玉桃軒酒家 (康怡廣場) (Closed)

This is a very good chinese restaurant. The food here is a bit pricy bit it really worth it. The staff here is very nice and helpful. I hope I can visit it again next time. I would recommend it to my friend and family. The tea here is very good......

係太古放工後同朋友2人 到附近既餐廳食飯之前有試過係玉桃軒飲茶食點心 覺得唔錯 今次就試下佢既晚餐每枱可以選擇一樣優惠 我地就揀左$228 一隻片皮鴨同埋正價餐牌既上湯蝦球伊麵其實玉桃軒既激抵晚膳三寶都幾抵食但由於抵擋唔住片皮鴨既吸引最後都係揀左片皮鴨😋😋😋隻片皮鴨果然冇令我地失望❤️❤️一開始餐廳會推隻片皮鴨出黎 係枱附近切 片皮鴨份量多之餘 個皮仲要好脆鴨肉嫩滑 juicy!上湯蝦球伊麵份量都好多蝦好彈牙👍🏻最後2個人最後食到勁飽 好滿足😋

又龍蝦又有石班平日都只係$688，所以就叫黎試下呢個湯羹主要有豆腐、帶子等等，湯品非常清甜解渴我地就揀左兩個比較健康既小菜主角上湯焗波士頓龍蝦黎啦，原隻斬件，咬落啖啖龍蝦肉，肉質非常鮮味，肉身食落口感更彈牙。而伊麵底更值一讚，麵身超彈牙，加上索哂上湯龍蝦味，食落沒有太黏感覺，味道、口感都超滿足。呢度蒸魚時間岩岩好，冇蒸過籠，魚好滑身，加上鮮味豉油配搭，食到停唔到口。包帶有鹹蛋黃香味，而且係非常流心，所以各位食既時候小心爆汁

食晏时候，好食嘅餐廳永遠係人滿為患，一位難求。難得手頭上工作做完，同事建議去飲茶可以坐耐啲，輕鬆一下。來到康怡廣場M/F玉桃軒，12點半左右已差唔多滿座。海蜇拼鴨舌$58同學鍾意嘅海蜇爽脆，鴨舌鹵得好入味👍芋絲鮮蝦春卷$29第一次嘗試芋絲春卷，外皮酥脆、芋頭香同鮮蝦都好夾喎！推薦👍😋蟹籽蒸燒買皇$29燒買皇肉質爽彈保持水準👍薑蔥牛柏葉$29爽脆牛柏葉好惹味，無食粉嘅氣味。XO醬炒腸粉$48香辣XO醬炒到腸粉軟熟入味！好香啊，食到停唔到口。😋👍原來晚飯時間嘅龍蝦餐同片皮鴨都抵食，下次晚上來試下。😍😋

今天到了康怡探朋友，於是便到了康怡廣場玉桃軒酒家先食個午餐！我們12.30pm左右到了酒樓，等了一會兒，就有枱了。酒樓的内龍頗大的，桌與桌之間的空間也很多，適合有小朋友的家庭聚會呢！我們點了一些點心和小食：蟹籽蒸燒賣皇，沙律名蝦角，鳳梨叉燒酥，椒鹽脆皮金磚豆腐和黑椒牛崧乾炒烏冬。蟹籽蒸燒賣皇的蝦和豬肉很均匀，不會有太多肥肉；沙律名蝦角不是很多酒樓有得食，這裏的沙律名蝦角很香脆，蝦肉彈牙；鳳梨叉燒酥是推介款式，這是我第一次食到有鳳梨的叉燒酥，很特別，中和一下酥皮的肥膩。小食椒鹽脆皮金磚豆腐很惹味，一粒一粒往嘴巴送，外脆内軟。黑椒牛崧乾炒烏冬的分量真的是十分大，濃濃的黑椒味，熱騰騰的端上，一個人食了3大碗呢！

2019年4月24日 星期三今日係復活節假最後一日假期，晏晝去完烹飪班之後，夜晚就會合埋女朋友同埋佢嘅屋企人一齊去到酒樓食飯平日夜晚來講呢間酒樓都算好多人，不過勝在地方夠大，所以唔算太迫我地點左呢個燉湯龍蝦套餐，都不過係$688，好似幾抵咁一黎到就已經係上湯焗龍蝦伊麵，份量好大，有好多龍蝦，鋪滿晒成個碟。餐廳已經整碎左一部分既殼，所以食起黎都算方便。龍蝦好彈牙，d肉有咬口得黎又唔霉，而且蝦肉食極都仲有，4個人都食唔晒~~之後有生根海皇豆腐煲，裏邊有好多款唔同嘅海鮮，包括魷魚、蝦、甚至石斑都有，食落去好惹味，而其中豆腐同山根吸收晒成個煲嘅醬汁，所以好入味呢個係xo醬珍菌爆花姿，有幾款唔同嘅菇菌炒埋花姿片，一齊食口感好豐富。花姿片好爽口，配合xo醬完全係最佳組合，惹味得來又帶出海鮮嘅鮮味最後係清蒸石斑，條魚都算幾大條，但係一啲都唔老，蒸得啱啱好，食落去好嫩滑四個成年人都食唔晒啲嘢食，因為每碟嘅份量實在係太大碟，下次可以再試吓其他菜式

24/4/2019 @太古玉桃軒今日同屋企人去到太古，想搵間酒樓食飯就入咗去玉桃軒，貪佢近地鐵站😂門口見到有套餐好似幾抵， 得餸冇飯，正合我們心意！好快即上的是燉湯，響螺蟲草花竹絲雞湯， 燉湯非常之濃沃好鮮甜，而且非常之清，一滴油都冇！ 飲得出非常足料， 無味精連湯渣都好食小菜我們點了xo醬珍菌爆花姿， xo醬味唔算好岀，珍菌有雞髀菇秀珍菇， 花姿片爽脆西芹鮮甜另外還有生根海皇豆腐煲， 豆腐煲都算足料，有好多豆腐和鮮魷，仲有蝦仁，味道有點像八珍豆腐煲上湯焗波士頓龍蝦伴伊麵， 龍蝦肉爽口，唔算好大隻但都幾好食清蒸海石斑， 鮮甜十分豐富 坐得舒適特別值得一讚的是餐廳上菜非常之快

今次 主要係讚揚各茶樓職員的服務態度，他們做事很懂得分工合作，無論是上菜姐姐、收拾用具、入單或其他各層面的員工，也都很有禮貌、很用心去招待客人。食物方面 ，點心有水準好味道、出菜速度也快。整體給人吃得開心満意

今日跟家人去太古城行街，家人突然想飲茶，就見康怡廣場有間玉桃軒，就決定上去醫醫肚，休息一下， 酒家面積算很大，而且內裡很裝修都很新， 時間大約12點，不是太多人，酒樓有電視可以睇，點心紙上寫上早茶及下午茶有75折優惠，但可惜現在是12點正價時段。點心紙有各式各樣的點心、炒粉麵和套餐，我們點了香片、高湯鮮竹卷、古法馬拉糕、南翔鮮肉小籠包、醬汁豆豉蒸鳳爪、北菇蒸棉花雞、甜心流沙包、五香鹹水角、蜜汁叉燒腸粉。高湯鮮竹卷 - 鮮竹卷被上湯浸著吸收了上湯味道，好滋味古法馬拉糕 - 每次到茶樓必點點心之一，沒有令我失望， 鬆軟、香甜、價錢只計小點南翔鮮肉小籠包 - 個人覺得略蒸得太耐，但都OK醬汁豆豉蒸鳳爪 - 红香酥軟，一吮即脫骨，再加上多款醬料非常入味甜心流沙包 - 配以大量牛油為液體餡料，以鹹鴨蛋黃碎為沙，熱噴噴，非常多餡料，真的非常好味。蜜汁叉燒腸粉 - 醬汁香氣襯托出叉燒的鹹甜肉汁及腸粉的特殊米製口感，正。總評：整體食物高質，服務也很好，比起其它酒家，這間人手充足。

兩個女士去飲茶最頭痛，叫點心多又怕吃不完，只叫兩三款又不滿足。最終叫了兩位用午市商務套餐（$168），既有點心，又有老火湯、燒味、蔬菜和一個自選粉、麵或飯；既可嚐不同的食物，份量亦不多不少。另外散叫了一籠很久已沒吃的义燒飽。~豐料老火湯老火湯火喉十足，材料有西洋菜、鴨腎、豬肉和豬骨，味道濃郁，但又不會過鹹。湯渣不用沾豉油也可入口，西洋菜和豬肉煲到腍滑，很滋味。~雙式點心春卷餡料豐富仍炸得脆口，一點也不油。沾醋來吃，味道更好。蝦餃皮薄餡爽，味道討人。~蜜汁叉燒皇微焦的叉燒有蜜味，又爽脆。加上現在很少酒樓會用的黃豆伴碟，有𡁻口又入味，為叉燒皇增添了不少色彩。~瑤柱肉崧浸時蔬小白菜浸在瑤柱肉崧湯內，吃起來既清又吸收到湯的精華，配合得非常得宜。~豉椒雞球炒河二人份量的炒河不會吃不完。惹味豆豉炒甜青紅椒洋蔥，雞片炒得滑溜。不消一會兒，我們已把炒河吃光。~蠔皇叉燒包（散叫）久違了的叉燒飽輸不了，餡料十足之餘，飽皮亦做得很好。今天的午餐可嚐到多種的食物，感覺滿足。

難得閒日放假, 訓到自然醒, 就同家中老人行下街, 飲下中午茶,行完吉之島, 最就腳梗係去玉桃軒, 最緊要坐得舒服雖然都算早黎到, 但已經好多人....先嗌一碟蝦腸, 老人家鐘意食腸粉入面D 蝦幾爽口, 夠大粒, 唔錯第一次見咁樣O既炸蓮偶餅, 又真係估佢唔到外面是炸得很脆, 入面都食到粒粒蓮偶唔小心嗌錯的XO 醬炒腸粉...攪到好多腸粉TIM...辣辣地, 幾香口,不過老人家覺得太辣....唯有叫佢食返蝦腸最後炒烏冬一碟...嗌完先覺得太多粉面類了!應該嗌多兩籠點心, 嗌少個粉不過個烏冬炒得幾有獲氣比自己係屋企炒好得多了

今日去咗康怡廣場入邊嘅玉桃軒飲茶，地點非常方便，太古港鐵站一出就到，非常易搵紅燒BB鴿 - 外表炸得非常咁香脆，肉質又好嫩滑，非常好食南翔鮮肉小籠包 - 一籠四件嘅小籠包，裏面有豐富嘅肉汁，非常好味甜心流沙包 - 去飲茶必食嘅流沙包，今次食到嘅流沙包非常出色，蛋黃好似岩漿咁流出嚟蒜香脆皮鮮蝦餃 - 旌旗蝦餃就食得多，今次食到嘅蝦餃係外皮炸得非常香脆嘅，感覺好新鮮金粟香煎墨魚餅 - 煎得香脆嘅墨魚餅入邊有粒粒嘅粟米，食落又香又甜瑤柱蛋黃珍珠雞 - 足料嘅珍珠雞入邊有非常甘香嘅蛋黃，非常好味雪花沙翁球 - 依家去飲茶好難見到有沙球，今次見到，點都要叫黎試吓玉桃軒嘅點心非常多選擇，如果大家對選擇有困難，佢都有提供唔同嘅午市套餐可以比大家選擇

久唔久我都會去酒樓食吓飯，宜家喺酒樓食飯平食，2個人埋單都差唔多都要成$600,今日俾我見到太古呢間酒樓，竟然用3百零蚊就可以食蒸海斑，燒脆皮雞，仲可以揀多個小炒。平嘅仲有呢啲，不過得兩丁友食唔到咁多。可以嘅過下次要試下個片皮鴨。可以提早帶媽媽嚟食鮑翅隻雞size都唔細，啲皮炸到脆卜卜，脂肪唔多。超多肉汁，雞味都算濃。清蒸海斑，都有成十三，四兩重，食落滑口，一啲都唔醒。小食有成10幾款揀，我就叫咗個生炒咕嚕肉，鑊氣非常足，食落酸酸甜甜，味道啱啱好。外脆肉嫩。

難得平日放假，當然同家人去飲茶啦！今次又來玉桃軒，因為坐得舒適之餘，環境寧靜，可以同家人傾談一下，而且味道又不錯呢！流沙奶黃包每次必點之一，甜而不膩,味道甜甜鹹鹹的，吃時要小心內裡的流沙燙咀呢！玉桃晶瑩蝦餃皇蝦餃皮晶瑩通透，通透的澄皮裡有彈牙的草蝦，皮薄又滑，餡香甜美。金菇牛肉滑腸粉皮薄又軟滑，牛肉又香又滑，加上甜豉油，更加惹味。瑤柱蛋黃珍珠雞餡料豐富，糯米口感極佳，入口時還有陣陣荷葉香氣，大小適中，不用怕吃得太飽滯呢！金粟香煎墨魚餅墨魚滑打得夠彈牙，加入了粟米，讓口感更豐富。而且墨魚底部還有蛋餅，入口很香啊！蜂巢荔芋角蜂巢般的外形，入口有芋頭的香味及豬肉的內餡，口感酥酥的，這道菜的作功相當繁複，當然要試啦。懷舊芝麻卷近年已經很少地方可以吃到，所以又是必吃系列之一。入口有芝麻的香味，每層都很薄，爽口又軟滑，而且不會太甜，很合我的口味呢！

吃得多不同國家的菜，有時候會掛念中國各地特色菜。今天想吃很久沒吃的片皮鴨，故特意到有名吃片皮鴨的酒家，玉桃軒懷緬一下。我們點了一隻片皮鴨。不久，店員把熱烘烘的片皮鴨放在手推車上，推到我們枱前。然後就施展功架，薄薄的，逐片切下來，皮脆肉嫩，配上熱的麵皮，包著韭黃，京式甜醬，美味無比，真的忍不住口，吃了半隻鴨。豬頸肉炒尖椒，豬頸肉爽口，尖椒微辣，配上白飯，十分開胃。晚市時間，可以慢慢坐下，喝茶聊天，真是寫意。