔錯！蜜汁叉燒滑腸粉腸粉夠滑，但最正係叉燒爆多，蜜汁味香濃。

無驚無險又到十二點😄期待咗96小時嘅星期五又到喇！咁高興嘅日子梗係要食好啲啦（eee... 小秘書日日都講呢句嘅？）🤣🤣 今日傳統啲，搵埋 #首領 去公司附近嘅「玉桃軒」食點心餐😋我今日揀「玉桃軒」，係因為呢度無其他酒樓咁迫又無咁嘈，而且點心、小食嘅選擇都比較多，間中豪吓無所謂啦👉🏻👈🏻 #小秘書就最鍾意食「玉桃軒」嘅 #瑞士雞翼 + #蜆芥鯪魚球❤️ 雞翼入味得嚟又唔會太老，而鯪魚球做得好彈牙，配埋蜆芥一齊食，特別鮮味😋 美中不足係個 #鮮人參淮山燉雞湯 上枱時唔夠熱，不過就好足料嘅，人參味好重💨💨飲落味道都唔差嘅👍🏻 我哋兩個人橫掃七個點心/小食+一個湯，飽到呢😝

話說豬仔另一半好鍾意食伊麵既 於是今晚就book左間係太古康怡廣場附近既酒家—玉桃軒 叫餸食飯太古站A2出口 轉個彎 要行層樓梯轉上去 環境都幾大幾舒服 掛有水晶吊燈 大枱細枱都有海蜇拼燻蹄前菜揀左豬仔鍾意食既既海蜇 海蜇爽口微辣 切片燻蹄配上酸辣汁 好開胃呀上湯大花蝦伊麵湯汁有淡淡既芝士味 大花蝦好大隻 有剪過好方便食用 唔洗驚被拮親上湯花膠浸菠菜幾片大大片既花膠係菠菜上面 膠質豐富 最啱貪靚既你西芹腰果牛柳粒又一樣豬仔另一半鍾意既野食 西芹牛肉（好多係晒底）1:1 牛肉肉味濃 配上黑椒粒 一啖牛肉連西芹埋單$460 包茶錢服務費 叫左咁多野都唔算貴呀 食到好飽 下次可以一大班人黎叫多啲一齊食

星期六朝早睇完早場戲 去左太古吉之島既一間酒樓 玉桃軒 飲茶。星期日即使下午茶時段都無點心優惠。人流頗多 不過環境裝修 尚算舒適 光線充足 所以都想試試幫襯，重點係好多兩人位 唔使搭臺。兩個人一共叫左幾樣點心 同燒味飯。一款點心大約要30蚊 抵唔抵食就見仁見志啦。跟住講下講下食評。燒肉飯 ：燒腩位 尚算脆口 肉質唔會太硬太鞋。中規中矩。豆豉蒸排骨： 蒸得幾好，肉質嫩滑，唔會過老，底下有芋頭墊住都幾入味。值得推薦。👍🏻沙爹蒸土魷：沙爹味一般。偏淡味。魷魚算大件。普普通通。👌🏻薑蔥蒸栢葉：多薑蔥。好入味。但油太多 食落有少少膩口，件頭少。尚可👌🏻燒賣：相賣已經麻麻。豬肉蒸得過老。無蝦味，豬肉唔香。最唔抵食。30蚊一籠同人地十幾蚊貨色相近。🙅🏻北菰棉花雞：雞同棉花份量ok, 略嫌我至愛ge北菰太小😅灌湯餃 ：餃皮厚度適中。餡內有冬菇粒豬肉蝦粒。味道一般唔算出色。上湯味道清淡，似清湯多過上湯。🙅🏻整體而言 價格偏貴 食材用料一般，但環境算是舒適 兩人不用搭臺 。如果對食物沒有太高要求的 算是個嘆茶好地方。

好友快要誕下第二胎，所以趁她未生產前，在她的家附近吃飯聚舊。雖然好友懷孕，但也不能吃得過飽，所以我們只點了三個小菜及一碗白飯，一同分享吃。首先有沙薑走地雞半隻，這半隻的份量可真不少，雞件也甚是大件。走地雞的肉質一點也不韌，尚算滑溜，最重要是皮下脂肪不多，可以吃得放心。想不到滑蛋炒蝦仁是如此的大碟。炒蛋厚厚而嫩滑，而每一隻蝦仁也是又大又爽彈，大愛它。菜遠炒牛肉是一道十分普通的小菜，吃過有些餐廳的出品更是馬虎了事，但面前這碟卻不是求求祈祈。牛肉片炒得剛熟，肉質細緻軟腍。而鋪在其底下的菜心，亦是新鮮爽脆的貨式。可見得這碟普通的小菜做得絕不馬虎哩。

今日難得放假，陪媽咪約婆婆去飲茶，婆婆行動不便就近近地去左附近間玉桃軒飲茶。這裏裝修華麗，地方很大，枱與枱都有空間，坐得好舒服😌點心分類得好清楚，容易選擇，容易選擇。叉燒腸粉咬開皮薄,叉燒份量適中，不會太肥或太瘦😋😋😋鬆脆鮮蛋撻仔-熱辣辣酥皮好香好脆,雞蛋甜甜地蛋味濃郁豆沙煎軟餅-好適合婆婆食，皮身軟綿綿容易咬開蟹籽蒸燒賣王-燒賣脹卜卜，鮮蝦爽脆鮮甜，配少少辣醬食，好好味。鮮蝦酸甜炸雲吞，雲吞炸得脆卜卜,配酸甜醬，食唔停，每次飲茶叫的點心。招牌瑞士雞翼，雞翼煮得好淋好入味甜甜地，食到舔舔脷

終於等到十號風球變三號風球，出面風平浪靜，諗都唔諗即刻走落去樓下玉桃軒飲茶。雖然酒樓入面坐滿人，好彩等了二十分鐘左右就有位因為太肚餓，見到張點心紙就樣樣都想食😋午市優惠-甜醋豬腳薑，店員棒來時候，一打開出晒煙熱辣辣，好好味，酸酸甜甜唔會太辣，豬腳好淋好入味。薑蔥牛栢業-食落一d都吾un,連埋配菜一齊食，口感一流👍小籠包，即叫即蒸，皮薄多汁，咬落去湯汁流晒出黎😍高湯海皇灌湯餃，呢個係媽咪至愛,上湯鮮甜無比，餡料豐富再加入小小紅醋，已經食吾停😋😋😋瑤柱蛋黃珍珠雞，平時食珍珠雞通常都食淨d飯，今次呢隻有埋蛋黃，蛋黃又香又咸配埋糯米飯，全部食晒食到😋😋脷

星期五終於有時間同坐返食餐飯，去咗附近嘅玉桃軒食午餐叫咗生炒排骨阿媽最愛佢嘅汁酸酸甜甜好開胃，而且食多幾舊都唔會肥膩，而且排骨炸粉夠薄，食落去好鬆脆燒腩仔燒腩仔真係有五層肉，肥瘦分布非常之平均，外皮超鬆脆，食落口「惡惡聲」係度既燒味做得真不知錯小籠包喺度小籠包即叫即蒸，所以等候嘅時間都會較長，但係你會好覺得值得一試， 因為小籠包包住湯汁係滿滿的干燒伊麵喺度食炒粉麵飯好有獲氣，乾燒依面吸晒醬汁味道而且炒到乾身，好好味

玉桃軒酒家是我妹妹的飯堂，她是這裡的常客，今天我來她的家作客，她便做東請客，帶我到玉桃軒吃晚飯啊妹妹點了玉桃軒的主打菜式，花膠螺頭燉北菇湯，及花膠扣鵝掌，也點了欖菜四季豆炒龍利球，及鮑汁鮮蝦荷葉飯。花膠螺頭燉北菇湯清甜用料足，花膠及北菇也很有𡁻口，火候很夠。花膠扣鵝掌的花膠，比想像中厚身，鵝掌入味。炒龍利夠爽口，四季豆用欖菜炒，很有家鄕風味，而荷葉飯一上枱時，已傳來陣陣飯香，美味非常。妹妹真沒有介紹錯啊

是晚和友人相約在公司附近進餐，我選了這經典中菜餐館。之前在此飲過茶，食晚飯還是第一次呢！餐廳內部是特別的長方形，都有唔少枱。友人先到，點了壽眉。我都係第一次係呢度飲壽眉，唔會太濃，都幾好。兩個人難啲點菜，我最近好想吃咕嚕肉，所以點了一道咕嚕黑豚肉，再點了個做緊特價既大蝦伊麵，另加一碟菜。脆米咕嚕黑豚肉，第一次見脆米加入咕嚕肉，吃下更香脆可口呢！肉塊比較細塊，我個人吃不出黑豚肉和普通豬肉的分別。咕嚕肉夠鑊氣，吃下肉質都係瘦肉，味道很好。大蝦伊麵有四隻蝦大大隻，已開邊除肚。伊麵份量亦剛剛好足夠，兩人分吃剛剛好。大蝦都幾大隻，而且充滿彈性。我吃了一隻，友人肚餓我俾多隻佢食。最後仲有個魚腐浸津白。個湯係上湯，都幾清甜，我就咁飲左唔少呢！我都係第一次食球狀既魚腐，味道似乎比平時既魚腐有彈性呢！入面亦有唔津白，夠曬健康。兩個人好快就食完飯，然後各自早啲返屋企休息。

今次去到太古食中菜之前都有聽過下呢間酒樓，但係試就係第一次環境唔錯，幾寬敞，侍應都好友善片皮鴨 ($228)今次為片皮鴨而黎，果然不負眾望好食！啲皮片得好好 冇肥膏淨 鴨又烤得乾身 食落唔會好肥膩 其實都片得幾多鴨皮 而每塊都幾大 好滿足而皮同肉個份量又夾得好 食完呢個仲食到其他餸生菜片鴨崧反而偏鹹 食一兩啖就唔太有興趣花膠滑雞煲 都頗大 有四塊花膠左右 唔會太淋 都幾入味 雖然$188 本來預計會大少少另外鎮江醋排骨都值得提 因為個汁同肉質都好出色肉不太硬 又唔覺得係鬆肉粉整出黎嘅個汁因個人喜好甜多過酸，所以係咁用黎撈飯

今日收工陪媽媽去太古行街，咁就揀一間坐得舒服的酒樓食晚飯吧。曾經去過銅鑼灣的玉桃軒食晚飯，媽媽很喜歡，所以今晚試試太古康怡間玉桃軒吧。首先叫了一鴨2食：“北京片皮鴨” 及 “涼瓜炆鴨”北京片皮鴨，好大碟呢！每人都可以食到幾塊，而且D鴨肉同皮又唔會韌，好食！涼瓜炆鴨，涼瓜唔苦又爽口，而炆鴨好惹味，伴飯一流。芥蘭炒牛肉，牛肉一D都唔韌，而且牛肉很多。鮑汁鮮蝦荷葉飯，荷葉飯好多時都好咸，但呢個荷葉飯唔會咸。花膠滑雞煲，呢煲花膠滑雞煲不得了！花膠好大塊，4個人每人都食到一塊；而且雞真的好滑，好出色！媽媽對呢餐都好滿意，話下次要再來。

本身無咩留意過酒樓，純粹見到玉桃軒呢度有片皮鴨食，而我又有朋友一路想食片皮鴨，我返工又近太古喎，所以就約咗嚟呢到食片皮鴨喇～唔知係太耐無食過片皮鴨定係佢真係好好味嘅關係，呢餐飯真係令我喜出望外！除咗片皮鴨之外，呢到嘅其他嘢，無論係食物、環境、服務，都令我哋好滿意！門面已經唔錯啦～入面好大，好多座位。而且地方整潔，又夠光猛，成個感覺都好好。而且雖然係星期一-四，都好多人，我哋入咗之後都一路有客入首先就講下主角片皮鴨啦～首先嚟嘅係kum住蓋嘅餅皮，已經令人好期待片皮鴨快啲上枱可以包嚟食！師傅會喺側邊熟練咁將鴨片薄薄咁片出嚟！老京城片皮鴨（$228）片好嘅片皮鴨食得嚕～師傅擺碟擺得好靚，令人胃口大增！鴨肉配上青瓜同京葱，加上甜面醬，就可以包起食喇！鴨肉肥瘦適中，外皮上面仲留有少少好香嘅鴨油～片得唔厚，每片都係有皮有肉，口感豐富～比較可惜嘅一點就係配料冇得免費添！生菜包鴨崧（$68）加68蚊就有二食～可以揀生菜包鴨崧／涼瓜炆鴨件～炒鴨崧炒得惹味，加入唔同配料點綴，增加口感三色蛋泡時蔬（$88）白菜仔泡得好淋好入味鎮江香醋排骨煲（$98）不嬲都好鍾意食鎮江排骨，嚟到呢度都叫咗個嚟送飯～呢度都整得

每次同媽媽食晚餐,媽媽總愛選擇到酒樓,今晚揀了玉桃軒,這裏裝修很新,地方夠大及光猛望到個餐牌,除了一般小菜,還有多款花膠菜式。女人梗係要補下啦,叫咗個花膠湯,花膠海皇煲同鎮江醋排骨煲花膠螺頭燉北菰湯雖然只是68元,湯很清潤,清甜,很香花菰味,而且用料十足,有花膠,金華火腿,雞,花菰,螺頭,瘦肉粒,杞子。花膠都好大件，燉到已經好林,花菰好厚身,啖啖肉,一盅已感覺好滿足。之後再送上花膠海皇煲 這個小菜是部長推介的,果然好正。有魚片,尤魚,蝦,花膠,菜,冬菰。這道小菜花膠數量更多,有4,5件之多,件件有番咁上,下大小。食完後,口裏充滿膠質,正。蝦都彈牙,冬菰炆到好林,魚片同尤魚都大大件,煮到林林的,用了生菜做底,吸收晒花膠,冬菰的味道,好好味。138元好抵食鎮江醋排骨煲 好大煲,好多排骨,用咗洋葱做配菜,令到排骨更加香。排骨酸酸甜甜,每件都大件,但煮得好林,易食,而且好開胃,還叫咗一個飯。雖然得我同媽媽,但都食得晒。